淥鼎記

營業中

休息中

一次過滿足我三個願望，酸菜魚，刺身，然後再打邊爐🙊 $348真心抵，可以由5:30食到10點添🤪🤪酸菜魚，魚肉夠滑夠大件，配菜亦都多，叫咗小辣但係覺得唔係好辣。刺身，中規中矩。打邊爐，咗花膠美人鍋，花膠份量都多，但湯底覺得一般，唔係好濃味嗰隻。不過第一次去打邊爐有純音樂聽😆我覺得可以加分，因為好relax我哋有BB，職員好細心，留意到BB，仲提我哋有啲乜嘢啱BB食今次趕時間食咗兩個鐘就走，可以在encore，下次要食耐啲

記得係大陸去過一間叫祿鼎記既餐廳食酸菜魚…好好味…咁啱早排朋友同我講話香港都有間叫淥鼎記…火鍋放題形式…仲話野食唔錯…可能個名既關系…引到我同班朋友黎試下到步見到門口有對舞獅頭…幾特別…入到去見到都好多人食緊野…估計野食應該唔錯同班朋友坐低後…有ABC餐揀…主要係海鮮種類多少…而C餐就多左個刺身拼盤同牛小排！最後大家話食豪D就揀左C餐之後店員詳細解釋成個流程…首先食餐前小食…再食刺身…之後就雞煲或者酸菜魚二選一…之後再揀鍋底打邊爐…中庭位置仲有其他自取火鍋配料同飲品…聽到都知多野食話咁快就有餐前小食…我地有鮑汁扣雞腳…泡椒雞翼尖同埋鹽酥雞…唔好諗住放題既小食會好求其…3樣都好好味…雞腳炆到入哂味…個汁好香濃…雞腳一妹就搞掂😍…泡椒雞翼尖…帶微辣(如果再辣d仲惹味)…皮脆…鹽酥雞即炸…熱辣辣…好味食完小食就到食刺身…有三文魚…蝦…帶子…鮑魚…仲有一款白魚(唔記得問乜魚…)…一睇個樣就知新鮮…尤其款白魚…覺得好似擦左少少黑松露咁好鬼香…可惜個餐只包一盤…唔係實encore食完刺身…店員過黎問想食雞煲定酸菜魚…見好多放題都無酸菜魚揀…加上店員話酸菜魚好味…咁就試下佢啦…盤酸菜魚到時真係嘩一聲

平時去亞太中心都係食5樓嘅放題，今次就試吓新野，去咗淥鼎記！訂枱嘅時候職員非常之好，話我地唔需要網上買優惠券，現場like Facebook同埋share Post就可以有八八折！🥃一去到見到個飲品櫃，發現左好特別嘅健康飲品，例如羅漢果茶、竹蔗茅根同埋白桃烏龍茶等等！然後職員都好細心咁同我地解釋係要順時針咁樣食菜單上面嘅食物。🥘首先就有前菜，然後就有刺身，最抵食係個雞煲！有得任食之餘，聞到隔離枱已經覺得非常之香，食落就更加香同埋更加辣！之後同朋友再refill要唔辣嘅，點知原來唔辣嘅都非常之好味！🤤其實食到呢度已經飽飽地，所以建議都係唔好任食雞煲，留返個肚繼續食接住落嚟嘅嘢食！🍲之後就揀咗花膠美人鍋，湯底好濃，雖然任食嘅火鍋配料唔會有太大嘅驚喜，但係附送嘅牛小排同埋海鮮拼盤非常值得推介！🥩牛小排係用一個非常特別嘅牛嘅盤裝住，非常適合打卡！📸 🍤而海鮮拼盤嘅海鮮係會跟人頭計，所以唔使擔心唔夠食。海鮮非常新鮮，唔單止有唔同種類嘅貝類，仲有識跳嘅蝦！🤤🤤🤤🤤🤤我哋成班朋友都食得非常之盡興！👨🏻‍🍳服務亦都非常之好，侍應哥哥仲話我哋嘅like係佢哋進步嘅動力😂😂😂😂😂。環境都非常之有中國風整體

呢間餐廳幾出名，因為可以同時食刺身、海鮮、火鍋、雞煲等，今晚同朋友嚟試吓幾款小食好健康，最喜歡淮山同秋葵刺身好出色同新鮮他夠大隻帶子鮮甜雞煲夠惹味，可以揀小辣湯底揀咗麻辣，夠刺激手打四寶丸，最喜歡墨魚丸同蝦丸，夠彈牙牛小排好出色，薄薄嘅肉好爽嫩海鮮拼盤好新鮮，有生蠔、蚌、鮮蝦、鮑魚，係平時貴價的火鍋配料，今次難得一嚐，好滋味花膠雞湯夠晒清甜滋補，可以平衡麻辣火鍋嘅辛辣飲品任飲，低糖豆漿充滿豆味，竹庶茅根水好清甜，仲有冷泡烏龍茶等等甜品亦好特別，用乾冰製造煙霧，其實係黑糖西瓜葡萄乾等配料形成嘅啫喱，照騙一流員工服務好，食物質素高，性價比超值

第一次來這裡食（8個人）1. （入座）只係等位，明明已經預約，但都等左至少半小時以上（不過係新開的，這點可以原諒），不過你會見到門口的姐姐仔不停走黎走去，而且一離開就至少5分鐘，客人都一堆站門口無人理，都幾混亂下（應該人手不足啦）2.（食物）餐牌寫就寫火鍋配料20多款，但中間係完全無肉！無肉！！無肉！！！肉可能只係午餐肉或者係各類肉丸餃子，你想食牛肉只有一開始附送的一碟牛小排或者雞煲（雞煲就有個好少少，就是可以任你加，一份唔夠可以再加），要肥牛，滑雞，鮮牛肉，豬腩片都係無的，只不過距地的前菜，同湯底都不錯3.（服務）明顯你會feel到分開左幾個區域，而每個區域都有一個人負責，但當繁忙時間或者人開始多了，會容易出現超過5分鐘以上都無人理，就算其他人見到，都唔一定會理會你甚至扮見唔到，好幾次面相我而我在招手的時候，果位員工係選擇無視扮睇唔到或者直接快速甘走開，我會覺得，你至少應左我，話一陣叫同事過來幫你，個感覺會好過你直接無視扮見唔到囖

我們一家，最喜歡十下十下打邊爐！尤其是爸爸最喜歡食牛及海鮮！上網見到呢間火鍋店幾抵食多款選擇某些款是任食的就book了dinner! 養生火鍋店黎講最好就係無時限，最buy! 點選了花膠鮮雞美人鍋作湯底，跟套餐的還有江南八小碟、美國雪花牛小排、金牌手工丸、直送原條時令魚刺身、海鮮拼盤及賣相美的的宮廷美點等等！個人特別喜歡個湯㡳雞味濃花膠養顏、牛小排及海鮮大拼盤！湯㡳內有養顏💕真花膠係入面，牛肉鮮嫩肥瘦適中而海鮮盤亦有豐富食材，好夠份量！滿足的又食到好飽的一餐😋任點任食的款都算多美國雪花牛小排肉質鮮嫩不肥膩魚刺身 正！海鮮大拼盤每款都很新鮮，魚也很滑美人鍋湯底有真花膠八款小食味道稍濃金牌手工丸賣相精緻這個甜品太美了

天氣乍暖還寒，襯天氣還未回暖，當然要吃火鍋。淥鼎記雖然是一間無限時任食火鍋，但無論食物質素或服務都非常不錯，所以即使開業不久，都客似雲來。＊＊＊＊＊＊＊＊＊＊＊＊＊＊淥鼎記店面挺大，座位都不會太迫，坐得挺舒服。淥鼎記的御膳火鍋十二宮套餐，$335/位，如果有下載Openrice的優惠券，還低至$299/位，而且連星期五都可以用。套餐包括江南八小碟、魚刺身、任食麻辣雞煲、海鮮拼盤、牛小排、御飯、甜品、飲品任飲和任點火鍋料，其實即使沒有任點，套餐所包含的食物基本上都很難吃得完，所以真是非常抵食。醬料可在自助醬料區自取，雖然選擇不算多，但勝在不額外收醬料費，抵讚！雪櫃內有多款汽水、荳奶和涼茶可以自取，其中涼茶特別暢銷，建議早點拿取。蔬菜籃同樣可以在雪櫃內自取。涼茶有三款，其中這款竹蔗茅根就最受歡迎，甜度適中又能喝得到竹蔗的味道，最適合配火鍋。左邊是薏米枸杞，飲得到一粒粒的薏米，右邊則是菊花羅漢果，味道比較甜，適合嗜甜的朋友。江南八小碟未吃都已經先聲奪人，八款不同小吃，份量絕不欺場，其中我比較喜歡椒鹽豆腐和龍井河蝦，不過再好吃都千萬不要吃太多，因為還要留肚吃之後的食物。原條時令魚刺身放在一隻龍

集火鍋雞煲刺身海鮮於一身💯前菜有8小碟，無揸流攤，都幾好食架！刺身排頭好靚，新鮮既但份量較小花膠湯好鮮甜，可以飲多兩碗就好啦😇我地一行人9位，黎左兩碟牛小排，好正阿🥰手打丸即出，味道海鮮🦞拼盤好大份落枱好振奮人心甜品🍮盤每人一份，有西瓜🍉、雪米滋、水信玄餅我地21:00先入座，好可惜啊！雞煲係任食既，早點來我地就可以食多轉啦服務方面幾好，Staff 好好禮貌，可能餐廳係新開關係，上菜有點慢。整體黎講我俾90分阿、我地一致認為會encore ！好啦～下次見！

我地一行8人去左呢間新店，我地訂左檯，所以好快就坐定定得食野.先上前菜，江南八小碟前菜已經有8款選擇食完就上刺身，刺身不過不失.正常放題質素再來就係雞煲我地order左個個BB辣試下先.雞既份量都算多，雞件有肉，唔會太老同市面上既雞煲差唔多但係就任食所以食完就馬上叫多個再來就係美人鍋，我地先試左個湯底味道足夠，略微稱咸.同一時間就有海鮮拼盤，牛小排同手打丸海鮮拼盤：有魚，蝦，蜆，墨魚，蠔牛小排同市面上既都差唔多.我地8個人就有2碟值得一讚既係手打丸足料夠味手打丸又係任食咖呢間店鋪仲有其他火鍋料係任食，但我地太飽，下次一定試最後有甜品，西瓜，糯米糍，同水信玄餅，作為成既結尾.

今日朋友聚會！就去食呢間試業中嘅雞煲火鍋放題睇睇menu 先我一坐底就諗住叫個雞煲，點知被店員stop 咗原來係要跟住個flow 食架由江南八小碟開始順時針咁食到宮廷美點！感覺都幾pro 平時食雞煲放題 都唔會care 點食法就食哂d雞就開始邊爐，今次有新嘗試！江南八小碟，賣相幾靚！感覺幾有氣勢，而且擺到好似自己真係食緊宮廷料理咁！由蝦仁順時針咁講啦1.蝦仁，食落味道同平時食蝦餃餡嘅味差唔多，呢個感覺多咗d芡汁！而有d炸過嘅葉，食落有少少紫菜味脆脆地，但又唔係紫菜。應該係用黎裝飾嘅2.木耳豆腐乾食落係滷水嘅味！個人都幾鐘意食木耳爽口！加分而且豆腐乾夠哂入味架3.黑蘿蔔切成菱形，食落個汁都係偏甜嘅滷水味！雖然賣相係黑色幾舊野，但個人幾欣賞嘅係佢入味，入口即溶！完全冇「楂」！抵讚4.（中間）紅蘿蔔🥕本身都唔係幾敢試因為驚有陣草青味！呢個又冇喎佢係用醋醃過，所以幾酸架！都可以當係開下胃咁啦！呢個要讚下排得幾靚！成朵花咁！5.雞腳食落又係滷水汁嘅味！個人對於雞腳冇咩特別喜好！呢碟還好啦！6.紅燒肉食落再一次係滷水汁味食落有1-2舊偏瘦，而且瘦嘅位肉質係偏硬！其他都算肥瘦均勻！要煮好紅燒肉真係好