牛太郎 (已結業)

今日又黎到旺角，去到食街通菜街見到呢間餐廳 可以選唔同份量大小既牛 而配菜可以任食就俾佢吸引左入去呢種石燒牛扒既好處就係可以自己隨意選擇熟度，不用點餐時心大心細菜單其實唔止石燒牛肉，仲有非常多選擇，湯麵，碟頭飯都有但無牛不歡既我當然食牛！我就點左300g既牛柳一上枱 有d驚喜因為份量好大而肉質好軟淋，肉味好重就算燙得比較熟都好淋證明牛肉好高質而朋友點左澳洲肉眼份量都係好大而油脂含量較多中意油香既朋友可以選擇呢款配菜有沙律，湯，飯全部都任添任食！

近排旺角開咗好多新嘅餐廳，牛太郎就係其中一間，餐廳主打石燒牛扒，算係呢一排新興嘅玩意。價錢都唔貴！所以前幾晚得閒走左去試吓🤭前菜有沙律、湯同白飯任裝，醬汁配料都係自己任添👍🏻———————一上枱已經聞到好大浸嘅牛脂香，餐廳特意將牛排先煎到一成熟，然後客人可以根據自己喜歡嘅生熟度用下面嘅石燒。澳洲肉眼肉質都唔錯，切開後見到入邊有好靚嘅油花，鍾意食牛脂香嘅朋友就唔好錯過啦🥰🥰健康一啲嘅朋友就可以叫牛柳試吓，由於牛柳嘅部位一啲油脂都冇，食落牛肉味會更香濃，比較適合唔鍾意食脂肪但係中意食肉味嘅食肉獸🤩

現在外出吃飯的人不多，是一個機會讓我和男友不用排隊來吃石燒牛！夜晚很早就到了牛太郎，暫時沒甚麼人。這家牛太郎還有代表自己的娃娃~座位寬闊不會逼，吃石燒都不怕鄰枱的油彈過來。不同種類的牛扒當然是這裡的主打，不過不吃牛的朋友也有其他選擇，各適其適。白飯、湯、沙律和菜就以放題形式供應。多款配菜及醬汁自助可取。他們的蔬菜湯很有驚喜，酸酸甜甜的好開胃，菜也燉得香軟，我喝了兩碗呢！白飯還能加紫菜，不會dry~我和男友都是牛魔王，所以選了兩款牛，分別是牛肩肉眼和牛柳各300克。牛柳是超厚的啦！看這份量十足，絕不欺場。只有簡單撒過蒜片，外層灼熟了就以加熱的石板上菜，滋滋作響。所以切開後仍是生的，切片用石板的熱力自行調整熟成度，個人建議加點鹽會更出色。牛柳的肉質很嫩，易咬又不多筋，啖啖肉又充滿肉汁，好奢侈的感覺！另一款牛肩肉眼均勻的厚度比較易控制熟度。這種牛扒的特點是牛味突出，肉帶點筋度有咬勁，卻不黏牙那種。同是牛肉，卻跟牛柳不同呢！邊切邊灼邊吃，其實都頗忙的。要是石板不熱了，讓店員幫忙換就可以啦！百多元有如此水準，抵食啊

講到食日式燒肉，稍為高質嘅價錢都相對較貴，而最近興起食熱石燒肉，就俾我發現在旺角內街有間性價比非常高的熱石燒肉店，門口有自動售賣機去購買食物。只需要以一個價錢就食到喜歡嘅燒肉，以及任食沙律吧，尤其是牛肉湯，沒有添加味精，真材實料，於是連飲了兩碗。還有味噌湯、沙律、白飯，酸青瓜、雲耳等小食做得挺惹味的。澳洲肉眼，以熱石盛載着，發出吱吱響聲，食幾多切幾多，肉質軟腍有嚼口。牛柳，口感比澳洲肉眼更加軟腍、可口，稍為加些海鹽調味，令牛肉味更突出。臨走嘅時候，留意到門口有得夾公仔，幾得意，有興趣可以試吓夾唔夾得中。