茶聊

營業中

休息中

和牛漢堡配薯條$158 好好食既和牛漢堡扒，味道非常之香，好有牛的甜肉味，而且肉質又好滑，入口第一啖已經好正。另外既芝士、蕃茄、生菜都好新鮮，所以成個DISH既賣相真係好唔錯。當然薯條都幾脆而且份量好夠。粉粉荷蘭汁煙三文魚班尼迪蛋$108 第一次食班尼迪蛋，原來是一個幾特意既DISH，蛋可以煮到外熟內滑有蛋黃流出來，配上厚厚的三文魚，口感都幾特別。一碟有兩件而且每件都夠大，如果一個人食，真係一份就夠一個LUNCH了~牛油梨龍蝦肉配有機黎麥沙律配百香果汁$98 這是一個幾LIGHT又特別的沙律，我最LIKE百香果汁，因為酸酸又甜甜好開胃。 牛油梨龍蝦肉又係一個幾好的食法，將牛油果做成好似醬咁，好滑又香現上碎龍蝦肉，口感一流味道又有層次。布蕾黑糖珍珠鮮奶珍珠又好食，鮮奶夠濃，上面有一層甜甜的CREAM 更甜更香。而且賣相好靚，影相正。牛油果桃膠鮮奶又係牛油果，因為真係好吸引，原來用來打奶都幾夾，加上桃膠多一重有咬口的感覺~又唔錯~

茶聊，同“茶療”同音，後者似乎更符合英文名“Tearapy”既意思，可能餐廳想以茶“聊”及“療”。今次第二次到訪，彷如隔世。不過餐廳冇變，一樣高樓底，裝修以灰黑色為主，感覺摩登。今日係大年初五，黎呢度食個西式開年飯先。今日要試新野，揀左一份麵包，一份賓尼迪同一份沙律分黎食。另外仲有好多小食揀。落單係自己去收銀俾錢先，之後野食會送上。粟米忌廉湯（跟餐）套餐包括是日餐湯，今日係粟米忌廉湯，湯用茶杯上，可以當茶飲，哈哈。飲完暖下胃先。原隻龍蝦包配薯條 $178新年揀個好意頭既哈哈笑龍蝦包先。龍蝦包切開兩件，方便食用。龍蝦肉拆好哂，包括兩隻龍蝦鉗仔，上面加左芒果醬同爽脆蟹籽，甜甜酸酸，通常西式龍蝦都係食醬多。個包明顯搽左牛油烘過，幾脆口，不過入面就冇龍蝦肉，但係有一塊羽衣甘藍。炸薯條加左調味，不過唔過咸，凍左少少先食都仲脆脆地，點茄汁食尚可。伴碟仲有少少新鮮沙律菜同半粒車厘茄，加左少少沙律醬唔會肥。粉粉荷蘭汁配松露巴馬火腿賓尼迪 $108上次食左三文魚賓尼迪，今次試下Menu既另一款先。粉粉荷蘭汁配松露巴馬火腿賓尼迪一客兩件，賣相好靚。半熟賓尼迪整得合格，上面加左少少松露醬，幾香。我鍾意流心蛋

今日同艾弗要開好多個會，所以我哋決定咗lunch要食一啲有趣少少嘅cafe，例如呢度，佢話經過好多次，次次都好多人排隊，所以book咗今日一定要嚟食黑糖髒髒鮮奶 (+$14)原來艾弗唔知乜嘢係髒髒，佢仲問點解咁嘅樣？而家興呀，哈哈！成個杯成隻碟都夠晒髒，得返杯柄係唔髒！佢話唔係幾甜，不過飲完成杯都幾飽藜麥大蝦牛油果沙律 ($108)牛油果及蝦嘅份量都算慷慨，兩個人share都好夠食原隻龍蝦包配薯條 ($178)龍蝦肉幾多，不過一路影相又塞住耳仔開會，等到開完個會先食，個包已經凍咗，唉！不過好在佢牛油味濃粉粉荷蘭汁配松露巴馬火腿賓尼迪 ($108)巴馬火腿大塊到好似張被咁，可以緊緊地擁抱成個包！又係開咗一輪會先有得食，以為隻蛋應該會實晒，但一切開，蛋汁依然有流心效果呀，超級開心！牛油果桃膠鮮奶 (+$16)凍到咁，我order熱飲算嘞！桃膠份量超級多，撈勻之後差不多啖啖都有，好滿足！牛油果味都好香濃，冬天飲啱晒！！！

這次來到旺角其中一間熱門的樓上Café——茶聊，一行五人的短聚，嘗試了多款美食。大家先品嘗酸酸甜甜的開胃餐湯，然後輪到配搭多樣化又令人垂涎三尺的美食。蒲燒鰻魚包：鰻魚肥美可口，加上芝士及些許沙律醬，更為惹味，麵包外薄脆內香軟，整個配搭既新穎又有驚喜，真令人大飽口福啊！黑松露水牛芝士牛油果竹炭包：這道特色漢堡包，黑中有白，白中有黑，加上健康的綠色食物牛油果，也算是創新配搭，而最引人入勝的，是濃郁撲鼻的松露香，以及入口即化、牛奶味重的水牛芝士，加上牛油果果肉的滑溜，幾種食物竟然出奇地合襯，真美味！而慢煮精選黑毛豬鞍配薯菜：豬鞍肉質鮮美又有嚼勁；鮮鮑魚紫蘇汁意粉：鮑魚口感軟糯，意粉彈牙，也是不錯的選擇。飲品方面，我們選擇了大吉嶺紅茶、超級水果茶、紫薯鮮奶，以及較少見的牛油果桃膠鮮奶——這款飲品可媲美滋補的甜品，不俗！最後，餐廳送上原味梳乎厘，可能各人已有飽意，所以吃起來，感覺尚可。

同朋友咁岩行開旺角本身心目中有一個餐廳想去結果六點前限聚令怕等唔切於是即刻轉場地其中一個閨蜜介紹茶聊之前食喎唔錯所以我哋即刻跑上去上到去裝修簡約，而且小小摩登成個感覺有啲文清，比較年輕餐廳非常衛生，而且服務員有禮動作一個非常快手量完體溫，即刻安排座位點餐要去到外面收銀處收銀處嘅服務員都非常有禮貌而且因為下午茶時段服務員非常專業，為我們推薦如何點餐比較優惠🔸明太子大蝦意粉忌廉汁加明太子真係冇得輸而且意粉唔會太軟，大蝦爽口🔸紐西蘭肉眼扒+鵝肝服務員為我們推薦紐西蘭肉眼扒下午茶餐然後可以加$30有鵝肝作伴菜比起單點紐西蘭肉眼扒配鵝肝價錢更優惠我們店的肉眼扒是五成熟牛肉味道算出色，不過有點熟鵝肝充滿脂肪嘅香味而且裏面煎得金黃香脆🔸輕煎北海道帶子龍蝦汁意粉龍蝦汁唔會太鹹，感覺清爽而且北海道帶子非常大粒，啖啖肉🔸炸軟殼蟹牛油果包炸軟殼蟹炸粉好薄，炸到啱啱好配搭牛油果感覺清新仲有薯條作為配菜🔸布蕾黑糖珍珠鮮奶當日飲嘅時候珍珠已經售罄因為真係好鍾意食焦糖燉蛋所以好堅持想飲，同服務員講可以冇珍珠鍾意食甜嘅我，通常飲凍飲都會少冰多甜服務員都有同我講冇珍珠係會冇咁甜所以叫多甜都係正確😂除咗有黑糖鮮奶嘅味道仲

今次嚟到位於砵蘭街嘅樓上cafe，白色雲石嘅枱，配上木地板，亦有一排望街景嘅高枱，感覺好舒服。呢度係需要自行去收銀處點餐付款，然後員工會送餐到我哋嘅枱上。另外惠顧滿$300就可免費送一份價值$88原味梳乎厘🔝薯條本生有調味粉，帶皮且粗身，口感足夠，但+$18芝士黑松露醬就好一般，黑松露味好淡，可以唔洗加都得。🔝帶子軟嫩多汁，生熟度剛剛好，飯粒硬度適中。🔝賣相吸引，用嚟打卡一流。濃郁而香滑嘅鮮奶加上黑糖，味道十分配合。珍珠微甜口感煙韌。🔝飲落有一種青澀嘅牛油果味，可能個牛油果太生，牛油果加上桃膠簡直係滋潤之選。🔝同樣賣相吸引，梳乎厘質地綿密，食落滿口蛋香，配上濃香朱古力雪糕，味道更豐富。

1/1/2020諗住輕輕鬆鬆食得好啲，過咗嚟試伏，點知真係好伏好啦我講啲好嘢先聲稱係推介飲品，但其實只係好普通嘅鮮奶珍珠。熱嘅牛油果鮮奶，好飲，加埋桃膠有咬口，但其實我心諗牛油果加鮮奶點整都應該好飲。軟殼蟹包，軟殼蟹係幾好嘅，但我個人覺得好鹹。重點來了肉眼扒加鵝肝，貎相看似不錯，但就大錯特錯！所有嘢都冇問題，但塊扒好un! 超un，好似咬緊橡筋或者鞋底咁 成個1月1號俾佢搞到冇晒mood，同男朋友兩個人喺度望住大家互咬，十分尷尬。大家睇真啲，我哋叫咗medium well，但其實佢只係煎一邊，名副其實的一邊medium一邊well！$188來說性價比極低！同埋個服務員講嘢好細聲，係絕對唔會聽到佢講嘢嘅。下午茶時段鋪頭唔算full，但就唔比我哋位4人卡位，結果就要坐另一枱2人枱隔離，大家聽倒大家講野。