影片
港鐵旺角站 E1 出口, 步行約3分鐘
繼續閱讀
電話號碼
29891707
開飯介紹
裝潢新穎，設有打卡位，吸引不少人慕名而來。餐廳以「茶」為主題，提供各式的茶飲，如高山純茶、水果茶、芝士奶蓋茶等。食物方面以西餐為主，以原味梳乎厘為招牌菜，口感鬆軟、蛋香濃郁。
繼續閱讀
附加資料
用餐時間90分鐘，人齊入座。
營業時間
今日營業
12:00 - 22:00
星期一至日
12:00 - 22:00
*截單時間: 22:30
以上資料只供參考, 請與餐廳確認詳情
有關獎賞計劃
相關文章
開心果控嘅👦🏻👧🏻知道旺角「茶聊」有開心果飲品同甜品，即刻嚟試吓先😍！呢度晚市份量同價錢合理，平時出面食風乾德國脆豬手要2字頭，呢度$178就食到，仲要係店鋪有部風乾機去風乾，性價比高！🍝海王櫻花珍寶巨蝦配龍蝦忌廉汁意大利粉 $168巨蝦有手掌咁大隻🤩，外殼鋪上滿滿嘅櫻花蝦，炸到脆卜卜，連蝦殼都食得，好香口！入面嘅蝦肉保持鮮嫩彈牙！蝦頭有唔少蝦膏添，鮮甜美味阿！每條意粉都吸收哂龍蝦忌廉汁，濃稠度做得剛好，入哂味😋！🐷風乾德國脆豬手配薯角•芥末蜜糖醬 $178鐘意呢個豬手外皮唔會太多肥膏，烤到乾身，外皮香脆，同時保留到豬皮膠原感。肉質好嫩，一啲都唔鞋口，時間控制得啱啱好。🍫朱古力蛋糕 $48朱古力味好濃郁，上層好似係厚厚嘅生朱古力，入口即溶好正。下層係朱古力海綿蛋糕夾住朱古力忌廉，一件蛋糕食到三種朱古力口感😍！🍰開心果巴斯克蛋糕 $48蛋糕質地軟滑香濃，開心果好出，濃度同甜度平衝得剛好，令蛋糕食落唔會太膩。💚開心果椰椰 $45上層係打到質地滑溜嘅開心果奶蓋，味道好濃郁！下層係清甜嘅椰子水，加埋杯邊嘅開心果碎粒，令層次感更豐富。🍹凍百香果芒芒 $45百香果味道酸酸開胃，加咗青瓜片🥒，飲落幾fresh。📍 茶聊 (旺角)旺角砵蘭街189號1樓
繼續閱讀
今次👦🏻👧🏻去咗位於旺角既一間人氣Cafe食晚餐，估唔到六點入座時入座率已過一半，食完晚餐更係Full House! 🌟海王櫻花珍寶巨蝦配龍蝦忌廉汁扁意大利粉餐點一到時的確有比佢既巨蝦Size嚇親！炸蝦用上櫻花蝦包裹著，而唔係平時普通吉列炸蝦。櫻花蝦同樣有香脆嘅口感，更帶有鹹香，令人眼前一亮。至於龍蝦汁扁意粉質感Al Dente有咬口，掛汁又唔會太咸。🌟風乾德國脆豬手配薯角-芥末蜜糖醬首先要讚一讚豬手真係皮脆肉嫩，每一寸豬皮都非常脆，豬手肉預先已拆，食得方便。整體上調味唔會過鹹，再點埋另上嘅芥末蜜糖醬（個人認為芥末味較濃，蜜糖味較微淡）更可以解膩！🌟開心果巴斯克蛋糕一入到餐廳時👦🏻望住甜品已經心心眼😍，仲要有佢最愛嘅巴斯克蛋糕，緊係要試吓！蛋糕結構整體上較為實淨，開心果味岩岩好，細細件唔會太漏。🌟茉莉花焦糖燉蛋而👧🏻就揀咗焦糖燉蛋，茉莉花味嘅焦糖燉蛋第一次食，估唔到茶味霜當濃郁又清新。焦糖燉蛋質感Creamy，配上炙燒嘅薄薄焦糖層，令人滿足。🌟超級水果茶呢度嘅飲品選擇眾多，估唔到呢杯超級水果茶超級足料，水果有齊蘋果、菠蘿、西瓜、檸檬🍋、百香果等等，啖啖果香茶香。🌟開心果椰椰用開心果奶蓋配上椰青水呢個組合相當新穎，兩者唔會搶大家風頭幾有趣！
繼續閱讀
第3次尼「茶聊」，原來Menu已經唔同晒，一定要試下先😬.法式海鮮煲🍲有帆立貝、蜆、青口🐚蝦🦐魚🐟番茄🍅椰菜🥬番茄湯酸甜開胃🤤5款海鮮都新鮮😉.海王櫻花珍寶巨蝦配龍蝦忌廉汁扁意大利粉🍝珍寶巨蝦超巨型😱表面包滿櫻花蝦再炸🍤脆香櫻花蝦加上爽彈虎蝦😆鮮味十足😋意大利粉掛上龍蝦忌廉汁🦞如果醬汁可以再濃郁少少更好🥺.開心果巴斯克蛋糕🍰蛋糕口感幼滑😛芝士味香濃🧀可惜開心果味較淡🥺.75%朱古力蛋糕🧁朱古力味Rich，苦中帶甜🍫入口軟滑😗加上雜莓🍓🫐.百香芒芒乳酪奶昔🥤百香果、芒果🥭加上乳酪🥛質感濃稠😌味道清新💦.超級水果茶🍹有士多啤梨、柑桔🍊檸檬🍋百香果、西瓜🍉菠蘿🍍蘋果🍎哈密瓜🍈茶底Refresh且甜度適中☺️
繼續閱讀
旺角依間「茶聊」推出咗好多新產品，當中包括咗鍋物，同屋企人嚟食，暖笠笠，超舒服，青口好高質，另外，佢哋嘅甜品擺盤都幾有聖誕Feel，啱曬大家同親朋好友一齊嚟慶祝Christmas。時令推介：法式海鮮煲（單點$298），好足料，虎蝦，肉質爽口；扇貝，肉質厚身、帶有一絲絲口感，食落有鮮味；青口，好大隻，肉質飽滿，味道鮮甜；大蜆，味道鹹鮮；魚片，肉質嫩滑，略嫌帶有細骨；湯底內有番茄、茄蓉、椰菜、洋蔥，味道酸甜，對比坊間番茄濃湯的湯底味道較為清淡，但亦因為如此才無蓋過海鮮鮮味。鵝肝芝士牛肉漢堡配凱撒沙律及薯條（單點$158），香煎鵝肝，好大塊，食落油脂味濃；牛肉漢堡，七成熟，牛味濃厚，配料包括有芝士、番茄、生菜；凱薩沙律，內有巴馬臣芝士、煙肉碎、車厘茄、羅馬生菜；粗切薯條，即叫即炸，配以番茄醬食用，味道更佳。開心果巴斯克蛋糕（跟餐$48），表面鋪有草莓、開心果粒，蛋糕口感綿密，帶點焦香味道，芝士味道濃郁，略嫌開心果味道欠奉。焦糖拖肥忌廉卷蛋（跟餐$48），表面鋪有藍莓、忌廉，焦糖拖肥忌廉口感入口即化，食落甜度適中，卷蛋採用蘭王蛋製作，口感軟綿，蛋香味濃，配料包括有草莓。牛油果乳酪奶昔（單點$48），表面鋪有牛油果，口感濃稠，飲落好清新，略嫌乳酪味道偏淡。開心果椰椰（單點$45），椰青水味道清甜，配以開心果奶蓋、開心果醬、開心果碎飲用，三重開心果味道。
繼續閱讀
🌌旺角樓上爆場西餐廳🌌-最近又係年尾聚會好日子 所以約咗朋友嚟咗呢間位於旺角樓上嘅西餐廳 價錢算平易近人 氣氛又唔會太拘謹😍 而且嘢食擺盤都幾靚好啱打卡 好適合re-u聚會食飯🎉-🦞海王櫻花珍寶巨蝦配龍蝦忌廉汁扁意粉 $168珍寶巨蝦真係幾大隻吓🤣 蝦用咗麵包糠同櫻花蝦乾包住蝦身炸過 所以外脆入面仲係幾彈牙😗 龍蝦忌廉汁都幾多 每條扁意粉都可以沾滿醬汁 唔怕冇味😝 加上櫻花蝦乾 成碟蝦味都好突出 真係蝦蝦蝦😂-🍔鵝肝芝士牛肉漢堡配凱撒沙律及薯條 $158以鳥籠上菜 真係要打一打卡😛 漢堡有少少似smash burger形式 牛肉外層焦脆 入面肉味都好出 仲有肉汁流出添 如果個肉餅結實多少少就更正😋 最fancy係漢堡仲有一塊好肥美嘅鵝肝 油香十足😍 加埋芝士同用牛油烘過嘅包包 極邪惡配撘呀😛-🍋檸檬蛋白霜批 $48蛋白霜幾輕盈 加上檸檬醬做饀料 口味酸甜平衡🍋 批底都好香脆 上面仲有一層薄薄嘅蛋糕 口感層次都好豐富 都幾出色🥰-🍰開心果巴斯克芝士蛋糕 $48另外我地仲加點咗一客芝士蛋糕 蛋糕本體口感綿密 偏扎實路線😗 開心果味好濃郁好突出 而且唔會好甜 唔錯呀😝-🧸Tearapy Ice Bear Mocha $44🥥開心果椰椰 $44另外我地仲加點咗兩杯飲品 分別係打卡一流嘅熊仔冰mocha 咖啡冰成熊仔形狀 倒上espresso shot同牛奶 同朱古力醬 好cute cute😗 另外開心果椰椰係口用咗開心果奶蓋搭配椰子水 口味清新得嚟又有層次 估唔到佢地都幾夾 唔錯🤭-📍茶聊 (旺角)旺角砵蘭街189號1樓
繼續閱讀
您可能會有興趣的...