Hami Harmony (已結業)

Hami Harmony幾年前食過一次，店內座位坐得舒服，適合同三五知已gathering，裝修亦好特別👍🏻 今次我同朋友揀咗二人餐，餐價$468，當中揀某d菜式要再加錢。•🥢 蘑菇湯蘑菇湯質地係稀身的，好多蘑菇碎，菇味還可以。•🥢 牛油汁蜆肉自家製蝦米意大利粉 加$20佢嘅意粉係比平時硬身同粗，口感煙韌，意粉鋪滿超細粒嘅蝦米，個汁充滿咸香蝦米味同海鮮味，都幾惹味，好特別，但略嫌蜆肉偏少。•🥢 美國14oz安格斯有骨肉眼扒 加$98肉眼扒我哋叫咗7成熟，但嚟到變咗全熟，扒下面有幾件薯仔，肉眼扒肉味ok，但就因為全熟所以有啲位有啲韌。•🥢 蒜香醬燒一口和牛粒 望落好似好細兜，但其實都好多粒！和牛粒醃料簡單，肉質軟淋，唔錯！•🥢 熱情果菠蘿梳打 加$19好清新，無糖水嘅味道，又唔會過甜，就算d冰溶咗都唔會覺得過淡，我好少可會飲得哂一杯飲品，呢杯真係好飲！🍹•🥢 芒果奶凍 上層係奶味，下層係芒果味，但成杯奶味同芒果味都唔夠濃🤔 好淡，比較失望。

呢間係openrice有成500幾個好評既cafe，就黎試下有咩咁巴閉！————————🔸牛油汁蜆肉自家製蝦米意大利粉 $138個意粉望落似魚麵，食落似油麵，但其實幾好食😂蝦米既香味好夠，食落辣辣地，有d泰式feel。評分：🌕🌕🌕🌕🌘-🔸煙三文魚飛魚子意大利飯 $128個risotto軟硬適中，但味道普通，係平時食到既味😂評分：🌕🌕🌕🌖🌑-🔸BBQ汁雞翼 $58食落脆脆地，汁都好多，但食到第三隻就覺得d bbq汁好鹹。評分：🌕🌕🌕🌖🌑-🔸熱情果菠蘿梳打 $38飲落都幾fresh，唔係太甜又好解渴😋😋

等左今日好耐，終於到了星期六。今日要做應做的事，做完後已經夜深，就約了男朋友去太子食飯，支持一下小店。這間小店就如它名字一樣，入到去讓人感覺十分「和諧」，因為大家都是志同道合的同路人— Hami Harmony。我和男朋友入座時都已經8點多將近9點，餐廳仍然非常多人，受人歡迎。我們看看餐牌，都是例牌，一份小食、一飯一粉、兩杯飲品。⌒ 1. 白酒忌廉煮青口先點一份小食，青口是我們最喜愛的前菜。Hami 的青口煮得很有忌廉香味，特別的是還加上芝士片，已開口的青口內夾附香汁，青口一定要連汁一齊食，先可以完全享受其鮮味。⌒ 2. 牛油汁蜆肉自家製蝦米意大利粉這份意大利粉的味道是非常特別。首先，意粉的口感是極為煙韌，很有咀嚼感，而且還可以吃得出有陣陣的海鮮味，不知道餐廳的自家製配方是什麼，做得如此好食。配料則用上豐富蜆肉，再灑上蝦米鋪面，整個味道就更加充滿海鮮香味。⌒ 3. 日本帶子黑松露什菌意大利飯Risotto 的飯粒煮得獨立，而且硬身，不會水汪汪。黑松露什菌意大利飯則較為清爽，以黑松露什菌伴上日本帶子，食材和味道側重清爽為主。⌒ 4. 摩卡咖啡看到餐牌說摩卡咖啡選用法國朱古力豆，我就馬上想

前幾日喺太子食完晚飯兜個圈，先知運動場道、花園街嗰邊原來有咁多餐廳！星期六去旺角行完街，就決定行去太子嗰邊開餐，少人啲，選擇又多啲😉。行下行下就見到有間餐廳好靚咁喎，時間尚早仲有位，就一於試下。餐廳面積都幾細，所以一到晚上七點幾就坐滿人。環境富有藝術風格🎨，掛咗唔少畫，而且用咗人工植物作裝飾，讓人身處花花世界。同時，連餐枱都用上青花瓷磚，好靚。我同朋友各自點咗道主菜同飲品，再加一份小食Share。唔好睇佢個碟細細，其實份量都幾多下，因為裝食物個位置較深👍。白酒忌廉煮青口Mussels in Cream Sauce($98)，呢份小食除咗青口外，仲配有沙律菜。白酒忌廉汁真係勁惹味，而且用咗Rosemary所以特別香，我朋友直頭用匙羹刮嚟食🤤。牛油汁蜆肉自家製蝦米意大利粉Clams Butter Sauce with Homemade Dried Shrimp Spaghetti($138)，呢碟意粉個造型同想像中唔同，無論隻色定意粉粗幼都好特別😚，面頭仲鋪咗大量櫻花蝦定蝦皮？賣相即刻加分。意粉比較粗身同圓身，食落口感有啲似油麵🙈，爽爽地，幾得意。我哋估呢個意粉可能係餐廳手打，因為無喺其他

今晚黎到太子食晚飯，叫左一個小食，兩個主食同飲品。蟹肉芝士焗大啡菇，有少少沙律伴碟。蟹肉芝士份量好足，芝士味濃厚，大啡菇好有咬口，一齊食好夾。日本帶子黑松露什菌意大利飯，帶子鮮甜，意大利飯軟硬適中，有唔少黑松露、什菌、紫洋蔥、青瓜粒、黃椒粒同芝士。牛油汁蜆肉自家製蝦米意大利粉，意大利粉由蝦米同麵粉自家製成，同一般既意大利粉好唔同，偏硬身同鹹，幾特別同有創意。熱朱古力採用法國朱古力豆，比平時飲的香濃幼滑，整杯飲品甜度岩岩好，真材實料，正。熱鮮奶上面鋪住奶泡，飲落好暖。

香港人的生活壓力愈來愈大，偶爾只想尋找一些寧靜的食店放鬆一下，之前在太子尋找到不少環境舒適的cafe，對它們留下了良好的印象。昨天和朋友剛好又來到了這一區，逛完始創中心後，竟然發現附近的一角有一間西餐廳，環境也不錯的。非常喜歡裡面的環境😍是木製的桌椅，很有田園的感覺，香港總沒有幾多地方會營造出田園風格，從而令客人彷似置身花園其中。牆身上亦有一些架放置紅酒，近天花板的一條條橫樑亦有樹葉串包圍，令我想起了一些美麗的花園旁也有籬笆和這些圍著的。小食的種類竟然是雞翼為主，意粉的種類也頗多，意大利飯的種類則比較少。先點了份小食拼盤，有芝士蔥餅、BBQ醬雞翼、芝士條和甜薯條，芝士蔥餅的質感偏硬，有點像印度薄餅🤣BBQ醬雞翼的BBQ醬濃厚，和雞翼配在一起十分適合。芝士條裡面的芝士是凝固的，咬的時候能產生拉絲的效果。現今有很多西餐廳都會把小食拼盤的薯條轉成甜薯條，健康又美味。煙三文魚飛魚子意大利飯是西餐廳中常見的菜式，但飛魚子的數量大多都缺乏，這裡的飛魚子卻是多得過份超有滿足感！煙三文魚也大大條的。意大利飯乾身，有點缺乏醬汁，加多點忌廉會更好。意粉的醬汁是牛油汁，牛油汁味濃郁，但不夠水潤，乾身。自家製

十分推薦的小店Hami Harmony性格比超高的二人晚餐 ($468)餐湯有龍蝦配蟹肉 (+38)呢個龍蝦湯有啲特別佢會用個蠟燭仔黎坐熱啲湯然後個杯仔入面有堆蟹肉倒啲湯落去 真係好味而且啖啖肉👍🏻錢財要左車打芝士蔥餅 一開頭覺得好普通點知咬落去真係啖啖芝士咇出嚟而且夠熱好惹味☺️主菜要咗美國安格斯有骨肉眼扒 (+$98)肉質鮮嫩 煎得岩岩好 不錯👌🏻另外牛油汁蜆肉自家製蝦米意大利粉 (+20)個牛油汁味道好夾蜆肉 而個意粉都好索醬汁最後甜品好清新 香蕉拖肥批口感好豐富🍌_________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

話咁快暑假又到尾聲，係就黎開學既日子要搏到最盡每日都要約朋友出黎食飯！今次約咗黎位於太子既Hami Harmony～太子地鐵站一出黎行大概一分鐘就會見到。呢間一睇裝潢就知係一間啱哂文青心水既餐廳。牆上擺放著不同的酒樽作裝飾。抬頭一望，望見掛滿玫瑰花和一串串葡萄，少女心立即大爆發！小小的盆栽擺設都散發文青舒適既感覺，讓人望見心情放鬆。環境十分舒適，坐低冇耐就見到客人陸續坐滿所有位置，所以建議大家先致電book位，避免walk in黎到先知冇位。見到MENU既食物都好吸引，而且有Dinner for Two，二人同行既就可以選擇，所以我同朋友就選擇咗享用呢個二人晚餐。餐湯方面，我地選擇咗加$38轉龍蝦湯配蟹肉(二人用)，一上枱就知道我地冇揀錯。橙黃色既龍蝦湯用透明玻璃茶壺盛載住，下面用蠟燭溫熱著，讓飲下既每一啖龍蝦湯都係熱既，令味道更昇華。因為係二人用，所以會有兩個杯，杯入面有被拆開既蟹肉。拎起透明玻璃茶壺，將入面溫熱既龍蝦湯倒入杯內，就可以飲用。暖暖既龍蝦湯味道濃郁，但唔會咸。飲落就會食到啖啖蟹肉，真係好正！前菜方面，我地點咗車打芝士蔥餅。烘烤過既餅皮十分柔軟，入面包住車打芝士，份量適中

叫男朋友揀間餐廳, 相信十個有八個都只會著眼於食物質素, 簡單啲嚟講即係"好食咪得囉！" 不過對於唔少女生而言, 一餐飯要食得開心又滿足, 食物質素只佔一部分, 餐廳氣氛同環境亦係重點！今日就為各位男朋友們介紹呢間鬧市中的小花園 - Hami. 呢度嘅裝修、擺設講究而不浮誇, 白色牆身, 配搭原木色檯凳。檯面上花色磚格, 帶一點民族氣息。店內外仲擺放咗不少花草裝飾。踏入餐廳, 感覺就好似走進入一間溫馨小木屋一樣。 Mocha $42 (跟餐半價)建議男生們！座低先點杯mocha。望見呢個貓咪拉花, 心都要被融化啦。二人晚餐送到！蒜香醬燒一口和牛粒$85 牛柳粒比較濃味, 但熱辣辣又幾惹味。美國14安士安格斯有骨肉眼扒 $278 牛扒較為多筋, 口感未算出色, 但肉味亦算香濃。牛油汁蜆肉自家製蝦米意大利粉 $138 自家製意粉, 同平時食嘅好唔同, 好似食緊手打魚麵咁, 鮮味彈牙, 口感獨特。意想不到嘅係, 呢度嘅甜品先係重點！伯爵紅茶法式焦糖燉蛋$45 敲破焦糖脆面, 下層燉蛋輕巧幼滑, 同時細味出我最愛嘅伯爵茶香。 焗無麵粉特濃朱古力蛋糕配紅桑子汁$58心形迷你蛋糕, 非常精緻, 中

估唔到下午茶嚟到呢條酒吧街，居然呢間cafe高朋滿座，點都要等下見識下嘅🤤呢個set lunch首先佢哋個豬唔係well done，所以食落去中間嘅肉質非常之juicy，仲幾嫩滑。加上少少嘅香草味 同 燒汁，正呀🤠如果可以再多啲薯條就好喇😋呢個all day breakfast 有流心芝士牛角包，黑松露炒蛋，煙三文魚，牛仔腸，焦糖香蕉 同 雜菜沙律。 滑蛋炒得滑溜，流心芝士牛角包亦都非常之鬆軟，咬落去成啖芝士流出嚟。而我最鍾意就係個焦糖香蕉，香蕉上面嘅焦糖燒得香脆，薄薄哋非常之好味❤️呢個自家製既粉仔可以煮耐d就好啦🤤咁個粉仔就可以更加嫩滑，同更加完整一條條😋而且啲蝦米都非常之鮮甜，一啲沙都冇！加埋其他配料例如青瓜蕃茄等等，令到味道更加升華😍個雞翼係炸完之後，放d香草。夠曬香脆，雞肉亦都唔會好干好油。加上佢哋個芝士醬夠曬濃厚😊呢個bbq汁雞翼我鐘意佢個汁偏酸，雖然佢好多汁，但咬落去個皮依然非常之香脆嫁❤️咁熱既天氣緊係叫返杯特飲喇！而且佢哋啲特飲係用新鮮嘅生果打出嚟再落梳打水，正💖

今晚因朋友生日，所以試了這間cafe,一入門口覺得環境優雅舒服，整晚跟朋友食飯傾計都好適合，因環境不會太嘈。而食物方面，我們一行3人，叫了一個2人餐再加1個小食拼盤和再每人一杯飲品，超級飽和滿足😊最後，值得讚就係啲侍應服務好好，因我們今晚叫咗他們幫手影相几次，他幫客人影完後會問是否ok，才離開做其他嘢👍🏻

今日見完客之後，即慶約了同事到附近晚餐，因為實在太累了，所以很早就吃，都不用等位。餐廳以木為主調的裝修很有文青的感覺。*二人晚餐 ($468)-是日餐湯今日的湯是粟米蓉湯，味道不過不失。-白酒忌廉煮青口青口的白酒忌廉汁味濃，但青口的質素平平，尚可接受。-美國14OZ安格斯有骨肉眼扒 (+$100)因為同事無肉不歡，所以唯有加$100轉肉眼扒；肉眼扒果然沒有令人失望，肉味濃，肉質都很淋。五成熟-牛油汁蜆肉自家製蝦米意大利粉 (+$20)味道帶點蕃茄的酸；配料有芝士碎、蕃茄、磨菇，蜆肉不太多；意大利粉似是自家製的，和平常吃到的很不同，麵質不太有彈性。-玫瑰荔枝紅桑子梳打 (+$21.5)味道不算太甜。-鮮果士多啤梨檸檬薄荷梳打 (+$24)朋友點的-是日精選甜品今日的甜品是蛋白脆餅；脆餅脆得來入口即溶；餅本身都很甜，再加上熱情果醬更加甜。-香蕉拖肥批 (+$18)是一層忌廉，一層香蕉，再配上焦糖醬的甜品；竟然比起想像中不會太甜！好食！*焗無麵粉特濃朱古力蛋糕伴紅桑子汁 ($58)因為兩小件甜品不太夠，所以多點了一款。這個無麵粉特濃朱古力蛋糕像是心太軟的全熟版本；朱古力味很濃，再加上紅桑子汁