味道樂居酒屋 (元州街) (已結業)

今晚約了女友在長沙灣 味道樂居酒屋食日本餐,  餐廳裝飾好有東瀛風味, 居酒屋設計, 座位整齊, 好有人氣.我們入座後, 先喝口綠茶, 再打開餐牌,  看看有什麼好介紹.食物選擇十分多, 有刺身, 壽司, 卷物, 燒物, 鍋物, 丼, 拉麵, 應有盡有, 價錢吾貴. 一齊慢慢揀,   點餐無難度.  牆上陳列了多種清酒, 也有食物推介, 今日二人套餐極豐富.  女友喜歡自選,  叫了 黑松露溏心蛋,  大大個,   上檯即聞到濃厚黑松露味. 溏心蛋 用上名貴的黑松露, 特別香口好食. 共點兩個手卷 , 即點即制:    加州手卷, 鰻魚手卷, 各一個.加州手卷  ~     金黃蟹籽勁多,  青瓜條子爽,  紫菜脆口, 食得有層次感.鰻魚手卷  ~  饅魚燒得香,  饅魚燒汁調得剛好, 好好吃. 接著熱食,  明太子雞翼, 賣相滿分.雞翼的皮烤得香噴噴,  肉質滑嫩,  裏面裝滿了明太子, 豐腴甘香, 比普通的燒雞翼來得更味美, 口感味道更豐富 .牛肉壽喜燒,  用鐵鍋連爐具上枱,  保持熱量, 鍋中材料滿滿, 有粉絲, 牛肉, 雞蛋, 紹菜,  香菌, 豆腐等, 大蔥, 材料豐盛. 

臨放工前閨蜜約食晚飯聚下, 佢係長沙灣返工, 今日我都可以準時走, 一於係長沙灣搵地方食飯先, 最方便係Openrice 搵餐廳, 最後搵左 [味道樂居酒屋], 佢的位置近閨蜜公司, 亦有甚多的好評, 最好係經Openrice訂位, 仲有9折。味道樂居酒屋近青山道小巴總站, 對於住九龍東的我們, 真係好方便。餐廳裝修充滿日系風情, 擺設精緻, 臨近聖誕已有聖誕佈置, 好有置身在日本居酒屋當中。餐廳用QR Code落單, 方便快捷。餐廳食物種類好多, 真係要慢慢揀, 我地最後揀左 :*油甘魚腩壽司 (兩件) $58*香炸日本池魚仔 $58*脆炸軟殼蟹反卷 $98*黑蒜黑豚肉卷 $58*牛肉壽喜燒 $128*清酒煮大蜆 $88餐廳的綠茶味道得宜, 我和閨蜜不停傾計, 不停飲茶, 職員都十分主動樂意為我地添茶, 換碟收碟乾淨浰落。食物開始上枱, 我地開餐啦~油甘魚腩壽司 (兩件) $58油甘魚腩油脂好香, 手握壽司同機制真係大有分別, 難怪其他枱都多人點壽司香炸日本池魚仔 $58每次見到有炸日本池魚都不能不點, 一啖一口, 原條魚仔放入口, 炸得甘脆, 佐酒一流脆炸軟殼蟹反卷 $98軟殼蟹即

元州街盡頭轉歌遇到日本居酒屋，中環都很別緻。牆壁貼上日本風的畫像，手寫廚師推介，不同的日本酒瓶。餐廳食物種類繁多，有漬物、刺身、壽司、手卷、串燒，鍋物和飯麵全齊。海膽壽司（一件）$42海膽味濃郁， 入口即溶滑溜，舌內回甘。日本生蠔刺身(1隻）$50肉夠肥厚， 鮮味清甜， 另有淡淡的海水味，口感滑溜。軟殼蟹手卷 $58即炸軟殼蟹鬆脆， 鹽香味，配合蟹籽和沙津醬， 整體份量不少， 所以都相對飽肚。鹽燒厚切特上牛舌（兩串）$98香濃粗鹽黑胡椒味， 牛舌口感相對爽，一點都不硬，調味剛好。牛肉壽喜燒$128香濃牛肉味，不會太甜，內有很多娃娃菜，粉絲雞蛋豆腐。火鍋下面有蠟燭燃燒着，雞蛋可以攪勻再湯底，或讓他一直用火慢煮。牛肉份量也不少，娃娃菜連湯汁一起入口，味道十分濃郁。原條成田醬炭火燒鰻魚飯 $138必點，香濃照燒汁，鰻魚肉質軟惗，外貌上一件巨型鰻魚壽司。內有軟骨，但直接入口無防，份量很大。兩人買單一共$566，對得住價錢，服務態度不錯，主動清理桌面和加茶，會再次光顧。

🍽🍽🍽🍽🍽🍽🍽🍽🍽🍽🍽清酒煮大蜆 $88流心芝士魚餅 $48牛肉壽喜燒 $108蟹膏蟹肉炸豆腐 $68煙肉櫻花蝦炒飯 $58蟹籽壽司 $28鹽燒虎蝦 $68🍽🍽🍽🍽🍽🍽🍽🍽🍽🍽🍽🔼呢間居酒屋裝修擺設幾用心，牆上擺滿居酒屋唔少日本酒同酒海報，加上柔和燈光，令人一入嚟就有種放鬆感覺🔼碟都係一set，上面係魚圖案，好得意🐠🔼前菜叫咗清酒煮大蜆、流心芝士魚餅同蟹膏蟹肉炸豆腐。 三樣送酒飲都非常適合❤️ 大蜆味道清新唔辣口，蜆肉大大隻有鮮味。 芝士魚餅拉絲邪惡又好味😆。 蟹膏蟹肉炸豆腐脆口，炸漿唔厚重，面頭淋上蟹膏蟹肉，每舊都食到蟹之味🦀🔼 主菜叫牛肉壽喜燒、煙肉櫻花蝦炒飯同蟹籽壽司。壽喜燒好多塊肉肉😍，食極都有好開心，而牛肉原汁同湯底滲滿鍋物其他配菜中，入口香濃鮮甜。炒飯粒粒分明唔多酒，加上煙肉同櫻花蝦，增添咸香同鮮味。蟹籽壽司入口卜卜脆。🔼最後見到隔離枱食鹽燒虎蝦幾好食，自己都叫咗一份。 虎蝦肉質彈牙，可以吱上檸檬汁提鮮🔼埋單$500左右

可以偽日本旅遊的隱藏小店 的確距離地鐵站有點遠小木屋外表 日式潢裝 滿滿日式海報 酒樽和招牌 有懷舊居酒屋的氣息=螢光迷你魷魚=之前係日本食過好好味的螢魚魷魚沖漬 上面好豪華咁有少少金箔醃漬過鹹味稍稍強烈 唔腥 食落勁滑口味道好難忘 佐酒一流 但就咁食真係會偏鹹 =黑松露帶子刺身沙律配柚子醬=份量比想像中多柚子醬配沙律菜 酸酸的 作為前菜很開胃帶子鮮甜 跟黑松露很配 帶子數量亦比想像中多 =明太子免治雞肉棒=用雞軟骨整的免治雞肉棒所以好有口感 不會太韌 有少許肉汁上面的明太子醬有烤過甜甜地有帶點鹹香 惹味 =燒三文魚頭=魚皮燒得相當脆 不會太焦香濃的三文魚油脂配合簡單的鹽同檸檬魚油豐富 啖啖Omega-3放入口 =牛肉壽喜燒=新鮮熱騰騰成鍋上 牛肉分量都唔少肉質軟嫩肥瘦適中 亦不失肉味一隻半熟蛋 少許蔬菜豆腐 如果有埋金菇更正將雞蛋攪拌入湯中 更加嫩滑

約左朋友喺呢區見面食飯，見呢間好評如潮款色又多就唔諗咁多~~先是一個壽司 - 火炙左口魚邊$48火炙先是帶點香烤味，上面一層醬汁令魚的層次更多🤤蟹膏蟹肉炸豆腐$68蟹膏蟹肉味先甜濃郁，加埋豆腐清清地，好食😋煙肉荔枝卷見到咁特別就想試下，荔枝聞落有香濃酒香，面層煙肉包住一齊食好，咸香加荔枝酒香，好夾👍🏽鹽燒海蝦$98一碟有3隻大大隻，一上枱已流晒口水，襯熱食先，連殼都損埋是常識，蝦頭多汁蝦肉大隻鮮甜😋牛肉壽喜燒$108份量十足，夾極都有，牛肉片、娃娃菜、大葱、雞蛋，豆腐、菇等，食材索晒湯底精華，惹味極石鍋鰻魚炒飯$138這個份量也很大呀，炒飯底好香得多鰻魚粒粒，飯面滿滿醬汁的燒鰻魚，好林好食😋食得非常滿足，服務周到👍🏽

上次來食，見到鄰座點了原條鰻魚，好吸引，念念不忘想再次來食，今次恰巧到長沙灣，所以再來這裡晚餐。店舖雖小，但坐得舒適。食物種類頗多，我們當然會點「原條成田醬炭火燒鰻魚飯」，另外，我很喜歡吃「牛肉壽喜燒」和「三文魚火炙壽司」，見這裡有，當然會點啦 友人再點了「芝麻雞翼」。天氣太熱，我們先點了「梅子梳打」及「白桃乳酸梳打」。梅子梳打及白桃乳酸梳打，不太甜 原條成田醬炭火燒鰻魚飯 好大條，真的原條上，一人一半都好多 鰻魚厚身、嫩滑，啖啖肉，再配上鰻魚汁，甜度剛好，拌飯一流 我最愛吃「牛肉壽喜燒」，將雞蛋攪拌入湯中，材料又溶入湯中，令湯很甜，很好味！芝麻雞翼，一碟3隻，香脆可口！已忘記可點沙律醬。再食埋這碟三文魚火炙壽司，很滿足 

太耐冇去日本了冇得出國旅行唯有去日本居酒屋懷緬一下日本的味道今日去咗長沙灣味道樂居酒屋食日本菜😊首先嚟個漬物小食·三點漬物$78健康脆口醬油牛蒡漬 + 爽口美味木魚花蒜頭漬 + 可囗彈牙芥末八爪魚·香炸日本池魚仔 $58細細條嘅池魚仔，炸到又香脆又金黃，配上沙律醬，一啖一條非常好味😋跟住嗌番啲日本料理－·醬燒虎蝦 $68/隻手掌咁大嘅虎蝦 + 蟹膏一齊燒烤，既有原汁原味嘅海鮮味又有香口嘅燒烤味，仲有虎蝦同蟹膏非常夾，雙重口感味道更加突出·脆炸軟殼蟹反卷 $88啖啖肉嘅軟殼蟹反卷，軟殼蟹非常香脆可口，再配上超級新鮮嘅蟹子，香脆得來又有爆珠嘅感覺，口感一流👍之後嗌返個主食·三色魚生飯 $128超級厚切三文魚🍣 + 油脂飽滿色澤鮮亮嘅油甘魚🐟 + 肉質鮮甜嘅甜蝦 一齊拌飯，鮮甜美味又滿足·牛肉壽喜燒 $108小小火爐但係分量十足，淨係牛肉已經有好多塊，而且牛肉非常新鮮，再配上娃娃菜、大蔥、豆腐、雞蛋一齊煮，成個湯都變得又香又甜最好嗌返杯梅子燒酎梳打 $58少少酒味酸酸甜甜嘅梅子酒好易入口😊超級有日本味道嘅居酒屋，值得推薦俾大家依家點讚佢哋嘅網頁＆OpenRice 即送黑松露日式糖心蛋一客

阿女定咗位，去長沙灣一間不起眼的居酒屋小店補祝母親節。6:45去到未算多人，7點幾越嚟越多人，基本上已經滿座，店鋪細細座位並不多。但內裹的裝修恍如置身於日本居酒屋一樣。我哋都係第一次去食這間，睇到餐牌樣樣都想試，總共點咗6樣食物。其中一款佢嘅招牌菜，原條成田醬炭火燒鰻魚飯。鰻魚飯一上枱，隔離枱即刻嘩咗一聲，因為鰻魚真係好大條，而且飯嘅份量亦都好足，$138黎講絕對係超值嘅。我好怕食到啲霉霖的鰻魚，好彩佢條鰻魚大大條好新鮮，厚肉兼爽彈，配埋鰻魚汁好正！小食方面，我叫咗流心芝士魚餅，中意食芝士嘅人絕對會中意食，魚餅煎得好靚，帶點金黃，入面包住流心芝士，一個人食一塊剛剛好，食曬兩塊就好滿足。另一款好特式嘅你蟹膏蟹肉炸豆腐，豆腐外皮非常薄脆，內裹很嫩滑，上面再鋪咗一層厚厚而又濃香嘅蟹膏蟹肉，一濃一淡呢個配搭出奇地夾。吉列蝦配芥末沙律醬，蝦炸得非常酥脆而不油膩，點上店家自製的芥末沙律醬同吃實在好味到不得了，吉列蝦就算放咗半個鐘，食落仍然非常脆口，證明大廚功架了得。另外一款我好欣賞嘅燒汁大白鱔，一碟有2串。雖然大白鱔製作時間係最耐，大廚燒得外皮非常香脆，除保留肉汁外仲佷彈牙夠新鮮，真係值得等嘅。牛

店面不大，帶點舊舊年代感的居酒屋的風格。 但用餐的人流確是不少，7點半過後基本一直保持著滿座的狀態，來取外賣的也挺多。流心芝士魚餅，魚餅質地彈牙，芝士粒粒分佈在不同位置，咬到就會出現小流心，豐富了魚餅的味道。汁燒大白鱔，皮脆肉嫩，滿口油香，大讚。芝士免治雞肉棒，免治雞肉中還帶了點雞軟骨，口感多了層次。鹽燒豬肋條，與餐牌照片有點不同，感覺份量比較少，不過豬肉也是燒得香口，肉味濃厚。流心芝士燒年糕，年糕軟綿，中間大流心，芝士較淡口，不會過膩。火炙帆立貝蟹膏卷，反卷包裹著蟹柳和青瓜，上面還加蓋著帆立貝、蟹膏和大蔥，想要一口吞有點難度。但若能，那口感和味道是絕對的豐富。牛肉壽喜燒，發現每桌都點了壽喜燒，傳來的味道太香甜令我們也跟著點了一份試試。材料超多，每人足足盛了三碗，好吃之餘也是飽肚之選。食物水準不錯，尤其是燒物，果然是居酒屋。

先生難得放假幾天，晚上到了長沙灣，老爺奶奶家附近的味道樂居酒屋晚膳， 一家四口，樂也融融的食日式料理，開心。🎯 原條成田醬炭火燒鰻魚飯 $138奶奶點的主食，鰻魚飯上枱，我們都看得目定口呆， 魚身肥大肉厚，帶著陣陣的炭烤香味，魚肉嫩滑，油香豐溢，用這價錢享用得到，可算是非常優惠。🎯 牛肉壽喜燒 $108煲內有牛肉，大蔥，豆腐等，牛肉嫩滑，蒟蒻絲爽口，黃芽白煮得尤其入味，一鍋內有肉有菜，湯水甜甜的，老人家也喜歡，壽喜燒 有小爐火架起，食到最尾也是熱的。👍🎯 岩鹽燒築地赤魚 $178食前擠少許檸檬汁品嚐，可去除油膩感。即點即烤的赤魚肉質細膩紮實，帶著油脂香氣，非常鮮美，口味有點像一夜干，鹹鹹的，送飯一流。🎯 火炙帆立貝蟹膏卷 $88先生點的主食，每件壽司卷都鋪上了帆立貝和蟹膏，賣相吸引，讓我也禁不住偷食兩件， 帆立貝和蟹膏融合在一起，味道鮮美，且十分飽肚。

無意間發現這家隱藏於長沙灣的居酒屋，便跟父母及太太前來試試餐廳面積雖少但裝修非常有日本居酒屋的感覺值得一讚是下單時店員用心的簡述餐牌上一些菜明太子雞翼 $58明太子釀在雞翼中味道剛好，不會太鹹而啖啖肉的口感鐵板泡菜芝士雞 $98鐵板煎的雞很香濃，芝士及泡菜味出奇的夾火炙帆立貝蟹膏卷 $88蟹膏鮮甜，加上火炙得很香的帆立貝，有雙重的鮮味大蔥特上吞拿魚腩卷 $88吞拿魚腩飽滿及新鮮，一口放進咀裡很滿足原條成田醬炭烤燒鰻魚飯 $138鰻魚意想不到的大條，以此價格有這種份量的鰻魚實屬超值牛肉壽喜燒 $108湯很鮮甜而蔬菜及牛肉份量不少，又是性價比高的選擇煙肉櫻花蝦炒飯 $58煙肉及櫻花蝦把炒飯炒的很入味，可惜份量較少煙肉櫻花蝦煎廣島蠔 $98同樣的材料用來煎廣島蠔，把蠔的鮮味帶到更上一層岩鹽燒築地赤魚 $178跟鰻魚一樣份量很大，岩燒赤魚異常鮮味，加上啤酒肯定是絕配總括而言，這家居酒屋很有驚​​喜，性價比高，味道亦很不錯，想不到長沙灣工業區附近竟有這種高質素的居酒屋呢

七点半左右探病後周圍睇下有乜食呢間聽講不錯，所以來試下原本想試魚湯烏冬，但沒有魚湯点了原條燒鰻魚飯，鰻魚大條好抵食牛肉壽喜燒可以啦，沒驚喜帶子鵝肝卷帶子甜甜的鵝肝雜菌石窩飯，鵝肝帶點酥味整體食物幾好，選擇算多