群記清湯腩 (已結業)

今天天氣很好去了大埔玩wakesurf, 衡量了一會到底吃群記清湯腩還是陳漢記腸粉呢？這個neighborhood 有很多美食，除了群記清湯腩、陳漢記，還有大埔街市的熟食檔。最後決定一次過滿足晒兩個願望今天只有幾個人排隊，我們都打算戒澱粉質，進入店內就挑選了 一份清湯爽腩（好肥），一份牛面珠燈（軟林林好有牛肉香），再來一份牛孖筋（骨膠原多到😻😻😻）牛骨湯真係好入味，如果不是要在連續吃多餐我相信我會多點兩碗牛骨湯🥣

今日入左去大埔補習，難得呢個時間群記唔洗排隊，當然要入去食啦。平時星期六一定排大隊，星期日仲要唔開嘅群記，都可以算係香港數一數二嘅清湯腩專門店。九記個d就唔好提啦，能夠同群記比，應該都只有華姐清湯腩。本身諗住叫個牛爽腩米，皆因佢d爽腩肥瘦適中，油香陣陣，之前食過都好回味，可惜今日遲左去，已經沽清，唯有叫個牛面珠啦。牛面珠米講下個湯先，湯底牛味好香濃，食落有d膠質漿住個口，食得出湯底真材實料。牛面珠肉質非常嫩滑，一梳梳，食落比牛腩淋身，肥膏非常少，相對爽腩健康。唯獨牛味較重，怕騷嘅可能未必岩。總括來說，群記都算係有水準的清湯腩，值得翻食

終於終於終於食到爽腩喇！！說不出的爽呀真係!星期六,一點零入到去，人龍不算太長都係等左大概廿分鐘。等既時候非常擔心會賣哂爽腩好好彩入到去叫到最後一份淨爽！！重每人叫左一個牛面珠粉～牛面珠唔肥，但肉質軟稔個人覺得比起普通牛腩好食d!然後爽腩就黎到！！一望就知真係唔同d成碗都係膠質重既腩！個種口感真係普通牛腩完全無得比！好似食緊一層骨膠原又有少少似豬手皮，但係又無咁稔真係好食到唔捨得食哂 群記另一重點就係個牛骨湯三個碗都飲到一滴都無！

來大埔多次，想一試群記不果，不是關門便是賣光，這次終於成事。在門外排隊等了二十分鐘才有位，我們四人瑟縮於牆角檯，食物方面，除了牛腩、牛筋外，還有一些較特別的部位，如牛面珠和牛鞭，我們點了清湯爽牛腩河 $45X2，清湯牛面珠河$37及清湯牛腩麵$39。價錢絕不便宜，四十多元一碗粉麵，可等於茶餐廳一個套餐，不要期望這裏的份量會很大碗，可能還比其他粉麵店略小。我和小妮子都點清湯爽牛腩河，爽腩是一邊連著片厚筋膜，兼有些少肥膏，腍滑、煙韌帶爽，很合我的口胃，味道亦調得不錯，河粉質素中規中矩，清湯味道濃郁，清清純純，據說是用牛骨熬成，入口有膠膠的感覺。我在其他牛腩麵店曾喝過有加入羅漢果同熬的清湯，味道帶微甘，是我最愛的版本。小妮子契媽的清湯牛面珠河，牛面珠炆得很腍，腍得像棉花，入口即融，牛味亦濃。賢內助吃的清湯牛腩麵，醶水太重，她不喜歡，牛腩少肥多瘦，也算有水準。價錢不便宜，又要排隊，再來的機會不大。

一月十五日 (星期六)牛腩名店,在港島吃過如華姐,大利和九記,質素真的不俗不過聽說云云高手之中,大埔的群記也是牛腩界中的代表是日決定和老公仔做完運動後一試位於大埔街市附近,鋪頭細細,下午一點才開門,有點"唔憂做"之感剛開門已現人龍,我們都做了心理準備看到隔離正在賣豆腐花,買了一碗邊吃邊等(不錯的,大家可以一試...Openrice暫時沒有這間豆腐花店的資料)聽說群記一關鋪就開始煲牛骨湯,準備湯底老公仔事前已選定試清湯牛爽腩河粉而我則看了看餐牌,看到有牛面珠,頗特別,於是就點了清湯牛面珠米粉湯底用牛骨長時間淆製,清香入味單是湯底已嬴盡掌聲再吃牛爽腩,又爽肉又軟稔,在肥膏不多,集所有精華所而牛面珠則是細細粒的,很香滑,極富牛味,肉質煙韌無比終於吃完清湯腩的四大天王首選群記!

群記長期要排隊, 今趟再路過, 見人龍短, 決定花少少時間排隊一試。牛骨湯: 超濃郁的牛鮮味, 實在係"餚"製多時的極品!!! 爽腩: 超爽的牛腩, 絲毫沒有肥膩的感覺, 鮮味無窮!!! 牛面珠: 我未食過牛面珠, 好滑, 肉質細嫩!!! 我係一個唔好牛的人, 也十分欣賞這牛餐呢!