長阪燒

營業中

休息中

今晚黎呢度摸杯底傾下計真係好正～居酒屋feel有生蠔食，食左一set好鮮嘅Irish Rock，黎自愛爾蘭，蠔味重又大隻厚肉～燒雞泡魚干超級咸香有少少肉汁～兩樣野配一杯浸左兩年嘅梅酒原來都好襯，聞落飲落都好香，好岩我飲～另外，朋友order嘅北海道鮮帶子夾海膽，同埋串燒都好好味！蜜糖雞翼同辣味雞翼大隻又香，特大虎蝦個size夠哂巨，個蝦頭香蝦膏味，仲有條蝦肉粗到呢～打開menu 樣樣都想試下，亂點免治雞肉串、牛胸腹、煙肉番茄、雞肉大蔥、燒翠玉瓜，都好好味～呀！最後我地傾唔夠，再order個天婦羅，炸粉薄沙追魚肉鮮嫩。呢度有私隱度高嘅座位，又有好有feel嘅吧檯位，服務好，店員推介嘅都好ok，最重要係食物夠高質，可以encore～

放工去了旺角的長阪燒食晚餐坐低見到季節限定餐牌，我們選擇了8隻生蠔+2杯野飲餐廳環境日本風情，揀了坐吧枱，前面就見到擺放唔同嘅食材，先上了點的餐飲，下圖是 Suntory 三得利生啤同時見到大廚們忙着為我哋準備食物，另外點了菠蘿汁，無酒精，合適我朋友唔飲得酒。緊接就上了8隻日本真蠔有八隻新鮮開嘅生蠔🦪，兩個人share，作為今餐的開始，有好好 impression，生蠔🦪好新鮮，試下佢地收縮，證明真係新鮮即開，而生蠔食落鮮甜 + 有海水味 👍🏻拖羅根沙律上面嘅沙律菜新鮮，熟拖羅加上有三文魚魚子、洋蔥、番茄仔、酸酸甜甜好醒胃。北海道松葉蟹蓋，即係甲羅燒：之前在其他餐廳有食過甲羅燒配烤法包片、梳打餅。串燒物方面呢就有燒牛舌、提燈（即係初生雞蛋）仲有免治雞肉棒、雞胸軟骨比較特別嘅係今次第一次食串燒點呢個蛋黃，提燈都係比較特別，食落即是去咗蛋白又夾得起既蛋黃。特大虎蝦呢兩隻虎蝦蝦頭好多膏，總體好大隻，蝦身肉質好結實。鹽燒油甘魚鮫呢個油甘魚部位，睇相唔覺咁多肉食，但食落慢慢發覺竟然出乎意料，好多位有好多魚肉，油甘魚魚油分布好豐富，食落充滿魚油，完全唔會乾身，大廚燒過外皮，令外皮食落比較香比較脆。

🍶清酒煮蜆（$78）啲蜆煮得好清甜，而且食落無沙，正👍🏻🐡燒雞泡魚干（$68）🍣藍鰭吞拿魚腩大拖羅（$156）🍣油甘魚腩壽司2件（$48）🦀松葉蟹膏多士（$128）🦪Oyster set 4隻（$138）呢度嘅蠔食落海水味唔算好重，入口好鮮甜，加埋檸檬汁食，連我本身唔太好食蠔嘅人都會想食多幾隻🍢免治雞肉棒（$76）🦐特大虎蝦2隻（$88）咁樣嘅價錢有兩隻手掌長度嘅虎蝦，性價比高🍍菠蘿雪芭（$68）🍋檸檬雪芭（$68）食飯點可以無甜品呢，店員聽到我地話想試甜品就推介左雪芭俾我地，食落真係覺得無介紹錯，檸檬雪芭食落好fresh但比較酸，個人鍾意菠蘿多啲，酸甜度啱啱好

好久冇去吃日料，今日經過旺角缽蘭街長板燒，就去大吃一頓。長板燒環境係我最鐘意嘅一面，清淨，優美！可以好放鬆心情。食材又新鮮，精緻！好有層次感。江戶前玉子燒，口感比較特別，似小蛋糕，綿密又鬆軟。雜錦天婦羅：炸粉唔會厚，也不會油膩，炸蝦好彈牙。都不錯。壽司有火炙平目魚背，三文魚腩壽司，赤蝦壽司。壽司嘅米飯用了赤醋，粒粒分明！赤蝦鮮甜，點上豉油介辣，正。串燒有牛舌，牛胸腹，免治雞肉棒。厚切牛舌，牛味重，口感不錯。燒海鮮嗌左燒元貝和特大虎蝦。虎蝦好大隻，蝦味濃郁，蝦頭部位還有好多蝦膏！正。大大粒元貝配上燒汁，好爽口。不知不覺都嗌左不少嘢，食得都好飽。

餐廳裝修似傳統日本居酒屋，有日式爐端燒，亦有刺身壽司。壽司叫左油甘魚腩同海膽壽司:  油甘魚腩肥美，好夠油香。海膽顏色較深，但非常甘甜。藍鯺吞拿魚腩中拖 : 中拖黎講也算肥美，好滑，肉質細嫩。另外再點左幾款爐端燒食物。特大虎蝦 : 淨係賣相都夠吸收，上菜時不禁“嘩”左一聲。虎蝦好大隻，超彈牙，蝦頭部份仲有好多蝦膏。廣島蠔 : 廣島蠔size唔大但肉厚，味道特別濃。美國牛小排 : 牛小排非常多肉汁，外面香口裡面肉質嫩滑，點少少山葵鹽醬，將肉味提昇。燒三文魚飯糰 : 飯糰的飯粒都已經有調味，不用再點醬油，燒完粒粒香脆。