拉麵Jo

營業中

休息中

每次想吃沾麵，第一時間便會想到屢獲米芝蓮頭銜的拉麵Jo位於寧靜的小道上，門外的大紅燈籠份外惹人注目餐廳裝修樸素親切，就像置身日本隱世拉麵小店一半是麵檔座位，另一邊就是四人散座，各式其式新製品雞白湯拉麵加入魚介湯及特製雞油，濃厚無雜味特製沾麵內有三大塊厚切叉燒，肥瘦適中，粉嫩軟腍一品料理雞皮餃子炸至金黃可口有油香，內餡軟嫩多汁涼伴菠菜鋪滿鹹鮮柴魚絲，清新爽口，正好消膩日本蜜桃汁粒粒白桃果肉香甜清爽，桃味十足

2013年開店的拉麵Jo，曾連續多年獲得米芝蓮必比登推介，今次於銅鑼灣本店嘗試特製沾麵，使用日本食材熬製濃厚木魚豚骨沾麵湯底，配上激粗身麵條，掛汁力一流。沾汁中央的木魚粉更是神來之筆，麵條沾上粉末後，口感及香氣有所提升，讓食客更好好能感受這碗沾麵的各種層次。Tsukemen of Ramen Jo feature rich seafood and pork bone broth with its extra thick noodles, while the katsuobushi powder enhances the aroma and flavor, allowing you to fully appreciate the various layers of this bowl.

連續7年米芝蓮推介的銅鑼灣分店拉麵Jo，佢地既豬骨湯底花咗10多小時熬製，一定要嚟試吓。平日夜晚6點幾嚟到，雖然座位唔多，但係等咗一陣就可以入座。🔻特製魚介豚骨拉麵 $98 【期間限定】今次期間限定有特製魚介豚骨拉麵，魚介湯底好香好濃郁，配上大量魚粉，令到湯底既鮮味好突出，完全唔覺得咸😋拉麵配菜有叉燒、雞胸肉、糖芯蛋、厚切竹筍、少少柚子皮😊麵條偏幼，軟硬度適中，非常好味🤤🌟 Lamlam脷指數 😋😋😋😋😋 (5/5)♨️特製沾麵 $106沾麵湯用石鍋上菜，keep住熱辣辣，食得慢都唔怕會攤凍哂🔥湯底濃稠，有好濃厚魚介豚骨既味道，聞落好香，不過食落就有少少咸🤭沾麵配料有椰菜、竹筍片、京蔥。拉麵條口感彈牙，掛汁力非常高，湯底完全融入係麵裏面，食到好滿足🤩仲配有2塊叉燒，雖然薄咗少少，不過肥瘦適中🌟 Lamlam脷指數 😋😋😋😋(4/5)🥢另外仲可以追加多款小食或者配菜✨ 整體評價: 最受歡迎既特製沾麵雖然有少少咸，不過豚骨湯底加魚介製成既湯底的確好鮮甜。而期間限定既特製魚介豚骨拉麵都係必試😋😋✨ Encore指數 ⭐️⭐️⭐️⭐️⭐️(5/5)

銅鑼灣人氣拉麵🍜 離遠已經見到人龍，好彩時間比較就早，即使假期都唔算排左好耐☺️特製沾麵 $106沾麵既份量都幾多，極粗麵好煙韌好有咬口😍 每碗都有3塊又大又厚既叉燒，口感好軟好正😋 食過有啲過百蚊既拉麵都係得丁屎咁大既叉燒...真係少得可憐🥺 另一重點，濃厚木魚豚骨湯真係好濃郁，好香木魚味，仲有椰菜、玉蔥、京蔥、干筍索曬啲湯好正😋 特製低溫叉燒麵 (期間限定) $118好澎湃呀‼️足足12片低溫叉燒鋪滿曬成個碗🤩 用66度慢煮出香嫩入味既叉燒，入口即化，真心好好食🤤 整體黎講對拉麵既麵質好滿意，好煙韌(完全係我喜歡既口感) 粗幼度適中，掛湯力一流👍 豚骨湯底好香濃，依個價錢有依個分量同質素，性價比算高🤓小食方面嗌左炸雞軟骨($48)同雞皮餃子($48)😎 炸雞軟骨好香脆可口，送酒一流!! 雞皮餃子好特別，脆卜卜既雞皮包住豬肉、香蔥餡，一咬爆汁真係好高質🤩

呢度嘅選擇有好多 有辣有唔辣 拉麵粗有幼 沾麵有冷有熱🍜 超級鍾意食呢度嘅沾麵 拎左咁多年米芝蓮真係名不虛傳🤩一碗非常之我口味嘅沾麵😋最欣賞嘅係呢度嘅麵底 軟硬適中好彈牙 加上掛湯能力好強 再一啖都會食得出有好濃魚介味嘅湯😍叉燒肥瘦均勻有入口即溶嘅效果😆加上份量都幾大下 食完超級滿足～.one of my favourite tsukemen in hong kong - the michelin 💫 Ramen Jo! i love how the shop is little & cosy which gives you an authentic vibes especially when the workers there communicate in japanese 🤣 the texture and temperature of the noodle is a 10/10 and match perfectly with their delicious broth 💯 i truly enjoyed my tsukemen & would definitely recomm

星期五的晚上又是接男朋友收工的時候，好耐無搵特別既拉麵食，好彩今次無失望！一般日本拉麵店都唔會有太多選擇，這間豚骨為主。個人比較傾向湯麵，點左蒜油豚骨拉麵。一見到兩塊叉燒晶瑩剔透，對腩肉等肥豬肉不感興趣既我都流哂口水比起一般日本拉麵既叉燒，佢切得相對薄一d，入口唔怕覺得太膩湯方面濃而不咸分量一黎到我覺得唔夠，點知食完都幾濟男朋友揀左這裡最出名既沾麵叉燒賣相一樣，都有3塊，麵質比較硬身，湯味道好吸引，仲有陣陣海鮮味。仲叫左個炒野菜，少少油膩，卻有好多唔同種類既菜，好好味可惜環境十分窄，餐牌貼於牆身。食緊期間，keep住同後面背對背既女士有碰撞...

第一次食係同事帶既，之後就上癮甘次次自己去，好好食既沾麵，湯夠濃，唔油，肉份量夠。食完又可以加湯，加完都係唔油既湯底。成日去食，水準係keep 到，係個湯有時唔係好熱。平時都係唔洗點排隊，係有時星期五晚，六日先要排一陣。唔知由幾時開始黎左個女待應，服務真係唔係幾好，甘因為係不收加一關係瓜🤷🏻‍♀️🙈沾麵湯同麵送左俾兩個客人，唔係按師傅放左麵俾客人，送湯去俾客人。收拾東西又好隨便，zip 入客人度。如果遇到係出面排隊，亦都不停重覆問客人幾多位。雖然係甘，但唔會阻我去食沾麵既決心，變左飯堂啦。亦都係為左拉麵jo, 第一次寫食評。

今日約左男朋友黎cwb行街街，兜左一大個圈，最後決定一試呢間人氣爆燈既「拉麵Jo」，好彩今日閒日，時間又尚早，唔洗等位姐！聽過咁多拉麵Jo既好評，但就未真係入去試過，今次一定要抓緊機會食返一次！呢間拉麵店，除左主打既沾麵、拉麵，仲有飯、小食同飲品，樣樣都想試啊！Order紙好清晰簡潔，先揀味道，再揀麵要唔要蔥花，輕鬆配搭出自己既心水。我地都好中意食沾麵，都好想食半熟蛋，唯有2個都叫特製沾麵。有時候唔止撞衫，連口味都會撞。。。座位方面，好似日本拉麵店咁，呢度每一個位都係面向廚房坐，可以望住廚師準備食材，證明呢度係唔會有「那西」既情況出現，比到好大既信心我地。呢度細心到會有張guide介紹點樣食沾麵，又學到野啦！特製沾麵 ($106)沾麵黎到個賣相就認真唔錯，佢個沾麵係粗麵黎，掛湯黎講比幼麵好，啖啖都沾滿湯，口感亦都有咬口，煙韌彈牙。 湯底非常濃郁，木魚味重，但濃得黎又唔會油膩，都幾難得。叉燒就有小小肥膏，不過d肥膏入口即溶，偶然食一兩舊無所謂啦！食飽先有氣力減肥啊嘛！半熟蛋都好正！餃子 ($32/3隻)餃子有3隻，一貫日式餃子既做法，先將底部煎得香脆，再一下反轉上碟，再加上特製醬汁，得左

今日和朋友去咗銅鑼灣逛誠品書店，逛完之後朋友就話附近有間幾年都榮獲「米芝蓮車胎人美食推介」嘅拉麵店，提議去試吓，仲話之前佢嚟過兩次都因為太長人龍而放棄，今日時間尚早，一於看看運氣指數如何，於是我地就行去碰碰彩數。真係好好彩，門口未現人龍兼且店內還有幾個座位，於是開開心心入去坐低。店舖採用趟門設計，裏面有一排L形吧枱座位圍著開放式廚房，可一邊吃一邊看著師傅煮麵。麵食選擇唔算多，可在落單紙上依據自己口味剔選，朋友喜歡吃沾麵，我就選了『蒜油豚骨拉麵』，再追加咗一隻日本半熟蛋和竹筍，仲有日本餃子添。『蒜油豚骨拉麵』細心呷了一口湯，湯底充滿蒜香，味道鮮味濃郁，不會過鹹，帶點稠身，叉燒肥瘦均勻，咬落肉質軟腍，充滿脂香，幼身拉麵有咬口，煮麵時間控制好，質感彈牙有嚼勁，份量亦很足夠。加埋蛋味香濃嘅日本半熟蛋，軟滑嘅蛋白和流心嘅蛋黃令整碗麵更加豐富，仲有脆嫩入味的竹筍乾，吃得更加滿足。『特製沾麵』朋友嘅沾麵賣相唔錯，湯底以石鍋盛載著，蒸氣騰騰，選用咗粗麵，應該比幼麵更易掛湯，而且口感亦較有咬口，煙韌彈牙。 湯底香濃美味，木魚味重，濃而不膩。至於三片叉燒雖然有點肥，不過朋友話啖啖肉、d肥膏入口即溶，偶然食

其實經過好多次都無入去食 因為次次都係去食隔幾間舖位嘅榮式雞扒飯😂琴日終於去咗試佢個特製沾麵 同行朋友食咗豚骨拉麵🍜-特製沾麵$106有冷熱麵揀 今次叫咗冷麵 真係比熱麵爽口彈牙👍🏻 沾麵汁有熱鍋上 令個湯無咁快凍 可惜嘅係 我不斷放凍嘅麵落去 個湯愈食愈凍 都係建議大家食番熱麵 保持湯嘅溫度😂不得不大讚佢地店嘅叉燒一層一層油脂雙間 入口即溶嘅感覺 入味💯👍🏻沾麵汁有好濃木魚味 唔會過咸-🥟煎餃子$45/5pcs煎得唔夠香脆 肉涵唔係特別多 普普通通🍜豚骨拉麵$85幼麵 湯地唔會過咸內在環境幾有日本風味見到廚師煮麵過程

唔經過真係唔知，原來眾多甜品店包圍嘅希雲街後面嘅加路連山，竟然隱藏左間米芝蓮推介嘅Jo拉麵，鍾意食拉麵嘅我梗係唔會錯過啦。我同朋友分別叫左個特制沾麵加叉燒木耳，蒜油豚骨拉麵，一分葱花牛舌同杯氣水。特制沾麵有冷熱選擇，而我就對熱嘅比較感興趣，本以為熱嘅麵會係麵質方面比較失色，點知熱粗麵同樣好有彈性，唔驚整凍湯之餘麵質亦相當有質素。加上粗麵嘅掛湯能力高，配埋味道濃郁嘅木魚豚骨湯，就更加無得彈。叉燒係半肥瘦嘅，瘦嗰邊嘅肉唔會好粗糙，脂肪部分令我見識到咩叫齒頰留香。沾麵有半隻半熟蛋，雖然唔算好流心，但係蛋白入面都好滑。不過沾麵係無木耳嘅，鍾意食嘅就要額外加錢買啦。同埋可惜嘅係湯係無得加熱，要keep到啖啖都夠熱就要食快啲啦。朋友叫嘅蒜香豚骨拉麵味道都唔錯，七分蒜香三分油香。油香並唔單單係麻油，而係會見到一粒粒炒香左嘅芝麻係湯入面。拉麵用嘅係幼麵，麵質相對較淋，叉燒嘅水準穩定，有木耳椰菜等配料。而葱花牛舌就係必定回購嘅美食，牛舌有咬口得黎唔會咬唔開，黑椒嘅辣同鹽嘅咸味調較得合適，淡淡嘅葱香再加上少許嘅檸檬汁令食物更清新同鮮味。可樂其實如果夠凍嘅話到到都一樣，不過如果佢嘅食用水可以加返啲檸檬落去就

香港的拉麵店如繁星般多，大多數以濃郁豬骨湯頭作賣點，雖然各師各法，但作為一個普通食客，有時候未必覺得分別很大，今日我以平常心到這家拉麵 Jo，因為是連續四年米之蓮推介，來到方知道是日本人主理，招呼我們的年青男侍應亦是日本人，都怪我請敎他不同湯頭的分別，他終以洪荒之力介紹，感覺份外窩心。 依照他的解說，知道豚骨湯頭最清，醬油味稍濃但都是清湯，而味噌及沾麵就非常濃郁。 二人同行的一般選擇，一濃一淡、另一小吃再加碗叉燒飯分享。 桌上備有兩款醃菜及生蒜頭，我懷疑有幾多香港人鍾意食，但如果正宗就需必備，客人試少少無妨。 豚骨湯麵 $86 據說湯頭花上16小時熬製，淡淡的淺褐顏色，白芝麻滿蓋，雖見點點油光，但喝一口，難得清香醇厚，豬骨味香但無膩感，骨膠原豐富，愈飲愈有味道。 非常肥美的叉燒有兩枚，瘦叉燒會嚡，肥有肥的好，不過有點膩；其他材料有京蔥、木耳絲及竹筍。 選用幼麵，零舍掛汁，啖啖豐富，好吃。 細叉燒飯 $42 同樣是肥美的五花腩肉，角切及炙燒過更好吃，燒走了多餘脂肪，香惹不膩，醃味豐富，有點肉汁沾在白飯上，相信選用日本米，這個飯平靚正。特製沾麵 $106 沾麵即點即做，需時1

好耐以前已經有朋友介紹我嚟呢度食，之後仲得悉呢度連續四年都係米芝蓮推介的，就更加想嚟食，今日終能一試風味～喺門口望餐廳唔太顯眼，舖頭亦唔係好大間，有典型嘅日本拉麵店格局同兩張坐枱。一坐底店員就遞上杯同水，係冰水呀 — 香港終於有返間日本餐廳係遵循日本嘅做法俾冰水，又加分了～日本近年好興呢種辣麵，有啲似擔擔麵，用上肉碎同辣醬，但就多啲湯水，呢碗嘅辣味好足，令人食得過癮。而叉燒嘅肥瘦平均，好軟熟。麵條非常粗，亦係較硬嗰款，配料都唔少，除咗半隻溏心蛋，仲有成三塊叉燒同三塊紫菜！本身嘅湯用上木魚同豚骨熬，味道好濃，又充滿魚香～食哂拉麵之後再請店員加湯，都唔會搞到好稀，味道猶在。呢個蟹肉忌廉餅超正，超級 creamy，簡直入口即溶，基本上唔洗點醬油都好好味～唔好睇呢餐嘅份量好似唔多，但慢慢食落又幾飽喎～

今日星期日，出左銅鑼灣諗住去誠品行下，順手試下Jo 仔個沾麵。朋友上次去完拉麵Jo食，話佢好食過日本某d名店，講到咁款，好難唔試喎。沾麵要做得好真係唔易，一d做到個汁淡又稀，完全掛唔到個麵，有dd麵又做到太幼，要拎個平衡都唔易。要試就當然要試個好嘅，我叫左個特製沾麵。沾麵黎到個賣相就認真唔錯，佢個沾麵係粗麵黎，掛湯黎講比幼麵好，啖啖都沾滿湯，口感亦都有咬口，煙韌彈牙。 沾麵個湯底非常濃郁，木魚味重，但濃得黎又唔會油膩，都幾難得。至於個叉燒就有d肥，不過d肥膏入口即溶，偶然食一兩舊都可以接受。總括來講，沾麵做得真係好好，湯底濃而不膩，麵亦彈牙，真係好過唔少日本當地沾麵店。

一整天工作已令我身心俱疲，不幸的是還遇著滂沱大雨，雖然有撐傘，但大半身都濕透。身心也被雨水濕透的我，腦海中浮現的只有一碗熱騰騰的拉麵，希望能藉此安撫一下今天不愉快的心情。這家看似平平無奇的小小拉麵店，樸實無華的裝潢，只有十多個座位，給人感覺像是置身於日本的麵屋一般。雖然如此，原來這家拉麵店已連續由2014－2018五年連續榮獲米芝連推介，能夠保持多年的美譽，必有其過人之處。蒜油豚骨拉麵 ($85)👍👍👍👍每次吃拉麵，我都會先喝一口湯，濃厚的豬骨湯底加入了日本黑蒜油，蒜油的香氣令湯底味道提升，蒜香撲鼻。麵條是直身幼麵，質感彈牙並帶小麥的香氣。配料包括兩片义燒、椰菜、青蔥、竹筍和木耳。半肥瘦的五花腩肉叉燒，肉質腍滑，口感豐腴，但食落又不覺肥膩。如果想再增添蒜味，還可以用蒜頭夾把原粒生蒜頭壓碎，新鮮壓成的蒜蓉味道帶點辛香，亦令拉麵味道更添層次。如果喜歡香辣一點，還可以加添辣芽菜和醃菜，增添口感之餘亦令口味加重。特製沾麵 ($104)👍👍👍👍👍沾麵有熱麵和冷麵兩種選擇，沾麵的配料包括極粗麵、濃厚木魚豚骨湯、叉燒三片、椰菜、玉蔥、京蔥、干荀、木魚粉、紫菜和半隻半熟蛋。直身幼麵已很彈牙，極粗的粗麵