拉麵Jo (已結業)

今晚同屋企人去左元朗行下，見到有間拉麵jo，係yoho mall，聽講係米芝連餐廳，一於試下：特製沾麵 ($105)賣相唔錯，係粗麵黎既，吸湯能力比幼麵好，條條都沾滿湯汁，煙韌彈牙。 湯底幾濃郁，魚味好濃，唔會油膩or覺得heavy，越食越好味，叉燒就肥瘦適中。特製博多拉麵 ($95)有3塊大大塊既豚肉，肥膏唔多，得薄薄一層。湯底就比沾麵稀小小，唔同食法啊嘛。麵條都幾好味既。炸八爪魚球 ($48)一共有6粒，脆卜卜幾好味，入面八爪魚都大粒。札幌啤酒 ($38)夏日炎炎，飲杯啤酒最解暑！

今日同朋友去Yoho睇完戲，朋友話想食拉麵，即下search下元朗邊到有拉麵食啦，點知原來喺Yoho都有，勁surprise！呢間拎過好多獎，又係米芝蓮推介，所以一直想試好耐！🤤🤤我揀咗「特製醬油豚骨拉麵」，湯底非常濃味，食到好重豬骨味，但又唔會好膩，淨係個湯底都令人回味無窮！有兩大片叉燒同埋幾舊角切，叉燒肥瘦適中，煮得好腍身，勁入味！第一次見拉麵有鵪鶉蛋，不過味道冇咩特別！半熟蛋唔算太流心，但勝在蛋味濃，咬落去微微漿口，個口感唔錯！拉麵採用咗幼麵，幾有咬口朋友就食沾麵有9塊瘦瘦哋嘅叉燒~小食揀咗蔥花牛舌，個味唔錯，不過感覺牛舌薄咗啲，如果可以厚返些少，喺口感方面會更加好~~收據：p.s. 鋪頭喺商場入面，有部分坐位係open area，私隱度就爭啲喇！

Yoho新開左間拉麵店，成日經過都見到排隊等位，今次同朋友一放工就去食～等左10分鐘左右入座。特製低溫叉燒麵$118好鬼正，鋪滿左叉燒，啖啖肉喇今鋪真係，我中意將叉燒撈落熱湯度再食👌🏻😋蝦餃子$70（5個）原隻蝦包係餃子度再有蔥肉餡，上面有少少沙律醬，酸酸甜甜令人胃口大開～特製沾麵$105個叉燒係勁好味！入口即融個隻，又夠曬入味，叉燒既油脂香同熱辣辣既湯汁，係一種勁正既combination!最驚湯底太咸食完要狂隊水，呢款沾麵湯底絕對唔會～