大吉居酒屋 (已結業)

搭入一月朋友們就開始話要同我食生日飯，搞到我好唔好意思⋯大家食個便飯聚下傾下計咪得囉！友人搵左中環大吉，食得好滋味～先來溫泉蛋蟹肉沙律。半生熟既溫泉蛋下便就係蟹肉，勁多蟹肉啊！混和蛋醬超美味！開左個胃就黎刺身三寶，三文魚 吞拿魚 油甘魚，新鮮又肥美，尤其油甘魚，必點！晚市優惠刺身及壽司7折，所以我地點左好多😂特雜錦壽司，一次過有齊吞拿魚油甘魚 三文魚 赤貝 魚籽 鐵火卷仲有甜蛋添！辣吞拿魚卷食唔到辣味；入便有d脆粒粒既野，好似軟殼蟹咁，好有口感。另外一樣必點係 大蝦天婦羅，大大隻厚肉蝦，外脆內軟，Oishi~ 超好味呀！！！懷念日本關東煮🍢所以點左一鍋😂真係乜都有齊！蘿白 竹輪 魚餅 福袋⋯仲有年糕 豚肉椰菜包 等等，超大碌竹輪，好似海參😂用上木魚湯底，樣樣都入晒味！

今日陪男朋友係附近整西裝，經朋友介紹原來大吉已經由放題轉型為居酒屋，放題嘅時候我未食過，就決意今晚試下轉型後嘅大吉。<白魚仔日本蕃茄沙律，$98>我地今日都無乜胃口，所以就點個前菜開下胃。沙律菜全部都好新鮮，生菜好爽好甜 ，蕃茄好多汁好鮮甜，配上白飯魚仔，係好開胃嘅前菜。<鹽燒黑豚肉串，$88>黑豚燒得好好食，好腍而且好香豚肉同燒肉嘅味道，我地都覺得好好食，完全無點錯。<特雜錦壽司，$258>去食日本料理，基本上壽司係我地必點之選，而今次絕對係令我地又驚又喜。呢個雜錦壽司包括了三文魚、吞拿魚、油甘魚、赤貝、甜蝦、三文魚籽以及拖羅蓉卷。魚生都好厚切而且好新鮮，好好食，連個飯都覺得整得好好，醋既份量適中，飯既軟硬度都係適中。最鐘意個拖羅蓉卷、甜蝦同赤貝。<吉列廣島蠔，$88>吉烈炸蠔又係我好鐘意食既嘢，今晚都點左。炸蠔新鮮熱辣炸起，蠔唔會炸到縮哂水，但未係最juicy，而佢配左兩個醬汁，一個係日式吉烈醬，比較濃味，另一個係沙律醬，好好食，沾沙律醬既感覺會比較清新。大吉居酒屋個環境好好，好適合同幾個朋友黎享受下，價錢中規中矩，個