太平館餐廳

營業中

休息中

每個週末最期待的就是和家人一起出動搵美食😋 近排食得比較多的系自助餐和放題； 都系時候轉反食正常餐，緩一緩個胃了😅想起好耐冇去太平館， 咁不如就佢啦！ 事關我地一家每人都有一味太平必食菜😍 唷， 點餐冇難度!阿妹最愛瑞士汁炒河， 仲俾佢發現銅鑼灣店系多汁過尖沙咀店添🤣 大小🐍🐍一個點豬脾🐖， 一個點乳鴿🕊️。 豬脾d油香真系冇得彈， 唔系刻制住小🐍佢會一粒飯都唔剩! 乳鴿就一貫水平啦。 曾經我同事話太平館乳鴿好貴， 我強烈要求佢自己來食過先， 唔好攞街邊燒味檔同佢比。 我同媽咪就最愛招牌嘢瑞士雞翼🐔。 另外仲叫左星洲炒米。 哈！可能好多人都冇諗過去太平館叫星米食，但我必須告訴你呢個dish佢地師傅做得好好； 香味撲鼻， 多料多餸。 加幾滴瑞士汁再撈一下， 間直系神來之筆。最後唔少得的， 當然就系籃球🏀咁大個的梳乎里來開心share啦🎊又系食得滿足開心的一天

太平館餐廳是窩夫與媽媽間中會光顧的老字號西餐廳，有超過160年的歷史。太平館有十大經典名菜，其中燒乳鴿、瑞士雞翼和瑞士汁牛河都是窩夫較常點的。經典名菜以外，還有數款「古餚」，窩夫對岑味牛脷很有興趣，印象中沒有嚐過。窩夫與媽媽點了兩個套餐，分別是瑞士雞翼餐($248)和燒豬髀餐($184)。海龍王湯的湯底充滿蝦的鮮味。媽媽說羅宋湯味道偏酸。令人失望的餐包。燒豬髀用上新鮮豬肉，難怪肉味特別濃。窩夫第一次吃岑味牛脷，非常喜歡。岑味是一種傳統法式醬汁，用鴿珍肝、肉碎和香料煮成，甘香美味，拌飯或意粉一流。招牌菜瑞士雞翼保持水準，必食之選。套餐的甜品是窩夫久違的啫喱，黑加侖子味特別好吃。窩夫怕睡不著，熱咖啡只是淺嚐。

困咗响屋企好耐無約朋友出街，今晚相約咗兩位朋友嚟呢間老餐廳懷念一下。今次係特登嚟食佢出名嘅菜式門口招牌以隸書題字門口旁邊有佢地個logo卡位上邊掛上一啲老地方照片干炒牛河佢唔太油係有啲驚喜嘅，而且牛肉鮮嫩，唔會乸到無晒味瑞士汁雞翼無諗過一碟有8隻雞翼，每隻都好嫩滑，亦好入味，但係唔會好鹹！幾正😋葡汁焗四蔬葡汁幾香，唔會辣，減低今晚嘅罪惡感梳乎厘巨型梳乎厘呀😱 甜度幾適中，本人不太嗜甜，唔錯！😋今晚飯腳太耐無見，加上食物又有水準，開心愉快地過咗一晚💝

喺非常嚴峻時期嘅情人節當然都要食好少少 相聚一刻為咗避開人流 & 正日天價特價揀咗呢度食預計唔會人多 亦唔使捱天價 yeah!👻夜晚7點去到 唔使等位直入叫咗個乳鴿套餐 跟牛脷意粉 另加瑞士雞翼最後當然要叫梳乎厘啦🤤整體質素非常唔錯食物好味 夠熱 上枱快乳鴿夠脆夠香口 牛脷汁好味 瑞士雞翼更加唔使多講 梳乎厘夠大蛋味香服務好好 主動收碟 又肯幫手影相 嚟錯咗吉列豬扒意粉又講晒唔好意思食到中途 主動問要唔要叫梳乎厘因為要等A good evening! 🤠

同好姊妹見面去左呢度食,因為我地都好想試叫左個二人套餐,超級多野食而且又大份最終要打包返屋企食埋佢整個餐廳環境非常舒服,兩個人坐卡位服務員叔叔都非常好態度同勁有禮貌仲會推介我地食咩,又會同我地傾下計,感覺好似老街坊,非常親切首先係餐包同湯黎到,服務員叔叔第一時間叫我地襯熱食個包先好味然後一路就主菜,最後上甜品好鍾意食個乾炒牛河!實在太香太好食喇!!上菜時間好快,食客們都細聲講野,整個環境同氣氛都舒服到不得了搵日環帶媽咪黎食多次

今天和大女去一間小學的 2nd in。我們說好了是「參觀學校」，開開心心完成後就去食梳乎厘慶祝。12時30分到達餐廳，已經要排隊，排第3。等了15分鐘左右。全店大部分座位都是卡位。我點了自己喜歡的鹹牛脷。味道非常好，清淡中有肉味，有口感。好的食材，簡單處理就好。河粉炒得剛好，牛肉不多不少，味道也很好微甜少少鹹，大女自己食了一碟。雞很滑，瑞士汁非常惹味，可以食多碗飯。大女期待的梳乎厘！要食得夠快。梳乎厘源自法國的， Souffle 本來的意思是「使之澎脹」。主要材料包括蛋黃及經打勻後的蛋白，烘焗到內裡的空氣澎脹，所以凍左就會縮水。味道很清，沒想像中的甜。大女很滿足，很飽。食慾是心情，因為是慶祝，便食得開心。希望她在之後的參觀能一直保持好心情。

唔知你地既童年係屬於咩味道呢？ 而我既童年最開心就係同屋企人去太平館食乳鴿 瑞士雞翼同梳乎厘 ！ 而今日就襯早早地仲未好多人排隊揀左呢間老牌子西餐廳 太平館 入到餐廳 個一陣懷舊味簡直係湧埋黎 無論餐具 裝潢 都係十年如一日 我都可算係由d 侍應由哥哥變到做叔叔 ！ 細個總係一班屋企人食 所以就會有多d款式食 但今日呢 得兩個人所以就叫左呢個 瑞士雞翼餐！ 有一個呠酒豬扒飯 瑞士雞翼 同餐飲 因為我同朋友都想食甜品所以就冇叫太多主飯 個呠酒豬扒飯既豬扒係用左麵包糠炸成既 所以食起上黎都比較脆口 再加上呠酒汁配飯 個口感都非常之豐富 而個瑞士雞翼都係保持十年如一日既味道 雞翼浸到脹卜卜 啖啖肉最後唔少得我地既重頭戲 梳乎厘 以前細個侍應哥哥會淋上冧酒再點火 但而家可能係安全問題 所以冇做到啦 但拎到出黎都仲係全場注目 因為個size都幾大下 食起上黎仲係蛋味空氣感十足 四個人share都係幾夠 童年味道唔係成日都食到 所以間唔時黎下呢度食飯都係十分之回味😋😋😋

今次去返一間老餐館度食豉油西餐。太平館小編小學嘅時候已經會去食，今次去水準依然keep住咁好。我哋嗌左羅宋湯，瑞士汁牛河，燒乳鴿，瑞士汁雞翼同甜品梳乎利。羅宋湯聽落好似好普通嘅一碗湯，但其實係佢哋熬左好耐，每一啖都好入味。牛河份量三個人share就剛剛好，亦好足料，每啖都有肉片。燒乳鴿屬於小食，份量就唔太多，但由於小編唔太好乳鴿，所以就不予置評啦。瑞士汁雞翼一向都係佢哋嘅皇牌推介，味道同以前食嘅一樣，雞翼係雞全翼，每一隻都一樣咁大隻，真係好好味。至於甜品要等嘅時間就較耐啦，所以個侍應都建議一早叫定先。梳乎利睇落好似好大，但其實食起上嚟一陣風咁就無左嫁啦。不過蛋白甜甜哋好好食。

平時有很多人在門口等位，今晚去到門口少左很多人，唔知同今晚踢世界盃季軍戰有冇關係，晚上7:45 到，等到 8:15 就有位了，都算快！門口接待的和餐廳內服務的也很有禮貌，很親切的，抵讚！今次是第一次嚟，當然要試試他們的招牌菜喇！首先出場的是干炒牛河，賣相顏色吸引，而且是熱辣辣的，味道淡左少少，牛肉份量超多！紅燒乳鴿，肉嫩，鴿味濃郁，推薦！瑞士雞翼，可能年紀大了，覺得甜味太多，但兩個女就話超正！石班捲筒，不知這個是否招牌菜，但是今晚最好味的一個菜式，石班捲筒內有蝦，蔬菜粒，外面淋上濃濃的蕃茄汁，一流！最後就是今晚嚟哩度的最大目的，梳乎里，成個足球咁大的，上枱時真是很壯觀，咁大個都做到外脆內軟，食落口感有些像麵包，而且是有杏仁味的，個人覺得橙味彧原蛋味會好食D！結論是這裡的菜式味道也不錯，但又不是什麼貴價食材，要收這個價錢，實在好似貴左少少，試一次就夠了！

從小就已經聽太平餐館這名字, 可是一直沒有衝動去試一下這間歷史悠久的餐廳受到友人邀請終於可以一嚐這間很出名的老店晚上7點左右門口已經大慨有10人左右在等位了看著餐牌想了一會, 都是選擇幾樣比較出名的食物餐包就是一般舊香港式的麵包, 沒什麼興趣所以吃了一小口就放下了豬脾不是太合我胃口的.. 幾塊薄"片"的豬肉, 頗鞋身, 還有一堆雜豆,就算沾上了瑞士汁也沒有為它加添分數因為不吃牛的關係, 所以點了肉片河粉瑞士汁帶甜而且份量比重很多, 卻不算太出味道, 就是看到那麼深色的河粉入口卻淡淡的, 感覺很奇怪豬肉沒有什麼肉味, 吃了一點就沒有興趣再添一次的了最好吃的可算了招牌瑞士雞翼, 一碟6隻是為當晚吃得最開懷的一道菜了雖說也是用瑞是汁做的一道食物, 可是明顯比其他較為入味,但要知道, 雞翼從來就是很難失手的一種食材全晚最令我其待的可謂是大過人頭的梳乎里了明知等候時間比較長, 所以一早落單的了果真實物大得誇張, 明知這甜品不能待久, 趕快拍了數張照就開動了一切開的時候.. 看到內部已經心沉一沉...濕濕的蛋白泡好像還沒焗熟, 入口那種感覺真的好差, 亦沒有香味可言..好像在吃一個濕掉了的紙包

突然想食鼓油西餐，銅鑼灣都有好幾間選擇，好耐無黎太平館，就揀左呢到。瑞士汁牛河，d粉一疊疊，印象記得呢到d炒牛河幾好食，估唔到今次水準咁樣，不過唔油都算係拎返d分數。牛肉帶濃濃瑞士汁都幾唔錯，唯一真係河粉出事。瑞士雞翼，喜歡這裡的連雞翼尖版，水準keep得到，我滿意的。焗豬扒飯，係雞翼餐跟的飯，總覺得這些老店鋪做焗野同燴野都係好食，茄味強，粉飯底，厚切豬扒，今次的豬扒還算鬆化，是穩陣的。小蛋糕，味道就真係麻麻，不過係經典野。這裡還是食鼓油西餐的好去處。

看見鄰桌的超巨型梳乎厘，確有震撼感覺。不過連加一過百的代價又似乎有點不值，結果忍手，只要兩個餐試試。瑞士雞翼是其招牌菜，不過黑漆漆的瑞士汁，味道不覺得有什麼特別。雞翼原隻上，不用手的話，吃起來着實有點狼狽。雞翼皮算爽脆兼滑，但是雞肉本身無味！缽酒焗鮮牛尾則有點驚喜。牛尾是連皮的，皮肉頗腍滑，只是難免感覺膩了一些。跟餐甜品細小得很，質素又普通，如同連鎖餅店的半件西餅。莫非料定客人必叫梳乎厘？侍應人手充足，效率亦高。不過與一般舊式茶餐廳相似，中年侍應只有最基本的禮貌水平，而且邊做邊講馬，似乎不應出現在中價西餐廳中。

某個星期五放學後, 還未吃晚飯的我跟同學們吃 late dinner.同學們提議太平館餐廳, 肚子打鼓, 反正沒有異議, 三個人就走進了裡~一如其他分店, 懷舊 look 配老伙記; 趁還有多點時間, 叫了肉醬意粉, 瑞士雞翼, 焗葡國雞飯和梳乎厘.肉醬意粉好入味, 肉醬跟意粉比例剛好, 肉醬入味但不鹹, 很有水準.一向對這裡的瑞士雞翼印象麻麻, 貴得來我媽媽弄的還好過, 是次未令到我對它改觀. 不過雞翼肥美卻是無可否認的.焗葡國雞飯又如何? 表面有少許焦了, 有皮有眼; 飯也有著葡國汁的香味, 雞也幾有肉地.最尾的梳乎厘勁大, 印象深刻, 連隔離位的同胞都不禁嘩的一聲, 吃下好鬆軟, 好像吃了好多個好軟的紙包蛋糕般.很來這個梳乎厘才慢慢變小, 很得意呢!吃得幾乎收爐我們才捨得走, 捧著肚子離開.好開心認識同學仔都是在楓葉國留學, 有多點共通話題.