珍珠皇宮印度餐廳

營業中

休息中

第一次去重慶大廈唔知食咩好，門口有幾位印度哥哥拉客🤣，求其跟左一個上去1樓角落既珍珠皇宮印度餐廳🇮🇳。餐廳座位唔算多，會播電視會播印度節目同歌曲，有濃厚印度風情💮。Menu有中英文對照，仲附埋圖片🖼好細心！基本印度菜都有齊，另有素菜、小食、甜品、酒精🍺/無酒精飲品🧃，適合同朋友聚會👍🏻。🔅瑪莎拉咖哩烤雞 ($118)Masala好香濃好惹味，唔算好辣，入面雞件都入晒味好滑🤤。用黎配naan同酥餅又得，就咁食都得😎。🔅混合肉燒烤拼盤 ($178)拼盤超抵食！有印度燒雞、乳酪腰果汁燒雞、烤魚塊同免治羊肉卷各2件，平時食4件燒雞已經要百幾蚊🥺，依家雞羊魚都有齊晒，勁豐富👍🏻。腰果汁燒雞就濃味啲，印度燒雞偏乾身少少。魚都幾嫩滑，羊肉卷以為乾爭爭，但食落又唔錯😍。🔅蒜蓉烤餅 ($28)呢款garlic naan唔會好韌，蒜蓉再加多啲就好啦🤤。🔅馬來鬆餅 ($35)平時鐘意油酥餅，不過太邪惡😂。呢款就唔伯好油，又酥又煙韌🥺，配masala一流！🔅南印度捲餅 ($75)之前試anjappar覺得幾特別，所以呢次試下會唔會有咩唔同😋。呢個餅無咁crispy，中間有薯仔、洋蔥等餡料，食落口感更豐富👍🏻。

香港依加周圍都係日本菜，韓國菜或者西式料理既餐廳，有時食多左都會厭😵‍💫都會想試下其他國家既菜式。前幾日去左呢間位於尖沙咀重慶大廈，主打正宗印度菜既餐廳享用晚餐，未入到去就見到門面擺放左貼住ERROR其中三子既相既banner，原來佢地都去過呢道食😮～幫佢地賣埋廣告添，令人更加期待佢地既料理😳入到去坐左陣，就開始愈黎愈多人，有啲係外國人，而香港人都幾多下架喎！睇黎呢間餐廳都有啲名氣下😌✎ 瑪莎拉咖哩烤雞咖哩味道少鹹，辣辣地，個辣幾刺激，舌頭會覺得那那地，味道濃郁惹味，食完會想追加一碟，幾香香料味，入面都幾多烤雞，至少8-9塊，唔會話太細嚿！😋最鍾意呢碟！✎ 香烤原條鯧魚 表皮少鞋，魚味濃，香口惹味，吱啲檸檬汁，更開胃，呢碟我都好鍾意😍✎ 牛油烤餅 一面烤到好脆，另一面腍腍地，好香烤味，淡淡牛油味，點咖哩食，正！✎ 小茴香炒飯 乾身兼爽口，粒粒分明，充滿茴香味😍，味道誘人，份量勁多，應該夠2-3個人食👍🏻✎ 芒果奶昔芒果同yogurt味出，好飲！✎ 青檸檬梳打吉多幾下青檸，青檸味比梳打味更濃，正！😚

之前睇viutv見到Error黎左呢間珍珠皇宮印度餐廳食，睇到我都好想試🤤今日就約朋友黎左食，呢度既印度菜都幾多元，除左常見既咖哩之外，仲有各種唔同既印度前菜同埋小食。另外呢度既老闆同埋店員都好nice🥰食完野之後店員仲過黎問我地覺得好唔好食，辣唔辣，之前有冇黎過咁，feel到佢地真係會在意客人既  1⃣️乳酪脆米球（$75） 脆脆既米球入面係酸酸地凍凍地既乳酪醬，仲有啲薯仔，食落去好開胃～  2⃣️南印度捲餅（$75） 第一次食呢款卷餅，勁長😳卷餅表面微脆，入面有啲薯仔、洋蔥，仲配有三款唔同醬汁可以點黎食，覺得打卡定係味道都好唔錯😍  3⃣️混合肉燒烤拼盤（$178） 一上台塊鐵板仲係熱辣辣，聽到啲滋滋聲🤤拼盤有印度燒雞、免治羊肉卷、烤魚塊、乳酪腰果汁燒雞。每一款都食到唔一樣既滋味～特別鍾意印度燒雞，係我自己食印度野必嗌既。香料加上燒過既風味真係好正。  4⃣️瑪莎拉咖哩烤雞（$118）雞肉份量多得好誇張🤩食極都仲有。雞肉幾嫩滑，配上呢款咖哩一齊食好正。咖哩幾濃味，少少辣，我自己就好鍾意。  5⃣️芝士烤餅（$40） 食咖哩一定要配naan！呢度既烤餅即叫即烤，上台既時候仲係熱辣辣既😍烤餅攞上手唔會有油