Goobne Chicken (瓊華中心)

營業中

休息中

成日睇韓劇睇得多都好想食炸雞 搵咗呢間韓式炸雞連鎖店😍😍佢有超多口味嘅炸雞 其中仲有我最鍾意食嘅蛋卷🤩🤩👉🏻無骨甜辣烤雞💓💓💓💓💓($195)呢款無骨甜辣烤雞真係啱晒我呢啲懶人唔鍾意食到骨 而且佢烤到表皮超Juicy 甜甜辣辣啲雞又滑又嫩 仲要做到外脆內軟 連啲雞肉都勁入味 真係令人一試難忘 成為我最鍾意嘅炸雞店🤩兩個人share夠晒飽👍🏻 少吃多滋味👉🏻韓式蛋卷💓💓💓💓💓 ($148)呢款蛋卷超足料 蛋捲裏面捲着紅蘿蔔青瓜少少芝士片加埋午餐肉用紫菜捲着 口感層次豐富 而且配上我最愛嘅蕃茄汁同埋甜甜地嘅芥末醬😋完全唔鬧漏 不過價錢略有少貴 間唔中出糧豪食一次都可以接受😝Goobne Chicken (瓊華中心) (旺角)地址旺角彌敦道628號瓊華中心15樓

係一間好出名嘅韓國連鎖店以連鎖店嚟講佢真係水準好高我平均一個月食一次😂😂♡༘ 無骨甜辣烤雞♡༘一大盤大約有10幾件兩個人嚟食嘅話真係好大份甜醬酸酸甜甜好開胃亦都唔會俾佢嘅辣味搶咗每一件雞都會烤到脆卜卜但個肉質亦都keep到好嫩滑做到外脆內軟嘅口感絕對未試過喺香港食到咁有質素嘅烤雞👍🏻👍🏻♡༘ 蜜糖 BBQ 芝加哥薄餅 ♡༘呢個絕對印象好深刻可以令到我對pizza改觀首先Pizza嗰邊好似餅乾咁樣脆卜卜而嗰邊側邊會有個好似焦糖燉蛋咁樣個餡中間會有芝士薯仔同埋烤肉整體配搭好新奇但係又出奇地好襯好好食強烈推薦大家食👍🏻👍🏻

初二和朋友出街食晚飯突然好想食Pizza但大部分小店都關門休息了來到瓊華中心除了這一家其他都烤肉火煱打邊爐就想不要食太飽，就選了這家沒有訂位，幸好地方很大不用等就可以直接入坐環境尚算乾淨舒服一看介紹見到有芝加哥薄餅選了個薄餅加雞的套餐再加個Blue Orange Slush兩個人絕對食不完！結果留了6件雞給明天的我🙏🏻蜜糖BBQ芝加哥薄餅芝加哥薄餅形狀比較像餡餅滿滿的配料有芝士蜜糖薯仔叉燒，邊緣再加一條薯蓉有蒜蓉醬和辣椒醬但我沒有再加甜甜的很好味，味道濃郁食兩件剛剛好甜辣烤雞（無骨）一大盤大概有15件吧甜醬很野味少少脆的雞肉肉質嫩滑每件大概3-4口的份量好味，不過對於2人來說，份量實在太多了可惜沒有軟少的份量選擇Blue Orange Slush藍色的橙味冰沙第一口感覺有很重的薄荷味不太喜歡但之後慢慢和橙味混口都幾好味，清一清之前濃味的食物不過這也是大大杯的份量飲唔完好凍⋯⋯⋯

/ 朋友講起喺旺角食炸雞，突然諗起好幾年前食過嘅Goobne chicken，炸雞多口味又大份，簡單講吓，旺角分店都幾大間，位置幾多，坐位都闊落，而且有落地玻璃，感覺都開揚啲。 / 上炸雞前都會有個醃酸蘿蔔，開頭食兩粒，食食下炸雞又可以清一清味蕾再食過/ Dinner / 二人甜辣烤雞 $205唔知有冇人都覺得，食甜辣炸雞係最正宗嘅「韓國風味」呢？再嚟Goobne食炸雞，今次我就揀返最傳統嘅韓式甜辣烤雞，甜辣口味入口好Sweet，後勁再覺得辣，成件事邪惡得嚟又好開胃，而且上枱時熱辣辣，一咬落去食到雞肉除咗嫩仲熱到易辣嘴仔，好夠熱好正，我哋兩個人輕鬆食晒成盤。韓式雞蛋卷 $148雞蛋卷切好擺盤幾架勢，吱咗茄汁同蜜糖介茉醬（好似係），每件都幾均勻，雞蛋卷蛋皮唔會太老，加埋配料嘅味道同口感都好豐富，而且包得都幾好唔會一夾就期。

好耐之前已經食過一次呢間大熱韓國過江龍，見到最近出左新野當然要再去試下。晚飯時間walk-in，鋪頭一如既往都係好多人，等左大概20分鐘入座，再計埋烤雞炮製時間約20分鐘，雖然係有d耐，但見到一盤盤惹味烤雞都係值得既😚首先介紹呢個新出既蜜糖香滑烤雞，我地嗌左無骨版本，賣相好似一碟韓式小炒咁，食落啖啖肉，雞皮比例唔算多，每一舊都食到豐富既蜜糖味，配埋芥末醬就更加惹味，不過友人話下次想嗌番有骨版本，話啃住骨先夠風味！甜辣烤雞，一如既往都保持到水準，甜同辣好夾，惹味又開胃！大家黎到都好大機會會嗌呢個side dish韓式雞蛋卷，份量夠大，又可以中和番烤雞肉既濃味！

今天早收工有點餓，又想念韓國，便與同事來到旺角Goobne Chicken，時間尙早，很快便有位子，由於兩個人關係，便點了一個韓國粉絲蛋捲和甜辣烤雞。首先來到的是韓國粉絲蛋捲，份量也算大，但熱辣辣ge蛋捲包著韓國粉絲，蘿蔔絲和一些酸瓜，味道很配合 ，還有不得不提的是三個醬汁，夾著三個醬一起合，不會太乾又開胃，分別是茄汁，微酸，他他醬少少咸和酸不錯，還有一個少少辣的他他醬，這個醬與蛋捲夾著一起吃，真的一流，我與同事還要了兩碟這個醬汁。另外甜辣烤雞，有點像真正韓國烤雞的味道，份量一樣大，首先問道方面，甜甜地微辣，醬汁夠濃，囗感外脆內軟，不會太硬但雞胸部位很多肉，囗感不太嫰口。雞翼和雞肶位嫰滑，值得一試，兩個人吃份量剛好扺吃。

又到咗每月一次中學姊妹一聚作為港女，煲韓劇個陣，總會見到食韓國烤雞嘅情節，所以就嚟Goobne Chicken會一會韓國烤雞啦🤤🤤Goobne Chicken係由韓國遠道而來嘅過江龍🐉 賣點係多款唔同口味嘅韓式烤雞重點係Goobne Chicken嘅烤雞不經油炸！！岩哂成日話要減肥嘅師奶仔&一眾姊妹！Goobne Chicken嘅烤雞用焗爐焗嘅，做外脆內軟！仲要好Juicy!! 佢地嘅烤雞做到低kacl & 低膽固醇，再加上無反式脂肪！健康+好味嘅烤雞新食法！岩哂一班姊妹

今晚相約咗3個同學聚舊食飯，佢地話見多人，所以想食炸雞，多啲人可以試多幾樣。見到 Goobne Chicken 評語唔錯，所以試下呢間。 七點黎到，都唔算好多人，等咗15分鐘就入得。裝修唔花巧，以簡約木色為主。烤雞標榜非油炸。韓式烤雞 $160 - 一份入面有晒雞翼、雞槌、雞胸肉。 係雞胸肉比較"鞋"，其他都烤到外脆內軟。烤雞帶點微辣，非油炸真係食多幾件都唔怕油膩。甜辣烤雞 $160 - 醬汁甜甜辣辣，雞肉烤得好香口，juicy 得黎好惹味。特製雞蛋卷 $148 - 雞蛋卷包住火腿、黃瓜、青瓜 等等，雖然餡料普通，但做得幾出色。厚厚嘅蛋卷有蛋汁，配埋旁邊嘅茄汁同芥末醬，味道更添層次。Somersby Apple Cider $38

今日因為工作比較忙, 同同事不方便外出食飯, 所以我提議不如叫外賣韓國烤雞, 取回公司食, 大家都讚成。因為得3個人食, 我地上openrice 睇menu, 打電話點左個甜辣烤雞同大長今炒年糕, 店員話約20分鐘便可自取, 較啱時間攞唔洗白等。原來而家做緊聖誕優惠至2017年1月底, 外賣有9折, 仲有送精美聖誕杯, 真係意外驚喜。一份約13至15件雞, 原來都幾多, 有唔同部位, 雞翼, 雞槌, 雞胸肉等.....適合喜歡食不同部位既朋友, 多D選擇。由於細心地用錫紙保溫, 回到公司仲熱辣辣。雞件皮脆內軟, , 肉質鮮嫩, 好jucy, 醬汁甜中帶小小辣味, 相當醒胃, 配上花生粒, 別俱風味! 烤雞食落唔油膩, 唔會覺得熱氣。由於烤雞帶辣, 炒年糕唔想又食辣, 經店員介紹此款年糕不辣的。原來湯汁較多, 配料有牛肉, 芽菜, 紅椒, 洋葱, 1隻雞蛋, 個湯甜甜地, 幾好味, 年糕好煙韌, 仲有粉絲, 入晒味, 好正!烤雞配有酸蘿蔔，好好味同開胃!聖誕推廣送既水杯, 好精美!

雖然我冇咩點睇韓劇，但係身邊個個朋友都好瘋狂！佢地成日都話要食炸雞配啤酒，但係炸雞實在太熱氣啦，所以今次就去咗呢間人氣勁高嘅烤雞店因為怕好多人要排隊，所以我地6點就去到，點知，都 要 排 隊！等咗20分鐘到就得，我地就叫咗個甜辣烤雞同兩杯嘢飲，個雞甜甜地幾多食，唔算太辣，朋友唔食得辣都食到，雞肉唔乾幾juicy，好食，可以encore 嗰兩杯嘢飲就真心唔值咁貴都係呃like gimmick嘢居多，唔係為影相嘅話可以唔使叫，下次唔會再飲食完大概八點，出面勁多人排隊！！！！逼到呢…所以大家想食又唔想排隊嘅話就早啲去啦

呢排咩都係韓風，炸雞餐店都會開到周圍都係，呢間就係韓國第一炸雞品牌「Goobne Chicken」。餐廳內裡光線充足，簡單的白色及長木桌作餐桌。今次點選了「原味烤雞$148」，「甜辣烤雞$160」，「特制雞蛋卷$148」，「BBQ醬燒豬肋骨$188」，「Grapefruit Smoothie (橙色）$58」，「Blue Orangeade (藍色）$58」。「原味烤雞」是不辣的選擇，味道不差，但略為乾身。而另外「甜辣烤雞」是甜甜辣辣既烤雞口味，不太食辣既我都可以接受到，肉汁明顯比「原味烤雞」鮮嫩多汁，比較有口感。「特制雞蛋卷」推薦必食，材料內有黃瓜，餣白蘿蔔，火腿，海苔。表面蛋皮用左芝士包住材料，有甜酸開胃既感覺。「BBQ醬燒豬肋骨」真係9成韓國餐廳都會有既！用香濃厚厚既芝士包住豬肋骨黎食既，有少許既配菜（薯角，蔬菜），但分量比較少，只有5件豬肋骨，味道不太鹹，配上芝士食，勁有滿足既感覺。餐飲方面，點選了「Grapefruit Smoothie (橙色）」，「Blue Orangeade (藍色）」，味道酸酸甜甜，無酒精既（Mocktalk)，適合唔好酒精人士，價錢合理都係$58杯。

自從韓式炸雞在香港興起之後，不愛煎炸熱氣的我都食過兩三次，可惜次次食完都爆瘡 前幾天熱愛韓風的朋友提議試試這家主打健康烤雞的餐廳，果然一試就愛上！！我們點了一個甜辣烤雞、一個粉絲雞蛋卷、一個雞肉沙律甜辣烤雞配合得非常好，雞肉非常嫩滑，由於Goobne Chicken 是以非油炸的方式烤焗雞肉，故此一點也不油膩雞皮焗得又香又脆，我們簡直食不停口粉絲雞蛋卷一樣出色，雞蛋同樣幼滑，內包粉絲、火腿、青瓜，配上蕃茄汁同mustard, 口感好清新為了食得健康，我們在食肉的同時亦叫了一個雞肉沙律原本以為平平無奇，怎料一入口就有驚喜！雞肉沙律上的雞件十分鬆化，表層舖滿芝士粉，入口好香而且沙律菜也是已調味，帶點橄欖香味，同樣清新最後為了消去肉類的肥膩感，我們叫了杯無酒精的mojito （檸檬薄荷）又健康又滿足

離開舊公司後，好耐都無見過K小姐，終是終於的起心肝約左佢出黎食飯，一出到黎，佢就話要食韓國炸雞，於是就上網睇吓邊間好食，之後就去左呢間餐廳開飯去坐低後睇左一輪餐牌後就叫左幾樣野先送黎就係甜辣烤雞，個樣得得地，食落又甜又辣又香口，肉與幼嫩之餘仲有D肉汁，而且加上清香的芝麻下，口感尤是豐富，好食得我地2個女人仔係咁食食食侍應又緊接送黎特製雞蛋卷，當中分別有黃瓜、火腿、腌黃蘿蔔、紫菜同芝士，咬落感覺就好似韓式紫菜包飯咁，加上少量的茄汁點綴下，更是滋味無窮，口感又爽又嫩又滑又清新，仲有少少甜甜地，是我最愛既味道，同樣因太好味，所以瞬間就俾我地完全食晒落肚席間我地亦叫左蘋果酒特飲，好大杯之餘，亦好清甜易入喉，同時由於係沙冰底，所以好似飲極都飲唔完咁，真係好抵飲加上又好解喝，我覺得用佢配炸雞就係最合適不過~~埋單每人$ 2XX幾都算OK喇今餐食到勁飽，最後仲食唔晒要打包返屋企俾細佬食，係又食又拎，又坐得好舒服下，今晚好滿足呢

朋友約我到旺角晚餐, 想和我商量明年的工作計劃, 亦想我介紹旺角的餐廳. 難得朋友約食飯, 當然會推介食物好食, 坐得舒服, 地方乾淨的餐廳啦! 記得上次和中醫朋友嚐過的烤雞餐廳都OK呀! 今晚就和朋友品嚐令人回味的烤雞吧! 6點3來到時, 客人不多. 韓國靚靚女職員馬上帶位入座. 枱面有小碟, 紙巾及鐡桶, 桶內有夾子及叉. 取出夾子及叉, 這鐡桶就是成了骨兜了. 朋友是首次到這餐廳, 先讓朋友看看MENU, 由她發板. 她想吃辣, 但又不能勁辣, 所以選了甜辣烤雞. 而自己選了迷你豬蹄. 在商量工作計劃時, 食物來到了. 甜辣烤雞 HKD 160 MENU這樣寫 : 以香甜帶辣的醬料烹調, 讓人一試愛上. 上次試過咖哩蜜糖烤雞, 己經教人回味三分! 甜辣烤雞能<讓人一試愛上>? 真要試一試了! 甜辣烤雞來了! 烤雞表面金黃色, 是薄薄一層的甜辣醬汁, 粘粘的, 上層灑有花生粒. 職員提供2隻手套, 即是每人一隻透明手套. 隨即抓起最頂部的雞腿, 脆脆的雞皮好薄身, 皮下脂肪在烤焗期間已經滴走了. 咁就可以減少進食動物性脂肪, 減肥恩物呀!無得輸的雞腿肉, 當然嫩滑.