Fûhn (香港逸東酒店)

營業中

休息中

約了同朋友食飯，佢在佐敦返工，今晚帶左我去逸東酒店食。嘩! 以為佢咁好死請我食大餐，原來Eaton Hotel入面的地庫有個food court😱😚等我仲空歡喜一場😂不過! 原來下面真係有好多好野食，行左一圈就揀左食越南河。講設環境，呢度裝修得幾靚wow，坐得好舒服🤤但因為始終係food court又免左D加一呀剩，變相更抵食! 呢間Fuhn既越南🇻🇳類食種類都好多，有飯有檬有湯河🍜，價錢都好合理。我地兩個都揀左湯河，叫埋飲品同小食都係200，good deal! 落左單唔駛5分鐘就有野食了，可能平日的晚市相對地冇咁peak。嘩，碗湯河🍲好大好大，唔只係湯多，真係材料同粉都好多，而且我地只係叫Regular，如果大既話應該夠我地兩個食!🤩我揀既生牛肉湯河，牛肉係生放既，見到d紋理都好新鮮，🐮落左湯一分鐘左右都熟，食落又唔會太UN。河粉偏幼同薄，都係同一般食開既越南河類似。個湯底有淡淡雞🐣味好清甜，同埋佢既配菜都好足同好鮮。好似D芽菜都好白淨、漲卜卜既，我自己就習慣放湯食。加埋少少青檸🍋汁落去個雞湯度，特別開胃同鮮甜wow，唔錯。朋友的雞絲🐥湯粉一樣大碗，而且雞絲份量比我D牛肉仲多! 我

逸東酒店座落彌敦道，都算相當易揾！係油麻地同佐敦嘅中間。酒店內有foodcourt嘅酒店唔算多。逸東酒店LG層包攬各地嘅美食，行前幾步仲有數間Bar。所話香港係「美食天堂」絕非浪得虛名。 🔹生牛肉湯粉 $65 一見到個size真係好大碗，兩個人食都無咩問題。湯好夠熱，先飲咗幾啖暖暖個胃！生牛肉無想像中生，以往其他越南餐廳都較生。同埋喜歡牛肉size剛好，唔會太大塊，之前試過去一間分咗幾次😅 🔹越式牛油雞翼 +$15 牛油味好香，加上落咗唔少蒜係上面。一拎起成個碟都係炸咗嘅牛油碎同蒜🤤碎卜卜好好味👍🏻只要叫主食就可以+15 有兩隻，都幾抵食啊！ 🔹越式香茅豬扒 $52 香茅豬扒係越菜特式，點可以唔一試。豬扒肉質唔算好肥，而且唔會好濃味，一濃又要飲返好多水😕旁邊仲有啲酸菜作伴，酸味味好開胃！ 🔹熱柚子蜜 $18 天氣開始涼，唔敢飲太多凍飲。改飲熱柚子蜜，曾經飲過一啲個柚子底好甜，呢間個甜度剛剛好。而且嘗算大杯，不妨一試。 分數: 7/10

友人係呢頭返工, 佢約我係附近食晚飯話要介紹一間正嘅越南食店比我, 嘅然佢咁有誠意, 我又點可以拒絕呢?!佢講嘅係呢間酒店內嘅Food Court, 而呢一間店就係其中一間食店, 綜觀都真係幾多人幫襯搵好位就去落柯打, 食物選擇有湯粉, 撈檬, 飯, 輕食類及飲品, 湯粉類份量可選普通/加大版呢碗生牛肉湯粉, 一碗有齊多樣牛部份, 樣樣都有D, 包括美國安格斯牛肉, 牛坑腩, 牛栢葉, 牛筋及牛丸!  配埋香葉, 芽菜, 辣椒粒及青檸, 趁湯熱時倒埋落去, 增加香味!  啖湯清得黎飲落滿滿牛香味!美國安格斯牛肉食落口感嫩滑又有牛肉味; 牛坑腩煮得腍而入味; 而個金邊粉幼滑可口, 呢碗大碗份量果然好夠份量, 足夠二人分享, 下次可以叫返個普通版就OK啦!我呢碗係生牛肉牛栢葉湯粉, 普通份量版, 其實都比起其他店舖食嘅份量為多!  有埋個芝麻醬用黎點牛肉食(?)  唔理啦, 我當係啦!  趁熱湯快D浸下D生牛肉, 食落半生熟時口感超嫩滑, 再飲啖湯, 食"住"湯粉, 感覺唔錯; 唯覺得D牛栢葉切得過幼細, 食起黎無咩口感!本來想叫個蝦米卷, 可惜賣晒, 轉叫呢客素菜米卷, 一客四舊, 整體

之前喺佐敦食過另一間food court，入面係專係食拉麵嘅，今次發現原來佐敦仲有其他food court，位置好特別，係一間酒店入面去到先知原來裝修好別緻，全場都係用木造，每間餐廳各有特色，有越南野、有咖喱蛋包飯、有日式精緻菜等等，環境唔會太嘈依間越南野係銅鑼灣都有分店，而呢邊係新開嘅，佢唔係越南野咁簡單！而係入面嘅餸都好用心去準備生牛肉湯粉湯底夠味唔係死鹹，有金邊粉同河粉揀重點係個牛用咗美國安格斯牛，仲要切得好薄，每一塊咬落好腍好重肉味，有脂油香味，正！👍🏿👍🏿👍🏿鮮蝦米紙卷入面材料新鮮，每舊都好大舊，蝦肉爽口結實，食落味道酸酸地好開胃，另外仲有花生沙嗲醬可以點😋越式燒豬頸肉同泰式嗰款唔同，唔係一片片嘅，但每一塊都好香口，有烤過嘅香氣。上面再加左炸蒜片炸蒜粒，咬落去啲油出晒嚟好味牛油果奶昔一飲落口感覺好滑少少creamy😋 牛油果嘅味道同奶味balance，奶味唔會搶風頭，連我平時少食牛油果嘢都覺好味凍咸檸梳打食物價錢值得，因為材料質素高，對食物有要求嘅人要嚟呢到品嚐美食～