瘋狂小面 (佳德商業大廈)

營業中

休息中

瘋狂擔擔麵套餐 ($118)呢碗撈麵揀咗BB辣、BB麻，撈麵嘅口感非常好，加咗牛舌作配料，味道更加豐富。牛舌煮得剛好，軟嫩多汁，配合擔擔麵嘅香辣醬汁，簡直係絕配👍🏻再加埋一杯凍檸茶，清新解膩，非常合適。最後甜品方面，叫咗紅棗銀耳湯清甜滋潤，劃上完美句號🥰瘋狂肥腸麵套餐 ($115)呢碗湯麵同樣係BB辣、BB麻，湯底濃郁，肥腸煮得剛好，口感滑膩，再搭配杯凍檸茶～另外仲加咗個小食泡椒鳳爪，酸辣味道一流，令人一口接一口。最後嘅點品叫咗成都老冰粉作為甜品，清涼滑口，帶有一絲香甜，係一個理想嘅結尾🥰總結來講，呢兩個套餐無論係味道定係價錢，都非常值得一試！如果你鍾意食辣，唔好錯過呢兩款！

今日同朋友諗住去中環SOHO飲嘢之前喺附近食個dinner，喺士丹利街附近見到呢間叫「瘋狂小面」嘅樓上舖，諗諗吓好似好耐無食四川麻辣麵，所以揀咗呢間食。餐廳入面嘅裝修好中國風，有屏風、摺檯同川劇變臉嘅圖案，好又四川嘅特色，座位都有一個人嘅間隔或者三至四人嘅枱，相信平日都唔少喺中環返工嘅人會過嚟食晏。食物方面有唔同嘅set可以揀，例如麵加飲品$87，再加小食$98，再加甜品$109。麵食可以揀乾撈麵或者湯麵，唔同程度嘅麻同辣，仲有好多款唔同嘅小食同飲品，任君選擇。我哋嗌咗個少麻少辣嘅瘋狂擔擔麵、蕃茄牛肉麵、冰糖雪梨汁、羅漢果冬瓜茶同高湯蒸蛋。呢間嘅麵唔會太淋身有啲咬口，蕃茄湯底唔算濃，但牛腱切得夠薄身同煮得夠入味，擔擔麵肌肉碎同醬汁都唔會太鹹，麻辣得嚟又大又花生醬嘅香口，撈完之後每一條麵都可以掛到醬汁，加埋青瓜絲同花生，非常香口惹味。冰糖雪梨汁同羅漢果冬瓜茶都係幾甜嘅飲品，可以解一解麻辣感，而小食嘅高湯蒸蛋喺限量供應，蒸得又滑又有高湯嘅鮮味，好有家嘅味道。喺中環可以食到一個below $100嘅set，味道同質感都對得住佢嘅價錢，CP價好高！📍中環士丹利街66-72號佳德商業大廈1樓位置

🔹瘋狂擔擔麵呢個唔係湯麵底，而係撈麵版擔擔麵！成個feel似肉燥撈麵咁，好濃麻醬香味，食落肥膩感唔重😍😍而且佢啲麵就彈牙好多👍🏻好爽口，佢係用新鮮水麵整，唔係經油炸👍🏻因為係撈麵嘅關係，個麵夠晒掛汁，肉醬同麵一齊食一流😍另外，你落單嘅時候亦可以揀少辣多麻，增加刺激感🌶️🔹瘋狂牛肉麵 （大推）一聞落已經好香口，係一種油炸食物，新鮮熱辣上碟嗰種香口🤤🤤再加上佢牛肉冇hea煮！用兩小時燉煮，每一舊都大細適中，一口食晒👄👄係一碗濃郁湯底嘅紅燒牛肉麵👍🏻🔹泡淑鳳爪係一種青椒嘅辛辣，唔會辣脷，淨係辣喉同辣嘴🌶️叫餐跟單小食必點！

朋友話最近去一間隱藏喺鬧市中嘅川菜很不錯，就帶我去試試。樓下並沒有顯眼招牌，位於商廈中嘅川菜真係好容易就錯過了假期下午時間到，大概一半滿座，不用等可以直接入。有自由搭配套餐最合適選擇困難症人士。我們叫了一份湯麵及干撈麵和2款小食，等了大概10分鐘就有。瘋狂肥腸麵食麵前就當然要飲啖湯，湯底十分濃郁，辣味夠勁。麵質地很有咬口，不會太腍身，配上湯底不會太嗆。肥腸煙韌，搭配辣湯簡直一流瘋狂擔擔麵同傳統上海擔擔麵唔同，依款係撈麵，比較偏向似熱干面個汁十分香濃但沒有油膩感，重口味人士之選。泡椒鳳爪酸辣口感十分開胃，完全停不下棒棒雞 +$33係油潑辣子搭配上香滑雞髀肉，同泡椒辣感不同，係慢慢滲出嚟嘅辣。重點係雞髀肉質很嫩滑，仲很吸汁成都老冰粉食辣嘅一定要配返一碗冰粉先至係地道嘅川菜食法。酒釀嘅香氣加上提子乾、花生乾和滑溜冰粉，真係解辣神器套餐起跳價$87包括咗正宗川菜主食和飲品，啱晒嗜辣人士

中環是商業區集中地，其實都可以搵到好食又抵食嘅川菜，餐廳的麵食套餐非常吸引，有前菜、主食、飲品及甜品🤭我當然要選擇A、B、C、D樣樣有齊嘅套餐啦！簡直係超級滿足💪🏻🤤美食推介：💛瘋狂大排面：湯底可選辣度，麵質軟硬適中，排骨肉嫩，非常入味👍🏻💛瘋狂擔擔面：擔擔麵配以肉醬、青瓜、香蔥花生，撈在一起很重口味👍🏻喜歡重口味朋友仔必選😆💛泡椒鳳爪：鳳爪辣得很過癮，雖然有點辣，但會令人想追住食🤭💛涼拌木耳💛熱檸檬茶💛成都老冰粉：冰粉口感像啫喱，食完辣野食一碗冰涼又甜甜的冰粉中和一下味蕾，十分完美👍🏻🫶🏻餐廳📍瘋狂小面 (佳德商業大廈) (中環)📍中環士丹利街66-72號佳德商業大廈1樓*價錢抵食👍🏻*環境中國古式風，坐位舒適。

話明係樓上小店當然無咁易搵，係樓下轉左兩圈先搵到間大廈，仲要行樓梯開幾個門先搵到，好彩佢好貼心係每個轉彎位同門口都有貼招牌，留意到就知道點樣行，首先會見到廚房，衛生還可以。聽聞中午時間呢間係要排隊既，都正常因為中環無乜川菜，一係就要高級酒樓，晚餐時間就無乜人，有幾枱都係黎食飯順便飲酒傾計，由於入座時間已經就黎晚上8點，順口問下店員係咪9點關門，佢話營業時間係咁寫，但如果想坐耐啲食都無問題，呢個就係小店既溫情吧。無影到飲品，兩個人嗌左烏梅汁同雪梨汁，兩杯都唔錯。麵叫左兩款，因為第一次黎唔清楚辣度所以全部係正常辣，因為我好食得辣就覺得辣度岩岩好，而同行友人就覺得較嗆不斷要飲野，所以佢既正常辣應該係一般街邊既中辣，唔太食得辣既朋友可以叫少辣。擔擔麵唔係平時食到上海果種花生味濃既湯麵，而係撈麵，麵條做得新鮮唔會一pat pat，根根分明都有沾到辣肉末既醬汁十分惹味。瘋狂牛肉麵，天時凍食最岩，會較擔擔麵辣少少，但佢既辣唔係辣死人果種，而係一啖就飲到覺得成個人都好暖，牛肉都煮得入味又保留咬口。麵整體都做得好出色，下次會想試下鍾水餃、麻辣串串同酸辣粉、蕃茄湯、白湯咸菜豬肚。小食嗌左蒸蛋、紅酒豬耳同蒜

今日係中環食lunch，簡單去左樓上餐館瘋狂小面食返個麵。瘋狂小面走中國風，主打傳統重慶小麵，麵餐有三款組合做三個價錢：麵+飲品=$83麵+飲品+小吃/甜品=$93麵+飲品+小吃+甜品=$103另設加一。飲品同小吃都可以加錢升級。另外可以再加料。麵可以揀乾撈麵或者湯麵，仲可以揀麻度同辣度。實在係太多野揀，自己剔紙就可以。餐廳都有提供缽缽雞、四川冰粉等正宗四川菜。今日叫左兩個$93餐，分別叫左一碗瘋狂擔擔麵同番茄牛肉麵，要小吃唔要甜品。瘋狂擔擔麵我鍾意呢款中式拉麵係有咬口既，而拉麵本身係熱既。瘋狂擔擔麵我叫左走麻同BB辣，調好味既肉碎只係少少辣，味道濃，撈埋啲麵一齊食就正啦，每條麵都沾有醬汁，好夠味。配料除左肉碎，都有兩條菜心、青瓜絲、花生米同青蔥，提供唔同既口感。番茄牛肉麵我都鍾意呢度既番茄牛肉麵。番茄湯底超正，帶有天然番茄甜味，好開胃！牛肉超薄切有5塊，仲有兩條菜心，上面仲加左大量青蔥同香茜增强味道層次。因為係湯麵，所以質感較淋。涼拌木耳 （跟餐）餐牌寫住有兩隻辣椒，真係好辣。木耳份量唔少，仲伴有辣椒。鐘水餃 跟餐加$32 另加一鐘水餃一客六件，細細隻，不過塊皮好滑又夠薄，餡應該係豬

今次嚟同朋友點了一個A+B+C+D套餐，每份$103再加一，喺中環食晚餐嚟講包主食小食飲品甜品算幾抵食!瘋狂肥腸麵 (少辣多麻)勁鍾意呢度啲麵既辣度同麻度可以分開調配，啱晒唔食得太辣但又好鍾意麻既人!麵煮得剛好，保留咬口又掛到湯，肥腸洗得乾淨，唔會太有肥膩感，十分滿意!瘋狂擔擔麵 (BB辣)更唔食得辣既朋友點的擔擔麵是撈麵，雖然沒有湯，但擔擔肉醬的濕潤度剛好，不會過分油膩或乾，BB辣度亦剛好~小食高湯蒸蛋(另加$18)  棒棒雞(另加$32) 蒸蛋調味剛好，口感幼滑，十分抵食，棒棒雞係類似無骨口水雞，雞肉不鞋，少許麻辣十分惹味!甜品成都老冰粉毫無懸念必叫的冰粉，食完辣麵再食簡直一絕，冰粉的微甜與花生等配料的咸香非常夾，大推點A-D全set套餐試晒所有嘢!

早已聽聞依間樓上麵店好食，今晚一試果然有驚喜，平平無奇的擔擔麵加了麻辣令人食上癮。位置中環蘇豪地段，食物價錢卻是平民貼地，好食要mark低，下次經過帶朋友來食下先。麵店以傳統中國風裝潢示人，以磚牆、木枱、紅椅、紅屏風、臉譜等元素，古色古香環境唔錯。麵食套餐組合：麵食 + 飲品 + 小吃 + 甜品，叫齊都只係$98又唔貴喎。瘋狂豌雜面 $78係乾撈面，麵質軟韌彈牙，配料放得認真工整。有軟糯口感的豌豆蓉、甜美的肉醬、惹味的花生、爽脆的榨菜，麵底有炒雜醬要動手自己撈勻先好食，醬味不太辣入口少少麻，麻香撲鼻口感豐富，好好味！自己再另加了和鹵蛋(+$9)和大排(+$20)，兩樣都好入味，鹵蛋實左Ｄ，滷水排骨炆得好淋肉質鬆軟好味。瘋狂擔擔麵 $78同樣都係乾撈面，配料有爽口的青瓜絲、甜美的肉碎、惹味的花生，香濃的麻醬底好易入口，食落口感不及豌雜面豐富，但都幾好味的。棒棒雞 $32緊密柔嫩的雞胸肉浸住麻醬辣椒油，雞肉無骨切成5mm薄片好掛汁，入口麻香。份量不多，非常珍貴。烏梅汁 (跟餐) - 烏梅濃厚酸香，飲落順喉，仲可以解辣呢。紅肉柚子 (跟餐+$6) - 酸酸甜甜清清地幾好飲。成都老冰粉 +$1

朋友約我食飯，仲揀咗間佢食過幾次又覺得幾好食嘅瘋狂小麵!成個餐廳嘅裝修好有中國風，好古色古香!餐牌上面主要係套餐，$98就有碗麵，飲品，小菜同甜品4樣野，咁抵食就一人點咗一個套餐🤤🍀瘋狂牛肉麵加滷蛋 (+$9)朋友揀咗紅湯，少辣同少麻，湯底好濃郁好滋味，搞到我都忍唔住飲咗好多啖🤤燉煮2小時嘅牛腱子肉好腍，麵係幼身都幾彈牙👍🏻🍀瘋狂擔擔麵我叫咗少辣少麻，不過我比較鐘意食辣，下次可以叫辣啲肉碎同麻辣汁嘅份量都好足，撈麵啱啱好! 仲有花生青瓜絲同蔥花，撈埋一齊好惹味!😋😋😋🍀紅油耳片 (+$32)豬耳切到薄薄地，非常爽口!👍🏻🍀棒棒雞 (+$33)雞肉切成好多塊薄片，再用麻辣油浸到入晒味，食落麻香味十足，推介!!!😍😍🍀烏梅汁飲落酸酸地，生津解渴又可以解辣!🍀羅漢果冬瓜茶羅漢果味濃，加埋冬瓜茶都幾清甜!🍀熱醪糟粉子醪糟粉子甜甜地帶有少少酒味，粉子軟糯! 仲加左幾粒枸杞☺️🍀凍成都老冰粉冰粉口感好似啫喱，食落冰冰涼涼，好清甜!!! 再加埋花生芝麻葡萄乾等，口感豐富!!! 勁好食!😍😋

因為我有個好朋友係四川人所以每年我都去一次四川玩我已經練到一身爆菊花既好功夫🌻今日放工又去左食肥腸麵慰藉下自己☺️💦上次食叫左加辣🌶食得好爽而今次試普通辣係無咩感覺🤷🏼‍♀️叫左個肥腸麵同擔擔麵🍜湯麵整體好食過撈麵🥰食得辣嘅推介食紅湯加辣🌶另外小食份量比較少👌🏻味道都無咩特別👀可食可唔食今次叫個餐98蚊👍🏼簡一個麵+一杯飲品+一個小食+甜品好滿足👅推介:瘋狂肥腸麵👅成都老冰粉👅

最近好多朋友都會北上食好西當中少不了食四川菜 川菜的麻辣令不少人著迷😍今次在中環搵到間食四川菜式的餐廳跟大家分享————————————————————餐廳主要的餐點分為 麵類(𝙰)、小吃(𝙲)、甜點(𝙳)和飲品(𝙱)點餐組合可選擇：𝙰 + 𝙱 |$78𝙰 + 𝙱 + 𝙲 / 𝙳 |$88𝙰 + 𝙱 + 𝙲 + 𝙳 |$98-這次我們點了兩個 𝙰 + 𝙱 + 𝙲 + 𝙳 的全餐🍴1️⃣ 瘋狂擔擔麵 (😋3.6/5)是一個乾撈的麵條 麵條份量正常 加上大量肉碎醬汁可選辣度和麻度 份量剛剛好拌勻後不會有汁醬過多在碗底但整個碗都會有一層辣油包裹著 我點了少辣和bb麻(最低是bb辣和bb麻)的確有感覺到少少，真的少少麻但絕不會麻到影響味覺和質感辣味夠香，但無預期中的辣.2️⃣ 瘋狂牛肉麵 (😋3.5/5)牛肉有大約四塊 厚度有1cm！！但吃下去都夠淋，能夠吃得岀牛味🐂麻辣度點了少辣少麻吃第一口時，吃得岀比撈麵辣得明顯麻度雖然高一級，但愈吃下去 麻辣度好像習慣了一樣不會愈吃愈麻辣🤭.3️⃣ 夫妻肺片 |+$32 (😋3.5/5)大約有10塊肉片，比別家的厚身少許辣度為一隻🌶 但吞下去後，辣味會慢慢滲岀來後勁

呢間係睇左一個自己喜歡既youtube介紹而黎既，確實水準唔錯，好多謝你既介紹呀Alfred! 同男朋友一人叫咗一個面，仲有一個兩人份量嘅缽缽雞，其實兩個人黎食呠呠雞嘅話，可以叫一個面都夠～瘋狂肥腸面佢嘅麻辣非常有層次，傳統川菜既鹹鮮油香麻辣俱全，油而不膩，十級推薦肥腸洗得好乾淨，亦都煮得好腍好入味男朋友就叫咗一碗擔擔麵，呢一個係重慶既麻辣，除咗頭先講嗰幾種味道之外，佢仲多咗一種甜度，同樣係出色之作不過趁熱食好食好多，因為凍左之後就會變鹹，失去原本嗰種風味～跟餐飲品，柚子有淡淡既澀，雪梨水就清甜，兩款味道都好真缽缽雞，有60串，葷素各30串，印象中重複既食物好似得一兩款，所以每人食到二十幾種唔同食物，每款食材既質素仲要唔錯架，例如蝦好爽口彈牙每款食材一口大小，食起黎好方便藤椒湯麻香十足，麻到成個嘴唇都會痺架但完全唔辣，叫左冷湯，食起黎有種清爽既感覺。雖然湯面有一層油，但相信我，絕對絲毫膩感都無已經成為我最喜歡既餐廳之一，下次希望試到每日限量十五碗既燒白面誠意推薦比每一個鐘意食川菜既你！

之前一直想找機會試試呢間瘋狂小面！雖然唔算好食得辣 但都好中意食😂🌶瘋狂缽缽雞 (二人餐) $238肉食同素食 各三十串🍢有雞 蝦 豬耳 西蘭花 菇 等等 湯底叫左藤辣 要熱湯侍應哥哥話藤辣麻味較辣味重 果然 食左幾串之後 我個咀就開始痺左啦😨相當刺激 幾喜歡呢個湯底👍🏻$93 套餐係包括埋飲杯 前菜 甜品同閨蜜一人嗌左一款麵 🌶瘋狂擔擔麵係干拌麵來的 好多肉碎 青瓜絲等等🌶瘋狂大排麵 大排係豬軟骨來的 麵條較幼身 掛湯能力都好高嗌左小麻小辣 湯底味道很好 👍🏻🌶烏梅汁 幫忙解辣嘅好幫手 一杯唔夠喉喎😂 🌶泡椒鳯爪🌶涼拌木耳兩款前菜各有千秋 泡椒鳯爪較辣 涼拌木耳口感很爽 有麻油嘅香🌶成都老冰粉 甜品太好吃吧！超級解辣 食完之後 好清新 無左食完辣全身滾嘅感覺🤤