Hami Harmony (已結業)

早前買完鮮花見到呢間小店感覺cozy、就入去食嘢take a break，點咗兩樣食物和咖啡都唔錯；長通粉做到al dente咬口、茄醬微辣酸酸甜甜，仲有巨型蟹捧味道淡口咗啲。我鍾意青口個忌廉汁夠香滑又嚐到酒味，青口唔太大隻但口感味道很可以，拌碟有洋蔥絲和傍邊的小蕃茄沙律。焦糖咖啡唔會太甜，是整個下午茶的完美收結。店員態度不錯也有禮貌▪︎Spaghetti▪︎Japanese Crab Stick Penn in Spicy Tomato Sauce香辣意式茄醬長通粉配松葉蟹捧▪︎Snack▪︎Mussels in Cream Sauce白酒忌廉煮青口▪︎Coffee▪︎Caramel Latte自家製焦糖咖啡

捉緊晚市堂食既尾巴今晚黎到太子既Hami Harmony係一間食意法菜既小店首先叫左兩杯飲品凍朱古力用左法國朱古力豆，面層有忌廉飲落朱古力香味幾濃，甜度適中另一杯係粉紅石榴香檸檬梳打用左鮮果茸製作，味道幾Fresh前菜叫左白酒忌廉煮青口青口肉偏細粒，醬汁嘅忌廉淡身唔會蓋過青口原味，食落幾鮮味主菜叫左原隻開邊虎蝦配自製鮮茄寛麵開邊虎蝦肉質算彈牙鮮茄汁幾濃味，自製寛麵份量偏少仲叫左煙三文魚飛魚子意大利飯煙三文魚擺成花朵咁意大利飯食落軟硬適中，幾Creamy整體食物水準唔錯，可以一試！

今晚黎左太子既Hami Harmony食晚餐，之前黎過都係食午餐，覺得食物質素唔錯呀，今次第一次食晚餐。晚餐餐牌有前菜，小食，肉類，意粉，意大利飯，甜品，飲品。今次叫左一份意粉，一份意大利飯，同一份小食分享。白酒忌廉煮青口 $98 另加一今晚想食健康啲，喺眾多邪惡嘅小食之中揀左呢款白酒忌廉煮青口。青口一共有十五隻左右，全部連殼，雖然size細細粒，不過都可以。個白酒忌廉汁味道幾好，非常滑溜而白酒味道適中，仲加左d鮮甜洋蔥絲吸哂啲汁。伴碟有少少加左沙律醬汁同少少芝士粉嘅新鮮沙律菜同車厘茄。原隻開邊虎蝦配自製鮮茄寬麵 $128 另加一呢款麵製作時間要耐啲，要20分鐘左右。自製鮮茄寬麵真係有鮮茄喎，麵條呈紅色同帶微微番茄味，質感唔算有咬口，形狀好似刀削麵，都幾好味喎。撈埋麵一齊煮仲有其他配料，有好多鮮茄，洋蔥同少少橄欖，個汁味道幾好。寬面上面有連殼虎蝦一隻，雖然唔算大隻，不過肉質可以，蝦頭有汁，上面灑上芝士粉，仲有少少白色菜苗。日本帶子黑松露什菌意大利飯 $128 另加一日本帶子兩隻，整得半熟，質素好好，完全唔韌，上面有少少白色菜苗。意大利飯好有咬口，加左好多蔬菜如青瓜，菇片，菇仔，洋蔥等，

最近去住太子的朋友家附近，想找個地方坐得舒服傾下計，佢就介紹了這間小cafe。餐廳內格調好舒服，而且係值得支持嘅小店～食物選擇都多，價錢亦合理。個人最鍾意白酒忌廉煮青口，做餐前小食一流！忌廉味非常香濃，還配了芝士條和蒜粒，青口肉也頗鮮甜，夠曬開胃滋味。😋北海道軟殼蟹配黑松露意大利粉是原隻軟殼蟹上，意粉texture不錯之餘，黑松露味幾香，少少creamy配上芝士條，都幾有心思另外鮮茄醬海鮮意大利飯都好香番茄汁味，最驚喜的是都頗多海鮮款式和蔬菜如黃椒、洋蔥等，好味得來幾健康。飲品方面，難得的是他們用了新鮮水果在內，特別欣賞鮮果士多啤梨檸檬薄荷梳打，清香士多啤梨味配上refreshing的檸檬，且甜度適中，飲落去好舒服。

想試呢間位於太子既小店好耐，今日專登早啲收工，約埋朋友嚟食個early dinner。入到嚟就留意到周圍都佈置好有心思，好鐘意呢種木系既感覺，坐得好舒服。白酒忌廉煮青口大大力推！除左青口份量好多之外，個汁既味道調得好有層次。另外仲有拌左醋既沙律，仲好細心地比個碗去裝住啲殼。意式海鮮配龍蝦汁意大利粉海鮮有青口、蜆肉，鮮蝦等，意粉幾掛汁，配埋龍蝦汁都幾正。日式帶子黑松露什菌意大利飯帶子煎得幾香，意大利感好creamy，帶點黑松露香氣。熱情果菠蘿梳打菠蘿既味道相對突出，酸酸地相當開胃。黑加侖子薄荷熱情果梳打幾鐘意佢帶點黑加侖子既香又唔會甜得過份。

經過太子肚仔餓，想食個西餐，就諗起幾個月前黎過一次呢間叫Hami Harmony既西餐廳。試過d野幾好食，不如再黎encore下。好似同上次黎一樣，午市套餐有7款，有扒，魚，All Day Breakfast，意粉，意大利飯，同沙律。價錢由$68到$108不等。套餐包餐湯或熱檸茶檸水咖啡。可加$3轉凍飲，或半價轉其他飲品，又可加$8配沙律，又或者加$5加個餐湯或熱檸茶檸水咖啡。呢度設加一服務費。由於我地都好肚餓既關係，所以叫多個小食分享。炭燒鰻魚意大利飯 $88 另加一炭燒鰻魚大約半條一開三件，質素唔錯，食落彈牙啖啖肉，加埋啲木魚碎食好味道。意大利飯好有嚼勁，係我鍾意嘅al dente質感，個飯嘅忌廉汁好豐富，令個飯好滑。個飯又加左青瓜粒，黃瓜粒，菇片同洋蔥絲，增強口感，仲加左芝士，有少少拉絲效果。唔錯，係一個好味嘅意日fusion菜式。香烤檸檬香草石班配忌廉汁 $108 另加一香烤檸檬香草石班魚兩塊，熱辣辣上枱，煎得塊皮超香脆，而魚肉就好嫩滑。廚師貼心咁俾塊檸檬你自己再加汁，加左檸檬汁之後酸酸地幾好味。兩塊魚下面有一大pat滑溜薯蓉，伴碟仲有少少加左沙律醬汁嘅新鮮沙律菜同車厘茄。忌廉

等左今日好耐，終於到了星期六。今日要做應做的事，做完後已經夜深，就約了男朋友去太子食飯，支持一下小店。這間小店就如它名字一樣，入到去讓人感覺十分「和諧」，因為大家都是志同道合的同路人— Hami Harmony。我和男朋友入座時都已經8點多將近9點，餐廳仍然非常多人，受人歡迎。我們看看餐牌，都是例牌，一份小食、一飯一粉、兩杯飲品。⌒ 1. 白酒忌廉煮青口先點一份小食，青口是我們最喜愛的前菜。Hami 的青口煮得很有忌廉香味，特別的是還加上芝士片，已開口的青口內夾附香汁，青口一定要連汁一齊食，先可以完全享受其鮮味。⌒ 2. 牛油汁蜆肉自家製蝦米意大利粉這份意大利粉的味道是非常特別。首先，意粉的口感是極為煙韌，很有咀嚼感，而且還可以吃得出有陣陣的海鮮味，不知道餐廳的自家製配方是什麼，做得如此好食。配料則用上豐富蜆肉，再灑上蝦米鋪面，整個味道就更加充滿海鮮香味。⌒ 3. 日本帶子黑松露什菌意大利飯Risotto 的飯粒煮得獨立，而且硬身，不會水汪汪。黑松露什菌意大利飯則較為清爽，以黑松露什菌伴上日本帶子，食材和味道側重清爽為主。⌒ 4. 摩卡咖啡看到餐牌說摩卡咖啡選用法國朱古力豆，我就馬上想

前幾日喺太子食完晚飯兜個圈，先知運動場道、花園街嗰邊原來有咁多餐廳！星期六去旺角行完街，就決定行去太子嗰邊開餐，少人啲，選擇又多啲😉。行下行下就見到有間餐廳好靚咁喎，時間尚早仲有位，就一於試下。餐廳面積都幾細，所以一到晚上七點幾就坐滿人。環境富有藝術風格🎨，掛咗唔少畫，而且用咗人工植物作裝飾，讓人身處花花世界。同時，連餐枱都用上青花瓷磚，好靚。我同朋友各自點咗道主菜同飲品，再加一份小食Share。唔好睇佢個碟細細，其實份量都幾多下，因為裝食物個位置較深👍。白酒忌廉煮青口Mussels in Cream Sauce($98)，呢份小食除咗青口外，仲配有沙律菜。白酒忌廉汁真係勁惹味，而且用咗Rosemary所以特別香，我朋友直頭用匙羹刮嚟食🤤。牛油汁蜆肉自家製蝦米意大利粉Clams Butter Sauce with Homemade Dried Shrimp Spaghetti($138)，呢碟意粉個造型同想像中唔同，無論隻色定意粉粗幼都好特別😚，面頭仲鋪咗大量櫻花蝦定蝦皮？賣相即刻加分。意粉比較粗身同圓身，食落口感有啲似油麵🙈，爽爽地，幾得意。我哋估呢個意粉可能係餐廳手打，因為無喺其他

太子近旺角差館附近，有很多小店，一向都是我呢一類識飲識食人士喜歡光顧的，因為這些小店通常都是一些自家的廚師老闆，出來創業，每一道食物都有個人的靈魂及風格！今次黎到呢間Hami Harmony，是標榜自家製的法國小館，聞說老闆亦都開班教人整甜品，所以我絕對要一試，門面好似豬間白色小屋，裏面嘅裝修非常清新簡潔，牆上嘅裝飾亦都很有心思，而我最喜歡就係枱上面嘅馬賽克瓷磚，非常之有特色，充滿摩洛哥風情！首先我和朋友玩了個頭盤，「白酒忌廉煮青口」，那個白酒忌廉，充滿了芝士香味，配以一些迷迭香，非常可口。青口的size亦很適中，不會太大，亦不像坊間很細的，味道及烹調方法都值得一讚！我和友人各叫了一個主菜，我的是「日本帶子黑松露集菌意大利飯」。那意大利粉很香甜可口，亦都每一粒飯都充滿牛油香，那些帶子亦都煎得香口，外面脆內面軟。用來配那意大利飯，十分滿意好食！朋友就order了「意式海鮮配龍蝦汁意大利粉」，我試了一口，嘩！好食到不得了，龍蝦汁十分鮮甜，裏面嘅海鮮亦都非常充足，有蝦、墨魚，青口等等，在龍蝦汁配襯底下，淡淡可口鮮味！飲品方面叫了一杯「哈蜜瓜菠蘿梳打」，在這天熱的時候， 十分清甜解渴，浸浸菠蘿

上兩個星期趁朋友生日，就黎試下呢間入選openrice優秀開飯熱店大賞2020既意大利菜餐廳，試下佢係咪真係咁好食。我地三個人share叫左個一個二人餐，再加多個豬仔骨，另外再用左storellet 既優惠加多個凱撒沙律。首先黎到既係餐湯同白酒忌廉煮青口，餐湯係蘑菇忌廉湯，味道不過不失，而青口就煮得啱啱好，唔會太熟太老，但個人覺得個白酒忌廉有少少稀，如果杰少少可能會同青口mix得好啲。朋友叫左杯榛子Latte同抹茶Latte, 個人覺得抹茶味唔夠濃，而且同Latte溝唔埋，建議可以落得濃少少，而榛子Latte既味就幾好既。然後就到煙三文魚Caesar salad, 都真係幾足料，而且個醬唔會落得太多，食完唔會覺得好heavy。食完前菜，就到main course了，煙三文魚飛魚子risotto, 佢地既risotto吸收晒芝士同忌廉既味道，而且內軟外韌，粒粒分明之餘又不失risotto應有既黏度。大家都去試下就知道我冇誇張！而食既兩個risotto當中，我比較欣賞黑松露帶子什菌risotto, 我不嬲覺得黑松露係一樣好調皮既食材，好貴，但太少又食唔出味，食唔過癮，但太多又會有陣石油味，

太子其實都有不少離大街較遠，但又高質Cafe - Hami Harmony便是其中一間了。店內以不少精緻的擺設，配上壁畫、花朵作點綴，營造了一個童話世界。下單前，當然要睇睇當日的特別推介啦。玫瑰拿鐵 / 榛子拿鐵 - $38 拿鐵味道細緻幼滑，泡沫輕盈，且甜度適中，非常易入口，為這一餐打開了序幕。白酒忌廉煮青口 - $98白酒配忌廉煮青口果然係無得輸既配搭，滿滿的忌廉汁掛滿在青口上，加入白酒更顯其香味。青口肉質不韌、且無渣，做到一啖一口，沾上醬汁後，絕對會令人食到唔停唔到口！BBQ汁雞翼 - $58BBQ雞翼中醬汁掛滿在雞翼上，咬起來香口又惹味。日本帶子黑松露什菌意大利飯 - $145帶子看起來較細小，但其肉質彈牙、嫩口鮮甜，抵讚。而米飯軟硬程度適中，外軟內韌，配合起黑松露、什菌的味道，吃起來很Creamy，味道更有層次。童話中，跟你享用這溫馨的晚餐多好。😘

Hami Harmony位於太子酒吧街內，一間別樹一幟的西餐廳，白色外牆，加上大量花朵裝飾，感覺清新，滿載少女氣息，進入到餐廳，感覺同樣清新，天花和椅背後的花朵，餐廳牆壁上的小擺設，以至餐桌上色彩斑斕的瓷磚，都反映了餐廳的獨特氣質。二人各點了一個午市套餐，香煎刺身帶子青醬意粉$78，香煎挪威鯖魚柳配香草忌廉汁$98，白酒忌廉煮青口$98（小食），泡沫咖啡$18（飲品），德國檸檬芝士餅$42（甜品），人均消費約$185，非常豐富。 刺身帶子同鯖魚都煎得好香， 帶子幾有鮮味，食到芝士粉香味，鯖魚柳啖啖肉，配埋個忌廉汁很好食，青口較為遜色，雖然沒有雪藏味道，但也沒有鮮味，泡沫咖啡味道略淡，芝士餅檸檬味很重，味道清新，檸檬的酸中和了芝士餅的甜，個人十分喜歡和推介。總括而言，餐廳環境和食物都很好，餐牌選擇幾多，價錢合理，服務良好，很適合朋友聚餐傾偈。

因為慶祝朋友生日，希望去一間近MTR,但又不太嘈，環境又舒服的餐廳，終於比我找到！我預先致電預約好時間，但侍應告知用膳時間只有90分鐘，所以我們也不敢早到😅在整條西洋菜北街，別樹一格的裝修，門口也形做到一個小小花圃！由於二人套餐比較抵，所以我們決定order一個三人餐再加一個 長通粉，share一起食！是日餐湯：特別好味，可能是廚師用心煮，並不是一般餐廳的湯！ 白酒忌廉 煮青口：非常入味白酒已經被忌廉味蓋過，如果有一碗白飯，我會撈飯食！美國14oz安格斯有骨肉扒：比手掌🖐️還要大很多，配上「手工醬汁」的Steak 特別覺得肉質鮮嫩，配菜有salad🥗及薯仔🥔黑松露帶子菌意大利飯：好重黑松露味配上正宗意大利飯及「手工特製汁」，特別好味而且帶子又新鮮煙三文魚飛魚子意大利飯：遠👀已經好吸引，好似一件藝術品，所以慢慢品嚐！卡邦尼長通粉：雖然簡單，但也很好吃！My favourite 當然是甜品：是日甜品是朱古力cake :朱古力味濃，有不同的layer,可以有不同的口感！另外香蕉拖肥批，雖然好味，但食少少已經有full,幸好每人只試少少😅

今日和太太往太子Hami Harmony 食晚餐, 我們點了龍蝦湯配蟹肉, 白酒忌廉煮青口、西班牙黑毛朱扒、原隻開邊虎蝦配自製鮮茄寬面和凍焦糖latte。龍蝦湯配蟹肉賣相吸引, 龍蝦湯用茶壺盛載, 很有特色, 龍蝦湯足夠兩人用, 湯飲落龍蝦味濃, 蟹肉鮮甜爽口；白酒忌廉煮青口白酒味香, 忌廉味濃, 青口新鮮食落鮮甜, 配菜沙律菜食落新鮮爽口；西班牙黑毛朱扒肉質爽口, 肉味香濃, 食落有油花, 咬落啖啖肉, 口感十足,配上燒汁能帶出黑毛朱的美味, 薯炸得金黃香脆, 入口惹味, 整份西班牙黑毛朱扒份量十足,口感豐富美味；原隻開邊虎蝦配自製鮮茄寬面開邊虎蝦煎得惹味彈牙, 食落有啖啖胡椒香味, 自家鮮茄寬面食落爽口, 鮮茄食落鮮甜開胃, 美味十足；最後凍焦糖latte咖啡味濃, 焦糖是餐廳自家製焦糖, 甜度適中。餐廳座位舒適, 餐廳天花擺設有水果和樹葉等植物, 感覺柔和舒服, 而且牆身有很多勵志的佳句,令人感覺舒適, 而且餐廳食物美味, 份量適中, 價錢合理, 適合情侶和朋友聚會好地方。