A.T.A.S

營業中

休息中

之前食過馬拉菜都不外乎係喇沙同肉骨茶，呢間atas有基本嘢之前仲有唔少特色小菜，值得一試😙白雪牛油骨 ($128)豬扒骨裹着甜奶油醬，再灑咗好多奶粉，成件事奶味十足，唔會同豬扒有違和感😝但椰絲相對冇咁突出喇~喇沙辣椒老虎蝦 ($188)將喇沙濃縮咗做炒蝦醬汁更香濃，老虎蝦每一隻都好肥美，剝咗殼之後醬汁味依然滲晒入去蝦肉度!叄岜炒飯 ($138)有少少蝦醬海鮮炒飯嘅味道，再加啲辣😛最特別嘅係旁邊有啲醬料我講唔出咩味但係有種鹹香😙好地道馬拉風味美祿爆炸($58)美祿恐龍嘅升級版再加咗Oreo🤣🤣一如以往非常濃郁嘅美祿味~係完美嘅ending斑斕薏米水 ($28)係清新嘅選擇，斑斕味恰到好處💛A.T.A.S (銅鑼灣)銅鑼灣邊寧頓街9-11號登龍閣地下C2號舖

銅鑼灣食肆林立，喺邊寧頓街有一間特色地道星加坡菜叫A.T.A.S. (A Taste Above Shiok)意思係味道超級正！ 店內裝潢以白色為主調，並加入木材及綠植圖案等元素，打造出簡約休閒嘅用餐環境。1. 鹹蛋蘇東：新鮮彈牙嘅魷魚，廚師即點即炸，炸得酥脆，再混合惹味咸蛋黃醬，沙沙嘅口感，滋味十足。2. 大蝦喇沙：我最愛嘅新加坡經典美食之一！濃郁嘅椰奶湯底，加上香料、魚丸、豆卜、熟蛋、青口及兩大隻新鮮Q彈嘅老虎蝦，量大又足料! 可以揀摻摻（即半油麵半米粉）飽滿口感同地道鮮美味道充斥味蕾。3. 白雪牛油骨：第一次見到咁特別嘅菜式！香嫩嘅排骨沾上奶油醬、灑滿椰絲同奶粉，一放上枱已經聞到好香芝士味！食落香口又咸咸甜甜，獨特配搭，味道令人一試難忘。4. 斑蘭凍奶茶：斑蘭有一種獨特天然芳香，估唔到混合奶茶，味道好夾。斑蘭嘅香氣平𧗾茶味嘅苦澀。餐廳可以讓客人選擇用「花奶」或「煉奶」調製，入口有種冰涼順滑感覺。

成日見到朋友去食呢間星加坡菜今次等我自己去試吓餐廳都好光猛闊落乾淨麥片老虎蝦 $188大大隻虎蝦 外層包住滿滿的牛油麥皮口感好特別呀牛油麥皮好香脆😍😍😍海鮮板麵 $138板麵好彈牙 有咬口有肉丸 蝦 青口 用料豐富呀白雪牛油骨 $128一上枱白雪雪好似座雪山咁原來係豬排骨加椰絲同奶粉整成既入口有濃厚的奶香同埋甜味好得意😎美祿爆炸 $58成杯嘢都係美祿嘅顏色好濃厚嘅味道😍帶有陣陣嘅香甜味玫瑰露恐龍 $48有陣陣嘅玫瑰清香加埋啲美祿粉都幾特別唔會好甜食物份量都幾多適合三五知己去聚一聚可以叫更多嘢食試到更多種類

身邊好多朋友都食過銅鑼灣既星馬菜人氣店ATAS，朋友都一致好評，我今日都決定一試。本身預咗星期五要排隊，上去嘅時候已經見到樓梯排晒隊，最後等咗20分鐘先有得入座，可見餐廳受歡迎程度。- 辣椒蟹配饅頭呢個菜同煉乳饅頭有異曲同工之妙，饅頭炸得金黃香脆，而且更加重口味，蟹肉醬既蟹味好突出，味道有少少辣非常惹味。- 白雪牛油骨排骨嚟講幾多肉，肉質唔鞋，沾上奶油醬別有一番風味，上面仲灑上大量椰絲，不過個人覺得偏甜。- 鹹蛋蘇東蘇東即係墨魚，外皮沾滿鹹蛋醬，食落比較濕潤。- 魷魚通菜無論魷魚同通菜份量都好驚人，好似食極仲有咁🤣。通菜脆嫩，魷魚爽口，而且有大量嘅沙嗲醬，味道好正😍- 班蘭薏米水呢排香港天氣實在太熱，薏米水可以消暑祛濕，味道唔會太甜。- 美祿爆炸飲品上面鋪滿美祿波波，另外仲放左一片美祿脆片，朱古力味超級無敵香濃，非常滿足🥰整體而言，食物價錢親民，味道好正宗。我哋唔小心叫咗太多主食，結果太飽無叫到佢地嘅招牌甜品，下次一定會再嚟食返爆漿咖央多士😤

好攞命…鋪面尚算ok 白色簡潔風上二樓 但係冇諗過咁伏………啲排骨同椰漿奶粉真係勁唔搭…個囉喏名好特別 但唔建議試咯 生果油炸鬼豆泡加糖漿花生碎🥲咖椰爆漿 我本人勁鐘意哩樣嘢 但係哩度嘅真係唔多好食…有姜味…又有花生醬 又有唔知咩醬…唉杯朱古力就成晚最正了