肥姐小食店

營業中

休息中

每次去旺角一定會去食肥姐小食由中學食到而家今日專程去食，見到無人排隊非常開心，大生腸大墨魚雞腎 如果你食內臟可以order佢哋嘅王牌套餐.記得所有醬汁都要，非常好味😋

每次行過旺角，都見到好景對面既肥姐排長龍😮😮 隨年月增長，條龍越黎越長，今日屎忽痕，係2018最後一day去跟住啲大陸團友排一排，獻出寶貴第一次🤭雖然排到轉咗三個灣，都講緊唔駛10 分鐘就排到加食物到手👏👏就算有大陸同志一齊排，整體運還好，無誅殺到隔離既涼茶舖😅😅原因好簡單，肥姐舖頭流水式做事，一早切好🔪 而你未排到已經問定你要乜，個份緊張，同TVB劇入面炸彈倒數到3秒一樣，半點都唔少😫😫由於未食過，都係叫份皇牌，有墨魚🦑，生腸🐷，火雞腎🦃，28蚊，領到食物後拿拿林宿去街邊角落食 （好似追龍take 野咁😅，鬼叫今日旺角特旺）先試雞腎，爽脆度10分，新鮮好咬口，夾埋芥末小辣👌 墨魚唔係我所愛，但佢都做到彈牙唔淋😮😮，但要配番啲豉油，最後生腸，灣灣曲曲既佢竟然完全唔似內臟類，直頭似咬緊牛根丸質地，味道都唔錯，但都係要睇個醬🤭🤭其實呢啲滷味嘢，一食刀功準備，二食醬汁烹調，肥姐係旺角咁多年刀功準依無用置疑，但醬汁我會話係一般，元朗既真鬼巴士出色一啲😁😁

每次去旺角都想去食，例牌都会排下队，不过效率高，其实都唔需要排好耐。好似觉得又升左几元甘，不过份量味道依然。企下街食就是一道风景一种风味。经典皇牌：火鸡肾、八爪鱼同生肠。3个都系爽脆好味，如果3选1，个人觉得生肠最好食，最脆甘~

第一次黎試，原本我對內臟嘢無咩興趣，但呢間次次都見咁多人排隊，就決定去試試！呢三串嘢真係好爽口！扣埋啲醬好好味！食完都仲唔夠還想食，睇嚟每次去旺角掃街必食了。GOOD！

去到旺角做嘢，四圍都係美食，呢間人氣鹵味永遠人山人海，大家都唔介意排長龍等！去到簡單都有十幾人，店面細，只有一個櫃位，玻璃櫃內放滿鹵味，客人多不過店員好爽手，所以去得好快，男店員落單，姨姨就勁快手切，堂食就一個牛油紙兜盛載住！$23（唔知分開幾錢）大墨魚：又淋又厚肉～～大生腸：好彈牙呀～～皇牌（$26）墨魚+細生腸+火雞腎朋友食鹵味真係好味，大件又淋身（一啲都唔會硬）加上甜醬同芥辣醬！仲撈咗豉油！好惹味！明白點解咁多人排！真係好好味！