辛安東元祖奶奶雞 (已結業)

唔係新嘢，但未食過就試吓啦！唔知阿奶奶啲雞邊度買，但很肯定呢度冇半隻雞囉！反而有好多好大碌青瓜﹑紅蘿蔔。。。墊底仲有好多粉皮添。味道呢，似蠔油燘雞。叫做試過吓呢啲韓式雞煲，百零蚊 OK 啦！另外仲有個真露煮大蜆，真露就真係有真露味嘅，個湯幾好飲，同埋用水壺斟諗得幾好，可以飲到底又唔會倒瀉，大蜆就唔算好大喇，不過又係幾十蚊唧想點吖，合格啦！

Book 左位晚上七點，都要等半個鐘... ---辛安東元祖奶奶雞---嚟到當然要試下個招牌菜啦~~~~都幾好味哦。雞肉好滑，又夠濃味，好香~~~不錯不錯。底下的薯粉更加係精華。非常入味~~~---真露煮大蜆---大蜆令我失望，酒味唔濃，湯又唔算香甜，蜆都唔算靚。呢個食剩最多... ---部隊鍋---因為有小朋友，所以都要叫呢個諗住少少辣，小朋友都 okay點知原來係完全唔辣，份量都好少。最後叫左兩個先夠食。無話好唔好食，無特別。---牛肋骨鍋---又係份量好少.... 味道算唔錯，不過我已經無咩印象了。幾好食都唔滿意嘅一餐.... book 位後又要我地等左半個鐘，叫四樣食物就漏三張單，仲要有疑似職員影我地相。

雞，應該是人類最喜歡食用的家禽，世界各地以雞為饌的菜式數之不盡：美國炸雞、泰式海南雞、日式燒雞串丶粵式鼓油雞等等，而韓國，就喜歡以香濃醬油調味的燉雞，過江龍－辛安東奶奶雞，2012年起把這口味帶到香港。到達食客店子之樓層，即見客人的心意咭滿佈，韓國文化，喜歡祈福，互相祝福可增進感情，值得推崇。踏入店子，裝潢奇特，想不到是甚麼主題！正面的水吧廚房如茶餐室，亦似售賣小飾物的小店；圓形的座椅如水桶，柱位掛滿電影海報，黑板白字畫上鳥的象形文字；另一方的座位區用韓式屏風，加上燈光陰暗又確有韓風，整體，有多少＂玩野＂之感。紙張餐單，計如車站地圖，不同顏色的路缐就是食品的分類：冷盤丶小吃、主菜丶元組奶奶雞丶飯麵及飲品。我們的首站是飲品，十一款選擇全部來自韓國，貪玩的俠侶，當然選擇最好玩的頭兩款。利用力學，把汽水或啤酒倒轉於載滿冰之水杯內，飲料就會隨著容量緩緩流水，雖然見過，今次自己親身體驗。Dry B Rita 用 Dry Finish Beer，而 Cider Rita 用汽水；各有三款果味可選。我喜歡莓子，Rasberry 味的冰涼果汁＋啤酒， 味道如Cider，相比 Cider 濃了一點啤酒之

沒有追看過星星，卻也聽過啤酒炸雞，在這個韓風持續的年代，一間又一間的地道韓式餐館爭相開幕~這次聚會朋友提議這間位於銅鑼灣京都廣場的韓國料理~ 想試很久了，但聽說日日都大排長龍，這次提早幾日訂了位，可依時進餐~進餐時間限時90mins，其實有點兒短，啲圓櫈設計得太高，感覺很擠迫，坐得好唔舒服..... 但勝在有播放輕快音樂，而且裝潢走年輕路線，氣氛都幾好~餐廳主打韓式鍋雞，有傳統元祖奶奶雞和鮮蠔奶奶雞兩款，幾乎是每枱食客必點~我們三人樣樣都想試，心大心細，最終點了七樣野~半隻元祖奶奶雞$148揀了中辣，湯汁很濃，雞好滑好入味，而伴菜如紅蘿白，青瓜，洋蔥等也燉到很淋很入味，碟底仲有大量水晶粉，加上中辣，感覺就像在吃水煮滑雞和中辣雞煲一樣，惹味非常呢~😋😋和牛生菜包$98很韓式的食法，菜和泡菜都很新鮮，但和牛過熟而且太凍，差了少少，但個人認為此種食法的確新鮮，值得一試~安東炒雞腎$58沒什麼特別，和普通串燒沒什麼兩樣，但炒得很爽口~芝士辛辣年糕$58一向不喜韓式年糕，然而這款芝士年糕卻帶有驚喜，煙韌到極的年糕加上濃郁芝士一起進食，口感一流~~~讚!!!!真露煮大蜆$68一坐下，店員就推介這個

上一篇食評講完比較disappoiting 既 Jamie's Kitchen~ 呢家講下另一間食住韓風而大賣既安東奶奶雞。一行5人平日黎個gathering, 黎到覺得裝修好特別, 而且我好鐘意佢地方少, 但係我地坐既就係一個可以放袋既地方 感覺好有特色, 拎住將好似壽司外賣紙既野黎點餸, 真係幾得意~黎既, 首先係芝士辛辣年糕, 睇上去, 個cheese 焗得岩岩好, 味道都ok, 不過就好快就凍,大家要趁熱快d食哂去~ 如果唔係年糕就好硬架啦~再黎, 上左碟安東奶奶雞韓式壽司, 個日覺得佢同其他雞煲既雞冇咩大分別, 因為出名既雞煲都係"野"味, 而滑口,汁好濃~如果食韓國菜要自己比$叫kimchi, 個人覺得唔太地道, 因為大家去食韓國菜就係喜歡佢地唔同既kimchi, 但呢到, 我地係要比$叫碟泡菜黎食啦~well...ok...叫左就食啦~呢到既泡菜比其他韓國餐廳較酸~我最欣賞既, 就係呢碟豬肉生菜包, 因為d肉岩岩好, 唔會乾身但有燒出黎既香氣, 而味道都係just right, 再包埋個生菜, 口感好正!  一件唔太夠呢~想食多幾件....真露煮蜆, 個賣相好靚, 食落去

自某大熱韓劇播出以來，無論時裝界，飲食界皆吹起一股韓風。約三五知己聚舊，小妹便提議銅鑼灣安東，因友人對小店評價不錯，順便食住潮流。店面裝修好特別，位子尚算闊落，燈光暗暗地，gathering拍拖都岩！客人又可以寫下意見/願望掛牆。辛安東元祖奶奶雞首先上的是安東奶奶雞(半隻)，小妹並不嗜辣，但為了嘗到正宗的奶奶雞便點了小辣。驟看似雞煲，一送上來便香味四溢，材料份量十足。雞肉OK，配菜都幾好，沒有欺場，令人驚喜既係啲粉, 吸哂啲汁非常入味，口感又煙韌。膠原蛋白沙律選擇此沙律純粹因”膠原”二字呢! 不過小妹並不太喜歡沙律裡的肉，反而沙律菜很新鮮可口，可能溫泉泡茶沙律比較適合小妹。下次要試！冰珀豚肉好似平時食開既蒜泥白肉，呢度換成韓式的是甜辣醬，豚肉片肥瘦適中，大大塊，又唔會食到口臭，可惜份量不多，還想order多一碟呢！燒肉生菜包燒肉生菜包好似中菜，對韓菜黎講都幾特別，伴甜辣醬咬落好juicy，整體來說都唔錯！芝士咖哩年糕之前去韓國試過地道年糕，覺得好難食！但安東的年糕係同芝士咖哩汁一齊焗，年糕好煙韌，撈埋芝士咖哩汁係好好食，小妹大力推介！芝士地獄薄餅賣相唔錯，薄餅都幾辣，皮薄餡靚，裡面係豬

韓風停不了, 呢句話講多老土, 大家心照, 我對現今倒模式的韓男韓女無乜好感, 而家中的二女卻很哈韓 , 無辦法啦 ... 為父者要與女同樂 , 拉近關係 , 所以今次又再帶她去安東雞享受K-pop下的K-food~一踏出𨋢就聽到K-pop震撼地播 , 二女說是4Minute的"HuH"點菜由我負責, 我們點了很多食物, 侍應都很耐心地聆聽, 一些不耐煩的動作也沒有出現 ...真露煮大蜆 $78 :雞湯與真露一起煮, 有酒味也都老少咸宜, 壺內有大量蜆. 蜆吸收了酒味, 既香且鮮!膠原蛋白沙律 $68 :膠原蛋白其實是白滷豬手肉 , 配合大量顏色鮮豔的蔬菜 , 蔬菜新鮮 , 沙律醬汁足夠拌勻沙律~釜山鮮蠔奶奶雞 (半隻) $198 :雖然我是一個可以吃辣的人, 但是中辛對我來說還是有點辣~  一碟奶奶雞的材料是十分之豐富 , 雞件皮薄肉質結實, 味道充滿豉油香甜加上辣椒的惹味~  水晶粉吸收了大量醬汁, 既煙韌且軟滑, 青瓜、薯仔、紅蘿蔔、冬菇絲也煮得入味!燒肉生菜包 $78 :新鮮生菜足以完全地包住泡菜及燒肉, 隨自己喜歡去加入蒜泥及薑泥, 整體而言味道好好, 可是燒肉的肉質頗硬~冰

「上篇」介紹過兩款奶奶雞：辛安東元祖奶奶雞及釡山鮮蠔奶奶雞，「下篇」再繼續分享其他富特色嘅韓菜，有冷盤、小食、主菜！晌點菜紙上，見到菜名旁邊有「雞」公仔商標 ，就表示喺廚師捱介，如果無乜心水想食乜，大可以按此作參考。先講講冷盤啦，冷盤一共有7款選擇，單睇菜名都已甚覺特色，而「辣椒」公仔多寡 ，就概略知其辛辣程度。由於整個菜牌好多嘢我哋都想試，所以冷盤就只揀「膠原蛋白沙律」一樣。 膠原蛋白沙律 $58 以羅馬生菜、車厘茄、紅燈籠椒、洋蔥為沙律底，撈上胡麻醋汁，清爽酸香，晌一片辛辣中成為一道「爽口」清泉。膠原蛋白又喺乜家科？查實喺加入爽口不膩嘅豬手肉而已，配以粗糙石碗盛上，別具雅致 。似乎小食喺大家嘅興趣所在，19款小食我哋就揀嚟當中4款齊品嚐，不過，有食友可大膽，之前都講我哋都無乜邊個食得辣，但都夠膽點上一道有3隻「辣椒」公仔嘅廚師捱介「芝士地獄薄餅」，咁唯有齊齊落地獄試試依個薄餅有幾辛。此外，仲點咗年糕、豚肉及牛肉3款小食。 芝士咖喱年糕 $48 先試嘅小食喺依個年糕，賣相跟點菜紙個樣有少少出入，不過眼前依個以黃色小瓦砵盛載嘅年糕，面層烘得溶溶嘅芝士，賣相更吸引。韓式炒

有幸得到食友的邀請來試菜, 真是很開心和感謝。 能夠與一班既喜歡食, 又喜歡為美食拍照, 又寫得一手有水準食評的食友聚餐, 實在一件樂事, 非常享受這頓晚餐。今次來到一間韓式餐館, 井底之蛙的我一向以為韓國菜只是韓燒、石鍋拌飯、泡菜、炒粉絲、炸醬麵等, 估不到這間餐館以雞為主力, 當然還有許多特色菜式, 以下將會逐一介紹。環境一入門就見到大大的店名, 燈光字黑底, 很搶眼。轉過身就見到有兩塊鐵網掛上客人所寫的心意咭, 心意咭是以雞作設計, 很特別。牆上貼有不同的韓國海報、報紙及紙上玩意等, 很有韓風味。店內以黑色為主, 配上色彩繽紛的枱椅, 非常搶眼, 連menu亦設計得色彩繽紛, 很有朝氣! 枱上放有紅色的剪刀和放骨的紅碗子, 很細心! 椅子多以圓櫈無背為主, 雖省地方, 但略為欠舒適。其實枱與枱之間都幾密, 空間較少, 大家需要親密一點進餐哦!服務各服務員態度親切友善, 常臉帶笑容, 服務亦很周到, 雖然客人頗多, 但他們的工作效率亦很快。很快上菜亦很快幫我們收拾不需要的物資, 但由於一次過太快上很多餸菜, 故令食物很快涼了!服務員亦很細心, 不時為我們送上清水, 還分冰水和温

聖誕假期相約友人飯聚，找地方期間發現辛安東元祖奶奶雞於銅鑼灣開了分店，上次試過旺角店後一直想再三回味，難得友人也想試試這個，所以決定到此開餐。新店位於京都廣場，其位置就在地鐵站C出口斜對面，較旺角店方便好找。食店位於7樓，一出電梯即看到其招牌，而在電梯側亦有鐵欄網，不過不是讓食客掛情人鎖了，而是改掛其公雞icon的心意卡。新店地方不少，分兩邊，其中一邊跟旺角店一樣，牆上貼有韓國電影海報，我們坐的另一邊則有不少店中食物照片，佈置蠻骨子的，有兩個6人座位更有點自成一角的感覺，個人最喜歡這樣，可以吃得更自在。等待朋友期間，先看看點餐紙，發現除了原來的安東雞外，現在多了一款名為釜山鮮蠔奶奶雞($228半隻)，即加了新鮮蠔隻跟安東雞同煮，橫豎未試過，所以點了這個。小吃方面，也較上次吃的多了，除了原來的真露煮大蜆﹑燒肉生菜包﹑泡菜豬肉﹑冷麵﹑韓式飯卷等等，現在還多了 板燒牛肋骨﹑燒原條鰻魚﹑芝士咖哩年糕等，飯類也較之前的韓式石頭飯豐富了，有牛肉﹑豬肉拌飯外，還有生蠔泡飯。此時朋友來了，經過我們一番研究，決定多點幾個小食，好讓我們在主角奶奶雞上桌前熱身。先來的有燒花魚﹑燒肉生菜包($78)及冰珀豬肉