新麻蒲 BBQ (東港城) (已結業)

妹妹去完韓國旅行返黎一直想念當地烤肉, 見今日出左糧, 就請佢去食餐韓國烤肉啦!餐廳除左主打烤肉, 更有韓國熟食選擇, 烤肉有套餐, 還可以散叫入座即時送上韓式前菜、包生菜、注入爐邊蛋, 所有都是無限添加啊!【新麻蒲秘製排骨】HK$87排骨醃得好入味, 而且好林, 不連筋, 個汁甜甜地, 唔洗點醬食, 味道已經好正!  【薄切特級牛舌】HK$58牛舌嫩紅, 煎至焦香, 質地又滑又爽, 食到牛舌原汁原味【石鍋牛肉拌飯】HK$86拌飯雖然熱辣辣上檯, 不過冇咩脆卜卜飯焦,  牛肉雖少, 配料幾多, 層次相當豐富, 辣醬分開上, 可以自調辣度,  辣辣地又幾惹味。【菠蘿乳酸果汁】HK$28菠蘿味很突出, 酸酸甜甜, 凍冰冰, 邊飲邊食熱辣辣烤肉, enjoy!!

今晚突然好想食石頭鍋飯，所以去完將軍澳搵朋友就同佢食埋飯先返屋企，佢介紹去哩間新麻蒲韓國餐廳度食，原來哩度唔單止得韓式烤肉食，仲有些飯、麵、湯等食物可點選，我點左石鍋牛肉拌飯，飲柚子茶，朋友點韓式牛肉炒粉絲。店員落單一回來，就捧著四碟韓式小食黎比我們，他放低後仲話食完之後可以再叫，無限添食，小食有泡菜、沙律、醃洋蔥和海帶，我地一邊品嚐，一邊聊天，唔洗十分鐘既時間，石鍋牛肉拌飯便送到，熱呼呼，加入韓式辣醬拌均飯面上的牛肉、脆肉瓜、波菜、紅蘿蔔、香菇、心心太陽蛋和芝麻吃，香噴噴，有些飯蕉，真係好味，而朋友叫既炒粉絲，望落同我個石鍋飯既材料一樣，只係無左隻太陽蛋，變左雞蛋絲，好大碟，朋友驚食唔哂，分左些比我，食到甜甜地，好味。哩度雖然主要係食韓燒，但我地坐左成個幾兩個鐘時間，都唔會聞到太勁既燒烤味道，哩點真係要讚下。

先前食過韓國炸雞，今次就試吓似乎係同一集團嘅韓燒，星期日晚飯時間因為尚早，所以不用排隊。本來想叫牛護心肉，但係早已售罄。於是叫咗特級霜降牛肉和韓式秘製烤牛肉。霜降牛肉較厚身，共有6件，味道不算突出，牛肉亦不算軟嫩，覺得不太值這個價錢。但韓式秘製烤牛肉是經醃製，味道不錯，肉切得極薄。佢哋送嘅爐邊蛋、泡菜、海帶、醃籮蔔等配菜係免費任叫。我哋亦叫咗個石鍋牛肉拌飯，味道不錯。整體上性價比不算高，但可接受。

東港城最近開咗間韓國菜，屋企人提議去試下， 呢間新麻浦試業中， 食晚市最早五點半開始， 屋企人話肚餓，準時入席！燒烤肉有牛豬雞， 牛肉同豬肉都有唔少部位選擇， 啱曬食肉獸😂 屋企人話想食雞，又想食辣，所以就叫咗個香川辣味烤雞，$125 200g 雞抵唔抵食就見仁見智啦😂😂😝一於睇下係咩質素。爭食肉唔得嘅點都要叫番啲飯， 淨係粉麵飯都有幾多選擇喎😉一坐埋位店員已經準備好不同種類嘅前，菜有洋蔥絲海苔片醃蘿蔔 等等。未燒烤先食一個熱辣辣嘅石鍋飯， 上面嘅太陽蛋係半生熟，篤穿咗之後蛋漿流入飯裏面，加埋肥瘦比例各佔一半嘅肥牛，口感香滑， 飯嘅份量大概一碗多， 冇咩特別醬汁，可以加少少豆瓣將自己調味嘅， 至於其他配菜，都係一般喺韓國菜見到嘅菠菜，蘿蔔絲，同埋小小翠玉瓜片，成家人分梗係唔夠食啦， 所以即刻去燒烤。本身對200 g嘅重量冇咩概念，呢碟辣雞一上碟，明曬， 大約係手掌咁大嘅四件雞，um... 起碼驟眼睇都有唔少肉， 得其中一隻係雞翼， 一人一件夠食掛， 不過最重要都係質素嘅， 見佢有刻意醃製，就睇下味道點樣。整好喇， 雞肉裏面又真係幾嫩滑， 燒咗咁耐裏面仍然鎖住肉汁， 韓國辣醬嘅味道都幾出