新麻蒲 BBQ (東港城) (已結業)

今晚突然好想食石頭鍋飯，所以去完將軍澳搵朋友就同佢食埋飯先返屋企，佢介紹去哩間新麻蒲韓國餐廳度食，原來哩度唔單止得韓式烤肉食，仲有些飯、麵、湯等食物可點選，我點左石鍋牛肉拌飯，飲柚子茶，朋友點韓式牛肉炒粉絲。店員落單一回來，就捧著四碟韓式小食黎比我們，他放低後仲話食完之後可以再叫，無限添食，小食有泡菜、沙律、醃洋蔥和海帶，我地一邊品嚐，一邊聊天，唔洗十分鐘既時間，石鍋牛肉拌飯便送到，熱呼呼，加入韓式辣醬拌均飯面上的牛肉、脆肉瓜、波菜、紅蘿蔔、香菇、心心太陽蛋和芝麻吃，香噴噴，有些飯蕉，真係好味，而朋友叫既炒粉絲，望落同我個石鍋飯既材料一樣，只係無左隻太陽蛋，變左雞蛋絲，好大碟，朋友驚食唔哂，分左些比我，食到甜甜地，好味。哩度雖然主要係食韓燒，但我地坐左成個幾兩個鐘時間，都唔會聞到太勁既燒烤味道，哩點真係要讚下。