亞玉豆腐花

營業中

休息中

亞玉好嘢！每次黎都有街坊排隊，快靚平當之無愧呀！！.亞玉豆腐花是賣傳統中式甜品的，無座位，所以要「立食」或打包走。好多街坊經過都食碗豆腐花先走。.豆腐花都有好多種口味。⭐️黃豆豆腐花（$9）最classic 呢個，有冷熱選擇。黃糖糖水自己加。如要外賣，+$1，感覺上外賣份量較多。.⭐️黑豆豆腐花（$10）質感無黃豆豆腐花咁滑，但個人覺得口感特別，值得一試。.另外，可以加$3加紅豆或芝麻糊。值得加的，因為份量不少，特別是芝麻糊，好香黑芝麻味。..⭐️咋喳（$10）$10一碗十份足料，有西米露、紅豆、綠豆等，而且有陣陣椰奶香味，超值食！.香滑砵仔糕$3一個，$12五個。呢個年代竟然$3食到飽肚嘅小食，不得了！砵仔糕有分原味及紅豆，價錢一樣。.⭐️客家糍粑$6有一粒$15有三粒。皮很薄而且餡料十分之多，咬一口，嘩啲餡多到漏出來。.黃豆豆漿$10枝，黑豆豆漿$15枝都是超級大枝的。黑豆豆漿還可以選擇無糖，健康之選。.總括而言，快靚正，亞玉好嘢！

亞玉豆腐花都真係好多年，我估多人識係因為佢荃灣分店賣超平豆腐花？但其實佢係扎根元朗，先再開分店，但我想食都會去返總店食。糖水店內外外賣店舖位，識食一定係拎住個碗企係到食，食完自己還返個碗，咁當然你都可以加錢轉外賣拎走。食物選擇已經唔止普通味豆腐花，仲有新岀白果意米豆花、咋喳等等，不過我就食返正路既款式。黃豆豆腐花 $9/碗(冷熱同價)要左碗凍既，食落豆味唔算好重，唔夠滑身，質感較實。黑豆豆腐花 $10/碗(冷熱同價)黑豆只有熱既供應，但一食，同黃豆豆腐花好大分別，滑好多，真係“Shu”一下滑左入口唔洗咬，可能因為熱既關係，豆香都重少少，不過黑豆同黃豆本身所帶既味唔會有好大分別，都係大豆味。黑豆豆漿 $12/枝去到豆花專賣店，點少得買枝豆漿飲下，雖然我自己覺得黑豆同黃豆分別不大，但都揀左特別啲健康啲既黑豆，飲落唔太甜，不錯。砵仔糕 $3/件、$12/5件通常食豆腐花就算，好少買佢其他野，今日未食飽，就買其他野試下。見砵仔糕咁平就一於試下，比平時食既細件少少，係一啖都可以食哂既size，味道正常，都係$3/件既話，食有紅豆覺得好抵。客家糍粑 $6/粒、$15/3粒其實即係糯米糍，見到店員包

每次嚟開呢頭都會食呢間嘅豆腐花，價錢平民，又好味，雖然要排隊，不過好快就到😋😋就咁叫一碗豆腐花加糖水同黃糖好似好唔健康咁，所以每次嚟到都係叫豆腐花加紅豆，感覺上好似健康d（雖然都係咁甜😂）豆腐花白滑加埋紅豆嘅甜味同口感，不論係賣相定味道都相當唔錯。呢到可以選擇外賣定堂食，以前堂食係有櫈比食客坐，依家就冇，唔係趕時間都會揀堂食，慢慢嘆之餘又可以環保d.除咗豆腐花之外，重有芝麻糊同砵仔糕、糯米糍等等嘅小食，價錢平民，可以一試

剛係隔離舖食完「串皇」美味嘅串燒後，第二站就嚟食～～「亞玉豆腐花」。我叫咗豆腐花$7（黃豆造）/（另有黑豆豆腐花$9），可隨自己喜好添加糖水 / 薑汁糖水/ 黃糖。我就加咗少少糖水/ 多薑汁糖水，再鋪上黃糖食。豆腐花～🔸薑汁糖水~味道調教得剛剛好，不會太濃、薑味亦不會過辣，不錯！糖水底亦清甜得來又不會太甜。🔸豆味方面，沒有太多豆味，不夠豆香。🔸軟滑度都算可以，但仍不及大埔「亞婆豆腐花」咁滑～亞婆個間係滑到sir入囗！另外，買咗3個「砵仔糕」回家食，（可選擇有豆或無豆）買時重有少少熱。食後比較失望，太淋太軟，味道亦麻麻地。總括而言：豆腐花不錯！價宜物美，不妨一試。反而，砵仔糕就麻麻。

元朗阿玉開至荃灣路德圍,試業數天後正式開幕,長蛇陣的鮮花籃吸引著路人注意,結果近來午餐時段也有著不少吃飯後豆腐花的客人,當然我是其中之一。試業期間豆腐花新張優惠每碗$6,有便宜優惠就不要錯過啦,在元朗店見過的高瘦男孩近日都在荃灣店坐陣嚕。仍以古早藍白碗盛載的豆腐花白滑如昔,放在桌上時豆花不期然地抖動,讓人要第一時間將她品嚐!黃豆味輕柔也沒有焦香味,入口絲滑的豆腐花滑不溜口,熱熱的溫度在微冷下午吃著實在溫暖。自助冰糖水煮得清甜,個人認為比黃糖更配合滑如絲的豆腐花,無限量供應的薑汁更是亮點,薑汁的辣度香氣令飯後豆腐花更添完美,讚呀!每天下午2時左右才出爐的砵仔糕($10/5個)真的用上瓦砵仔,而非坊間的小飯碗,這才是真正的砵仔糕,個別包裝雖無拿著竹籤來得有風味,如在辦公室當茶點時則方便很多了。兩款砵仔糕中以沒紅豆的較香軟,糕身有彈彈口感卻不會太軟糊或太實在,有紅豆則多了一點紅豆香及咀嚼勁,各有優勝之處。