禮記 (已結業)

太耐冇飲茶，朋友就話唔好就住就住叫，整返個點心放題嘆下😍呢到食點心放題90分鐘，每位$288，大約有廿幾款點心小菜粉麵飯可以叫，不過食放題記得唔好眼闊肚窄，食得晒先至好嗌😝座位環境闊落舒服👍🏻瑰荔堂煌，水滾茶靚😄麻辣手帕青瓜條：青瓜爽脆，辣味唔算太重，惹味開胃小食😃XO醬炒腸粉：份量足，XO醬炒得均勻，腸粉好滑口，唔會粘埋一齊😉禮記黑金蝦餃皇：必叫之選🤩本身蝦餃已經係我最愛嘅點心之一，而呢到蝦餃個外皮配上黑金色，非常高貴😍食落去仲要非常飽滿，勁多蝦喺入面，勁滿足🤩黑魚子燒賣皇：又係必叫之選🤩燒賣大大粒，咬落彈牙爽口，配以黑魚子令整體更加高級醬皇蒸鳳爪：鳳爪煮得入味又嫩滑😉小王子豆沙：由於冇晒小王子包，所以變左小公主包😆造型可愛，真係有D唔捨得食😍鮮竹陳皮牛肉球：大大件，唔會太硬，唔錯炸迷你春卷、酸甜炸雲吞、芝麻明蝦桶：幾款都熱辣辣兼且炸得香脆，食落唔會太油膩，芝麻明蝦桶就第一次食，又幾特別😁炸迷你咖喱角：同埋炸得香脆，細細件容易食😄黑金流沙包：外表配以高貴嘅黑金色，內裡餡料味道香濃，咬開後做到真正嘅流沙效果，勁滿足🥰蒜蓉炒時蔬：食返碟菜清下腸胃，用蒜蓉炒所以更為惹味😋椰汁杞子桂花糕：最

好耐無黎將軍澳食野，今日中午黎左呢間禮記食點心。上次試過禮記，呢度裝修新潮摩登之餘，點心都非常精緻，感覺高檔次。茶杯都非常精美，筷子印左店名。點心紙簡簡單單，有禮點，蒸點，炸點，包點，腸粉，同甜品，分超點，頂點，特點，大點，中點，小點，價錢比上次黎加左少少。周末假日價錢再貴少少。座位費每位$13。今次每樣食物種類都叫黎試吓先。點心即叫即整，等左20分鐘以上就見到熱辣辣嘅點心啦。禮記黑金蝦餃皇 超點 $59 另加一禮記黑金蝦餃皇一客3件，原來都幾大粒，中間仲有一粒迷你正常皮蝦餃添。黑金皮好靚仔，熱食原來夠薄，仲帶微微鹹味，凍食就煙煙韌韌，唔同口感。入面既鮮蝦好爽脆，味道本身夠鹹香，唔洗另點醬汁。連嗰粒迷你蝦餃都皮薄好味。鮮蝦米網腸粉 頂點 $49 另加一鮮蝦米網腸粉一客6件，滑溜腸粉包住薄脆米網，入面係啖啖肉鮮蝦，口感滑中帶脆又爽脆鮮甜，正。豉油貼心咁另上，要幾多自己加。香茜咸水角 大點 $39 另加一香茜咸水角一客3件，用個木籃裝住上枱，仲有英文牛油紙墊底，顏色呈黃綠色，炸皮脆口帶煙韌，食落甜甜地，入面堅有豬肉粒。比平時酒樓嘅咸水角出色好多。小王子豆沙包 大點 $39 另加一小王子豆沙

平時好少黎將軍澳呢頭，今日中午黎左呢間禮記食點心。呢度裝修新潮摩登，絕非一般中式酒樓可相比。唔知道野食方面又如何呢？點心紙一目瞭然，有禮點，蒸點，炸點，包點，腸粉，同甜品，選擇唔算太多。茶位每位$13。點心價位分別係：超點 $58頂點 $48特點 $43大點 $39中點 $34小點 $25周末假日貴$1。今日第一次幫襯，點左幾款點心試試。點心全部即叫即蒸。焗雪山叉燒包 頂點焗雪山叉燒包一客3件，外燙內暖既包，上碟前應該輕輕拖過一下油，所以有脆皮。餡料係粒粒叉燒。禮記黑金蝦餃皇 超點禮記黑金蝦餃皇一客3件，餃皮唔問都知係加咗墨魚汁，有陣特別既海鮮甜味，亦都令餃皮更富彈性。另外就有食用金箔劃了一筆，成為黑金皮，就成為一件高檔次點心。每隻蝦餃皇入面有兩隻全蝦，不負所托既超點！紅菜頭松露野菌餃 特點紅菜頭松露野菌餃一客3件，餃皮用左紅菜頭一齊搓，天然水晶紅色賣相一流！裡面塞滿野菌，混入黑松露醬，香味四溢。小雞雞 大點小雞雞一客3件，今次帶咗小朋友嚟，叫咗個小雞雞即係豆沙餡包，賣相很可愛，小朋友好鍾意。期待下次試小菜。

放假嘆一盅兩件, 嫌去得太多傳統酒樓食點心開始覺得悶, 今日就去咗間新派酒樓, 賣相同味道都很有驚喜, 價錢相對亦唔會太高。餐廳環境闊落舒適, 入座先送上熱茶,點了好幾款點心share試試【禮記黑金蝦餃皇】HK$58黑金色蝦餃皮更顯貴氣, 皮好薄, 足料蝦肉餡鮮甜彈牙, 但稍為有d偏鹹。【紅菜頭松露野菌餃】HK$43皮同樣薄, 一咬落去, 粒粒野菌餡令口感更有層次, 兼很重松露香。【黑金流沙包】HK$39流沙包軟熟, 流沙餡澎湃湧出, 奶黃味濃郁【奶皇炸煎堆】HK$39炸煎堆外層不油, 表面很有芝麻香兼鬆化, 中層好似湯丸嘅口感, 再包住流沙奶皇餡, 正! 推介! 【香茜叉燒腸粉】HK$39腸粉皮晶瑩通透, 好滑, 叉燒切成細粒, 有層次得黎又唔會好硬, 仲加咗少少莞茜, 多一點清香。 

放假想行吓激安，近近哋去咗將軍澳嗰邊，順便食個午餐。好耐無食心點(小新叫法🤣)，於是就揀咗去「禮記」開餐。小店環境唔錯，面積幾大，有著新派嘅裝修，估計配合返附近嘅年輕住户🏡。餐廳其實同酒樓無乜分別，日間做飲茶，夜晚做小菜晚飯🥢。定價我認為都算頗為進取，星期六日點心價錢如下：小點$26、中點$35、大點$40、特點$44、頂點$49以及超點$59。未食點心前，先嘆返啖茶🍵，我哋要咗普洱(茶位每人$13)，味道幾清香，仲意外地帶點荔枝味。值得一提嘅係茶杯花紋好靚，細細隻似飲緊功夫茶。鮮蝦米網春卷(頂)，呢個係進化版嘅炸兩，滑溜嘅腸粉皮包住米網蝦春卷。🥠米網皮好酥脆，而內裡就有蝦膠同翠玉瓜粒，整體唔錯。黑金流沙包(大)，流沙包造型精美，店員提醒小心流沙餡燙熱，佢果然冇講錯，因為入面真係非常流心，蛋黃味濃🍳。紅菜頭松露野菌餃(特)，加入紅菜頭整成嘅水晶餃皮又靚又好食，口感煙韌，🍄而野菌餡本身就好香菇味，頗惹味的。禮記黑金蝦餃皇(超)，蝦餃皇3+1，中間嗰粒都食得㗎。蝦餃用上原隻爽彈鮮蝦🦐，正，但我就略嫌餃皮偏厚。香茜咸水角(大)，咸水角外皮綠綠的，有啲似啤梨，因為係採用咗芫荽🌿，但唔使擔心會太