酒鍋 (V Point) (已結業)

天氣開始轉涼，心思思吃火鍋！跟閨蜜兩個女孩子要去環境好一點的地方，擁有全天候維港夜景的酒鍋絕對是不二之選吃火鍋最重要的便是湯底，最好就是能於打邊爐前吃碗湯！點了進補滋選黃金美人，即胡椒豬肚花膠黃金鮮雞湯！補氣、補腎、益精健脾！驅風散寒、滋鋪又養顏掛架頂級安格斯牛小排整齊地排列着， 雪花均勻， 入口爽嫩多汁，肉味豐腴日本頂級黑毛豬豚腩肉口感嫩滑，豬味濃但沒半點臊味以南瓜墨魚丸製成的動物造型咪酒鷄集美味可愛於一身稻庭烏冬幼滑細膩，輕輕一吸就從舌尖滑到喉嚨裡，爽口無比蜂巢豆腐的小孔吸收了湯底精華，十分滋味黑松露蝦蟹餃黑松露香氣撲鼻， 蝦肉爽口彈牙，蟹肉鮮香十足蔬菜拼盤一個價錢可以試到多款蔬菜，最適合兩個女生什菌拼盤真是說得出的菇類也有，款款新鮮即炸手工雙層芝士漢堡響鈴即叫即做，響鈴卷上放上芝士和漢堡味的醬汁出奇地夾又脆口竹庶茅根清潤又降火，味道也不會過甜，消退打邊爐的飽膩感Estrella生啤口感紮實，氣泡在舌頭上滋滋跳動

朋友升職話想請我食飯，佢個要求係要睇得又食得的打邊爐，因為之前同其他朋友黎過間餐廳，覺得食物質素到環境都好靚，所以就訂位同佢黎呢度試試。餐廳位於V POINT 27樓，所以餐廳係可以從高處睇到維港的景色，朋友淨係見到呢個景已經好開心了!經過店員介紹後，我們點了一個這裡很出名的火鍋湯底同埋點左好多款火鍋配料!點餐後當然要整下混醬俾自己，他們的醬料選擇都有很多!酒火入鍋，呢個湯底不得了，共有5款湯底俾你打邊爐，有選擇困難的人真係唔駛驚諗唔到!湯底包括木瓜鍋、蕃茄波士頓龍蝦鍋、清湯蘿蔔牛腩、四川麻辣鍋同埋沙嗲鍋!上鍋時店員示意我地準備相機，因為將會為個鍋點火!先在中間木瓜鍋位置倒入酒，然後點火，熊熊烈火好壯觀，火熄左之後，仲有煙會出，好特別呀!蕃茄湯入面有成半隻龍蝦，個拑好大隻。清湯蘿蔔絕對唔係清湯咁簡單，個湯落左胡椒，所以食到中後個湯底帶有少少胡椒的辣味，好好食!四川麻辣湯底夠哂辣，入面仲有豬皮豆卜，兩樣都係吸味的食材，辣得過癮!而沙嗲湯底好濃好香沙嗲味，食到最後個味都仲係好濃!黃金炸魚皮，魚皮炸得脆口，咸蛋黃平均分佈在魚皮，唔會好咸亦唔會好漏，令人食到唔停口!海鮮拼盤，2人份量的海鮮拼盤

這間酒鍋位於銅鑼灣VPOINT 的27樓高層，座擁180度靚景，餐廳裝修得很有格調，門口設有魚缸，載著新鮮海鮮，座位闊落舒適，6 點入座，還可以欣賞住日落來打邊爐，特別開心。每枱都提供著一盤十二款之多的調味料，不同的食物可配撘著不同的調味，最欣賞XO醬。只是火鍋湯底選擇都有二十多款選擇，今晚選了餐廳主打的五格鍋之一的酒火入鍋，五格鍋分別有蕃茄波士頓龍蝦鍋(鮮甜的蕃茄配上大半隻龍蝦一齊熬制)，清湯蘿白牛腩(飲落似胡椒豬肚湯，蘿白超甜)，四川麻辣(用上各種的花椒提味，一上枱已聞到它的麻，內有豬皮，豆卜及芽菜)，潮州沙嗲湯(濃郁的沙嗲帶有花生香)，中間是獨特木瓜鍋(煲得又淋又甜而又雕了花的木瓜，配上幾隻大蝦，侍應灑酒後便會著火，所以名為酒火入銅，是一個視覺享受)。這裡的火鍋配料有過百款之多，有些款式還很有特式。但每個湯底都附有充足的湯料，所以我們都不敢點太多的火鍋配料。先來點了一些可以當小食的火鍋配料。1) 手工嚮聆是包著紫菜即叫即炸，十分新鮮，沒有半點油溢味，打邊爐必點。2) 平時打邊爐都鍾意點魚皮，但這裡有的是三文鮮魚皮，比魚皮硬身一點，但放湯滾幾十秒一樣好味，三文魚皮的營養價值比魚皮高

朋友歐遊一個月後終於回來，當然要馬上好好的聚一聚。昨晚我已事先訂座酒鍋，因為晚市經常爆滿，而且個人挺喜歡吃酒鍋的火鍋，色，香，味俱備，正合久久未吃過中菜的朋友一吃。我們邊點餐邊盛醬料，朋友說這裡的火鍋醬料多元化，XO醬，麻醬，麻油，沙茶醬，蒜蓉醬，蒜片，辣椒粒，芫荽，蔥花，蒜蓉等，可以隨心調配自己喜歡的口味。吃火鍋的話，湯底確實是火鍋的靈魂，想滿足各人的口味，有五種湯底的「酒火入鍋」，可以盡嚐香辣的，鮮甜的，惹味的。「酒火入鍋」包括獨特木瓜鍋，潮州沙嗲鍋，清湯蘿蔔牛腩，蕃茄波士頓龍蝦鍋及四川麻辣鍋。既然是酒火入鍋，這湯底怎會缺少酒和火? 店員先倒上一湯勺的酒於木瓜鍋裡，然後燃點火苗，湯鍋瞬間熊熊烈火，氣勢如虹，酒精滲透蝦隻與木瓜，酒醇郁香。我最愛潮州沙嗲鍋，湯頭花生味濃重，毫不膩味，而且沙嗲鍋涮火鍋配料最為入味。喜歡刺激的，四川麻辣鍋滿是乾辣椒，花椒，香麻帶辣卻不燥。清湯蘿蔔牛腩用了大量蘿蔔，牛腩燉煮，牛腩肉質軟腍，喝上一口蘿蔔牛骨湯，全是天然的鮮甜。掛架頂級安格斯牛小排這麼高級，只要在湯鍋輕涮一下，待肉色稍變嫩粉即可送入口中。這頂級安格斯牛小排口感豐盈軟嫩，入口即化，香氣和鮮甜滋味在

當你食過一次酒鍋就會返唔到轉頭的, 因為呢度無論環境同食物都無得彈~~仲要係朋友生日飯, 緊係要帶佢黎食好西啦~~ 呢度既醬料選擇又何其多, 鍾意點混醬都得, 正呀~~酒入火鍋          HK$326 呢個鍋底真係唔講得笑, 由五個不同鍋底所組成, 又睇得又好食, 非常吸晴呀!! 木瓜蝦湯底位於中間位置既就係木瓜蝦鍋, 店員先點著盛左酒既器皿, 再淋落鍋中間, 紅紅烈火, 視覺效果非常之震撼呀~~而木瓜食落甜中帶酒香, 蝦就鮮甜肉爽, 好好食呀~~蕃茄波士頓龍蝦湯底有成半隻波士頓龍蝦係入面, 龍蝦肉厚又甜又彈牙, 仲爆晒膏呀!! 湯底濃郁既茄蕃味加上龍蝦既鮮味, 呢個組合好正呀~~ 四川麻辣湯底打邊爐又點可以無麻辣湯底呀!! 湯底入面既豬皮同D配料吸晒D麻辣味, 食落超級惹味呀~~潮式沙爹湯底沙爹湯底都好出色, 個人幾喜歡d麻辣同沙爹湯底~~清湯蘿蔔牛腩湯底蘿蔔好清甜, 係d 牛腩比較韌d~~黃金炸魚皮           HK$68每次黎都必叫既一定係黃金炸魚皮, 滿滿鹹蛋王係魚皮上, 食落香脆又惹味, 會令人係甘追食落去, 係一份超邪惡既小食呀~~四川麻婆豆腐餃     

今年生月，大肥爸爸先請咗小肥去美加遊玩，返港後即由甜心兒接棒，請去「酒鍋」烚住慶生。其實之前同家人都黎過火鍋店幾次，打過邊爐亦飲過茶，所以對潮派o既裝潢及有窿o既椅背一啲都唔陌生。不過今次重臨驚喜都有二：第一就係見到個風水酒池。第二就係兩口子可坐窗邊四人枱，享用晚餐時可親証香港靚景由天晴轉為黃昏，到黑夜都一樣咁靚，令氣氛變得份外浪漫。搞笑小插曲則有一：唔知大家見到下圖中地上綠色o既陶瓷會諗起啲乜呢？！正當女朋友仔陶醉地高歌「Oh, my love… my darling…」，XO仔腦海就浮現出常歡與荷里玉於賀歲片中場經典戲份。。。跟得男友最愛女方話哂事，嘻嘻，點餸當然係唔會嘥腦汁啦！小肥因仲有時差，故罕有地棄飲啤酒。。。但都忍唔住叫咗set有少少酒o既「清酒菠蘿冰沙」。清酒菠蘿冰沙（$168/四杯）：四合一o既冰沙杯以雲霧騰出，相當震撼。清酒菠蘿冰沙酒味淡薄，菠蘿味微甜清新，整體極之清爽。點好菜，即由茶壺混醬十六式「酒為上醬」（$22/位）揭序。一酒鳥之（$198）：以椰青、清酒、花甲、椰子同雞所燉製o既酒鍋湯底果香濃厚，甜度更足以為所烚煮o既配菜調味，都幾得意。秘制麻辣鴨血（$88）

最近幾天的天氣都徘徊在十度以下，在街外走一圈，又濕又涷的寒風真是吹得我騰騰震，腦內不禁浮現著「火鍋」的模樣⋯⋯想起坐在熱騰騰的火鍋旁，吃著我最愛的火鍋料，再來一杯冰涷飲品，不禁口水直流。想食就去食，到了銅鑼灣的酒鍋。餐廳位於銅鑼灣登龍街 V Point 27 樓，居高臨下，飽覽港島的夜色。在這𥚃吃火鍋，一面吃，一面望著窗外風景，的確是賞心樂事！***********************四國辣妹+流心麻辣墨魚丸（$388)👍👍👍👍天氣這麼冷，吃一個辣到噴火的火鍋就最適合了。但一種辣味又怎能滿足我的慾望，要食就來一個包含四個國家，不同辣味層次的火鍋。一於來過「一次過滿足你四種口味」的願望。四國辣妹：港式酸辣、 印度炸雞辣湯、墨西哥青椒牛腩辣湯、四川麻辣流心麻辣墨魚丸👍👍👍👍這個流心麻辣墨魚丸，真的不可看少。丸子小小，但就真是辣得我眼水直流，麻辣加上辣椒粒的墨魚丸，爽彈口感，辣得過癮。頂級安格斯牛頸脊-小 ($188)👍👍👍👍👍掛在晾衫架的牛頸脊，每片的油花均匀分佈，顏色亮麗，不禁令我手起筷落。把牛頸脊送入鍋內，只需數秒，便可送入口中。牛頸脊味道濃厚，肉質香嫩幼滑。海鮮拼盤 （$368）

早前朋友去過登龍街V Point間高級火鍋店酒鍋食完之後，極力推介我地去。我同老婆趁星期四晚放早可以享用到酒鍋的歡樂時光套餐，決定訂枱睇下個海景火鍋係咪真係咁正。😙我地訂左6點半鍾，原以為平日仲要咁早應該冇乜客人，估唔到同我預計的相反，我地入座時已經坐左好多枱客，大約7點左右已經全場爆滿，可能好多人都同我地一樣趕來食歡樂時光套餐。😆酒鍋係V Point 27樓，對正維多利亞港，我都係第一次望住咁靚嘅海景打邊爐。我地入座時最近窗邊的枱仍未入座，不過已經被預訂，下次黎食要再早D訂枱先得。餐廳裝修新潮但又加入左好多復古元素，同火鍋呢個主題好夾，座位寬闊，坐得好舒服。火鍋醬料選擇非常多。我地揀左每位$328的酒鍋三十道豐味歡樂時光套餐，希望每款份量唔好太多啦，如果唔係，咁多款火鍋配料兩個人點食得哂。🙈餐牌上仲有好多其他火鍋配料選擇，當中有好多都好吸引，不過見個二人餐已經好多野食，我地都唔敢再加。湯底選擇都非常多，我地揀果款二人餐都已經包含4款口味湯底。二人餐每位另加$40就可以任飲紅白酒、啤酒同汽水，不過老婆酒同汽水都唔飲，所以我地冇加錢任飲，佢點左一杯竹蔗茅根。杯竹蔗茅根的電燈泡造型好有趣，

銅鑼灣登龍街V Point，一座全新的銀座式飲食商廈，那裡有一間頗特別的新派火鍋店，之前曾試過午市在此飲茶，感覺出品質素不俗，今倘朋友聚餐，遂推薦這店趁機試一下新派邊爐。位處27樓居高臨下，飽覽維港都市夜景，餐廳裝潢帶著新舊交融的味道，傳統的木器枱櫈陳設，配上現代特色的人像抽象畫作，典雅中帶點摩登感覺，很是有趣。入座後第一時間望望餐牌，想不到這裡提供很多食物種類的選擇，而且名字組合新奇特別，例如四國豐味、酒火入鍋、七星報喜和心肝寶貝等，不看旁邊的英文解釋敘述，可能會估不到是什麼類的食物，很有心思，有別於一般的火鍋餐廳。經店員介紹，原來此店最新推出了一個三十道豐味歡樂時光套餐，每位$328（2位起），有齊四格火鍋、小食頭盤 、安格斯牛肉、黑毛豬、特色丸類餃子和其他食材，望落都很豐富吸引，最重要是另加$40還可以任飲紅白酒及啤酒，我們兩位好酒之徒當然豎起手指公俾Like啦！店員率先送來十二款調味醬料，選擇頗齊全，任君選擇。小食頭盤其實是幾款炸物，有雞翼、炸釀油條和豬頸肉，其中一款是類似紫蘇葉天婦羅，挺特別的，不會太油，脆香惹味。接著是四國豐味鍋底登場，平時一般的鍋底最多只得兩格，而這鍋足有