漁火海鮮刺身火鍋

營業中

休息中

朋友介紹我去呢間漁火海鮮刺身火鍋，朋友之前推介既餐廳完全無伏，今次非常期待🥰對我而言，火鍋店最重要係食物同乾淨程度，漁火環境好乾淨，高身梳化帶來足夠既私隱度。打邊爐之前試下小菜先！鬼馬油條非常香脆，入面加左墨魚肉，點甜辣醬一流，非常惹味。餐廳一共有十四款湯底，我地叫左菜乾白肺燉豬骨湯，湯底好足料入味。我地每人差唔多飲左三大碗然後先叫職員加湯開始打邊爐🥰竹蔗茅根係我打邊爐必備飲品，漁火既竹蔗茅根係自家製，味道十分清甜，冰涼又解膩。雲吞王勁大粒，職員建議淥五至六分鐘。材料份量十足，入面有豬肉加蝦肉，蝦肉爽口彈牙，豬肉亦好新鮮。海鮮都好出色，尤其係蟶子皇，蟶子皇果然好大隻，肉質肥美厚肉，口感非常爽口。即脆鬆脆響鈴一秒即刻食得，外層吸收曬湯底精華，而入面仍然香脆熱辣辣，絕對係我香港食過最出色既響鈴👍🏻漁火特選牛盛薈有五款牛部位包括牛柳粒、牛邊位、牛頸脊、牛舌心同Prime 😍五個部位帶嚟五種不同口感，牛柳粒要淥耐少少，起碼十分鐘，肉味非常香濃。Prime油花均勻，肉汁豐富。其他部位各有特色，好抵食。整體而言，漁火無論海鮮、肉類甚至飲品都有水準，食材新鮮，絕對係一分錢一分貨，下次要帶多啲朋友試更

想搵個可以成班人坐得舒服慢慢食既地方當然唔少得打邊爐啦，今次友人選擇左呢間好評唔少既高檔火鍋，入座大約18:30，已經有幾台客食梗，應該係衝住8:15前離座全單9折而黎醬料收費每人$15，每台有私人既調味醬提供，感覺衛生好多。餐紙選擇好多，無論係火鍋配料抑或菜種類都多不勝數，亦有高質肉類同刺身可供選擇。我地一行二人點左：- 滋補養顏牛乳鍋 $98- 漁火特選牛盛薈 $428- 芝士丸 $38- 鬼馬油條 $68- 自家帶子餃 $78- 油麥菜 $38- 竹蔗茅根 $58值得一讚既係呢個牛乳鍋，清得黎奶味好香，睇顏色都知落足料，湯底係魚湯，鮮甜、入口滑順。油麥菜比想像中大兜好多，新鮮翠綠，擺碟有心思，好似花盆咁鬼馬油條炸得好香口鬆脆，食落唔會油膩，釀製既蝦膠好足好彈牙，配甜酸醬非常惹味。自家帶子餃自家製每隻都大大隻，皮薄餡靚，內餡係滿滿既豬肉包住一片片既帶子，口感十足，豬肉食起黎好新鮮有肉味。漁火特選牛盛薈今次既主角一次試齊五個唔同既部位，包括手切鮮牛頸脊、牛邊位、頂級PRIME牛肉、一口和牛粒同極品牛舌芯。個人最中意牛頸脊，肥肉比例少，口感鮮嫩不韌，牛味重；其次係頂級PRIME牛肉，雪

銅鑼灣開咗間新嘅火鮮火鍋店 OpenRice啲評語都唔錯 小妹即刻諗起一位酷愛打邊爐內地同學仔 藉此敘下舊！餐廳環境好乾淨 屋溫適中 走廊位幾寬闊... 由於唔算好多人 店員提供了張四人梳化位...送上menu後 店員細心講解 特別叫我哋儘快揀咗湯底同飲品先... 另外 餐廳設有wifi 密碼係分店電話號碼 客人可以向店員查詢而家有個特別優惠 like和share餐廳Facebook page就送一客三文魚刺身 一共5片... 雖然係免費食物 但品質唔錯 色澤鮮明 肉質有嚼勁 新鮮香甜 打邊爐熱氣 所以我哋點咗清熱嘅「竹蔗茅根」 $48/渣 兩個人一餐飯絕對夠飲 仲要係自家製 壺入面有紅蘿蔔、茅根等等 無加糖 成分天然... 好值得飲我哋揀咗「花膠響螺燉豬展」做湯底（同樣因為健康） 原來「湯底」嘅重要性唔單止在於打邊爐.... 店員將鍋湯放上爐後 就即刻幫我哋每人裝一碗 飲完飯前湯、食完湯料 先正式開始打邊爐呢鍋湯$188 真係物超所值！不但香氣撲鼻 而且餡料豐富！湯水非常深色 可見熬湯時間唔短 飲一啖 真係飲得出豬肉同雞肉嘅味道——湯料仲包括咗雞腳 湯雖然味道香濃 但係無落味精 飲完