上海真真豆漿大王 (已結業)

原本想食另一間餐廳, 輾轉幾間都排大隊, 最後係蕪湖街見到就不如食吓久違嘅咸豆漿同粢飯, 上次食咸豆漿已經係幾年前係上海咸豆漿加雞蛋 - 咸豆漿呢味野唔係人人接受, 廣東人多飲甜豆漿食豆花, 如果當佢係上海版豆乳湯可能會易理解D, 入面有蔥花、油炸鬼、蝦米、榨菜, 另外有加生雞蛋係底, 靠豆漿餘溫變做雞花, 綿滑中帶D鹹香, 油炸鬼又有D咬口粢飯 - 即叫即做熱騰騰, 少飯但糯米粒粒分明煙韌, 多肉鬆多榨菜夾住脆卜卜油炸鬼, 滿意酸辣雲吞麵- 酸辣湯足料, 調味偏酸, 上海雲吞正宗皮偏厚但夠大舊肉夠juicy

呢間真真已開咗超過20年， 以前讀Poly嘅應該都有食過。今次專登過嚟食咸豆漿同粢飯。粢飯肥嘟嘟，可惜料唔夠豐富，飯又太大舊。幸好只叫一舊，否則都食唔落其他嘢。咸豆漿唔錯，夠晒熱辣辣，油炸鬼舖滿面。可惜無咩蝦皮。獅子球菜飯 - 菜飯好食，菜無變黃，亦唔會太油。但獅子球只係牛丸咁嘅size, 仲要成粒炸完無再炆，完全乾爭爭，敗筆！炸菜肉雲吞，夠香口，外脆內軟，又夠熱總結報告，如果想食嘅可再翻兜、但未去到非食不可嘅。

e排突然想食咸豆漿粢飯，兩星期前去大埔食咗間怪怪的，琴日，我同老婆都話好耐未食過真•粢飯同豆漿，於是我就再次上openrice 搜尋，結果發現原來香港已經得返好少有粢飯豆漿賣嘅上海鋪，最後，我哋選擇咗真真.....雖然外賣，但有20年前的味道，雖未有100分，但也有80分左右。去到鋪頭，見到三位姐姐係廚面，好有做仔嘅時候上海麵鋪的風格，見到其中一位阿姐負責整粢飯，一位做麵廚熱食，另一位收銀同支援兩位及出菜，各施其職......講食物啦，我哋叫外賣，一個咸豆漿，兩個粢飯（一個正常同一個走肉鬆），我接受我order嘅食物，同埋我會回頭嘅！其實，邊度有100分嘅粢飯架，當你肚餓，又或者專登去尋覓你想食嘅食物時，控制自己嘅expectation, 岩胃口又稱心嘅食物，就會在附近。

#紅磡#上海真真入去前見到評語好一般，有啲猶豫。之前粢飯關注組有人話呢間好食，所以去試吓。鹹豆漿$16，好濃，唔鹹，不過個人唔係好習慣食鹹豆漿。粢飯$22 ，即叫即包，份量足。脹卜卜，以為有好多餡，原來裏面有兩條油條，佔據咗大部份空間，可惜唔脆。榨菜和肉鬆薄薄一層，少得可憐，味道淡。成個粢飯一齊咬，感覺似喺度食白飯。單以粢飯來講，呢間仲衰過附近嘅滿堂樂，滿堂樂雖然白飯硬，起碼啲餡夠多；上海珍珍榨菜 & 肉鬆少得可憐，食完個口好淡，浪費咗一個早餐嘅quota 😢

之前食滄浪亭上海麵嗰陣，留意到對面街有間真真，今次就嚟試試先。埋去見到有人龍，但其實係買外賣。如果要堂食，見到有吉位就可以入去坐（當時係咁）。▪️粢飯 $22｜嚟食真真嘅最大目的，就係想試佢哋嘅餈飯🍚落單後即叫即包。一拎上手先知都真係幾大嚿，用糯米包住肉鬆、榨菜、油炸鬼，鹹鹹甜甜。油炸鬼可能本身都唔脆，即包即食都腍腍哋。呢嚿粢飯咁大嚿，又多糯米，食一半已經好飽肚🤣留低半嚿做下午茶都仲得🙈▪️酸辣雲吞麵 $39｜唔記得上海嘅酸辣湯係好似打芡、碗仔翅咁杰杰哋，上到枱先恍然大悟🙈酸辣湯入面有雲耳、豆腐、肉碎、豬皮、豬紅碎等，再加雲吞同上海麵，堅飽。

📍香港📍紅磡📍上海真真豆漿大王📍紅磡蕪湖街48號地下📍星期一至日 08:00~22:00不斷見到人龍 假日中午等左大約15分鐘先有位👧🏻🦄 粢飯 $22🦄 評分: 7.5/10即叫即包既粢飯都幾大隻 望住姨姨一煲煲新鮮飯攞岀黎再續隻人手包👍🏻 上手暖笠笠飯量多好飽肚😹 一大條油炸鬼 肉鬆 榨菜味道好夾幾好食😋🦄 炸上海雲吞 $25@5🦄 評分: 8/10同樣即叫即炸 脆卜卜小心辣親個嘴😁 推介!!🦄 即煎鍋貼 $20@3🦄 評分: 8/10煎得好香口 足料飽滿有肉汁👏🏻 🦄 咸豆漿 $16🦄 評分: 5/10人生第一次食咸豆漿 個人唔喜愛😥 配油炸鬼食 味道還可以當佢粥咁食 但最尾食晒油炸鬼就咁食味道就唔太鍾意😟🦄 凍豆腐細 $10🦄 評分: 5/10無咩豆味😥#foodieschu黃埔#foodieschu紅磡～～～～～～～～～～～～～#hkfood#hkfoodie#hkfoodies#上海美食#上海真真豆漿大王#豆腐大王#粢飯#咸豆漿#豆腐#凍豆漿#豆漿#即煎鍋貼#鍋貼#炸雲吞#雲吞#香港美食#紅磡美食#黃埔美食#油炸鬼#肉鬆#榨菜#lunch

-{黃埔懷舊上海菜😙}依間絕對係喺平平哋嘅選擇😚po story詢問度都好高 大愛粢飯☺️😎🤤粢飯🤤($22)糯米飯有咬口而唔黏口 油炸鬼新鮮食勁脆🥰榨菜同肉鬆又係不死配搭 成舊好快食晒 食完勁飽肚😚😋👖褲評: 9/10香港嘅粢飯買少見少 見着佢每舊都新鮮包好😆真係好鍾意依間粢飯 大家有邊間粢飯推介就話我知😂😍性價比: 10/10服務: 8/10環境: 7/10🚩上海真真豆漿大王🚩地址: 紅磡蕪湖街48號地下#fuudjai #fuudjai中式 #fuudjai黃埔 #fuudjai紅磡

繼日前食左久違嘅上海燴麵同菜飯之後，上海菜mode on左，另一樣久違嘅經典食物就係粢飯～細個婆婆耐唔時都會買粢飯比我做早餐，所以我對粢飯有一種特別嘅情意結☺️上海真真豆漿大王好平民，成間鋪坐滿街坊。我地order左粢飯、大酸辣湯、大王小食雙拼(上海雲吞、鮑汁冬菇拼炸獅子頭)share。熱焫焫粢飯嘅糯米飯好煙韌軟熟，傳來陣陣糯米香，搭配經典嘅油炸鬼、肉鬆、榨菜真係無可挑剔！ 大酸辣湯酸味比較重，離遠聞到已經足以令你流口水，有豬紅、豬皮、豆腐、木耳、冬菇絲等，放耐左都唔會太水。大王小食雙拼其實幾抵食，好啱唔想食咁多澱粉質又想一次試多幾款野食嘅人。上海雲吞同鮑汁冬菇跟上湯同雪菜或榨菜上，清清地唔錯，減低左少少食炸獅子頭嘅邪惡感。炸獅子頭絞肉嘅肥膏同豬肉比例剛好，略嫌外層炸得耐左少少有D乾。見到唔少食客都叫咸豆漿，如果下次再訪一定會試下～餐牌-

每次當我想食粢飯既時候, 我一定會去紅磡呢間上海真真豆漿大王。佢地既粢飯 ($22) 勁大舊, 裡面既油炸鬼夠哂香脆, 仲有甜甜既肉鬆同唔太咸既榨菜, 用料十足, 仲係即叫即整, 所以食既時候仲係熱辣辣。今次我仲叫多一個排骨粢飯 ($28), 用料都係一樣, 再包住大大件既招牌炸排骨, 口感非常豐富, 飽足感十足。香炸雞全翼 ($11/隻), 雞翼都係即叫即炸, 非常香脆惹味。炸上海雲吞 ($25/5隻) , 雖然外賣返到屋企凍左, 但個皮依然脆, 再配埋個酸甜醬一齊食, 感覺好開胃。熱無糖豆漿 ($11) , 佢地既豆漿好濃郁, 豆味濃, 唔錯。咸豆漿加雞蛋 ($19), 第一次食咸豆漿, 感覺好新鮮, 呢碗材料十足, 有油炸鬼, 蝦米, 炸菜同蔥等等, 咸香之餘又有濃郁既豆香味, 推介。

每次來紅磡肯定少不了來這邊吃我最喜歡的粢飯。不加糖的豆漿也很好喝，又香又濃又滑。酸酸的湯的味道剛好。五香牛肉麵也是每次來都會選擇的，喜歡清淡一點的朋友可試選擇這款。

今日阿媽帶我去紅磡食好西😆佢指定要食粢飯同咸豆漿，食完一定會掛住喎😂粢飯少飯多餡，油炸鬼脆卜卜，多肉鬆多榨菜，超級好食，因為少飯，唔會覺得un胃，仲要熱辣辣，正呀，堅會掛住😍咸豆漿超濃豆味，入面有幾舊脆卜卜油炸鬼、蝦米同榨菜，加埋一齊食原來好夾😋媽咪話當年細個時食嘅咸豆漿好油，以家改良晒非常好😂雪菜肉絲米線都幾好，雪菜唔係平時茶餐廳嗰d即食雪菜，食得出係自家煮嘅，唔會好咸，但肉絲就有d鞋口😅窩貼勝在餡多，但又覺得個皮厚咗少少同埋有d油😅

每次經過都看到很多人在光顧這間老上海店，而且即叫即弄的粢飯現在已經買少見少了，因此很想嘗嘗！份量比我想像中大，炸菜偏咸，但脆脆的油炸鬼和甜甜的肉鬆也擠滿整個粢飯， 十分滿足

下晝3點幾經過，外賣個粢飯試吓先，因為聽街坊講，呢間老店嚟架我經過好多次都唔知道添。大大嚄粢飯賣廿二蚊，攞上手份量就好夠，但係微暖嘅。料就好足夠，油炸鬼、肉鬆、菜脯，味道都可以啦。

幾個月冇來真真，所以心熱來潮想吃粢飯。結果一入到店舖，嘩！嚇左一跳，原來剛剛裝修完，門面光猛了而且欠加了更多空調，座位設計當然更有規劃，變到成間連所粥店一樣。真的有一刻在想自己是不是入左店。到坐下先看看menu，果然比以前的多了很多食物選擇（還是我以前沒有留意？）。但以前叫開的湯麵加雞翼加豆漿沒有了，在這慌亂的情況下🤣，我唯有先點了一個粢飯及凍豆漿，其他再等友人到來才決定。等待的時候再望一望店面，加入了電腦，方便結算及統計，樓面亦多了兩三個年青人做伙計，但在廚房的還是幾位熟悉的嬸嬸，亦我放心一點。細看餐牌亦覺得食物價錢沒變，所以只擔心味道會失準。幸好，粢飯一上桌的時候還是令人會期待，飯身結實、既足料、油炸鬼一咬下去是香脆的！令我不禁放心🤤友人這時候到了、對於新門面又是被嚇倒😆😆看了一會menu，還是點了平常叫開的淨雲吞及酸辣湯。以前我們通常叫雲吞湯麵餐會跟炸雞翼，今次決定點炸雲吞試試。上海式菜肉雲吞依然厚皮多肉大大隻，可惜朋友說湯底味道有點變了，但我覺得比以前更清甜😅😂我最愛的酸辣湯亦沒令我失望，它的湯是真材實料的，豆腐豬紅荀等都是大大舊，湯底沒有用粉開、酸度和辣度配合得剛剛好😋😋炸雲

辦事路經此地，選了這傳統上海豆漿老店，全因媽媽近日總是說起上海香港麵家的粢飯。平實而簡約的店面，一張張窄長的食桌，跟一般上海老店無異。一行五人，點了5杯豆漿，也點了兩份粢飯嚐嚐，合共$104，貴呀!豆漿($12)盛得滿滿的而且是大大杯，豆香味濃，味道天然，也不太甜，傳統的味道。但$12一杯無疑是貴了一點。而媽媽滿心期待的粢飯($22)，握在手上沉甸甸的，很具份量。請店員切開以便分吃，店員老大不願意的樣子，態度奇差。粢飯挺足料，鋪墊一層薄薄的糯米，肉鬆、炸菜、油條塞滿粢飯當中，而且新鮮熱辣。只可惜，外層的糯米偏乾且硬，欠了軟綿綿的口感，對老人來說猶為不宜。內裏的牛肉鬆和炸菜口味偏淡，油條太粗身口感偏靱，整體味道十分單調。除了份量足外，味道就只是不過不失，媽媽覺得上海香港麵家的粢飯比這兒的好得多。也許是物價騰貴的關係，數年前一般粢飯定價只是六至八元，是廉價早餐之選。想不到現在已大幅加至十多二十元，難道是我「食米不知米貴」?不過，二十二元的粢飯只是一般的質素，只能說性價比實在不高。