牛の鍋日本料理

營業中

休息中

今日同朋友去荃灣行街，途經熊貓酒店見到有間好多人食嘅火鍋店叫牛の鍋日本料理，見到餐牌除咗平時食開嘅港式火鍋湯底之外，仲有一個幾特別嘅烤鰻魚火鍋，覺得好新奇所以入咗去試吓。個鰻魚煲好足料，可以揀醬香或者麻辣味嘅湯底，因為我朋友唔食辣，所以揀咗醬香味，鰻魚放入個煲前應該有沾咗少少粉輕輕烤過，唔會因為喺個煲入面滾得太耐而乾身，咬落去仲喺好有口感，魚身唔算多骨，仲要係無限添加，一定夠食。另外，即時like佢哋個社交平台page就會送多半隻麵包蟹。烤鰻魚食得到七八八，就可以加返醬香湯底繼續任食火鍋，火鍋材料有好多選擇，肉類例如美國極上牛肉、澳洲牛肩胛肉眼、澳洲羊肩肉、特選豚肉、草飼牛舌同五香雞件；海鮮例如鮑魚、海蝦、鱸魚片、大白蜆、紐西蘭青口、扇貝同韓國蠔肉；日式刺身同壽司；小食例如海蜇沙律、芝麻雞翼、串燒雞軟骨、燒菠蘿同台灣腸；甜品例如雪糕泡芺、牛奶燉蛋白、宇治抹茶芭菲同榴槤甘露；仲有雪櫃入邊嘅飲品都係任飲。整體嚟講，港幣三百幾蚊一個人食到超過150款任飲任食，性價比都幾高，我同朋友都食到好飽咁走，如果大家唔想咁悶食傳統火鍋湯底，都可以考慮試吓呢個烤鰻鍋！📍荃灣荃華街3號悅來坊2樓202號舖位

今日約左朋友去荃灣，行左陣見肚餓，係悅來坊入面搵野食。成日無點食過野既我就提議不如食放題之類，行過牛之鍋𥄫下個menu好似幾好，乜都有得食，$208可以打邊爐食日本料理仲有甜品，咁係幾吸引，所以入左去食。個時8點幾，要㩒飛等一陣，不過10分鐘內都入到去。坐底第一樣野就係揀湯底，menu上可見有六款，選擇都較大眾化，而我揀左比較少見既黑松露龍蝦湯，我自己就覺得湯底偏淡，不過醬料我覺得豉油好過芝麻醬，因為芝麻醬較稀，好似仲有個柚子醬汁不過無試度大家可以去試下。大部分配料都係自己出去攞，除左肉類要落order，一份都幾多下，我同朋友叫左極上牛肉同精選豚肉，攞左丸類生菜響玲等等，全部味道都正正常常。最吸引我既反而係佢日本料理同甜品！好多選擇又高質。我推介三文魚壽司(有啲似三文魚魚腩、花之戀(迷你一口食得哂)、大蝦天婦羅(新鮮熱辣辣)、芝麻雞翼(惹味)，全部都好有水準！到甜品部分仲正！我差唔多樣樣都有試，全部都迷你版，唔洗驚會食到好飽，試左五樣都覺得幾好！特別推介精選綿綿冰(今次係芒果，賣相同味道都100分)、日式乳酪(表面有士多啤梨粒同栗米片幾match)、芒果班戟(芒果肉同皮都正)同楊枝金露

又到家庭日，今晚同家人一齊食日式火鍋放題，仲可以追加日本料理放題，連甜品都超高質好味。又可以滿足我地食刺身壽司，又滿足父母食熟食的火鍋，更有阿爸要求的啤酒，仲滿足到我愛食甜品。晚市分別有A及B價錢，前者是火鍋、料理、甜品放題，後者即只有火鍋及甜品放題。我地當然揀A $208，放題兩小時。火鍋配料超多，放滿三張枱，有30-40款，全部自己選擇自己夾。飲品有15-18款，還可加$28任飲朝日生啤，自己出去添好正。日式料理放題有六款點餐紙，跟一般放題點餐一樣，種類都頗多，好吸引。我地先點火鍋湯底，再去夾配料，而同時點刺身、壽司、前菜等等。等緊火鍋湯底時，可以先食刺身。三文魚厚身肥美，甜蝦好嫩好鮮甜，帶子柔軟不腥好好味。北寄貝和赤貝都好爽口。我地再點多round主力食三文魚、帶子同甜蝦，連父母平時唔食生野，今次食左少少都對刺身改觀，睇黎下次可以帶仍地食刺身。花之戀個個都讚，再點多兩round，因為舊飯夠細，所以食多兩件都得。海膽三文魚籽估唔到咁好味，完全不腥，海膽味濃又鮮甜。所以我地決定點埋海膽手卷，超正的也是飯量少，一大片海膽好甜美，紫菜也脆卜卜。火鍋料也有點餐紙，是點肉類海鮮，我地先揀湯底

作為一個為食客，三心兩意樣樣想食相信是天性吧？！要滿足這樣的一種心態，放題Buffet會是最合適的選擇，奈何放題雖然款式較多，但質素有時亦很參差，所以筆者亦不是常去光顧。最近跟朋友來到荃灣悅來坊一間日式料理火鍋餐廳，據聞質素不錯，$208有齊刺身、壽司軍艦、沙律前菜、串燒、揚物和甜品，當然還有主角打邊爐，性價比看來很高，而最特別是這裡的甜品足有17款選擇之多，絕對是外邊少見，但因朋友今趟只想吃火鍋，所以我們只選擇了$168的火鍋甜品放題。入坐後，首先當然是點選湯底，這裏的湯底只有六款選擇，雖不算太多，但卻頗為特色吸引，當中包括九洲豬骨湯、黑松露龍蝦湯、鮮蕃茄濃湯、北海道牛乳湯、麻辣冬蔭功湯和干貝昆布清湯等，我們最後選了北海道牛乳湯，因感覺較清新少見，湯底端上來時，飄出淡淡奶香，味道鮮味濃厚，溫暖入心。揀選湯底之後，當然到選擇配料食材，我們眨一眨眼就來了一個大滿貫，極上牛肉、美國牛肉、極上羊肩肉、精選豚肉、印尼海蝦、日本廣島蠔、臺灣凍鮑片和仙台鱸魚片全部網羅。而外面還設有配料自助吧，放有大量蔬菜、丸類和粉麵供客人無限添加，我們兩個為食友，當然不甘後人，出去逛個不亦樂乎。火鍋配料上菜速度很

生日放假，老公知我一向鍾意食日本野，所以同我黎左呢間任食嘅日式火鍋放題料理，俾我盡情刷餐勁咁話喎~「牛の鍋」係以日本菜火鍋為主題，餐廳位置係荃灣悅來坊二樓。我哋揀咗個A餐，晚市放題2小時 - 日本料理+火鍋+甜品，平日每位 $208+10% 。呢度最正係有生日優惠，壽星仔/女係生日前後一日惠顧，有二人同行一人半價。 湯底有6款選擇: 九州豬骨湯 / 黑松露龍蝦湯 / 鮮蕃茄濃湯 / 北海道牛乳湯 / 麻辣冬蔭公湯 / 干貝昆布清湯北海道牛乳湯 我哋要咗北海道牛乳湯。未試過牛乳湯底，感覺幾特別，有淡淡嘅牛奶香，又唔會遮蓋牛肉同其他食材既味道。點好湯底，可出去出面拎火鍋生料、飲品、醬料都是自助形式。有罐裝飲品、紙包飲品。熱茶: 玄米綠茶、烏龍茶。 如果熱愛生啤的話，可以+$28任飲生啤。丸/菜/ 菇/ 麵/豆腐等，選擇好多。生料拎左少少~ 梗係主攻其他啦~ 我出去拎野時，老公已點好每款肉一碟黎試~ 美國牛肉同平時自己買番屋企打邊爐嘅美國牛，味道差唔多。美國極上牛肉一望就見同美國牛有分別，雪花分佈平均，牛味濃郁，口感嫰滑。薄薄地，淥一淥就食得。推介~ 精選豚肉 望落肥嘅比例都幾多，但食落幾好

放工後，拖著疲累的身軀，到<牛の鍋>享受日式料理和火鍋，慰勞下自己。晚上七時，餐廳已經半滿，煙霧瀰漫的感覺，非常熱閙。晚市的火鍋放題有A、B SET，A SET (平日$208)有日本料理、火鍋及甜品，B SET (平日$168)只有火鍋及甜品，為食兵團當然點包羅萬有的A SET! 安坐後，我們便落力點湯底及火鍋配料，湯底的選擇五花八門: 豬骨湯、黑松露龍蝦湯、蕃茄濃湯、北海道牛乳湯等，十分吸引，最後選了黑松露龍蝦湯，感覺比較新鮮少有。我們還點了極上牛肉及精選豚肉，在配料上枱前，把握持間到自助吧，攞蔬菜、肉丸填肚先! 蔬菜、肉丸的款式繁多，如牛筋丸、芝心丸、龍蝦丸、炸響鈴、生根；香菇、秀珍菇、雞脾菇、金菇等，可算是應有盡有，店員都頻密地補充配料，的確不錯。黑松露龍蝦湯雖然無想像中濃郁，但熱燙的煙霧傳來陣陣蝦香味，山根、響鈴、金菇吸收了湯底的鮮香，特別好味。極上牛肉薄切豔紅，雪花不多，肉質偏瘦，適合愛美的女士，牛肉入口煙韌，充滿濃郁的牛肉味；精選豚肉則比較肥美，入口軟嫰，我們都ENCORE了一碟。吃完火鍋後，美味的日式料理便緊接而來，超吸引! 甜蝦刺身粉嫰、晶瑩，非常新鮮

嚟到呢間晌荃灣悅來坊嘅餐廳，試咗$228一位嘅日本料理+火鍋+甜品放題，另外仲有比較平嘅火鍋+甜品放題，限時係兩個鐘，唔同時段收費都略有不同。自助火鍋料有生菜、番茄、冬瓜、南瓜、粟米、冬菇等。另有仲有啲比較飽肚嘅烏冬、即食麵等。飲品都係自助嘅，當晚有常見嘅汽水、韓式飲品同道地紙包飲品，酒精類嘅就有jolly shandy等。另外仲有個toppings corner，放滿咗朱古力豆、彩針、迷你棉花糖、朱古力漿等，可以自己幫啲甜品裝飾一下。拎完同叫完嘢食，就起動喇！精選豚肉嘅脂肪同肉嘅比例平均，口感鬆化，日本廣島蠔蠔身算脹卜卜幾鮮味。自助火鍋料嘅火炙芝士丸質素幾高，烏冬就煙煙韌韌咁。刺身有十款左右，我哋試咗三文魚、八爪魚、墨魚同甜蝦，三文魚幾肥美。燒日本番薯仔一啖一口味道幾甜，串燒日本雞軟骨微鹹脆口，串燒菠蘿就又甜又多汁。鹽燒牛舌爽嫩有牛味。最後仲食埋甜品，軟雪糕係用雪糕機唧出嚟嗰種，等侍應拎到嚟之後就可以自己去自助吧加toppings，質感軟滑。楊枝甘露嘅密度比一般糖水舖高，入面仲有西米、鮮芒果粒、柚肉等等，酸酸甜甜都唔錯。