S2 Kitchen (已搬遷) 新店位置

之前聽朋友介紹過呢間餐廳，今日終於有機會去試下！餐廳位於石板街，港鐵一出，經天橋行多少少路就到，好方便！去到餐廳滿座甘濟，好彩有訂位！呢度出名係海膽杯，黎到點會唔試下呢！賣相一流，顏色豐富，層層有唔同野食，好吸引！！！海膽杯一共有10層，分別有勁勁勁多北海道海膽、沖繩海葡萄、松葉蟹肉、黑魚子、三文魚子、藍鯨吞拿拖羅蓉、白蝦等。海膽真係多到估唔到，食極都仲有，好新鮮，好清甜。面頭見到綠色一粒粒果啲就係海葡萄啦，好得意，食落無咩味，但爽爽地。呢個沙律極度推介！！！！！入面有沙律菜、海膽、帶子、牛油果。帶子刺身同沙律甘樣食味道同口感都好唔同，好林好滑。淹住果個汁好好味，酸酸甜甜，又有少少咸味，又好似有啲酒味，唔識形容，真係好正，爭啲想食埋啲汁，哈哈。大家一定要黎試下！三點刺身好鮮甜，一啲都唔腥。本身唔係甘食白魚刺身，覺得好腥。但呢個金目鯛唔腥，大大舊，食落仲好爽口。紫薯年糕好熱，剛做起，年糕煙韌。入面包住紫薯，好滑，唔太甜，無另外再加糖，係本身紫薯既甜味。呢個好搞笑！佢係雞翼入面包住鮑魚。雞翼皮完好無缺既，真係估佢唔到，究竟點樣塞佢入去既呢？味道方面，雞翼幾入味，外面燒到焦焦地，有燒汁味，唔

已經黎光顧過好幾次的, 再黎係因為S2定期都會有創新既菜式, 這是吸引我一次又一次來臨, 雖然呢度係比較逼同坐得唔係好舒服, 但佢地既美食可以令我忘記左呢點, HEHE~~ 呢個就係呢度既總廚樂師傅啦~~~ 只有坐吧枱先可以睇到D師傅既英姿~日本水母           HK$98呢款前菜小食真係超正!! 水母勁爽口, 海葡萄又卜卜脆帶少少咸香, 超好食呀!!精選3點什錦刺身          HK$596食日本野點少得刺身呀!! 今次點左三款刺身, 有牡丹蝦, 帶子同深魚池魚, 每款都好大件同厚切, 超級新鮮同肉質肥美鮮甜~~海膽燒岩蠔             HK$98隻每次黎都必食呢款海膽燒岩蠔, 大大塊海膽係肥美既岩蠔上面, 配埋蟹子同芝士去燒, 簡直邪惡同好味到不得了, 絕配既組合呀!! 海膽忪葉蟹肉燒帆立貝       HK$128另一款必食邪惡之選,就係呢款原隻帆立貝配上海膽, 忪葉蟹肉同大大粒蟹籽燒, 食落超鮮甜同勁滿足, 係想Encore既菜式, 真心正~~太極      HK$216呢個太極買相真係好特別呀!!一邊上面係炒鮮奶加下面係紫薯,而另一邊上面係海膽加下面係

喜歡係中環出入既友人好事近, 相約一班姊妹團商討細節, 女生多數對日本菜都唔會抗拒, 準新娘就訂左呢間同我地"開大會"!店內面積唔算大, 入內有居酒屋既氣氛, 牆身設有餐牌, 亦設有吧枱, 可近距離同廚師互動!餐牌提供多種類菜式, 唔怕無野岩食, 反而有選擇困難症既友人好煩惱呢款係餐廳主打招牌菜特級S2海膽杯, 全杯總共有十層, 由頂至底層包括燒白飯魚脆片, 黑魚子, 北海道海膽, 沖繩海葡萄, 吞拿拖羅蓉, 三文魚子, 白蝦, 北海道海膽, 松葉蟹肉, 北海道海膽及鮮海帶碎, 顏色賣相相當吸引! 侍應教先食頭四層先, 然後再以匙更一"畢"到底, 哇............鮮甜味好出, 軟滑既海膽配搭其它海產類食一定好夾, 好似食緊成個海洋咁, 好勁呀!食開左條刺身癮, 再點埋呢個精選3點什錦刺身, 包括魚, 帶子及牡丹蝦, 魚及帶子厚切, 食起黎相當有口感; 隻牡丹蝦都幾大隻, 肉質夠彈牙友人係"沙律控", 只要餐單上有沙律佢都佢點, 今餐比佢搵到想食既呢兩款: 三文魚他他海膽沙律, 材料包括爽甜香梨粒, 三文魚粒, 爽口沙律菜及一版海膽, 將鮮味海膽撈均入沙律內, 食起黎口感梗加滑

因為在臉書上看過不少朋友post這裡的海膽杯，連不吃海膽的我也被吸引了，所以是日放工決定跟朋友來這裡試試囉！完全日式居酒屋風格，而且位置雖然不算方便但很容易找到！店內環境有4人檯同時亦有吧檯可以選擇！不過這晚我們選擇了吧檯飲品我選了這杯名叫舩坂柚子兵衛的Sake（$68/杯）！清新的柚子味很適合女生，果然是「女士之選」呢！我們來這裡的目的就是為了它⋯⋯十層海膽杯（$398）在吧檯還可以看到師傅如何細心地為客人製作出這杯很有創意的「十層海膽杯」！芝士年糕（$48）不愛年糕的我也覺得不錯，年糕的煙靭度剛剛好！再加上濃郁芝士更加好味～和牛舌（$48）日本雞腎（$38）海膽燒岩蠔（$98/隻）滿滿的海膽配上秘製醬汁、不管是愛海膽還是愛蠔人士都是任點之選！精選3點什錦刺身（$298）清酒鮑魚雞翼（$78）表面是香口的雞翼配上彈牙鮑魚，每一啖都是鮑魚的彈牙口感、只可以用好好味還有好特別來形容！楊枝甘露沙律中（$98）三立魚他他海膽沙律（$138）其實還有很多食物都想試的，但我們的胃已經飽到無法再繼續食下去！所以決定跟朋友相約下次一定要再來

跟好友在中環石板街影完相之後，在附近找到一間日式小店主打「海膽」，我跟好友都是海膽迷，所以決定入去試一試。店內環境不錯，有四人檯也有吧檯任君選擇先來一客芝士年糕($48)芝士夠香，煙煙韌韌，加上紫菜一起吃，更加好味！愛蠔人士必點的海膽燒岩蠔($98/1隻）滿滿的海膽鋪面，還有脆卜卜的蟹籽，再加生蠔，超正！這裡最出名便是十層海膽杯($398)，裡面當然有海膽啦，還有沖繩海葡萄、三文魚子、吞拿魚等等，不同食材集合在一杯，引發不同口感。清酒鮑魚雞翼（$78)，這是今晚我感到最驚喜的一道菜，雞翼去骨，啖啖肉咬落去雞翼入面釀了一隻鮑魚，好好好好味呀！清酒味不算太濃，正好適合不太喝清酒的我。精選3點什錦刺身($298) 我最喜歡當然是大大隻的新鮮蝦，鮮甜可口。吃太多後有點滯，於是點一個口味比較清新的三文魚他他海膽沙律($138)來消滯，微酸的他他汁好醒胃呢！喜歡海膽的朋友，要來這裡嘆一個海膽之夜啊！

近日無意中發現有間餐廳個菜色叫海膽杯，嘩！個名同進擊的海膽一樣霸氣，即刻滾去食啦。餐廳個位有D隱蔽，係威靈頓街同石板街交界的樓梯邊。入到去燈光暗暗，空間唔算大，有Bar枱同廚師好接近，感覺似酒吧同居酒屋的混合體。打開Menu，發現連菜色都係混合體，而且多到都唔知點㨂好。以上只係菜單的一半，樣樣都好想食，最後我放棄選擇，師傅你推介咩我食咩啦。首先上枱的當然係沙律，但係估唔到竟然有一細板海膽，師傅話係韓國來的。一絲絲的菜唔係平時食的沙律菜，味道濃郁，食慾話我知可能係豆苗莖的部份。海膽，帶子的鮮味中和了草青味，牛油果配合沙律醋成為醬汁非常夾。我酒量淺，聽日仲要返工，都係飲返童年回憶就好了。今晚來的重點，十層海膽杯！思前想後，咁多層珍貴食材一齊食味道反而會混亂，建議頭3層可以先逐個食，Warm up 個味蕾先，之後2-3層一齊食增加味道的層次配合。我特別喜歡白飯魚脆片，燒到香脆得黎都仲有魚味，拖羅蓉配三文魚子一層入口溶化一層入口爆炸而海膽配蝦和配松葉蟹都好鮮甜，嘩～好滿足～之後就係刺身，有帶子，甜蝦同伊佐木魚，鮮味十足。伊佐木魚屬於白魚，味道偏淡，但肉質爽滑，並唔經常食到，價格都偏貴。小食，墨

今次嚟到S2搵食！ 其實我真係好鍾意食日本菜～但有時食得多～都想搵啲驚喜～食S2就啱哂！店內位置不多～應該只能坐20人左右～我們選擇坐在bar枱～因為可近距離看到師傅烹調過程！牛油果帆立貝洋風海膽沙律 （$168）打算首先點個沙律醒醒胃～想不到連沙律也可加海膽！海膽新鮮的甜味真的令人百試不厭～沙律菜混入車厘茄跟帆立貝～Dressing是牛油果跟醋跟橄欖油～不會太酸～但足以醒胃巨峰提子梳打 ($38)日本入口的汽水～味道略嫌偏甜～不過炭酸多～喝下去真的很爽！S2十層海膽杯 （$398）十層分別為黑魚子、海膽、海葡萄、吞拿魚茸、三文魚、白蝦、海膽、蟹肉、海膽同海帶上面其實還有一片白飯魚脆片～店員特別提醒不要下豉油～只要一口氣𢳂幾層刺身就可感受其鮮味～精選3點什錦刺身($298)三款刺身分別為帆立貝、牡丹蝦跟伊佐木魚帆立貝鮮甜無比～放在檸檬上的又別有一番風味牡丹蝦十分大隻～肉質鮮嫩～不過1人1隻實在到喉唔到肺～可以多點就好了（笑）伊佐木魚肉色白裏透紅～味道清爽甜美～入口微帶爽脆但滑身芝士魚餅（$48）芝士佈滿整片魚餅！好邪惡啊！而且芝士味濃厚～一放入口就停不下來～魚餅就是日式魚蛋的放大版～雖

藏在石板街的檔口後，幸在威靈頓街的角落有大大個招牌，不然有點難找。小小的居酒屋，只有20來座位。想像得到晚上滿座，坐得密麻麻，酒精下肚，會相當熱鬧。牆上有油畫和圖文共茂又五顏六色的餐牌，還有播著招牌菜的電視。飲品以酒類為主。不含酒精的有水和果汁梳打。巨蜂提子和蜜瓜味梳打不夠凍，顯得更甜。十層海膽杯索價＄398的招牌菜都幾貴，但眼見每枱都點，甚至有個女士獨自前來，只點一份海膽杯。杯子填得滿滿的，從杯身可以見到分明的一層層，刺身版芭菲，相當漂亮。由香脆的燒白飯魚脆片開始，微鹹的黑魚子、清甜厚滑濕潤的北海道紫海膽、沒有調味，純吃口感的沖繩海葡萄、幾香但可以更肥的藍鰭吞拿拖羅蓉、粒粒圓潤，味鮮爆汁的三文魚子、打成蓉，淡淡鮮甜的白蝦、再一層海膽、一絲絲清甜的松葉蟹肉、又一層海膽，最後是墊底，少少硬，略嫌有點乾的鮮海帶碎，一共十層。店員教用小匙羹一下插到底，一口吃幾層，鮮味更甚。做起來有難度，很容易瀉出來，而且又未必夾。最喜歡松葉蟹混著濕潤的海膽，有兩種不同的甜。蝦蓉跟海膽，同樣有不錯的效果。芝士魚餅魚餅幾大塊，煎得香而不油膩，輕輕彈牙。咬到中間，有流心芝士，日式芝士不會太濃太稠，比例剛好。精選3

由石板街向上行, 右邊有間毫不顯眼的居酒屋目測店內環境不大, 有兩三枱客正在你講我笑拉開趟門, 原來左邊還有兩張二人枱及bar枱朋友已經坐在bar枱邊看師傅製作一邊飲汽水我一坐下來就聞到一陣蝦乾味原來朋友不等我, 已經點好所有菜, 先來是櫻花蝦玉子燒, 幸運地我剛到!!玉子燒微暖, 口感鬆軟, 加入櫻花蝦, 蝦乾味香, 為玉子燒錦上添花一口炸芝士朋友點的, 我本來不好芝士類但見炸得黃金, 就破例試一試熱辣辣的入口, 外皮脆得來乾身, 因為溫度關係內裏的芝士還是軟心真是連我都想再吃一口, 所以這個一定要襯熱食才吃出個水準來‼️這次讓我們四人聚下來就是為了這個海膽杯$398 一杯 (降價了!!之前是$438)坐bar枱的我們一直看著師傅細心地續層放進杯內最令人覺得專業的是當中的呑拿魚蓉是即剁成魚蓉, 此舉不會讓其香味流失十層刺身, 店員特別說明不用加wasabi及豉油最急不及待就是吃頂層的紫海膽在眾海膽之中, 紫海膽鮮甜度較高,海水味濃, 質感滑溜只吃少許的確不夠喉, 幸好一杯有3層都是紫海膽 !另外兩層分別與白蝦,及松葉蟹肉共嚐, 難怪店員說不用加任何調味能調味的還有海葡萄, 老實說這是我