影片
更多
2021-10-09
900 瀏覽
朋友近年開始茹素💚，並且會積極搜羅邊度有好味嘅素菜食。呢日同佢行中環街市之前，佢就帶我嚟到「Root Vegan」食晏。佢話呢間係佢近嚟嘅食堂，平日食更加可選套餐，抵食啲。餐廳環境算幾清幽，係繁忙市區入面嘅綠洲🌴，兩面嘅玻璃窗滲透自然光，讓室內光猛明亮，感覺舒服，係小清新嘅味道。素菜款式吸引，佢集合環球美食，中菜、西餐同韓國菜等一應俱全。我留意到唔少菜式都有加入辣嘅原素🌶，我哋就叫咗其中兩款。紅咖喱雜菜天貝配蒟蒻麵($128)，🥘紅咖喱色水偏深，辣度亦都唔嘢少，但食食吓又覺得有啲椰奶香。佢質感偏流質，所以係咖喱湯麵，非撈麵。蒟蒻麵呈米白色，口感爽彈，不過並唔似芋絲嗰種，反而似魚麵多啲。餸料方面，雜菜份量同款式驚人，菜，全部都係菜，而且仲好色彩繽紛添🌈！雜菜包括粟米筍、紅蘿蔔仔、椰菜仔、西蘭花苗、泰國茄子、車厘茄以及豆角等。另外，值得一提嘅係天貝Tempeh，我第一次接觸呢樣食材，聽講好有益㗎☺️。天貝係發酵食品，由黃豆製成，所以從外觀可以見到一粒粒，口感同糯米糕類同，幾得意。擔擔麵($78)，呢碗素擔擔麵嘅味道不比傳統口味遜色🍜。湯底嘅辣味同麻味顯著，花生味亦然，但佢就協調得幾好，無令到
朋友近年開始茹素💚，並且會積極搜羅邊度有好味嘅素菜食。呢日同佢行中環街市之前，佢就帶我嚟到「Root Vegan」食晏。佢話呢間係佢近嚟嘅食堂，平日食更加可選套餐，抵食啲。
餐廳環境算幾清幽，係繁忙市區入面嘅綠洲🌴，兩面嘅玻璃窗滲透自然光，讓室內光猛明亮，感覺舒服，係小清新嘅味道。
素菜款式吸引，佢集合環球美食，中菜、西餐同韓國菜等一應俱全。我留意到唔少菜式都有加入辣嘅原素🌶，我哋就叫咗其中兩款。
紅咖喱雜菜天貝配蒟蒻麵
$128
56 瀏覽
0 讚好
0 留言
紅咖喱雜菜天貝配蒟蒻麵($128)，🥘紅咖喱色水偏深，辣度亦都唔嘢少，但食食吓又覺得有啲椰奶香。佢質感偏流質，所以係咖喱湯麵，非撈麵。蒟蒻麵呈米白色，口感爽彈，不過並唔似芋絲嗰種，反而似魚麵多啲。餸料方面，雜菜份量同款式驚人，菜，全部都係菜，而且仲好色彩繽紛添🌈！雜菜包括粟米筍、紅蘿蔔仔、椰菜仔、西蘭花苗、泰國茄子、車厘茄以及豆角等。
另外，值得一提嘅係天貝Tempeh，我第一次接觸呢樣食材，聽講好有益㗎☺️。天貝係發酵食品，由黃豆製成，所以從外觀可以見到一粒粒，口感同糯米糕類同，幾得意。
擔擔麵
$78
18 瀏覽
0 讚好
0 留言
擔擔麵($78)，呢碗素擔擔麵嘅味道不比傳統口味遜色🍜。湯底嘅辣味同麻味顯著，花生味亦然，但佢就協調得幾好，無令到個湯太糊，所以食落唔膩。麵條同食開嘅唔同，偏厚身同軟身，但就淋得嚟唔算爛。❌🐷新豬肉Omnipork整成嘅肉碎口感Q彈，兼且索汁，幾過癮。此外，餸料仲有豆腐同香菇。
小店另外仲會自家製作甜品同包點🍞，並放置於玻璃櫃。我哋要咗一件朱古力合桃香蕉蛋糕($38)，蛋糕密度偏高，朱古力同香蕉味好夾🍌，甜度適中。有機會想試埋Bagel。
飲品方面($28)，我哋要咗青檸薄荷梳打以及蝶豆花檸檬水，紫色嗰杯幾靚💜。兩杯味道偏清淡，唔會太甜，解渴清爽。
總括嚟講，我冇諗過竟然喺純素餐廳食到咁多辣滋味，佢嘅辣味幾合我心意，同時亦為素菜注入新元素！如果喺中環想簡簡單單食餐素嘅話，不妨考慮呢度啊😉。
張貼
