鼎泰豐

營業中

休息中

好耐都冇去過旅行原本台灣係我第二個家而家唯有食啲台灣嘢頂住先幸好鼎泰豐都keep到台灣嘅味道滷水牛肚夠入味好似平平無奇嘅通菜其實都炒得好好味小籠包保持水準 皮薄多汁熱度十足鮮蝦煎餃個底夠脆不過燶咗少少🤏🏻醉雞嘅酒味好夠將牛肚點啲醉雞汁 別有一番風味紅燒牛肉麵幾乎係我每次必點嘅牛肉夠淋 個湯可以辣多少少就perfect喇杏仁豆腐&荔芋西米露西米露值得一提係將芋頭磨蓉整嘅啖啖都有芋頭味 好正杏仁豆腐就淡淡地 全靠上面嘅糖水要揀都係揀西米露

紅燒牛肉麵湯底入味，喝得出是真材實料熬出來，不是加味精，喝完也不口渴。麵質煙韌，牛肉煮得腍，中間的筋像啫喱一樣。排骨蛋炒飯飯底加入蔥和蛋炒後更香，排骨一大塊已起骨，肉質鬆軟。兩款我也覺得不錯，但麵的份量比較少，男生可能不夠吃。

今日好累又唔想回家食飯，不如去沙田開餐啦！😉。在 New Town Plaza apps 上瀏覽過後决定去「鼎泰豐」食小籠包，用 apps 內的即時取票服務，ㄧ邊行街ㄧ邊等，不知不覺便有位了。入座後，侍應馬上奉上熱茶，還講解檯面上醋和醬油七比三的混合比例，好讓我們食用小籠包時有最效果。此細心之舉，值得加許。睇過餐牌後點咗好多野食，不過不用五分鐘便開始上菜了。冷盤:醬汁黃花魚，黃花魚用醬汁煮得好入味，甜甜地，唔錯。台式酸辣湯材料好多，有豆腐絲, 雲耳絲, 肉絲, 筍絲，全部都砌得好幼細。但味道比較清淡，可能是台式關係吧！小籠包ㄧ籠六隻，皮薄餡滿，湯汁在皮內，亦沒有漏出，令人食落回味無窮😋。香茹素餃ㄧ籠六隻，餃內材料有馬蘭頭、豆亁、雲耳，香茹。咬下去有陣陣的獨有的香味，好好食。紅燒牛肉湯麵，用牛展炆成，有咬口十分入味，湯底牛味濃沃無比，配上幼麵條，正!!👍其實在等候入座時，在櫥窗外見每位師傅們用屬巧的手勢，將同等重量的皮和肉來包制每一隻小籠包，已見此店對出品要求很高。我相信好快下次會再來食過。

環境：作為米芝連得獎餐廳, 餐廳明顯對環境同食物都一樣重視, 餐廳員工服務好好, 整體用餐感覺舒服, 仲有因為餐廳大, 就算多人都唔會噪和迫.食物：每次黎鼎泰豐除左叫佢個招牌小籠包, 小籠包湯汁鮮甜, 是必叫的招牌菜. 除左小籠包, 我每次都會叫佢個紹興醉雞, 因為真係整得好出色好有水準, 酒味好濃好香, 雞都好滑, 個人認為係餐廳最好食的菜式, 也是必食小菜.今次仲試左水晶肉, 呢倉菜係意外地好味, 本身以為佢會好多粉同淡口, 點知成個都係一絲絲既肉同埋味道好夠.最後牛肉麵就一般般, 冇話好特別價錢：米芝連餐廳係貴少少, 不過以佢食物級數個價錢都算合理低食, 對得起米芝蓮個評級.

朋友即興約食飯，即出好過響屋企發吽逗😂因爲無plan諗住市廣場地下是但搵間食🤦🏻‍♀️星期六黃金時間間間等位⋯⋯行到去最角落見到佢等位人丁單薄，一問兩位即刻有得入座👏🏻👏🏻👏🏻坐低已經開好茶，原片茶葉真係唔同啲，香到都唔使叫飲品望望個menu橙色highlight小籠包當然係要食啦反去後面發現其實唔多野食，不過唔緊要，最緊要貴精不貴多，好食就好。好快就劃好點心紙等食🤤頭盤小食醉雞同肉粉皮醉雞：唔夠醉，酒味唔香，唔夠入味，雞味唔出，幸好唔鞋亦唔咸，位置都有肉，有輕微雞汁啫哩在皮肉間清甜。肉粉皮：水晶粉條代替粉皮，肉片鞋左啲，味汁既味道平和唔刺激最期待的小籠包，雖然以前去台北成日食，香港反而未食，試左同台灣一樣皮薄涵靚多汁，肉唔多脂肪唔會好騷，小籠包個頂接口凍左都唔會硬一舊，處理得很好，一口一個溫溫的一放低就可以即食紅燒牛肉麵：牛肉好大嚿😶我心諗仲以為會好韌好老，點知咬落去好似蚊牛腩咁鬆開～～個湯頭嘅花椒味好濃好好味🤤牛筋好軟👍🏻👍🏻👍🏻台灣麵質很好唔會黐埋一舊亦都唔會多左粉滑潺潺。湯飲左唔會口喝炒芥蘭，啲皮俾人批晒好嫩，好脆口，成碟綠油油份量都大侍應見到我哋有兩個袋主動用椅套幫我地包住，收

放假去沙田睇戲，睇完喺附近食野，見好耐冇食過鼎泰豐，就入去食個下午茶！不過唔食由自可，一食第一個感覺係，點解難食咗咁多？令我好失望。紅燒牛肉麵，湯底淡咗，冇果隻香濃牛肉湯味，仲要價錢比其他食牛肉麵嘅地方貴，而且份量又少。小籠包係熱嘅，不過冇鮮肉汁嘅味，好普通嘅小籠包，可能對佢太大期望，記得之前喺其他分店食係好食啲。醉雞啲肉好鞋。整體嚟講，服務質素其實唔差，環境都坐得舒服，但係收得咁嘅價錢，應該要保持到食物質素，一入去我係想食一個好味嘅小籠包，最後都係失望而回。

好耐無黎luuu...今次係因為想食擔擔麵而來的 係apps度拎飛 等左一陣就有枱 唔算等好耐小籠包 有六粒 而且還是即刻上枱即刻食 所以係非常熱辣 小籠包皮簿函靚 仲有好多肉汁鎖係小籠包入面 所以食個時小心啲啊 我一啖就可以食哂成個小籠包 函料同肉汁分配得好平均 唔會過多唔會過少 good啊。台式擔擔麵 碗麵一遞上枱 我已經即刻要食返碗喇 首先味道很香 湯的濃度既有點稠又帶點辣 麵質彈牙 為了方便顧客享用 廚師還貼心地剪了一下麵 方便顧客夾麵 要讚還有花生碎撈埋一齊食 成碗麵真係色香味俱全 我要推介台式擔擔麵紅燒牛肉麵 因為之前無食過 所以今次試下食喇 首先麵質彈牙 同樣地廚師都有前了一下麵 方便食客享用 碗麵有三舊牛肉 一舊牛筋 牛肉好軟好腍 不過我還是比較喜歡牛筋多一點 因為夠彈牙咬口 同埋比較入味啲 湯的顏色看似夠濃 但味道同視覺上有點落差 整體上的味道還是唔太足夠 濃少少就比較好喇不過遇到一個怪待應 咁岩佢企係我後面仲要哼歌仲要比我聽到 而且最後我舉手想埋單時 佢第一句：「係。等陣點樣。」ummm....感覺唔多好 希望可以留意下。