影片
特色
同客食飯
適合大夥人
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
耐唔時都會去鼎泰豐食晚餐，今個星期五早收工，6:30去到沙田新城市廣場，唔使等位就直接可以入去。我哋叫咗一個酸辣湯、小籠包、豬扒炒飯、清炒芥蘭苗，同埋荔芋小籠包。平日去上海舖飲酸辣湯，第一次喺鼎泰豐飲酸辣湯，其實有少少失望。雖然材料好多，但係面頭會見到有胡椒粉、同埋辣椒油，飲之前自己撈埋，感覺有啲似街邊碗仔翅。我都好想知道正宗嘅酸辣湯，或者台式酸辣湯，係咪都係咁。雖然味道唔錯，雲耳豆腐肉碎都配合得幾好，酸辣都尚可，但係喺餐廳比呢個價錢就覺得差少少。豬扒炒飯都係好好食，不過比起台灣嘅，豬扒醃得冇咁入味，個炒飯有少少油，所以還好啦。小籠包依舊係皮薄餡靚，而且肉汁多，配少少薑絲同埋醋，保持一貫水準👍👍。至於芥蘭苗，竟然有驚喜。芥蘭苗除咗鮮嫩之外，仲帶一啲清甜，份量緊夠兩個人食。最後就係荔芋小籠包，雖然好多人都會叫豆沙小籠包，但係我反而鍾意食呢個。因為芋頭味好重，而且個皮好薄，最緊要係唔太甜，同埋芋頭蓉比起豆沙更軟綿，一個人食咗三粒都覺得可以😋😋。不過呢個要等15分鐘，用餐時間只有 75分鐘。我哋係加單先至叫甜品，食完最後一啖，侍應就走埋嚟買單，不過都明白嘅，行到出去見到有幾十人喺度等。有時諗唔到食咩，鼎泰豐都真係一個不錯嘅選擇。
繼續閱讀
真實食評-今天跟男朋友去沙田逛街，就在附近找了一間台灣很出名的餐廳-鼎泰豐。我們看他還有位子就進去吃了，點了兩個小籠包，真的是非常的好吃，我點的是最原始的小籠包及蟹粉小籠包，還有排骨蛋炒飯。小籠包一咬下去，就馬上爆汁濃濃的肉汁非常好吃，尤其是蟹粉小籠包那種香濃的蟹黃味一直在你的口腔纏繞回味無窮。蛋炒飯是我吃過最好吃的炒飯，他是台灣米去炒的每一顆都是很混圓的米好香濃，粒粒分明，排骨滷的好香濃好吃。非常值得再來
繼續閱讀
新年流流處處人山人海，逛完成個新城市廣場腳都軟埋，突然好想食肉骨茶小籠包之類嘅野，於是去咗鼎泰豐。噢！原來佢係米芝蓮一星餐廳，真係失敬失敬。等咗一陣就有位，都算幾好彩。餐廳環境乾淨，個餐牌簡單得黎幾靚，睇咗兩睇就決定嗌《小籠包》，《紹興酒醉雞》，《台式酸辣湯》，《菜肉紅油抄手》和《迷你芝麻包》。小籠包同細細個嗰時食嘅都係一樣咁好味；醉雞唔係幾夠醉；酸辣湯用料足；芝麻包非常芝麻唔太甜；意料之外係佢嘅紅油抄手，皮薄餡靚唔太辣，非常抵讚，自從同類型餐廳嘅紅油抄手改版後，真係好耐冇食過口感咁正嘅抄手喇。最後，要讚一讚喱間鼎泰豐嘅侍應，除咗細心不時為我們加茶之外，佢地真心顧客至上，一句「嗌外賣去收銀處分開嗌唔駛加一噃」非常大體令人敬佩，服務態度絕對襯得起「米芝蓮餐廳」喱個名。
繼續閱讀
小籠包「皮薄餡靚」呢四個字，簡直係為鼎泰豐嘅小籠包度身訂造！一啖咬落去，湯汁爆出嚟，鮮味十足，真係「爆汁」到唔講得笑！皮薄到透光，但又唔會穿，功夫真係了得。豬排炒飯豬排炸得外脆內嫩，肉質juicy，唔會乾爭爭。炒飯粒粒分明，鑊氣十足，仲有啲蔥花同蛋碎，食落去好有層次感。食完仲想encore！紅油炒手辣得嚟又香。炒手皮薄餡多，豬肉餡好鮮味，加埋啲辣油同蒜蓉，食落去好過癮。醉雞酒香撲鼻，但酒味唔會太濃，剛剛好，食落去好清爽。雞皮爽口，雞肉入味，真係「醉」得有道理！不過，份量都係偏少，食完仲想食多幾件。蔥油拌麵簡單得嚟又好好味！麵條彈牙，蔥油香氣撲鼻，加埋啲炸蔥，食落去好有口感。雖然睇落好普通，但係食落去真係平凡中見真章！
繼續閱讀
最近我去咗一間上海菜館，真係有驚喜！首先試咗佢哋嘅小籠包，皮薄餡靚，每一口都充滿肉汁，咬落去即刻流出嚟，真係好好食！配埋醋同薑絲，味道更加出色，令人回味無窮。接住，我又點咗擔擔面，呢個都係我至愛！面條彈牙，醬汁香濃，微辣嘅味道正好，食完之後心情都好返好多。每一口都係滿滿嘅幸福感，真係唔可以錯過！另外，酸辣湯都好味，酸酸辣辣嘅口感非常開胃，湯底清爽，唔會太油膩，適合搭配其他菜式。最後試咗上海粗炒，味道亦都唔錯，炒得剛好，唔會過油，食落去感覺好健康。整體來講，呢間上海菜館真係值得推薦，無論係小籠包、擔擔面定係其他菜，都有水準。下次再來一定要試多啲其他嘢食！如果你鐘意上海菜，千祈唔好錯過呢間店！
繼續閱讀
您可能會有興趣的...