廚十三老壇酸菜魚 (太子集團中心) (已結業)

廚十三已經去過十次以上，因為佢嘅酸菜魚係最接近太二酸菜魚嘅口味。自從幾年前開始封關冇得北上，作為太二fans冇得食酸菜魚當然非常吊癮，幸好揾到間「廚十三」可以止住癮先，因為佢嘅味道有8-9成相似。聽聞廚十三係太二嘅班底所成立，所以無論佢哋嘅裝修、以至佢哋個酸菜魚，都係好似太二酸菜魚的。廚十三有幾間分店，每次都會去尖沙咀位於太子集團中心嘅分店。除咗貪佢有海景之外，最重要係佢好少人🤣 每次去都只有1-2成人客，就算2個人去都可以坐到窗邊卡座位，再加上少人，食得好chill好舒服😌依家做緊酸菜魚優惠，原本小份（2人份量）要$338，依家只需$268，即係打左個八折，仲要星期一至日全日都適用，真係好抵，幾時想食都即刻可以過黎了！ 小份量其實都幾多，基本上兩個人乜嘢都唔使叫淨係食啲個酸菜魚已經夠晒飽。除左酸菜同魚，仲有配菜包括蓮藕片、芽菜，而我哋額外再加左午餐肉同豆腐。先講啲酸菜，雖然不及「太二」嘅酸菜，但佢嘅酸菜都係聲稱用老壇醃製、地窖發酵。食起上黎果種酸味係有層次的，再配搭泡椒、花椒、蒜頭、薑一同爆香，個湯底係你走偏全香港揾唔倒第二間一樣咁好味的🤤，酸辣嘅比例非常配合，恰到好處，基本上有九成

暫時係食過最好食嘅酸菜魚！夠酸夠麻又夠辣！有大中小辣可以揀，如果真係唔食得辣嘅話可以選擇走辣，不過味道一定會差好遠，所以比較建議大家叫小辣試吓。當日係晚上6:30左右入座，已經見到餐廳滿左大部份位，所以大家記得要訂位先好黎食，未夠八點已經坐爆要排隊等位。小食方面我哋嗌左酥炸無臉男（其實即係炸豬肉條），佢會配埋一個麻辣粉，豬肉條再點埋麻辣粉一齊食，又香脆又惹味，個辣粉唔係話好辣所以唔使擔心。我哋仲嗌左個紅糖糍粑，上面會有少少黃豆粉，糍粑外皮好脆，佢唔係粉漿好厚嗰隻外皮，佢似係直接煎個糍粑，所以做到外脆內軟，熱辣辣嘅時候再點埋紅糖糖漿，食落煙煙韌韌，就好似食緊一個炸咗嘅糖不甩咁🤣🤣解辣一流！我哋嗌左個大份嘅酸菜魚（適合三至四人），加配左腐皮，寬粉，金菇，鍾意食酸菜嘅朋友仔可以再加$22酸菜個湯會更加酸更加好飲條魚都好滑，唯一有少少美中不足係有少少魚骨，不過真係好少好少可以接受佢個湯唔係話好油膩，所以鍾意飲湯嘅我都飲咗一碗，天氣凍熱辣辣嘅湯真係好正。飲品方便餐廳提供玄米茶，我哋就自己嗌左巨峰提子梳打，味道正常，都係解辣嘅時候飲🤣飯後嗌咗個紅糖冰粉，不過不失，上面會有小小黃糖，下邊就會有黑糖糖

天氣好凍啊☃️中午同老公去咗廚十三食酸菜魚米線，被安排到坐靠近窗邊，有少少海景看到。老壇酸菜魚米線（$168），二人份量，超級大碗，裏面除咗大塊魚片，當然唔少得酸菜，聽講呢道酸菜好食過魚，仲有豆腐、金菇、蓮藕、粉絲、米線，酸辣惹味，魚片亦好嫩滑，套餐配兩罐汽水。麻辣牛𦟌（$98），牛𦟌軟腍入味，麻辣有勁，配上莞茜，增加了香味。雨露均沾（$38），其實是黑糖米糕，煙煙韌韌，沾黑糖醬進食，外脆內軟。甜品紅糖冰粉（$28），滑嘟嘟啫喱配上蒟蒻粒，清甜可口，剛好中和酸菜魚的辣味。好奇點解餐廳改名「廚十三」，因為老闆自己都很熱愛酸菜魚，已鑽研出13種酸菜魚食法，有機會都想品嚐一下其餘12款口味。

呢間川菜館除咗有經驗十足嘅四川師傅坐鎮👨🏻‍🍳大部分香料同食材，例如八角、花椒、酸菜等，都係來自原產地，確保原汁原味。店中亦有其他川味小食，包保越辣越過癮，口水鼻涕一齊流🤣💗老壇酸菜魚($338/小份)餐廳精選經過365日發酵嘅老罎酸菜，既有掛湯嘅菜葉，亦有爽脆嘅莖部，不過酸甜味唔算好濃🥬而新鮮鱸魚只用1-1.5斤重，即叫即劏同人手起骨，先以80°C- 90°C水灼熟，再放入豬骨湯同煮。鱸魚片帶住魚皮，嫩滑有彈性，依然保留到魚肉嘅紋理。份量又多， 冇腥味，只係得幾舊有幼魚骨🐟湯面飄滿指天椒、花椒 、 原串青花椒、菊花等，味道酸辣麻香，不過湯底較肥膩唔夠清爽🌶墊料唔洗加錢都已經好足料，寬大嘅薯粉口感滑溜煙韌；軟嫩嘅豆腐吸湯度十足；爽脆嘅金菇、蓮藕片同萵筍充滿蔬菜鮮甜味🥒💗酥炸無臉男($88)將豬肉條炸至外表金黃色，可惜凍咗少少唔夠香脆。肉質就肥瘦適中，咬落有少少油份不過都係偏乾。點埋旁邊嘅花椒辣粉食，帶微微麻香好惹味🐷💗雨露均沾($48)糍粑外層炸得香脆，裡面口感軟滑煙韌，唔油膩唔痴牙，面頭灑上大量黃豆粉，再點上甜絲絲且濃稠嘅紅糖汁真係欲罷不能🤤💗紅糖冰粉($28)晶瑩剔透嘅蒟蒻入口滑捋

天氣越黎越凍，最想就係食d熱辣辣既野。今日係尖沙咀放工，就搵下附近有咩辣野食，結果俾我搵到呢間食酸菜魚既餐廳，即刻就決定要去呢棟大廈都幾多餐廳，呢間餐廳係18/F，座位好闊落，坐得好舒服。Menu其實好少野，得2頁，但一定揀到想食既野，因為主菜就係酸菜魚跟人數揀返唔同既分量就okay我地叫左個二人份既酸菜魚，再加幾份小食同甜品。首先送到黎既係個酸菜魚，真係完全冇估到係咁大份真係大過個頭D魚片好滑，仲要冇骨，唔鍾意lur骨既人就岩哂啦！同埋我地叫左小辣，酸同辣度都岩岩好，凍既天氣食辣野真係岩岩好我地仲叫左d小食，d名好搞笑好有創意刀拍前男友（$58）& 不開心的黑木耳($58)個青瓜酸酸甜甜再加少少辣，好開胃個木耳都好爽口，開胃菜食呢兩個係一個好選擇呢個小食都非常唔錯，出面係脆脆地，但入面係煙煙韌韌既，咬落去口感好正。可以點埋d黑糖食，仲好味d~我覺得最正既係紅糖冰粉！呢碗野甜甜地凍凍地好似jelly咁，解辣一流呢個必叫！