十三少 (已結業)

🎶天青色等煙雨，而我在等你🎵最近天陰有雨有種淒美嘅感覺，路過西環見到十三少一間滿滿中國風裝橫嘅餐廳🏮，感覺對了就進了😋環境：7.5/10未入鋪頭已經比門外裝修吸引，店內承接門外中國色彩，令大家代入感更強🥰食物：8/101️⃣十三少酸菜魚（標準）$248魚肉大片冇骨，薄切但唔會失去口感，標準嚟講份量都多😝而湯底味道濃郁而唔會重味精味，食完唔會好口喝👍🏿加上有菇片，萵筍，蘿白為配菜，相當豐富！2️⃣椒麻皮蛋 $42外型晶凝通透中間唔係綠色糖心，而係黃色糖心冇咗浸石灰味😍醬汁部份調味得宜，相當惹味😋3️⃣ 川式口水雞 $78肉質嫩滑係重點👍🏻口水汁相當掛身，醬汁香辣帶麻但唔會太勁，我本身唔太食辣都覺得啱啱好，識食一定係食配菜青瓜，吸哂醬汁仲正😍4️⃣ 紅糖糍粑 $48📣第二重點推介📣糍粑炸到外脆內軟，仲要好乾身冇油味，紅糖醬唔會過甜，配合豆粉令到更乾身而微帶豆香，將味道提升，可能我真係太鍾意食甜品，所以推介大家一定要叫🥰💰性價比：8/10 $250/人，酸菜魚來講相對抵食性價比高😍，仲有2人4人sets，另外一提，店家仲請左我食紅棗雪耳糖水，清潤又解膩，sweet💞

今晚收工去左堅尼地城既十三少食川菜。小食係炸黃豆，脆卜卜，好香口。椒麻皮蛋椒麻皮蛋真係同上次一樣咁好食。皮蛋應該有兩隻，切開之後擺好喺隻碟，中間就放好辣椒蓉同蒜泥，個汁加左醋，少少酸辣，一啲都唔麻，好開胃。透明蛋白超彈牙，個蛋黃又滑又香，質感好正。豬手豬手一客有10件，份量超多，熱辣辣上枱。豬手炆得超腍，骨膠原重，食完個嘴黏黏地，唔覺肥。食落帶少少辣，好好食喎。十三少酸菜魚十三少酸菜魚真係超大碟！酸菜魚嘅湯底係用魚湯整，服務員建議可以飲一啖先。連皮魚片有好多，非常滑又有鮮魚味兼冇骨。叫左少辣，辣度好啱。除左酸菜，其他配菜仲有菇片，萵苣片，同白蘿蔔片，吸左個湯都幾好食。再加上薑絲，大量白芝麻粒，辣椒，花椒，味道調得唔錯，唔會太辣或過麻。呢度酸菜魚真係好好食，魚鮮肉嫩。紅糖糍粑就算幾飽，都一定要食甜品。糍粑一客8件，伴有紅糖醬，擺盤唔錯。糍粑炸得皮脆而內煙韌，但係全不油膩，伴少少紅糖醬食有少少甜味就夠。服務員殷勤加水，又會幫手換碟。食甜品都會幫你換新碟。值得一提係呢度供應免費檸檬凍水，可以幫辣嘴降降溫。最後要多謝友人請客。

這間在西環無論內外都富中國色彩的十三少已開了一段時間，搭車行街多次經過，今日提早食晚飯，就食酸菜魚吧。雖然午市套餐還有供應，不過我們既然是食晚餐，加上好鬼肚餓，決定叫個「滋味2人套餐」加甜品，豐富點。套餐相當豐盛又夠份量，好彩肚餓，否則可能食唔曬。「滋味2人套餐」（$338）（涼菜3選1）椒麻皮蛋/涼拌土豆絲/蒜泥青瓜由於一坐便奉上的弟前菜已是蒜泥青瓜，皮蛋常常有得食，所以我們選了涼拌土豆絲。這個四川家常小菜酸脆爽口，土豆（薯仔）雖然是澱粉質，但不覺飽滯，反而非常開胃。（主菜2選1）十三少酸菜魚/水煮魚不用考慮，點了酸菜魚少辣。好大窩呀！用筷子撥一撥，發覺它是無薯粉的，即是說，全窩都是魚和配菜，魚還要特別多！侍應介紹說是用新鮮鱸魚和鮮魚湯淆製。的確，鱸魚非常嫩滑，厚肉，無骨，鮮味。配菜是蒿筍、菇片、蘿蔔片和酸菜等。除了酸菜沒有剪開，較長和韌外，其餘都好好食。不過我個人認為加點薯粉索湯不是更好嗎？這一鍋酸菜魚夠酸少辣，配白飯吃好滋味。（小菜4選1）乾煸四季豆/麻婆豆腐/川式口水雞/麻辣滷豬手立即有選擇困難，樣樣都想食。最後選了口水雞。它的醬汁比外面的杰，感覺上無咁多油，味道麻辣鹹香，很惹

今日難得出黎食午餐，去左堅尼地城既十三少，食返個川菜。個門口裝修好中式，離遠都望到。一坐低服務員就先上兩碟凉菜，分別係凉拌土豆絲同蒜泥青瓜。兩碟都好爽脆，味道少少酸辣，唔會太油。第一次黎，就試試個滋味2人套餐，$338另加一。包凉菜3選1，主菜2選1，小菜3選1同白飯兩碗。椒麻皮蛋凉菜3選1。我哋揀左椒麻皮蛋。皮蛋兩隻，切開之後擺好喺隻碟，中間就係辣椒蓉同蒜泥，個汁加左醋。透明蛋白超彈牙，個蛋黃又滑又香，而個汁少少酸辣，一啲都唔麻，好開胃。十三少酸菜魚主菜2選1，可選十三少酸菜魚或者水煮魚，我哋揀左十三少酸菜魚。隻碟真係超大碟！酸菜魚嘅湯底係用魚湯整，服務員建議可以飲一啖先。連皮魚片有好多，非常滑又有鮮魚味兼冇骨。酸菜真係好鹹酸，需要咬吓。其他配菜包括萵苣片，菇片，同白蘿蔔片，吸左個湯都幾好食。再加上薑絲，大量白芝麻粒，辣椒，花椒，味道調得唔錯，唔會太辣或過麻，不過都邊食邊出汗。川式口水雞小菜3選1，除左餐牌上面嗰兩款，仲可以揀川式口水雞。口水雞一客10件左右，有雞脾又有雞胸，肉質唔錯，雞皮有彈性。用左大量辣油再灑上大量白芝麻粒同少少蔥花。味道當然係又麻又辣。仲伴有少少青瓜。白飯包白飯

無辣不歡的我，每過一排就會好想食辣！前排經過西環見到呢間古色古香的川菜餐廳，決定趁5pm仲有堂食入去！原來餐廳有幾抵食的2人餐，真係啱曬選擇困難症嘅我，唔駛諗就點了！餐廳上菜超快，點了後5mins就開始上菜～椒麻皮蛋好夠凍，而且皮蛋味香濃彈口，配上幾特別的醋香，酸酸辣辣的幾開胃！川式口水雞賣相超特別，上面鋪滿芝麻。雞肉肉質有咬口 ，食落去先是芝麻香，後有麻香辣，層次豐富。十三少水煮魚係勁大盤的🤩先說🐟肉，肉質厚滑，而且好少骨，感覺幾新鮮的。雖然水煮程度不算勁辣，但食魚肉是麻香辣會慢慢滲出。除了🐟以外，入面係超多芽菜、青瓜和寬粉！真係好值回票價，寬粉厚香有嚼勁，還吸收了辣香味，食落去超正😋最後當然要點個紅糖糍粑解辣，外脆內軟香texture，煙韌口感，就算飽都忍唔住係咁食。見好多人都係來叫外賣回去食，下次都要order下先！

邊有人諗過今時今日，夜晚黑係會食唔到飯先得㗎？大胃有時唔想食外賣，唯有將晚餐改做5點食好耐冇食大大盆嘅酸菜魚，呢間二人餐嘅酸菜魚超大盆，四個人食都得呀魚肉超嫩滑，湯水又飲得順口又唔會死鹹，麻得嚟幾舒服隨餐有涼菜、小菜同白飯，都幾抵食㗎口水雞好足料足醬，雞肉滑一滑，醬汁濃厚，送飯一流椒麻皮蛋晶瑩剔透，口感彈牙，醬汁超香，椒蒜味都好突出，作為前菜，認真開胃食親川菜，大胃點都要食紅糖糍粑呢間即叫即整，整得好綿，點埋糖漿真係好過癮

今日同女友去左十三少位於西環既分店，門口俾人一種古色古香既感覺，至於餐廳入面裝修簡約闊落，卡位後面既屏風好靚😍十三少推出二人套餐，包括涼菜、主菜同小菜，另外加$28仲有紅糖糍粑😍一坐低就有小食！- 涼拌土豆絲每條土豆絲都切得好薄，口感清脆，同時慢慢滲透一陣麻辣味，整體味道酸酸辣辣，非常開胃！- 十三少酸菜魚配料款式幾多，包括萵筍、雞骴菇同芽菜。酸菜魚湯用左兩款酸菜熬製而成，酸味同麻辣兼備，而且酸中帶鮮😍。酸菜全部係葉塊並無粗莖，口感爽嫩，湯可謂鮮、酸、辣、香集於一身👍🏻魚類方面，餐廳採用鱸魚，魚肉先拌入蛋白再煮，所以肉質非常滑溜，而且無骨可以大魚大肉。- 乾煸四季豆四季豆好大份，四季豆炒得好乾身，唔油膩之餘辣勁十足。- 紅糖糍粑賣相好似經典遊戲層層疊🤣，糯米炸成金黃色，外層有少少脆，入面既糯米好煙韌。糍粑本身無咩味道，所以要點一點黑糖汁先最正！總括而言，套餐好抵食，$350就食到咁多菜式！

是日於西環這邊下班，跟同事被門外傳統中式的裝修吸引了，細看餐牌，發現二人餐的價錢好划算，便入去試試，就連裡面的裝修也充滿古典色彩。侍應服務頗好，會主動更換新的碗碟、餐具及食水。餐前小食蒜香青豆，每粒青豆也炸得酥脆。滋味2人套餐 - $338十三少酸菜魚好多片厚切的起骨魚肉片，火喉剛剛好不會老，肉質嫩滑而不易散，有的連著魚皮，更加鮮味；乳白色的湯頭混合了奶湯及魚湯，加上老壇酸菜等配料，變得酸香鮮美，微辣而不膩，特別加入白芝麻更添香味。口水雞雞肉切件頗多，鮮雞皮爽肉嫩，入口滑溜；那口水汁更是靈魂所在，十多種香料炮製而成，麻辣味十足，更有很多白芝麻增添口感及香氣。椒麻皮蛋皮蛋的蛋白變得冰晶透光，蛋黃則有半溶化的質感，配上椒麻那微微的麻辣感，好甘香軟綿。紅糖糍粑 +$28即叫即炸的糍粑外脆內糯，好煙韌彈牙，淋上些少紅糖好香甜，更有黑醋汁，味道酸中帶甜。白飯吃麻辣的東西好需要白飯，食慾大增，正好跟兩碗。

哈哈 又係食酸菜魚嘅時候！成日間唔中都會心絲絲想食川菜，想食酸菜魚😂 我地兩個人，總共叫咗4樣嘢食，超級飽🤣😋.涼拌土豆絲十三少酸菜魚川式口水雞紅糖糍粑.涼菜要咗涼拌土豆絲，分量幾多。土豆絲幾爽口，味道少少辣又夠味，不過我覺得可以再酸啲。🤣🤭小菜要咗口水雞，有超級多芝麻鋪喺面好香！加上雞件又唔鞋，重幾滑！雖然你見到佢紅卜卜好似好辣咁，但我朋友唔係好食得辣都覺得接受到😋😋主角酸菜魚嚟喇！🤩酸菜魚有得揀辣度甚至可以唔辣，不過店員推介要小辣比較惹味啲！第一啖試吓個湯先，酸味辣味都夠，重會飲到啲魚湯味😋 魚片份量好多又大片，重要冇骨，啖啖肉！除咗魚片之外仲有啲配料：萵筍、杏鮑菇、白蘿蔔。最後甜品叫咗紅糖糍粑🤩面頭舖滿黃豆粉，重要啱啱炸起，外脆內軟，口感好軟糯配埋啲黑糖漿，好解辣，係我好鍾意嘅甜品！🤩🥰