鼎泰豐

營業中

休息中

每次去台北旅行, 指定行程實係鼎泰豐一人一籠小籠包加擔擔麵, 香港開了分店一唸起都可以去TST食, 兩個人就揀四款吧, 最懶當然係直接揀有圖片的.·小籠包6個 (HKD60)皮薄到一個點, 湯汁亦fill到漲卜卜的, 輕輕力夾住個摺口位一啖放入口, 全是熱辣辣嘅湯汁同美味嘅豬肉碎餡, 食落好新鮮, 奉勸如果想一嚐爆湯汁效果嘅朋友可以攤一陣先食, 真心自己食得唒整籠.·台式擔擔撈麵 (HKD50)撈麵嘅”擔擔”sauce濃好多, 花生味勁香, 每一口麵都沾滿濃湯, 手拉麵質夠唒滑身.·蒜香粉皮肉 (HKD60)有點譚仔蒜泥白肉feel, 主要以蒜蓉醬帶出豬肉片嘅味道. 蒜味同辣椒味好重, 好似我喜歡偶爾重口味(氣)一下嘅會好鐘意, 佢嘅豬肉無坊間咁肥, 而醬汁都唔會形成一灘油浸住啲肉. 薄薄切片食多幾件都唔怕太膩.·紹興醉雞 (HKD74)紹興酒味好香, 完全入唒味, 推介

雖然鼎泰豐在香港開業多年，但我一次也沒去過，因為美味又比它便宜的上海菜比比皆是，而到台灣遊行時又不會想造訪香港有分店的餐廳。這次就是朋友很愛吃鼎泰豐又想吃，所以陪她來8點左右到達，正值晚飯時間，店內滿座，需等位，但等約10分鐘便可入內。經朋友推介下點了小籠包等幾道招牌菜式紹興醉雞($76)：雞肉不算是嫩滑，但勝在脂肪少，而酒味很香又不苦小籠包($68)：雖然是上海菜餐廳必備的菜式，但這裡的小籠包讓我大開眼界，它真的做到「皮薄餡靚」外皮薄得來有靭性，夾的時候不易弄穿，湯汁美味，餡料不膩雞湯($70) ：朋友說她每次必點，我嚐了一口，雞和藥材味濃郁，但我沒有很愛什錦豆乾絲($49)：涼拌汁酸酸辣辣，豆乾絲、海帶絲、芽菜帶來不同的口感擔擔麵($50)：湯汁比平吃的濃稠一點，花生香味得濃郁，好味初嚐鼎泰豐，感覺服務和食物質數都很好，難怪這麼有名呀！

本身都喜歡食上海菜，因為佢比較清淡，無論係老人家同小朋友都食得。適逢家人食生日飯，因為有病人要戒口嘅關係，上海菜絕對係一個好選擇，於是就選擇左鼎泰豐。想當年鼎泰豐只有在台灣先可以食到，而我只會外賣小蘢包响附近食完，免去排隊堂食嘅時間，印象只停留响小蘢包。時至今日，已經可以不用去到台灣就可以品嘗佢地嘅風味，今次係我第二次去食，因為平時見到實在太多人而卻步，但為左食生日飯就等啦，好彩嘅係雖然係食飯時間，但只係等左大約35分鐘左右就入到去，因為多人等候嘅關係，用餐時間限1.5小時，但其實時間係有多。入坐後雖然看到全場滿座，但係當你需要時侍應都會樂意幫助，見到我地有啲袋放左响櫈上都會自動比布我地遮住，非常細心。到餐牌方面，不得不讚真係好貼心，對於要戒口嘅人黎講其實好多野都未必食得，而貼心係張餐牌竟然係有圖標籤住一啲主要成份(如：蝦、豬肉、牛肉、菜）可以比我地比我地知道邊啲係岩食。☺️👍🏻講返菜式方面，因為當人有人係第一次食，所以我地都會揀返一啲推介菜式：四喜烤夫呢個係開胃菜，我睇相時仲諗唔知係咪醉呢，所以好奇下叫左黎試。首先謎底解開，呢碟係咸嘅，有啲微熱啦。而烤夫食落去嘅質感有啲似豆腐水泡，但係

椒鹽是下午1點到的位於尖沙咀新港中心的鼎泰豐分店，這家店曾被評為米其林一星餐廳。門口等位的人並不多，等了大約15分鐘就進去了。兩人共點了 ‘紹興醉雞’、‘蝦肉紅油抄手’、‘排骨蛋炒飯’、‘八寶飯’以及‘杏仁豆腐’五道小食。紹興醉雞很受歡迎，一同搭臺的兩組朋友都有點這道醉雞。醉雞皮滑柔嫩，且酒香濃郁，無需任何蘸料即可感受到爽口滋味，不過椒鹽認為如酒味能再淡一些就更加好了。對於愛吃辣的椒鹽來說，這道蝦肉紅油抄手經過了明顯的本地化改良，甜味太重而辣味極淡，完全與‘紅油’二字的真正意義不符，不過對於不喜吃辣而又想嘗試四川風味的朋友來說，這道小吃應是不錯的選擇。排骨蛋炒飯的分量比較足，是之後一道八寶飯分量的兩倍還要多。珍珠米炒飯配上炸得很香脆的排骨，讓椒鹽忍不住添多一碗。排骨得味道很像椒鹽吃過得豪大大雞排。再來要說說賣相一流的八寶飯了，糯米飯粒蒸的剛剛好，不會太軟有水分，又不會有硬邊。飯面上的蓮子、冬瓜糖、雲豆都經過精心醃製，很糯，入口即化。整個八寶飯用四個字形容就是‘香甜酥軟’。最後的甜品‘杏仁豆腐’應該說中規中矩，味道很好，但也沒有更多特別之處。

唔可以訂枱, 只可以walk in, walk in 一定要足夠人數先入得等左一個鐘頭三個字, 食就食左半個鐘...雖然係好好既service, 但d service太快好似趕你走咁...d 野食係好快到, 你食完一碟仲快幫你收碟, 你食哂d 野仲更加快幫你收哂d碗筷子墊枱紙, 枱上只會得返4 隻杯同一壺茶, 咁既情況自己識做啦, 梗係埋單走人...但d 野食又真係okay, 雖然比起台灣款式少, 價錢貴左d , 返枱快...

一直都好想食鼎泰豐,尋日終於約左朋友去試食我們一行四人叫左:1) * 紹興醉雞$68 --好細碟,但肉好嫩滑,酒味會太重,ok!!2) * 特色小籠包$48/6pcs --皮薄,多汁,好味!!3) * 蟹粉小籠包$68/6pcs --無乜特別,原味會好味d.4) * 香菇素餃$50/6pcs --有d粉絲係裡面感覺好碎,唔好食.5) * 蝦仁燒賣$68/6pcs --賣相似朵花好靚,面頭蝦仁唔係新鮮蝦..失望,而下面係湯包猪肉. 總括而言一般.6) * 紅油抄手$45/碗 --少少辣,唔錯!!7) * 台式擔擔麵$30/碗 --好濃花生醬味,但有小小澀,唔鍾意.8) * 紅燒牛肉麵$58/碗 --牛肉好嫩滑,好淋,但d麵就過淋.9) * 荔芋小包$33/6pcs --唔太甜,唔錯,不過上左要快d食,否則個皮會變硬.

同老公慕名黎到尖沙咀作個新嘗試先!!仲一試就連續兩晚都去食鼎泰豐添!!夜晚9點幾，唔洗等位!!同老公一坐低，服務即到!!最先想讚既係侍應會用布蓋住我個袋，正所謂錢財不可露眼嘛!!翻開menu，揀左幾款：1. 特色小籠包：一啖入口，唔會熱親口，好味!!2. 蟹粉小籠包：更好味，值得一試!!特登試晒兩款，兩款都好味，貴廿蚊試蟹粉小籠包都可以!!3. 紹興醉雞：聽到雞字，即刻諗起禽流雞，但見到隔離台上哩碟，同老公二話不說即刻點左。細細碟，但好好味，平時我一定唔會食雞皮，今次連皮都食埋!!4. 台式担担麵：比較細碗，花生醬味濃，都唔錯!!5. 酸辣湯：酸同辣味較濃，一般而已!!6. 排骨蛋炒飯：見到食評推介，試左都覺得正!!不過老公好麵唔好飯，但排骨真唔錯!!7. 豬肉包：都係好味既!!包同肉都good!!但$15個比較貴!!整體黎講係好味，野食唔洗等好耐，一流服務，笑容滿瞼!!下次一定會同老公再去食過!!