新記芝士麵 (已結業)

去激安掃貨之前.....近近地來試下哩間咁出名既芝士麵店.....室內環境簡簡單單.....枱排得有點密...尚算乾淨......原本上網睇完已經諗好食乜.....但見到餐牌又樣樣都想試.....可惜一人前來.....食唔到咁多......最後揀咗個終極芝士麵.....貪佢多啲餸.....夠豐富....上面隻煎蛋仲超吸引.....一上到枱.....真係圖片只供參考......完全唔吸引......好彩尚算聞到芝士味....原本都驚啲芝士汁唔夠撈晒成碗麵.....結果係夠撈架.....不過芝士味唔夠.......少了芝士既咸香味.........而隻蛋就超失望......完全唔漏黃.....熟晒....而豬頸肉同紅腸就好正.....好好味....豬頸肉軟腍.....唔會乾淨淨.....紅腸就係有點脆皮口感.....呀...如果芝士味再濃啲同有芝士咸香味就好了.......

記住記住記住，抗疫不忘抗爭！為了防止疫情擴散而減了飯聚，那就一個人去黃店做孤獨的美食家吧！「新記芝士麵」雖然出名，但由於位處香檳大廈暗處，人流極少，相信它受疫情的影響比街鋪食肆的更嚴重！前晚十點半左右，「新記芝士麵」已提早關門，搞到摸門釘；今晚專誠八點半入座，目測全店不多過十人，唉。作為黃店，門面當然貼滿反送中文宣，藝人相片就只得男神古天樂和葛民輝，good taste！第一次來，我就點了招牌菜終極芝士麵，加凍檸茶盛惠69元。終極芝士麵（$60）滿碗都是厚切豬頸肉和紅腸，再加一片荷包蛋，蛋漿混埋流心芝士，非常juicy！凍檸茶（$9）覺得芝士太溜的話，當然飲啖凍飲！一般冰室口味，涼透心！

由上環出發跑到尖沙嘴，途徑被戰火摧殘的中環，不禁為之惋惜，但慶幸的是生活還可以繼續，步可以照跑、野可以照食、食評可以照寫。今次品嚐位於“金宵大廈“———香檳大廈的新記芝士麵，筆者分別點了位於餐牌第一及第尾的終極芝士麵及勁辣川椒牛肉飯。終極芝士麵：美國芝士加牛奶煮成的芝士醬加上出前一丁配以瑞士汁作主要調味的紅腸、豬頸肉的配搭，整體上過於膩。勁辣川椒牛肉飯：瑞士汁+某康購得的桂林辣椒醬組合有小聰明配搭的感覺，因為感覺瑞士汁在料理中常使用。體驗文化：5星、食物：3星、營養：食後建議運動。結論：旅遊必試1次，但重點並非食物本身，而是餐廳的存在。

是日喺The One睇完神奇女俠，有少少肚餓，於是行過隔離街新記，嘆返碗招牌芝士麵同蜜汁龍鬚！近lee幾年，新記都冇乜點變。不變嘅當然包括服務、衛生，仲有weekend冇set飲品正價啦我哋order咗終極芝士麵同埋蜜糖魷魚鬚。終極芝士麵比起一般豬頸肉芝士撈麵，終極芝士麵除咗豬頸肉之外，仲多咗紅腸同煎雞蛋。豬勁肉煎得夠香，外焦脆內嫩滑； 芝士味好濃，我將個半熟煎蛋督穿咗嗰蛋黃，同d芝士撈勻，好和味~蜜汁龍鬚蜜糖醬汁都仲keep到嗰水準，魷魚須略嫌韌咗少少，同埋唔夠入味。炒香咗嘅白芝麻灑喺上面，芝麻香撲鼻~是日禮拜六下午，但餐廳入座率都不算高，既然餐廳營業的話，為什麼不提供套餐包飲品呢?? 就算跟餐on top加飲品都已經要加$8，同市場上其他同類食肆比較都不算便宜，更何況正價要接近$20的飲品? 我眼見附近的食客，除咗遊客之外，一般嘅用餐食客都冇order飲品，好明顯都係因為lee嗰原因啦~ 為咗賺多嗰十蚊八蚊，結果得不償失~ 希望店家有機會考慮週末加設套餐包飲品啦，各有所得~

是咁的我係去睇二手相機嘅，個個廣告裝修唔靚，好唔顯眼，一般都好小會行到入去。所以我都只係因為係網上搵到地址去搵相機先會去呢到。就係咁有緣，比我搵到呢間餐聽啦。門口已經貼滿明星照片，好多明星㴝過。好，咁就入去試下啦。茶記㴝講佢都算偏貴，叫左一個麵一個奶油多已經73蚊啦，冇包括嘢飲但食物真係有驚喜

慕名而來。其實不是第一次來，不過對上一次來，應該是N年前的事。那一次的味道，早已經忘記了。大概不會是太奇妙的美食之旅，所以之後完全沒意圖或企圖要再來。今次剛巧經過，有人說未試過，就儘管一試。豬頸肉芝士汁撈麵（$45）據說是最出名的美食。美食端上來，第一個感覺 — 很多芝士汁，正！豬頸肉夠入味，燒得剛好，不會太乾，肉質結實，不會太油膩，很好。至於麵，公仔麵，但太軟身，與芝士汁混在一起，芝士汁與麵的餘溫，令麵身越來越軟，口感是糊著的，完全不討好，而我最討厭是過份軟的麵身，黐牙難搞。終極芝士麵（$56）豬頸肉、雞蛋、紅腸，芝士汁充足，麵身太軟，破壞了口感，純粹飽肚，不能說甚麼美味。凍檸樂（$18）4片厚度正常的檸檬，現時已經不是太多食店做得到，這個值得一讚。汽水本身夠凍，冰底略嫌太多。蜂蜜生薑茶（$20）薑茶最重要夠「薑」，這個完全滿足這要求，蜂蜜份量亦剛好，不會太甜。水溫可以稍降，現在水溫太高，破壞了蜂蜜的營養，只是做到一杯「蜂蜜生薑茶」，而做不到介紹所說能養生的飲品。

傳聞中流行很久的芝士撈公仔麵⋯原來就係之前公司附近⋯看似一間茶餐廳～但卻招牌主打芝士撈公仔麵～終極芝士麵$55（評分：9/10）芝士奶油味非常濃厚，有隻半熟煎蛋加分不少，豬頸肉非常入味，又帶少少蜜糖既香甜～紅腸少少脆～都幾好味～公仔麵比較軟，但覺得口味很好～（如果喜歡食硬身麵既可能要特別request~ ）雞扒雞翼芝士麵$51（評分：6/10）雞翼雞扒好似無味咁⋯唯一可取就係芝士麵。果然不是招牌不要亂點餐～芝心卷（評分7/10）沒什麼特別⋯反而覺得太膩～熱好立克～～非常好飲❤️️果然茶餐廳飲品無得輸啦！！