霸嗎拉麵 (金巴利道) (裝修中)

小週末嘅尖沙咀放工時間人流特別多，不少大街上嘅食店都有人排隊入座。來到金巴利街「霸嗎拉麵」未到7點已有人在門外排隊入座。期間限定又有新品出埸😍松葉蟹肉蟹膏軟殼蟹🦀拉麵$128原隻軟殼蟹，未食先滿足打卡📷！味噌湯底也有濃香嘅海鮮味道！放上松葉蟹肉和蟹膏，無敵蟹味超吸引😍！原隻酥炸軟殼蟹，非常大隻厚肉！外皮酥脆蟹肉仲相當juicy！麵質揀咗硬身，其實一啲都唔硬只係冇咁軟稔。石燒松葉蟹蟹膏軟殼蟹🦀飯$98實際器皿熱辣辣，熱力逼出蟹膏嘅香氣，伴飯一流。想要飯焦嘅口感就繼續keep住最底層嘅米飯不伴勻~軟殼蟹🦀比拉麵那一隻更加大。😍羽根燒餃子（5隻）$35 餃子底部最後收乾芡汁形成一層薄脆，餃子皮薄外脆，肉餡多汁，蘸上酸酸地嘅餃子汁美味可口！綠茶可樂冇預期中嘅超驚喜味道，喝一口之後才有好輕微嘅綠茶味，可樂味道仍然穩重，新口味可以一試！

長久以來，霸嗎拉麵門口總有十幾人等位。今日同朋友Shop 完經已經是下午2:30 ，過晒午飯時間仍有近十人在門口排隊。不過幸好，座位流轉快，等了一會又騰出了好幾張檯，很快我們便可以入座了。門口有餐牌可供食客參考，餐牌上主打雞白湯與濃厚豬骨湯底拉麵，另外仲有飯、餃子及其他小食可供選擇，等位期間我們原本已有所決定，不過臨入座一刻見門口貼了張POSTER，印著 " 期間限定拉麵"，賣相非常吸引，甫一坐下，速尋該款落單紙快快填好交予侍應。極上原隻龍蝦味玉拉麵 ($148 , 另加野菜 $20 粟米粒$10  )拉麵一上檯，立刻吸引隔離左右食客的注意 ~ 原隻加拿大龍蝦躺在拉麵上，旁邊有流心蛋一隻，西蘭花、黑木耳、青蔥等 ( 其實餐紙上還有五款配料可另加 ，其中3款 : 味筍、野菜、粟米粒是這款拉麵當中沒有的  ) 另外，要注意的是這裏的配菜是一碗碗供應，份量都幾多，如果一個人食最好留意一下，以免食淨晒產生浪費。由於拉麵放久了會變腍，故此我們先食拉麵，我選了硬度適中的拉麵，咬落都幾彈牙；流心蛋味道香濃，湯底用龍蝦、招牌豬骨湯、櫻花蝦油味調配而成，質感偏濃稠，極重龍蝦味，平時飲的龍蝦湯多數好咸，不

平時晚晚排晒隊，今日專程下午茶時間嚟到，冇乜人，可以直入。餐牌封面非常吸引。點咗個辣豚肉味玉拉麵、辣唐揚炸雞同綠茶可樂。可能係我個人味覺唔敏感，呢支綠茶可樂真係唔係特別飲得出綠茶味，飲落只係好似淡淡地嘅可樂咁。主角拉麵出場。舊豚肉極肥，肥得好味冇乜所謂，但係佢得個肥字，肥嘅部份太軟，而且冇乜香味，食落只似一舊平凡嘅豬腩肉。玉子質素正常，冇乜特別。麵我點咗硬身，口感唔錯。但係食拉麵係要一口扯晒啲麵入口，並唔應該咬斷麵條，而呢度啲麵有時仲痴埋晒一齊，或者打晒結，令到人難以用傳統嘅日式食法去食。最後講個湯，個湯係真係濃到有醬醬地嘅質感，但係飲落其實個味又唔算太濃，只係係條脷上面有種厚重感。個味亦無特出之處，算係好飲，但未至驚喜。炸雞一上，未影相就食咗舊。炸得香脆，不過雞味不重。上面嘅辣汁值得大推，非常香辣。食落十分過癮。整體而言，只係普通嘅拉麵店質素。

某一天，朋友推介話呢間拉麵館好食仲捉我入去，其實我比較少食拉麵😓，既然佢咁熱情，就試試不過地方都幾特別,，睇得出design上係有花心思，好多木嘅素材，模仿日本當地嘅特色，而且個"bar枱"同牆身都貫徹返成件事個感覺，幾好feel喎叫左個辛辣炙燒豚肉味玉拉麵，開頭食頭一兩啖，唔覺得有咩辣，但慢慢食落就會feel到，又幾惹味，大大一塊豚骨，微微焦香，肉質軟稔拍得住日本嘅水準，麵質感都0k彈牙，成碗味道都好豐富，不論肉或麵都份量十足，幾飽肚照燒餃子，用咗日本傳過嚟嘅方法，底部有一層麵粉水脆皮，首先聞起來幾香，餃子有d小小湯汁，d餡又多又香，燒餃真係幾好吃綠茶可樂似百事甜甜地，唔错我真係幾鍾意呢個新款飲品

係尖沙咀行完街，經過The ONE對面發現勁長人龍，原來有新拉麵店開張，好拉麵的我當然要去捧場一下啦！晚飯時間有十多人排隊，不算太多人吧，但小弟獨男一個，五分鐘即可馬上入座！不得不讚拉麵店的裝修很有日本風味，高高掛起的燈籠亦充滿著一份說不出的霸氣！最強、濃厚，很適合我的重口味人士呢！孤身寡人唯有坐吧枱，可欣賞師傅準備拉麵，亦不用受到別人的騷擾⋯⋯先點個飲品，日本直送的綠茶可樂！可能期望過大吧，有點失望，綠茶味道欠奉，只是普通的有氣汽水，不過都算好飲啦！羽根煎餃子，連鑊底一起上碟，放上枱時完全看不出是餃子，感覺特別！餃子煎得香口乾身，但咬下去就是皮薄多汁，滋味非常，連鑊底一起吃更加香脆好味，正！主角－特盛炙燒豚肉拉麵，豚肉的香味非常濃郁！豚肉片燒得很靚，豚肉跟肥膏脂肪的比例均勻，吃下去既不會覺得肥膩，亦能夠感受這塊優質豚肉的口感！拉麵選了較硬，配上其濃厚沾身的豬骨湯底，吃下去就好像有掛湯、沾麵的效果！感覺超正！唯一美中不足的地方就是湯底不夠熱，略為減分了⋯⋯

其實銅鑼灣對於我地呢d新界人來說不方便，不過皇天不負有心人，終於，拉麵店都在尖沙咀開到盛行盛市，包括 - 近期我至愛的 - 霸嗎。這間來自廣島的麵條。開在加拿芬道 the one後面的位置，十分方便。今晚練完歌，相約男朋友到哪來個短聚。門口好光猛，一貫日式拉麵店作風。門口仲有個抽獎遊戲裡面都係分2部分: 拉麵吧檯及長木枱座。人頭湧湧，晚上醫肚的人越夜越多。還有一些橫額，字句！揭開餐牌，裡面的選擇跟銅鑼灣不同。猶記得銅鑼灣我吃的是雞槌味。店員推薦吃這個雞叉燒！將雞扒弄成叉燒的模樣，那不吃豬肉的人吃可感受一下。好貼心的是︰照顧到尖沙咀遊客較多，有英文餐紙。另外，拉麵軟硬度，蔥蒜油等等亦都有選擇。這個我覺得最窩心是︰放一隻在上面並包上保鮮膠避免舖塵，亦提醒客人可以由下面第二隻的小碟開始用拉麵終於來了！看樣子真的好像普通的叉燒拉麵！近看其實是覺得肉質有點不同的！嘗了一口，好鮮嫩亦味道很濃的雞肉！不會好咸，味道好香，煎得不會好油！將雞肉卷成一個圓形再切成一厚片！做法好創新！面拉麵麵質好正！係剛好煮熟的硬！呢種口感吃拉麵不怕浸軟！我跟男友都認為烏冬才適合軟，拉麵就適合硬身！其他配料都幾新鮮~有爽脆