HeySoNuts

營業中

休息中

HeySoNuts。雨。雖然個人唔鍾意食甜嘢，但應友人K邀請專登放工撘巴士去土瓜灣食佢嘅特色棉花糖甜品，晏咗放工去到已經20:30，由於last order係21:00，我哋好快叫咗個忌廉大磨菇核桃貓耳朵、自家製番茄醬松子扁意粉，問咗店員最唔甜嗰款，叫咗綠茶棉花糖法式奶凍。我嘅忌廉大磨菇核桃貓耳朵一上枱已經聞到好大陣黑松露香氣，貓耳朵雖非自製但據店員說是特訂，食落煙韌彈牙冇一pat pat，忌廉調味恰當唔會太漏，又唔會太稠致過份漿口，黑松露味道亦唔會過濃。試咗一啖友人K嘅扁意粉，仍算al dente，番茄醬清新感還不俗。雞胸肉雖然嚡口但微焦表面調味幾好。邊食邊傾終於食哂鹹餐，到壓軸甜品－綠茶棉花糖法式奶凍上場。外型好似成嚿雲咁得意，一如慣常我哋當然影咗好多唔同角度、擺位嘅相先起動。撇除友人K個人喜好唔食豆腐味食品，無論由豆腐雪糕、雪糕嘅芒果味topping醬汁、薄朱古力味碎片、糖霜波波、芝士粒粒、藍莓醬、紅豆粒、綠茶奶凍等，食得出店家嚐試營造唔同層次複雜味道同時有外觀嘅甜品。雖然還算協調，但未去到可以食落嘩一聲叫出嚟－一開始芒果味topping醬汁搶咗雪糕本身豆腐，之後豆腐味雪糕又蓋過

聽聞土瓜灣有一間人氣特色咖啡店，咁啱又經過，時間尚早，不如試下。果然未見其店先見其「龍」，攞左張飛喺門口等位，等左一陣，服務員好貼心咁攞左啲花茶俾等候嘅人。門口有個富電影感嘅「Nutsgazine」大玻璃窗，喺窗前影相成為客人指定嘅動作。水吧枱伸延至餐桌，上面仲放左幾個冰滴咖啡壺，沖調師即席沖調各式飲品，與客人成一片。店內播住柔和嘅音樂，氣氛輕鬆。我地點左意式特濃咖啡，用ESPRESSO 小杯盛著香噴噴，香濃口味，略帶苦味，最適合與甜品同吃，感覺諧和。甜品方面，我地點左綠茶棉花糖法式奶凍，棉花糖甜絲喚起童年回憶，綠茶奶凍上面放滿紅豆蓉同朱古力粒，口感豐富，惟奶凍嘅綠茶味可以再濃啲，咁就PERFECT哂。來到呢度又點可以錯過窩夫呢，果然名不虛傳。呢個芒果窩夫配芒果雪糕個窩夫熱辣辣，外層脆卜卜裏面軟充滿蛋香，配芒果同朱古力醬，香香甜甜，冷中又有暖，口感多樣，正。咖啡嘅甘苦與甜品嘅香甜，棉花糖嘅輕軟跟奶凍嘅濃厚，窩夫嘅暖同雪糕嘅冷，香脆與軟滑，百感交集，就是等一個人咖啡的滋味。

由於本身居住土瓜灣, 跟鋪頭距離不遠關係, 所以去一嚐味道! 非居住土瓜灣的, 外來會感到隔涉!!好, 入主題!!晚上8時到達, 店舖剛剛好尚餘一張空枱, 不用輪候等位跟女友選了 綠茶棉花糖法式奶凍  泡泡提拉米蘇   榛子鮮奶咖啡  冰熱情果茶細味品嚐過後, 都覺得略為平淡, 味道沒有驚喜。1. 綠茶棉花糖法式奶凍 - 不夠奶味, 普通。2. 泡泡提拉米蘇 - 不錯, 可以一試, 旁邊的泡泡只供觀看, 並沒味道。3. 榛子鮮奶咖啡 - 有咖啡味, 但都是普通。4. 冰熱情果茶 - 極普通!!!!如若只為"相機食先" , 以靚靚示人, 可以食一次。否則, 不去亦可。同類型店鋪市面上實在太多, 味道佳, 價錢經濟的, 亦有的是。

科技一日千里,現在要找好吃的,有太多渠道,除了op之外,大慨就是一個個apps的出現,世界各地的網友或是朋友仔,一"打卡",二上載相片,只消幾秒鐘,就能用手機看到美食和店舖資料,也許根本就已經不用再用文字去記下味道。對蘋果茶來說,回憶,是一種味道,回憶,也能用相片和文字記錄下來,科技一天一天改變我們,但改變不了記憶之中的味道。知道"HeySoNuts"的存在,真的拜其中一個手機程式所賜,看見相片中的甜品,非常可愛奪目的冒出"一團煙"來,覺得很感興趣,於是便來到地點算是非常"偏僻"的土瓜灣了。土瓜灣在腦海中的印象,就是舊區,原來除了新的樓宇屋苑之外,也有咖啡小店。為了"雲朵"甜品而來,首先點的,當然是綠茶棉花糖法式奶凍,最吸睛和最先嚐到的,就是杯子上面大大朵的棉花糖,入口即溶化,除了甜甜的味道,還載滿了孩童時代的回憶,吃來另有一番體會~蘋果茶更期待打開棉花糖後,奶凍的真正味道。雪糕原來是豆腐雪糕,味道香而微甜,咬下有白朱古力粒粒和薄脆,一軟一脆的層次感著實不錯,最驚喜的是中層的藍莓醬和底層的抹茶味奶凍,搭配起來原來很好吃,少了平日常見的紅豆,味道更見清新,只是抹茶味道若能再濃一點就更好。