食咩鮮

營業中

休息中

星期六喺觀塘做完Facial，見外賣App有優惠券就到期，所以就順便買埋嘢食先返屋企🏡。我預早落定單嗌「食咩鮮」，去到就啱啱好有得拎。原來餐廳又係近嚟好流行嗰種雲端廚房📲，網上平台價平過即場買。外賣包裝企理，焗嘢用錫紙兜同紙盒裝住，所以保溫效果甚佳👍🔥。包裝盒上面貼咗貼紙，以茲識別款式。辣辣濃咖喱焗豬扒飯，🍛咖喱焗豬扒飯好出色，咖喱味香濃，佢係偏向港式風味，辣度都算明顯，但易入口。同時，佢加入咗芝士🧀，進一步提升鹹香。咖喱汁配飯食一流，米飯軟硬度同濕度適中🍚。豬扒大大件，肉質軟腍，並無用鬆肉粉醃到過晒火🐷。綿香沙嗲牛柳焗意粉，沙嗲汁口味大眾化🇭🇰，似茶餐廳嘅沙嗲牛。牛柳粒出奇地有水準，份量多，大大粒似牛扒🥩，而且牛味都算濃郁🐮；其他配料仲包括洋蔥同三色椒等。焗嘢可揀飯或意粉，🍝我略嫌意粉質感稍淋，加上多汁，我比較推介配飯。估唔到杯凍奶茶都唔錯🥤，奶香細滑，茶底唔苦澀，甜度符合現今嘅健康水平，就算冇嗌少甜，都唔會太甜。總括嚟講，呢間外賣店嘅食物品質幾好🥡，用料唔馬虎，出品仲帶有港式風情。不過餐廳暫時所提供嘅食物款式唔多，唔知遲啲會唔會多啲選擇呢。

觀塘工廠區有一間賣焗飯焗意粉既外賣店，仲有幾款小食可選擇。餐廳選用了優質食材製作，食物亦即買即煮，夠晒新鮮！食物整體分量夠大，性價比高。外賣包裝紙盒夠厚實，拿到回家依然熱辣辣，非常好。紙盒貼上公仔貼紙標示盒內食物，好可愛！綿香沙嗲牛柳焗意粉 $98牛柳數量多，入口軟稔入味，沙爹味香。意粉軟硬度適中，感覺到烹煮意粉時間把握得好。鍾意食沙爹既朋友們千其唔好錯過啦！拉絲芝士白汁雞皇焗飯 $88雞塊數量多，雞肉嫩滑無雪味。芝士分量夠多，拉絲效果好好，岩晒鍾意食芝士嘅朋友們，好滿足！P. S. 依家做緊外賣自取全單8折優惠，再送熱飲一杯，抵食呀！