THE BOTTLE & STEAK

營業中

休息中

呢間餐廳最近推出100分鐘任食牛扒套餐，平日只需$258，就可以盡情放任地叫牛扒，小食都係free flow，另外仲可以加錢任飲酒，Cp值極高😍🍴SUN TO THU SET DINNER WITH FREE FLOW STEAK ($258/ppl)💗前菜 (每位贈送一客)是日濃湯係粟米忌廉湯，先暖一暖胃🌽再配上香脆嘅蒜蓉牛油包，絕對係Perfect match🥖💗任食小食小食包括有墨西哥脆辣雞翼鎚、卡真炸雲吞、脆脆魚手指、帶頭吉列虎蝦、吉列酥炸生蠔，全部都係即叫即炸，夠哂鬆脆熱辣辣🍤私心最愛吉列生蠔，蠔肉炸完依然保持滑嫩鮮味🦪回本之選仲有吉列虎蝦，大大隻而且蝦肉爽口🦐💗任食牛扒主角當然係美國安格斯牛板腱扒，一塊足足有8oz，份量十足。一切開牛扒肉心保持粉嫩，食落軟嫩充滿肉汁，筋位有嚼勁但唔會韌，牛味濃郁之餘仲有陣陣炭香🥩最抵讚係Encore叫嘅牛扒質素依然一樣，任食嚟講真係超高質素👍🏼💗任食配菜食牛扒又點少得薯條呢？澳洲雞鹽薯條炸得外脆內軟，粗薯條造型食起嚟更有口感🍟另外仲有黑醋橄欖油沙律菜同焗香草車厘茄，稍為減輕油膩感，令大家繼續爆食🥗💗甜品 (每位贈送一客)最後以雲呢嗱配焦糖醬

琴日見到IG show 咗呢間喺灣仔新開嘅餐廳有得鋸扒，擺盤又好似好靚咁，今日就嚟咗食lunch試試佢。入到去全場都坐爆曬，安排咗坐2樓。有一個好奇怪嘅現象出現咗，每次一有店員上嚟，全世界都望住佢，好似個個都諗緊拎上嚟嘅餐係咪我嘅。最後我哋明啦，因為我哋叫完嘢食之後等咗半個鐘多啲先有飯食，上到嚟啲嘢仲要係凍嘅…叫左3個lunch sets:★̆̈ 美國安格斯牛板腱扒 （$98）叫咗5成熟，牛扒好香有炭燒味，咬落肉味都好香同個烤汁都唔錯，但係好韌，有啲失望。★̆̈ 烤美式豬頸肉（$78）豬頸肉係叫嘅三樣嘢當中最好食，豬頸肉肉質鬆軟，油脂豐富，食落都有肉汁出嚟。★̆̈ 皇牌慢炆雜菜安格斯牛肉粒 （$88）個汁有啲似薯容味，牛肉粒完全煮到冇肉味，如果唔睇menu完全估唔到係咩肉，入面有啲紅蘿蔔仔，完全唔吸引。每個lunch set包左✐ 橄欖油香草中東包✐ 澳洲雞鹽薯條✐ 特式沙律✐ 果汁梳打/梳打水/罐裝咖啡（星期1-5先有）中東包食落幾香，但好少橄欖油，有啲乾；薯條唔脆，沙律睇落唔太新鮮。總括嚟講，都好失望 🫠