影片
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
以上資料只供參考, 請與餐廳確認詳情
有關獎賞計劃
食家推介
🩵 Bottle and Steak @thebottleandsteak | 灣仔前幾日見到呢間餐廳做緊試業，做緊$98一個lunch，決定試一試佢我地叫左一份牛扒，一份油封鴨髀；加左一杯 house beer！一邊等一邊滿心期待，呢個時勢有$98一個lunch究竟會係咩質素呢？唔知會唔會係我大驚小怪，但我食港式扒房都要$120，$98真係好高興。一黎到，我地見到好大份：一份沙律菜、一份粗薯條、一份意式白麵包，再一份肉～ 本身我會覺得個麵包有啲多，但見到麵包熱辣辣，香草香清新，反而覺得好夾！講番件牛扒，牛扒比較細塊，但切開有肉汁，粉紅色，medium rare，煎得好好！兩邊有燒烤香，感覺個爐夠火候，封好肉汁，胡椒入味，好食！鴨髀本身以為比較乾身，但點知拆開少少，感覺成塊髀都好入味，偏咸，肉質剛好，夾麵包真係好好食！兩個餐佢亦配左一個gravy 醬，同肉都好夾～我地一邊食依然係一邊驚嘆點解做到呢個價錢～佢一至五晚餐仲有個任食牛扒嘅menu，好想試！餐廳嘅啤酒款式同酒款都好多，雪櫃好多野款imported beer，可以慢慢揀～ tap方面，我地去到有佢嘅house beer同 black kite，幾好～店面就似快餐店，但好舒服～二樓有環迴立體聲嘅喇叭，有feel嘅！佢除了灣仔之外仲有西環店，唔知有幾出名，但幾有趣，同大家推介下！THE BOTTLE & STEAK網上訂座即賺Rice Dollars 網址: https://s.openrice.com/QrbS06bOD00~uZ5MGAA地址: 灣仔廈門街29號廈門樓地舖電話: 52419896=====================
#灣仔 #廈門街 #牛扒 #午餐 #灣仔美食 #灣仔午餐推介 #啤酒 #啤啤 #hkfood #wanchaifood #hkgirl #hkig #foodie #hkfoodie #hksteak
繼續閱讀
呢間餐廳本身已經出名而高性價比食高質牛扒，最近由香港大學開到灣仔，晏晝lunch set $100唔使！最近更加推出任食牛扒套餐！係星期日至四只要$258 ，以及沒有+1服務費！首先沒有一客是日濃湯配蒜蓉牛油包，然後會有小食包括墨西哥脆辣雞翼鎚、卡真炸雲吞、魚手指、吉列虎蝦、吉列酥炸生蠔。吉列蝦非常大隻，有整一隻手掌咁大，而脆辣雞翼鎚非常推薦，調味好出色。小息食完都可以再encore！即使任食牛扒都唔會降低品質，係美國安格斯牛板腱，肉質較嫩滑，油脂及牛肉味道比較平衡的一種！而且呢度嘅粗薯條都好好食，外脆內軟，配上牛肉汁特別滋味！
繼續閱讀
呢度有兩層高, 聖誕佈置得好有氣氛, 彷彿去左一間外國既懷舊扒房咁😌 呢度主打各式澳洲扒類食物, 連香港比較難搵到既駝鳥扒都有😎 除左單點之外, 呢度仲有$258 100分鐘任食, 有牛扒, 小食, 甜品, 相當抵食😍澳洲雞鹽薯條🍟($48)炸到好鬆脆既薯角灑上雞鹽, 再配茄汁好好食, 就算擺左一陣都仲係脆既😉三重芝士中東包🧀($68)鬆軟既麵包上面有大量既香草, 中間夾住三款唔同融左既芝士, 冇諗過咁夾同好食, 麵包仲烘到微脆, 超好食🤤美國安格斯牛板腱扒🥩($138)烤到7成熟既牛腱扒好香, 肉質夠腍身, 配上醬汁會更出味, 另外仲有黑醋沙律菜同薯條, 可以選擇全沙律或者全薯條🤗澳洲慢煮鴕鳥扒🦃($188)烤到剛剛好既駝鳥扒好易切開, 肉既密度望落好高, 口感好軟綿, 配上Gravy一齊食幾好食, 呢款扒係配薯蓉, 夠Creamy, 不過冇平時既咁重牛油香同油膩, 反而食到薯仔本身既香味😊呢度二樓既卡位好好坐同舒服, 上菜既速度都好快, 午餐都好抵食$98 已經可以食到扒仲有野飲送添🥰
繼續閱讀
任食牛扒澳洲菜扒房酒吧 $258可享晚市100分鐘free flow美國安格斯牛板腱扒 配菜及小食都係任食 仲送甜品 全日免加一收費唔食放題可以叫a la carte 油封鴨髀 羊膝 燒春雞等main都好吸引 仲有唔少酒類選擇🤤灣仔同西營盤都有分店 試左灣仔利東街隔離既新分店 有樓下吧枱 樓上亦有較安靜既卡位 但空間唔算話好寬敞 同埋小店出菜需時要留意返✨️是日濃湯 $32係西蘭花忌廉蘑菇湯 質感充滿打碎既西蘭花同磨菇配料 如果忌廉味再突出d就更加好✨️美國安格斯牛板腱扒 $138放題可以任食兩件就回本🤣 叫左medium五成熟 黎到偏medium rare 食落幾有牛肉味同微微焦香 正正常常 呢個部位食到筋位係預料之中 配上自家製gravy sauce蘑菇燒汁 粗薯條同沙律幾滿足✨️香草烤澳洲羊後膝 $248有驚喜既主菜😍 同樣製作需時 先慢煮後烤 陣陣羊肉香唔會太羶 羊肉算嫩滑唔韌 羊皮同脂肪部分烤得特別香 香草燒汁幾惹味 配上薄荷醬增添清爽感覺 忌廉薯蓉份量都算多 味道唔錯✨️海鮮拼盤 $98新鮮熱辣辣冇得輸 吉列炸魚手指 炸生蠔 炸魷魚圈 配啤酒一齊食~
繼續閱讀
灣仔嘅呢一間西餐廳近排推出咗set dinner with free flow，每位只需要$258就有交易，超級抵食！餐廳環境舒服得來仲好有聖誕氣氛，最啱約埋三五知己一齊過嚟食呀！首先一坐低店員就會先上咗每人一個是日濃湯🥣 同埋 蒜蓉牛油包🧄🍞跟住就開始重頭戲‼️ 任食牛扒‼️佢哋嘅牛扒係選用美國安格斯牛板腱扒🥩，一般佢都會上五成熟左右嘅牛，如果想要生啲或者熟啲就記住另外request啦～至於配菜方面都係任食，一共有三款選擇分別係澳洲雞鹽薯條🍟、黑醋橄欖油沙律菜🥗、 焗香草車厘茄🍅，我自己就幾鍾意沙律菜同埋焗車厘茄，兩款都可以喺食牛扒食到膩嘅時候食少少，戰鬥力即刻Level up啊！🆙🆙🆙另外仲有好多款小食都可以任食㗎，包括有墨西哥脆辣雞翼鎚🍗、卡真炸雲吞🥟、脆脆魚手指🐟、帶頭吉列虎蝦🍤吉列酥炸生蠔🦪，每款都係即叫即炸，絕對唔會因為任食就炸定一堆，質素有保證！最後當然唔少得食返個甜品為今餐畫一個完美嘅句號啦，我哋當日嘅甜品就係曲奇雪糕配焦糖醬，幾鍾意佢哋嘅雪糕加咗焦糖醬，感覺上好味好多🥰🥰另外，佢哋仲有唔同嘅飲品提供，+$68-$198就可以享用到唔同嘅飲品free flow，我哋當日就揀咗$68 享用冇酒精飲品，有唔同嘅果汁🧃 同 唔同味道嘅有汽水選擇～
繼續閱讀