牛之鍋

營業中

休息中

終於找到放題又有刺身又有火鍋了！還要在鵝頸橋附近，十分方便到達後發現有很多食客等待，幸好早有訂座就座後獲發一個二維碼點菜，湯底一人一鍋，既衞生又可迎合個人口味九洲豬骨湯香味濃郁麻辣湯辛香味濃美國極上牛肉肉質柔嫩，油花均勻美國牛肉厚薄適中，肉味濃郁刺身選擇多元化，有三文魚、八爪魚、鮑片、帶子、北寄貝、赤貝、甜蝦、希靈魚等海蜇沙律爽脆可口味付螺肉口感厚實全場任飲任食、生啤任飲，更有Morpho提子清酒

過咗學生時代已經好少放題，因為真係食唔晒，同寧願俾多少少錢食好啲今日同兩位朋友重拾青春，估唔到呢度嘅火鍋料、小食、壽司(!)、甜品等都好唔錯，完全令我對$200左右放題可以做到嘅質素改觀💪🏻湯底總共有9隻，我揀咗清清哋九州豬骨湯一人一鍋食，除咗比較衛生仲可以各自揀返心水湯底👏🏻落order形式都係畫紙仔有好多選擇，同埋好多都好味一嚟叫咗牛肉豬肉先： 美國極上牛肉、特選豚肉兩種都好好味，顏色好靚，肉味濃，豬肉片仲有膠質，好正火鍋料唔會大量大量咁上，而係跟返件數，可以減少食物浪費叫嘅時間唔好太貪心呀串燒類都好味全晚最驚喜嘅係肉類、壽司同最後嘅甜品大家都明放題壽司可以好伏⋯但我哋食咁少少哋第一輪之後就愈叫愈多賣相正常，漁料新鮮，好抵讚👏🏻最後見到隔離枱啲甜品賣相都好靚，睇睇menu有好多款式呀我哋叫咗幾個凍嘅甜品，全部都無伏兼好食好耐無食過放題，真係好驚訝可以做到咁好🤣飲品都有好多罐裝同紙包飲品，各式其色

今日同朋友約係銅鑼灣見，佢突然好想食打邊爐，係附近搵咗下搵到來呢間！來到先發現原來佢係有火鍋+日式料理+甜品 放題！一次過滿足三個願望！依家推出係一人一鍋，注重衛生啲！個場地望落都整潔！同埋只有蔬菜類放至場中間方便大家取用，及醬料嘢飲都係自取，另外其他就全部用 order 紙，送到上枱面，所以大家要離開座位次數唔多，都好方便！一邊打住邊爐，一邊食住刺身、壽司、天婦羅、燒物，真係好多選擇！天婦羅同燒物都即叫即整，所以時間要等耐少少！係等嘅時間又可以食住邊爐，我揀咗麻辣湯底，貪佢涮肉醬汁都唔駛點，夠晒味🤣打邊爐就係要辣先過癮！美國極上牛肉雖然唔係最正但都唔差，咁多選擇嘅情況下兩個人都食到3、4碟！仲有叫得甜唔放題甜品嘅選擇都唔少，都有成10幾種咁多！望到好多款都想試，所以都叫左4款，好彩每款份量唔大，而且印象最深刻應該係 軟雪糕窩夫🧇，都係即叫即整，外脆內軟👍🏻

今日同同事黎任食午市火鍋預祝佢生日。呢間可以一人一鍋，夠晒衛生。湯底我揀番茄薯仔牛粒湯，同事要壽喜燒。肉類有美國牛肉、美國極上牛肉、紐西蘭羊肩肉、特選豚肉。全部都係薄切，美國牛肉同美國極上牛肉我都鍾意，肉質軟腍且湯底好夾。自助區有蔬菜類、醬料同雪糕配料吧。飲品有多款選擇可以任飲。丸類就要剔紙仔落單。基本上叫晒甘滯，哈哈。甜品有唔少選擇，我呢個甜品控梗係全部都要啦。除咗我唔好中式糖水同榴槤班戟之外，其它都唔錯，特別係軟雪糕同藍莓芝士杯。

Long time no Japanese-style all-you-want-to-eat hotpot given the 4th wave of COVID-19. As it was so cold, maybe it was time to do it again! My lunch partner said this one was newly opened in CWB and suggested trying it out. Great!It was very spacious with 4-seater cart seats nicely separated from each other. Price was quite cheap at just $118+10% per head for two hours of all-you-can-eat Japanese-style hot pot, including unlimited 美國極上牛肉, 紐西蘭羊肩肉, 特選豚肉, other hot pot items, veggies, desserts and

尋日嘅天氣真係真係轉涼啦，好凍呀，大褸真係出動啦。咁凍真係一定要打邊爐啦，但晚市又冇得堂食，唯有晏晝打邊爐啦。咁就去咗銅鑼灣呢間牛之鍋度打邊爐，因為我好肚餓，所以揀咗$118嘅午市兩小時火鍋任飲任食。🥘湯底我哋揀咗一人一鍋，咁就可以食兩個湯底啦。我哋揀咗麻辣同埋番茄湯，鍾意食辣嘅我鍾意將肉同埋丸類放落麻辣湯入面，享受麻辣所帶嚟嘅刺激感。番茄湯我哋自己額外再放入番茄同粟米，湯底即刻變得更濃更甜，普普通通嘅湯底即刻變左粟米番茄濃湯，我就最鍾意用番茄湯煮蔬菜，可以食到蔬菜嘅清甜味之餘，又可以試到番茄湯嘅味道。🍖肉類肉類選擇都好多，我哋今次叫咗牛肉、羊肉、豬肉，我最鍾意嘅就係牛肉。牛肉有兩款—極上牛肉同埋美國肥牛。啲肉都切得好薄，好快就淥熟，啱晒心急嘅我。我自己就比較喜歡極上牛肉，啲肉會冇咁肥，啱我口味多啲。🥬自助區（包括蔬菜類）蔬菜喺自助區，蔬菜有四五種，可以自己喺食物區到任攞，我鍾意食生菜，所以我主要都係食生菜，食放題記得要食菜呀，有啲纖維幫助消化，可以再食多啲！自助區仲有生根啦公仔麵啦芋絲之類，仲有好多菇類添。🥟寫紙落單（包括丸類）丸類基本上平時打邊爐有嘅嘢，依度到有，例如龍蝦丸啦墨魚丸

天氣開始凍，我哋緊係要打邊爐！仲要係$118 可以任食豬同牛，其他火鍋配料，甜品，蔬菜同飲品甜品，全部任食！湯底都有4款，我揀咗壽喜燒同蕃茄薯仔牛粒湯！好快就上了特選豚肉，肉美國國牛肉同極上牛肉，三款都肥瘦適中，肉味香濃！我最喜歡豚肉，油香均勻，好驚喜！兩款牛肉各有特色，極上牛肉味濃，美國肥牛嘅肥紋均勻，肉汁豐富！而任食火鍋最緊要上肉及配料又快又足，依度好快就上菜甜品都成6款任揀，由於太飽嘅關係，只揀了3款，軟雪糕仲可任加朱古力，曲奇碎等，最好味係珍珠伯爵茶奶凍，茶味濃，奶凍香滑！好滿足嘅火鍋午餐

冬風吹起，又想打邊爐暖暖身，今次就來到銅鑼灣的牛之鍋，任飲任食2小時火鍋加日式放題。餐廳面積雖不大，但環境光猛衛生。晚市時段提供限時2小時放題，包括日本料理、火鍋及即製甜品，星期一至四成人每位 $228，五六日及公眾假期為$248。餐牌款式多達過百款，保証任飲任食吃到大滿足。平時吃放題通常只會有雪米糍或雪糕杯，所以這裡款式繁多的即製甜品可說是一大賣點。一人一鍋的好處就是可隨自己喜好選擇湯底，毋須刻意遷就而叫鴛鴦湯底，也不用擔心別人灼煮自己不喜愛的食品而破壞了整鍋湯的味道。我自選了蟲草花松茸湯，裡面真材實料，略帶藥材般的微微苦澀味，補而不燥。另一款則是胡椒豬肚湯，辣度不重，豬肺洗得雪白，不會留有腥味。醬料區亦方便客人自行混醬，混出最適合自己的口味。美國極上牛肉色澤嫩紅，切得大小均一，脂肪比例平均，肥瘦勻稱。牛肉肉質細嫩富油香，牛味濃郁，就算不小心放在鍋內過久，也不會令牛肉變得過韌。另一款美國牛肉油花就較重，質素及不上美國極上牛肉。可以任食生猛海蝦、日本廣島蠔、台灣東鮑片、半殼帆立貝、紐西蘭青口等11款海鮮。除了打邊爐之外，還有多款沙律、一品料理、天婦羅、炸物燒物小吃。炸物都是剛剛炸起，熱

今日Lunch去咗銅鑼灣食火鍋🍲，餐廳叫「牛之鍋」，我哋叫咗「午市二小時火鍋任食放題」，火鍋湯底有4款，我哋揀咗「九洲豬骨湯、蕃茄薯仔牛粒湯」「午市二小時火鍋任食放題 $118」包括1️⃣ 美國極上牛肉2️⃣ 美國牛肉3️⃣ 紐西蘭羊肩肉4️⃣ 特選豚肉5️⃣ 火鍋配料6️⃣ 自助蔬菜吧7️⃣ 自助飲品吧8️⃣ 自家制甜品 (軟雪糕、OREO朱古力慕絲、芒果布甸、藍莓芝士杯、珍珠伯爵茶奶凍)整體來講：以價錢來講，算好抵食，食物都算OK價格💰：$260 ($236 + 服務費$24)味道😋：OK