牛大人台灣火鍋吃到飽 (鱷魚恤中心)

營業中

休息中

是晚來過百二分鐘肚子放縱，跟牛大人決戰。以價錢來說算是合理，食材新鮮樣樣高質，覺得幾抵食。環境光鮮地方闊落樓底幾高，抽風幾好完全無咩油煙味。以手機點菜非常方便，而且食物好快呈上，效率奇高。主攻和牛的朋友回本的確一定優勢。不食牛的朋友也不怕無選擇，因為好多野食又好食，食到飽飽回家是必然的事。澳洲極上和牛套餐 $298/位藥膳牛蒡湯底要求走莞茜，湯底幾清，藥材味不算太濃，湯料牛蒡勁多。澳洲M9和牛牛丸套餐附送每位兩粒咋，牛味超重口感彈牙多汁，要用正爆來形容。美國PRIME極級肩里肌肉質軟嫩油脂豐富，切得超薄滾兩滾就食得，一盤得兩片一次叫好幾盤先夠。西班牙豬五花片唔食牛的朋友的好選擇，都係薄薄地肉好林，可以勁叫啦～鮮甜海蝦海蝦大隻，肉質結實，新鮮彈牙。爽脆炸魚皮幾高質口感爽脆，好食。自助吧丸物種類多，但不小心夾多了，相當飽肚，云云丸物中以龍蝦沙拉值得一食，咬落爆漿有驚喜。新鮮沙白味道非常鮮美，肉細粒叫多兩打都唔怕。台灣特式小吃有真豬小香腸、糖醋甜不辣、魚木皮蛋豆腐、土林鹽酥雞炸和梅甘酥脆薯，樣樣都好食，有著台灣的原味道。飲品洛神花茶飲落酸酸甜甜都唔錯，飲左幾款，最後還是覺得燒仙草爽最好～甜品

過左中秋，又到左打邊爐季節，今次試觀塘既牛大人～第三次食牛大人喇😋因為主力都係食牛肉，所以都係叫左最貴個澳洲極上和牛set，仲每人包2粒好好味既澳洲M9和牛牛丸🤩見有個期間限定湯底：藥膳牛蒡鍋🍲，一於試下佢～黎到見到滿鍋綠綠的😶都係莞茜，真係嚇親小妹（因為小妹唔食莞茜🙈）冇諗過藥膳牛蒡鍋會咁多莞茜😳即刻同職員講可否走莞茜，職員好好，好快咁換過個走莞茜的，跟住就見到湯底入面有爆多牛蒡片同蘿蔔粒，料仲多過湯🤪藥膳味唔係好濃，但咁多牛蒡感覺健康啲～🤣牛肉款式好似有啲唔同左，唔知係分店唔同定定期會轉款呢🤔冇左SRF極黑和牛🙈今次推介點美國PRIME極級肩里肌🐂，肉質唔鞋，厚度適中👍🏻見到瓜仔雞水餃🥟個名咁得意，都叫左黎試下，一咬開入面仲有肉汁，search下發現原來係台灣都常見既一款水餃，花瓜丁加雞肉做餡料，可以一試飲品點少得冷泡茶🤗無糖冷泡茶解膩，又冇咁飽肚，每次必飲！難得放假，就叫左杯酒，個名叫流水落花🍺，係牛大人既手工啤，唔算太苦，幾柔和 （HKD48/杯) 小妹之前去旺角分店都冇，原來得幾間分店有架咋🤩仲叫左鹽酥雞，炸雞配啤酒🍻perfect~最後當然唔少得甜品🍨，可以揀雪糕或台中仙草

一向都知牛大人高質，今日終於食到，果然係名不虛傳👍🏻分別有3個Lv嘅餐，我哋叫咗最貴果個「澳洲極上和牛」仲贈送咗每人兩粒澳洲M9和牛牛丸，我想講，即使係贈送但都非常出色，咬落爽口彈牙多汁😌真係好好味😋私心推介美國PRIME極級肩里肌，油花分佈均勻，油脂適中，入口有咬口，牛味突出😌係必點食物no.1 選擇❤️其次我會推薦封門牛柳，特濃牛味唔係個個受落😌但作為牛控就被佢深深吸引咗仲有紐西蘭羊卷肉，好香嘅羊羶味配上大量莞茜，簡直係天作之合打邊爐又點可以冇啤酒🍻 我地就叫咗牛大人自家出品手工啤酒 「落花流水」，淡淡嘅麥香夾雜住花果味非常易入口😙令人一試難忘最後仲有甜品食，你可以揀mövenpick / haagen dazs 或者台灣仙草😋 真係食到超飽超滿足啊🥰

台式打邊邊～有好多配料自己拎，不過呢間最吸引就係有台式小食！喪食鹽酥雞😂❤️高質任食牛牛 雪花均勻好靚仔既澳洲M5和牛牛肩卷 + 淥1淥有咬口既美國PRIME極級肩里肌 + 牛味濃郁手切封門柳 🧡香草雞肉丸 花枝丸 鱈魚丸 台式蛋餃 燕餃 韭菜餃～咁好多款唔同配料之中，最中意"手工大車輪” 即係我最愛既甜不辣！💛梅甘酥脆薯 鹽酥雞 台式香腸 都係encore 小食！特別係梅子粉烤地瓜，同係台灣食既一模一樣味💚洛神花茶 酸酸甜甜好開胃，好岩打邊爐飲！P.S 湯底揀左藥膳牛蒡鍋，有牛蒡杞子蘿蔔，雖然個名叫藥膳湯底，但其實藥味唔重，清清地好養生！不過個湯底入面太多料，好阻住杯其他野食，最後杯晒d 湯料出黎先😂 下次要試下其他湯底先得！