桃園眷村 (已結業)

香港難得開咗間好食嘅台灣小吃，唔係淨係得魯肉飯啦～ 雖然價錢比起台灣貴，不過開係朗豪坊都幾方便肉燥滷蛋飯糰好夠味，唔會好乾. 入面仲好足料 😎 佢地仲有幾款飯糰架，下次可以再試吓先香脆油條真係必食! 平時覺得呢啲油條好油，唔係特別鍾意食。但係今次食過真係改變我嘅睇法。好香好脆，好好食! 已經有啲掛住，想再食紅茶豆漿茶味都幾濃，加埋香滑豆漿 😋😋 唔會好似珍珠奶茶咁甜。應該係健康之選 呢到啲嘢食，設計都好似台灣咁呀! 好文青 👩‍🏫

呢間餐廳一開嘅時候成日排隊排到嘔，想食都無機會食，最近人流終於平均番，睇戲之前同朋友一齊黎食～～我地3嘅女仔可以叫多D野食，所以飯糰同燒餅都叫咗兩款～D飯糰其實就係秶飯，都幾大條！台式香腸蔥蛋飯糰 $42兩款飯糰比較我會推薦呢個，因為佢真係爆料！裡面有台灣腸仔，好大條～～腸仔甜甜地外層有脆脆地，增加口感，最開心係蛋都係厚厚嘅一層，其實我唔係太喜歡食蛋，但咁樣加埋又唔會覺得蔥味好濃郁，一口食曬口感懂味道都係好豐盛～～咁樣食半條其實都已經好飽～～肉燥滷蛋飯糰 $32就咁睇真係唔知道佢係甚麼東東XDD 不過食食下會發現裡面原來有好大粒滷水蛋！因為我第一口已經咬咗粒蛋，以為朋友無得食，點知原來佢半條都有完整一粒滷蛋，真係好足料～～D肉燥唔會好肥膩，鬆化到好似肉鬆咁，咸度都適中嘅。芝士蛋燒餅 $42邪惡到一個點呀～要落去仲見到芝士流曬出黎，燒餅佢呢個扁身設計都幾好，無咁heavy，個蛋都好水潤，燒餅食落唔會好乾，燒餅上面有好多芝麻粒，所以特別香口。蔬果色拉燒餅 $36Menu中呢個係最接近蔬菜類，所以我叫咗佢當食咗菜～～蔬菜好爽脆，酸酸嘅千島醬可以降膩，入口都算幾fresh，最搞笑係有D提子乾，

朗心豪坊食肆層正中央開了間價錢親民嘅台式小食店，我一直都想試試，不過每次都非常多人排隊，而且坐無虛席，終於今晚九點經過時見有位坐就進去食個晚飯。自助形式，先點餐付款，再拎個響號塊，紅色著燈咇咇響就可以出去取餐。飲杯紅茶豆漿先，不甜的，豆味幾濃郁。功夫辣雞腿燒餅其實不太辣，燒餅很鬆脆加面頭的芝麻很香，雞腿幾多汁，而且幫我們切開了兩半，很方便。豬排蛋燒餅的豬排和蛋味道很夾，豬排味道偏濃，而煎蛋就中和了咸味。台式香腸蔥蛋飯糰果然很像上海吃的黏飯團，不過沒有那麼結實，同樣有油條在裡頭，不錯！肉燥滷蛋飯糰得一隻滷蛋不夠啊，放多一隻更佳。甜豆花大大碗又滑嫩，花生很淋又甜蜜滋味，抵吃。價錢在朗豪坊算經濟實惠。

一向都好鐘情台灣既早餐，去親台灣都一定會好神心每日早起去食早餐依間餐廳終於都開到嚟香港，之前每次經過都好多人，懶得等今日終於都嚟到食餐牌種類唔多，只係簡單既燒餅同飯糰係典型台灣早餐店既選擇同朋友一行兩人就嗌左一個燒餅同一個飯糰share嚟食肉燥滷蛋飯糰($32)上枱時熱辣辣，用量幾足，每啖都係有配料，食到最後都唔會淨係得飯少少美足不足係佢隻滷蛋係晒一邊到，我嗰邊無，朋友嗰邊就有兩塊不過整體嚟講都幾好味功夫辣雞腿燒餅($48)燒餅入面就淨係得菜同雞腿雞腿好大塊，而且好嫩滑又入味但可惜唔好熱同埋如果加啲醬既話，應該會好食啲，依個食落齋齋地😂朋友話如果加個板燒雞腿包既醬，肯定會大排長龍😂😂😂雖然唔算驚為天人，但價錢唔算太貴，簡簡單單食個燒餅/飯糰都係個唔錯既選擇

來自上海的連鎖早餐品牌桃園眷村進駐了旺角朗豪坊！ 可以在港食到台式古早味早點。這裡主推油炸鬼、豆漿、燒餅，全部都以台式風味呈現。價錢亦相宜。餐廳好闊落，座位都多。一班餓鬼一來就點了一大堆！有甜有鹹，滿足多個願望。鹹豆花，有花生在面，份量之自己好難消滅掉一個。豆花算滑，鹹甜都滲有。要飽肚就當然要食飯糰。飯糰三十幾四十蚊一個，份量足料，一定飽肚！內包有油條碎，十分香口！大大條台灣腸包在其中！ 飯粒分明。燒餅香脆！芝士蛋夾在其中，芝士和蛋的配搭絕佳。最愛餅皮上香口的芝麻！最後點了兩杯豆漿，一杯是紅棗豆漿，有淡淡的紅棗味，略甜。

見呢間店十點開門，諗住一開門就去會少人排，點知都已經有好幾個排緊，不過最大問題係唔夠員工，收銀既要幫手執餐，結果淨係排隊落單都半個鐘💩然後等機響又半個鐘，忍唔住走去催，發現我個飯糰比人擺左係度封塵，差個鹹豆花無人整，我問佢先叫人開始去整🤪一於睇埋食物質素，再決定嗰個鐘係值唔值得😪👁‍🗨 肉燥滷蛋飯糰（6/10）💲32個飯糰咁樣比人擺係度半個鐘唔熱是常識吧🤷🏻‍♀️飯唔夠黏身，包得唔夠實，所以散散地😕餡有肉燥滷蛋，但係其實份量得好少，個味唔係太出，反而酸菜脯味更為突出，因為酸菜脯既份量大概係肉燥滷蛋既兩倍🤔不過個人一向麻麻地酸菜脯既關係，會覺得飯糰整體一般，唯一可以一讚既就係條油條都仲保持到酥脆👁‍🗨 鹹豆花（7/10）💲32平時都係食甜既豆花多，鹹豆花都真係第一次試😳料有酥脆油條、蝦米、菜脯、蔥花、紫菜、辣醬，味道主要係鹹同辣，唔太食得辣既我食完都覺得嘴邊陣陣麻痺🌶️但係呢個味其實幾有味覺衝擊，同埋呢種感覺又幾過癮，配埋暖笠笠既滑豆花，比起飯糰好得多🙈🔛 整體評分（6.5/10）

放工後到旺角行街，在人來人往的朗豪坊見到新開張的桃園眷村，所以就去試試台式All Day Breakfast~開放式店面，環境比較嘈雜，不過座位未算編得密麻麻，不會坐得過份擠擁。餐牌選擇不多，主打台式古早味早點，不過來到出名貴租的香港，定價自然水漲船高。這間分店採用快餐形式，付錢點餐後拿取呼叫器入座，可以等到呼叫器亮燈才去取餐，省去罰企腳骨力。抬頭一望就是入夜後朗豪坊的浮雲天幕，別具情調。眷村油條 $16豆漿配油條是最簡樸的庶民早餐，再次喚醒中國傳統昔日口味。店員早已將油條切成兩半，油條的size 比起平時常見的超巨型，一份已足夠兩個人share。油炸鬼炸至金黃色，色澤鮮明，形狀挺直飽滿，即炸即吃雖然熱辣辣，不過可能未有放涼，只是一味的脆，卻欠了麵團煙韌鬆軟的口感，而且未吃完半條就已經覺得過於油膩。燒餅保留了餅皮層次分明的酥脆口感，加上外層芝麻更添香口，只不過可能因為是快餐形式加上這晚人流極多，令製作過於流水作業，可惜地我點的兩款燒餅並非即叫即製，不夠熱真的大打折扣啊！玉米蛋燒餅 $42玉米蛋配搭夾著爽口生菜，清爽輕盈不油膩，由於這種配搭近似沙律，凍食仍可接受 豬排蛋燒餅 $48相反豬

新開食肆愈來愈多，有個喜歡台灣食物的同事，說想去試試旺角新開的台式早餐店。雖然吃的是台式早餐，不過其實品牌是來自內地的，發源地該是上海吧。據說是老闆在台灣吃過當地的早餐後，尤為其著迷，便將當地的美食帶回中國。這便解釋了為什麼這品牌會在內地這麼火熱，分店分佈不少城市至30多家，而香港分店就剛好是第40家分店。到過台灣的我，最喜歡的早餐莫過於蛋餅。但是，這餐廳主打的卻非蛋餅，而是蛋餅以外的食物，這讓我對台灣有更加多的認識。食物主要有4大類，包括豆漿、油條、燒餅和飯糰。 豆漿有數款可選，分鹹甜兩類。同事跟我都不敢嘗鹹的，所以都是選了無糖豆漿($22)和冰豆漿($22)。兩款味道相差不大，值得一提的是大豆味頗香濃，質地亦不太稀，不加糖的豆漿都挺不錯。 另外，我們各點了一條眷村油條($16)！ 雖然不是配粥，但台灣人就是飲豆漿搭油條，我們也就嘗嘗。 油條用牛皮袋包住，乾淨方便；份量十分足夠，超大條！吃起來比香港的脆，中間就有點煙韌口感，是我喜歡的口感。唯個人覺得可以多加一些鹹味令其更可口。 嘗過油條，我們便吃燒餅，分別點了豬扒蛋燒餅($48)與玉米蛋燒餅($42)。 兩者主要是餡料不相同，燒

記得上次到台北旅遊，朋友介紹我到阜杭豆漿，烤爐焗出的胡椒燒餅、新鮮製造的豆漿油條，回味無窮至今未忘，排隊一個鐘亦值得！原來除了阜杭豆漿之外，桃園眷村在當地同樣出名，很開心知道後者已經登陸香港，今日特別啟程，周六早上走到朗豪坊，期待驚喜！ 店舖位於美食廣場同層的一個角落，座椅開陽，簡單企理，中午12時已有人龍，據說已經比繁忙時間短得多。 即點即做，可以看到廚房人員忙於工作。 選擇美食要抬頭看，黑板百字掛在收銀處之上，食物品種三大類，豆漿飲料類、燒餅油條類及飯團類。 豆漿/豆花皆有鹹甜的選擇，甜豆漿更有我未見過新款口味，焦糖、紅棗及紅茶，但我反而被米漿吸引了。 米漿 +  甜豆漿  原來米漿是以米及花生作主要材料，造成如奶般的質感，比豆漿更濃稠，呈啡色的，給予我的感覺是在飲花生奶，亦似花生糊，濃郁的香味，味道甜甜地，都幾得意，很有飽肚感，未試過可以一試，但除非你非常喜歡花生糊，我認為試一次就夠了。 甜豆漿沒有想像中的濃郁，或者我們本地的豆腐專門店實在做得太出色。 鹹豆花  材料非常豐富，菜脯、蝦米、油條、蔥綠、酸菜、大量紫菜及少許辣椒油，混合來吃，味道複雜，集鹹香、辛口、酥脆、幼滑、鹹

多年來，每次到台灣旅行，真係未聽過桃園眷村。加上小米出現後，去台灣，就更加不敢自由行，更遑論走訪街頭小巷尋找美食。如有朋友詢問：台灣有什麼好食的小店介紹？自己真係答唔出。今天在朗豪坊，發現從前的漢堡包專門店，變為台灣餐館＜桃園眷村＞。反正在台灣未嚐過，所以冒險一試。排隊付款後，找到一個小角落，慢慢等待職員預備台灣美食。可能因為放假關係，心情變得輕鬆，現在眼中的朗豪坊，是如此寬敞。終於可以取食物了！快快回到座位，慢慢感受何謂＜眷村＞。　鹹豆漿　　在上海餐館嚐過鹹豆漿，所以試試這個台灣鹹豆漿會有何分別。做法都是在豆漿加入醋，以醋裡帶有極性的正負離子，去抽出豆漿內的水份子，令原本在豆漿內的水和蛋白質分離。醋吸引水份子，二者相容，而没有極性的大豆蛋白質卻凝聚一起，變成一堆杰撻撻的糊狀物。　　只要能接受到鹹豆漿的外表，就可嚐到它的內在美了！視覺：紅油，蔥花，油炸鬼，蝦皮，鹹酸菜和凝固的豆漿，手感：鹹豆漿凝結似豆花，但不粘結，軟棉棉，較鬆散。把所有材料拌勻，也無需太大力度。口感＆味道：表面紅油帶微微辣，似台灣紅燒牛肉麵表面那層辣油。鹹豆漿凝固力不強，就因為比較鬆散，感覺不到實在的蛋白質，總之口感似