野郎Stone (已結業)

不知道隨著天氣逐漸變涼，大家的食慾有否跟著增加呢？今天筆者帶大家去吃早前大熱的熱石牛扒，暖暖身！野郎Stone在香港共有3家分店，均是由客人DIY動手在燒熱的石板上親自煎肉，自行控制食物的生熟程度，絕對可以增加用餐樂趣！店鋪推用自助點餐機，這種快捷方便的點餐方式其實一早在日本盛行，不但提高了客人的用餐體驗，節省餐廳人力成本，更大大減少面對店員的尷尬，即使是一個人吃飯也不會感到不自在。要留心的是，點餐機只支援以八達通、信用卡及支付寶付款，但整個點餐系統都蠻順暢，不消兩分鐘已完成整個點餐程序。店面並不大，只夠容納3張4人檯及1張2人檯，但實木的設計帶點溫馨感。店內設有調味架，供客人為食物自行調味。五分鐘後，店員已送上食物。店員教我們先等20－30秒，而令食物變好吃的關鍵是每吃一塊肉才切一塊燒，這樣會比較美味。筆者這次點的是肩胛肉眼(200g)，配薯蓉、味噌湯、沙律及可樂。驟眼看，份量感十足，名乎其實「啖啖肉」。由於肉厚，有點兒難切，但肉色紅潤，感覺新鮮。食下去肉味濃郁，很有質感，配上岩鹽，味道層次更昇華，這個價位來說算是不錯。至於薯蓉、味噌湯及沙律的味道乃是正常水準，但不得不讚嘆店員的觀察

100蚊唔使有200g牛肉嘅Stone Grill，仲有埋沙律、湯、意粉或飯同埋汽水，直頭係底啦，質素仰點呢？一齊睇睇。入店前要在自助售賣機揀好要什麼然後付款再攞飛仔，店內位置不多但地方尚算企理。食物方面，先講配菜。沙律是菜絲沙律，用來配搭濃味嘅肉無咁膩，麵豉湯是純粹味噌溝的那種，不喝也罷😅。意粉都係普通野。至於主菜嘅牛，因為佢本來已經醃過，建議大家先試咗原味先再點燒汁，以免過咸。肉的質素以88蚊來說算不錯了，我最欣賞係牛排上面的蒜片，放在石上再燒乾一點特別香。總體來說CP值高，值得一試。

見到好多人都講呢間尖沙咀鐵板牛扒 咁我地都黎會一會佢先 6點鐘去到排已經有廿幾人排緊😣 到7點半先食到 好誇張❗️先前食過好幾間唔貴既牛扒 講真 我寧願比貴啲食好食既都唔想浪費左個quota 不過今次又唔太失望🤣牛肋間隔膜200g+套餐(任食飯/意粉/薯蓉、沙律、湯+一罐汽水)其實+$30要個套餐都真係唔貴 一定食到飽🤤本身諗住叫200g係過下口癮同試下好唔好食 點知原來份量都唔細😂食落相對有咬口 建議都可以煎耐少少先切😬.肩胛肉眼200g呢個係我覺得比較好食既 牛味比較出色😛 同埋唔會好多筋 唔錯！總體黎講埋單大約200蚊係好抵食 我地都推薦大家可以試試 不過我就等之後少d人排再黎食過 哈哈哈

今日lunch見人少少，就試下呢間野郎stone。平日見好多人排隊，但今日排左一陣就好快有位，Lucky。店面細細都坐到十幾人，但就坐得比較迫。我今次order了肩胛肉眼200g再加$30轉套餐。套餐包括一罐汽水，而飯/意粉/薯蓉/沙律/湯就可以無限添加，都幾底食。出菜都快，等左一陣就有得食。塊肉眼係由石板上，由起初兩三成熟，再由自已慢慢燒至自己的喜好。肉質嫩滑，又唔鞋唔韌，而且超juice，一咬落去啲肉汁就吱晒出黎，加上香口蒜片，每食一口都感到滿足。沙律係椰菜絲，食落清爽，加上七味粉味道辣辣地出奇地好食，忍唔住要encore ！而薯蓉就好滑，加埋啲七味粉調味，令平平無奇的薯蓉變得好吃。湯雖然係普通味噌湯，但都好有誠意嫁，加左蜆去煲，令湯多了一份鮮甜。整體都高過預期，係個座位有啲迫，同食個時較熱，因石板熱辣辣咁煎緊塊扒，所以呢個時候罐凍汽水就大派用場。

（懶人又來隨心寫食評）9/5/2019終有機會試到一直想試的野郎stone， 6:40pm到，8成full (其實真係好少位），好彩2個可以直入。我地叫咗兩款肉各300g, share:圖2 肩胛肉眼：咁啱呢一舊有啲筋，同埋有d肥。肉味比較淡。圖1 牛肋間隔膜：感覺上肉味比較濃，同埋容易切，亦比較‘淋’身，就算燒耐咗都唔會‘un’.我地都有加$30 做set （包：一罐汽水、另外意粉、飯、薯容、沙律任食）。個薯容吾夠熱、白飯還好，但食吾出係日本米、同埋太淋、味噌湯真的有蜆，但比一般淡、反而個沙律（其實係椰菜絲上面有少少薯片碎）出奇地好吃，我食了2個。😋😋 之前睇openrice 話大排長龍，今日又唔洗，唔知係熱潮過咗定係咁岩。店內有提供唔同醬汁，但係我自己最鍾意食係白松露蒜汁，我用嚟撈飯😬😬 另外柚子醋就用來食沙律。雖然抽風（直情唔覺有抽風設備）麻麻哋。service 幾好的，負責全餐同點餐嘅都係同一個人，面帶笑容。佢啲肉都幾好食，又可以因應自己胃口去決定食幾多份量，所以如果有機會嘅話我都想試埋西冷同牛柳。

厚福街後橫街! 之前睇報導已經想試, 今日終放有機會! 以為落雨會少 d 人, 12:30pm 去到, 等到 1:15pm 先有位! 可以透過門口部機落單 (Alipay 比錢), 或者坐低先 order 比現金! 店舖細細, 好大油煙味, 幸好櫈下可放外套及手袋! 有5種部位選擇 本來想試牛面肉, 不過今日無)! 店主將牛扒燒約一成熟, 再放上熱石板上枱, 由客人自行燒至喜愛的熟度, 喳喳聲好療癒! 我選牛肋間隔膜 $88/200g, $138/300g, $178/400g (圖為300g) ~ 隔膜肉一般較瘦, 本來以為會較硬, 但係出奇地肉質細嫩, 有肉汁好有肉味, 有咬口, 一直食到最後一件理應係過熟的, 但竟然完全唔硬, 仲好軟淋淋! (300g 扒對我而言著實係有點多)! 肩胛肉眼 $88/200g,$138/300g, $178/400g (圖為200g) , 再配飯及薯蓉 (各 $10) ~ 肉質細膩, 肉香夾滑, 唔會靭之餘有咬口! 白飯 (普通白飯但較淋身), 薯蓉無味道及有點凍 (以上2樣都唔係我食, 道聽途的) 醬汁 ~ 白松露蒜蓉 (唔覺有松露味, 勁多油)