金潮小廚

營業中

休息中

今日小編約左舊同事做節團年，雖然離開左之前間公司已經差不多2年，都有定期出黎食生日飯同埋團年飯既，今年都唔例外。話說以前公司O系青衣，真心偏遠山區對於小編我呢個港島人黎講，但都遷就佢地食飯地點啦，始終佢地本地公司係麻X煩D。今次黎左呢度食團年飯，唔係第一次黎LU，以前O系舊公司返工都有黎呢度食，覺得唔錯，價錢其實唔算特別平但勝在夠鑊氣， 質素黎講唔錯，佢地招牌菜系黃金蝦，真心好好味道！ D鹹蛋黃多到呢，好滿足。今次試左佢地好多煲仔野包括薑蔥美國桶蠔煲，勁正！食到個個LAM曬脷！黑椒牛仔骨一般啦但分量好多，胡椒蜆湯都好正，胡椒味夠重，O者O者介蘭煲都好好味，好惹味呀！個個食到好飽，小編我都冇叫飯，齋食餸夠曬啦！真心今次食仲好似好味過上次甘，同埋服務唔錯，D吖姐好NICE，個個四萬甘口，唔知係咪有花紅分呢今年？哈哈！好開心既一餐，舊同事永遠比現任同事更可愛同埋冇甘黑人憎，唔知大家點睇呢？

去之前打咗電話去問有冇位， 難得有位所以即刻去!兩個人果然容易搵位啲， 但係個位就比較窄， 不過唔緊要啦最緊要啲嘢好食次次黎都要點胡椒蜆湯， 一煲有好多蜆， 隻隻都好大隻， 所以個湯好鮮味 ，而且有好濃胡椒味， 食完成個身都暖曬， 又可以去濕，最啱呢個時候食。我哋加咗個白飯，要嚟撈湯啱曬另外叫咗個西蘭花炒蝦球， 啲蝦就隻好大隻又好爽， 味道同唔太濃，啱啱好!兩個餸就已經食到飽曬啦! 下次叫多啲人可以試多啲

九龍人既我，除左去葵涌廣場行街之外，其實都無咩機會入去，但朋友話呢間餐廳要等一個鐘先有得食，下！一個鐘﹖有無咁堅，點知~~~~ 見到有魚皮，點會唔叫﹖曾經係南丫島食過，爽口彈牙，呢碟確實有進步既空間！呢個荷葉飯，荷葉味未夠，不過四人份量就好夠！呢個湯，正！以為只會配豬肚，點知配蜆重鮮甜美味！只係聽已經好夠，啫啫果然名不虛傳，芥蘭我會用脆去形容佢，入晒味，正！黃金蝦，連殼都食得，而且唔太咸（以為蛋黃會好咸）！新鮮，但如果粉絲未夠入味！樣樣餸都上得快，清枱快，問你食完未﹖無法啦，星期日，食完出面重有大把人等緊，一個鐘‥‥‥果然係無錯！

聽聞餐廳有好味小菜，特意渣車來試下， 大師要6點或者之前到，否則排隊排到朦。湯很大碗，4-6人份量，足料！賣相正常，味道不太鹹，胡椒味道好重，我只可以飲到一碗，好辣的朋友應該很喜歡。 7/10分山楂咕嚕肉，正宗的咕嚕肉汁就是用山楂打出來，同其他餐廳用蕃茄汁完全不同，好味道！排骨醃得好入味，又唔鹹，最重要個汁打得好，份量適合3-4人。 10/10分煲仔菜上，賣相很吸引， 香氣四溢，份量真的多到要打包！ 只是味道鹹左小小，送飯一流！9/10分蒸豆腐很滑，一邊時豆士蒸，另一邊是帶子粉絲蒸， 份量剛剛好，汁亦恰到好處，比到8/10分小菜基本上都係＄100一個左右，而且份量偏大份，多人食比較划算！呢間餐廳overall 9/10分，怪不得6點已經排曬長龍！

與朋友一行六人在葵芳找地方吃飯 朋友介紹這間人氣高的食店 便滿心期待去了我們大概8:45左右到達 仍然有不少人排隊 拿了籌等了大約半小時  雖然店有限時用餐 但真的等得太久 我們都餓壞了入席後馬上下單 叫了六樣小菜1. 魚皮沙律-新鮮的魚皮配苀茜醬油 出乎意料的鮮味 魚皮很爽 很開胃2. 荷葉飯-想不分量頗驚人 我們六人也食剩很多 裡面有豬肉碎和醬汁 其實吃不到荷葉香 像普通炒飯 3. 冰梅排骨- 排骨酸甜可口 外表炸得尚當脆 4. 啫啫雞煲- 一上枱便聽到沙沙響的 再看有豬潤 在表面 豬潤很彈牙入味 雞則比較遜色5. 胡椒蜆湯-這個很推薦 材料豐富 蜆很新鮮 湯鮮甜帶胡椒辣 很搶口6. 金沙南瓜-外皮帶蛋香鬆脆 南瓜裡頭有蛋黃 不會太甜而過膩 很讚整體食物質素很好 只是太多人 要等的時間太長

難得有機會跟一班同事食晚飯, 她們大部份是有小朋友的媽媽, 所以私人時間相對地較少。今次去到較遠的葵芳, 平日我只懂到葵涌廣場shopping, 今次來到金潮小廚是因為其他同事的強烈推介, 加上舊同事跟老闆們認識, 要拎位絕對沒問題, 因這間沒有訂位的...要自己排隊。金潮小廚好受歡迎, 7時多到達已坐無虛席, 而且檯與檯之間都幾擠迫。先來小食 - 鮑汁鳳爪: 我覺得味道較淡, 我較喜歡利苑的鮑汁有黏口感覺, 但有同事們都喜歡食。鮑粒荷香飯: 據說是店招牌菜, 有同事食過都讚口不絕。可惜今次失水準, 這個太乾沒有汁, 將底的材料撈埋也是這樣, 好失望。胡椒蜆湯: 胡椒豬肚湯就聽得多, 胡椒蜆湯就第一次! 不過我較抗拒胡椒辣味, 所以都是抱著一試心態。第一啖飲入口湯好鮮甜, 胡椒味剛剛好不會搶喉, 蜆夠多好大粒, 而且粒粒都沒沙。 冰梅骨: 甜甜酸酸, 肉排夠厚而且入味, 跟白飯食一流。啫啫通菜雞煲: 較鹹, 而且太多肉絲, 喜歡食清炒菜多點。炸肉排: 夠鬆脆, 但仍保留住肉汁好juicy, 而且香味撲鼻。還有同事們另外叫外賣打包回去給家人食, 一路上都嗅到肉排香味!香草蝦球: 賣相美觀

我很久沒有來到這個地區了 - 葵芳，因為朋友介紹，我到了這裡一嚐他們口中美味的小菜。到步後，眼見餐廳沒有任何特別豪華裝修，內外都人山人海，心想食物質素一定不錯。等了約25分鐘終於有位(不過要搭枱) 。今晚我們點了一湯三餸，服務員很好，知道我們只有三人，提我們不要再叫，這個份量已經足夠。這間餐廳最好的地方是出菜速度十分快。只是十幾分鐘，我點的菜都到了。黃金蝦 – 三高朋友的敵人。用咸蛋黃兜炒至起沙，薄薄的咸蛋黃漿密密地包圍住已炸的乾脆鮮蝦，味道可口，粉不厚，蝦殼十分乾脆，完全可以連殼入好，咸蛋黃令鮮蝦更有鮮味，味美可口。糖醋排骨 – 甜甜地又唔太酸的汁配上了半肥‎瘦的排骨，所有排骨完全被甜酸汁包住，十分入味，可惜有些排骨真的有點太肥。言而無可否認有些排骨是外脆，肥而不膩，但並不是每粒都是肥瘦相間，有些排骨的肉質頗為多筋，均勻性略遜一籌。瑤柱扒荳苗 – 不但賣相吸引，而且煱氣十足的炒荳苗加上瑤柱，味道可口，份量十足，但瑤柱中有混合了一些金菇。胡椒蜆湯 – 是這裡的招牌菜，湯清胡椒西芹味濃而且份量十足，蜆肉美味但多殼。湯的確有小許辣味，但很惹味。冬天有它，我不會怕凍。我想我會介紹這間餐廳給友

這家店子比較近要看話劇的場地, 而且聽說各式招牌菜很有名, 主要是我們看見好多人排隊進去, 果然是不錯的一家中式店子啊~! 叫了4道菜三個人吃, 也算是很足夠的了, 因為每道菜的份量都很足夠, 而且店子地方尚算濶落, 是為聊天飯聚的好地方啦. 好, 就來看看金潮小廚有什麼美食吧!招牌菜----胡椒蜆湯~~好美味~~而且~~好辣~~ ^__^糖醋排骨 ----- 這個好像就只是酸甜排骨. ^__^名字不同而已.吃這道菜一定要叫大大碗白飯一起吃才有意思, 純吃這個就太甜了~!流沙帶子賽螃蟹 ----- 太多吃不完, 好看卻沒什麼味道YA(造型可算是滿分, 但味道卻.......................就只是....吃蛋有蛋味嘛! ^__^)狀元滑豆腐 ----- 的確鮮滑的靚豆腐才是主力.(但是我把那些粉絲跟蝦都吃光光了. ^__^)於 現今吃牛丸沒有牛肉, 魚蛋沒有魚, 雞湯只有雞汁的社會, 吃蛋有蛋味, 而且還要沒有毒物混合其中, 可能已經是非常難能可貴的了. ^___^ 幾道小菜中, 可能我們叫的不算最出色的菜式吧, 但有幾款還是很有心思的, 以家常小菜來說金潮小廚的確是很不

到朋友家探訪後來到晚飯，朋友極力推介這裡，所以亦於早一日前訂了位。到了店外，已經看到裡面人山人海。雖然有訂位，但都要在店外等約15分鐘先可以入座。 當晚的菜式都是朋友發板，雖然都是家常菜式，但味道真的做得不錯。黃金蝦︰每枱都叫的菜式！蝦肉大大隻很爽口，外層的鹹蛋黃很有蛋香，炒得乾身，入口不會漿著咀。胡椒蜆湯︰當晚最喜歡的菜式，胡椒湯底辣辣的很醒胃，材料亦充足，有很多蜆，我們共有五人，每人也分得兩碗。豬頸肉通菜煲︰同樣是很足料，通菜爽甜無渣，麵豉醬濃郁惹味。蒜蓉粉絲蒸扇貝︰簡單的一個菜式，蒸扇貝的時間剛好，最喜歡上面舖了很多粉絲跟蒜蓉，用來伴白飯吃真的很美味。狀元滑豆腐︰我很喜歡食豆腐，這個豆腐超滑的，也有豆香，一邊上豆豉斑片，另一邊是粉絲蝦球，只賣$68真的很抵吃！唯一是這裡的座位都坐得很密，環境也嘈吵，不過食物的質素和味道補償了一切，難怪到我們走的時候仍然爆場！

友人介紹下第一次試呢間,下晝打去book位拎左個號碼,book左七點半,七點二時去到問搭唔搭檯,唔搭要等15-20分鐘,唔緊要,反正未齊人,照等囉...但齊人後..無位...繼續等...但期間見有人埋單走人,會有d人一個箭步標埋張檯...期間呢間舖頭係無出聲無理無主持秩序,如是者過左兩三張...都見到後過我地號碼既有人都標左入去,所以突然見到有張吉檯下我地都即刻入去搵收銀,終於搶到張檯返黎,唔係既話可能仍然on居居嚮門口等呢...三小口子嗌左三餸一個湯...味道整體ok,有大排檔感覺,可能就係呢個賣點令到咁多人幫襯...只但係,除左食物質素,我係prefer環境同服務,大排檔要搵好質素既並唔難,加上呢間價錢反而比大排檔貴,book檯制度又奇奇怪怪,(其實唔接受book檯只限walk-in可能會更好)所以..唔係街坊既話其實真係唔需要特別黎到呢度食勒...

星期五黃昏曬完太陽，朋友們問食飯有冇提議呀，就諗起之前見到大排出龍而冇入到去既金潮小廚，心諗咁早，應該唔洗等位掛。就提議試下呢間拿。估唔到真係好食得咁緊要 。曬左咁耐，大家都好鬼肚餓，黎到果然唔洗等，就即刻入去睇餐牌。第一道黎既胡椒蜆湯，好飲到爆，帶有胡椒味既白色清湯，真係唔知點樣煮出黎嫁。我一路飲一路諗，顏色樣貌咁似日式豬骨湯，配上拉麵唔知會點樣呢！第二道係軟殼蟹配米通，個汁個味勁似合味道咖哩海鮮杯麵，幾好「飲」的。軟殼蟹配咖哩，好食就好食啦，但朋友同我都話，如果炸粉少D就更好了。之後呢道菜係用山楂汁去炸豬肉粒，粒粒脆口，酸酸甜甜，開胃又得，做餸又得，唔錯唔錯。主角真係最後先出場，最獲好評既呢個黃金(軟殼?)蝦，蝦肉入口即溶，蝦殼照咬無誤，少炸粉，蛋味濃。我食過既其他坊間小菜館的黃金蝦認真望塵莫及。總之好味好味。碟旁有蛋黃一個，唔通呢個就係個秘訣??其實仲有一道時菜炒牛肉，太普通無影到，但呢道菜反而令我印象深刻。菜嫩肉滑，配上淡味既蠔油，強勁既鑊氣，雖不至於最頂級，但恐怕香港大部分廚師都跟他比下去了。所以，不妨一試。

這店要去試試，因有同事極力推介，其實過去午市已光顧一次，那次真的名過於實。今次真的不能同日而語，9點半左右到，嘩！重要等位 囡囡說走吧啦！ 我想食客也差多走，等一等再算，出15分鐘有枱。 推介食物真的很多，3個人叫4個餸應差多，但魚皮沒有了，於是黃金蝦 - 好唔好味? 漏單，沒有補回，因會有下次嗎胡椒蜆湯 - 好鮮、好辣、好好味 蝦醬豬腩肉 - 囡囡說一般，不知有咩好味。豬肉已把油迫走，蝦醬味和脆皮，腩肉全乾，那就已好好味。其實囡囡愛吃肉，這碟是全肉，所以沒興趣乾炒牛河 - 我真有點失禮，坐近我們那幾枱客，也聽我如何讚這碟乾炒牛河，過去20多元到80多元的乾牛河也吃過，能一上枱便讚，這是第一次。首先賣相，不用多說，看看相吧 味道不太咸、油、少洋葱，牛肉大片和厚，但不乾不硬。這乾牛河令我想起"金玉滿堂"，乾牛河炒得靚和好食，真的不易。我囡囡自誇吃牛河也不少，這算是極品。仔仔基本不愛吃河粉，吃了半碟好唔好食??唔使講啦可樂 x 2枝共158元炒粉麵飯，家中評價用最簡單標準，碟底剩多少油，沒油就最好，剩油就是差，其次味道、配搭份量，然後賣相。"金馬來"有這"功力"，只是

同朋友喺葵芳行完街街,好友提議黎呢間金潮小廚,但知道出名要等位,所以6:00pm左右,我地4個女仔就去攞位先,等咗10分鐘左右就有位la,very lucky!! 今晚我地order咗胡椒蜆湯(個湯好鮮甜,又夠胡椒味,用d湯黎撈白飯,簡直一流)酥炸生蠔(用美國桶蠔,超級大隻ar!!!)黄金蝦(夠晒黃金ar!!! yummy!!!)玻璃骨(酸酸甜甜好開胃)豬肝已子菜湯大家食到好滿足ar!!!

今晚同埋屋企人去了葵芳呢間盛傳好掂既食市, 睇下身邊既朋友有無吹水講到咁好食; 六點半去到時門口已經有廿幾人等緊位, 欏飛仔後等到七點九先入得去, 坐位好似茶餐廳咁唔算太窄而衛生都係可以既, 於是點了幾道菜;南乳炸豬手: 炸得外脆內軟味道幾好,值得一試胡椒蜆湯: 實在好精彩, 隻隻蜆都好大隻, 無沙又好肥美, 讚!!白灼魚皮: 我唔食魚皮, 但見其他人都好似食得幾滋味黃金蝦: 炸得幾好食, 蝦縠幾軟身可以食埋, 但咸蛋味唔算突出可以改善薑葱魚腩煲: 試了少少, 個菜幾惹味馬拉盞炒通菜: 雖然無泰國舖頭咁正但都算合格有餘一品粥: 個粥太多料, 有雞有花膠有蠔豉等, 粥底OK的但村料太多了,反而下次會試其他無咁複雜既粥