英皇紅酒扒房 (已結業)

於渣華道工作完後已是晚上8時, 商廈那邊的食店早早打了烊, 水淨鵝飛, 唯有走到英皇道那邊尋找晚餐的落腳處。位於鰂魚涌英皇道上的King's Wine & Dine, 陳設簡單鮮明, 坐得寬敞舒適, 光顧的以附近放工的白領為多。 餐牌內的選項不少: 有肉食的扒餐, 牛、 羊、 雞、 魚、 豬, 總有一款合心水, 價錢由$138-$238。 也有以澱粉質為首, 百元以內的意粉餐, 更有沙律選擇。 我們點了2份包含了餐湯和餐飲的扒餐和意粉餐。 餐湯: 羅宋湯比預期較為淡身, 茄香酸甜味未算很濃郁, 不過料也很足, 稍稍加上黑椒調味, 配上香脆蒜蓉包, 也是不俗。 另一餐湯: 青豆忌廉湯青色的一碗, 可能顏色上影響, 先入為主令味道有點似西蘭花, 質感十分稠身, 帶有青豆蓉的嚼口。 炸得金黃的脆口蒜蓉包, 浸湯後令不少豆蓉沾上, 口感亦不錯。 精選扒餐: 美國穀飼牛肉眼 10oz $238肉眼扒十分大塊附有網燒的紋路, 要了五成熟, 切開中間仍呈血紅, 偏生一點, 唯有著店員加熟一點, 如接受不了的朋友建議要7成以上。 加熟的牛扒沒有過熟, 保持嫩粉, 食店用上香草鹽漬法去

King’s Wine & Dine雖然話係晌北角，但其實較近鰂魚涌地鐵站，出站後行咗大約五分鐘左右就到。餐廳嘅格局乾淨企理，仲有我哋最愛嘅卡位，當日所見座上嘅食客大部份都係外藉人士。聖誕節將至，餐廳入面都擺放咗唔少節日裝飾。用牛皮紙印製嘅餐牌，某啲菜式仲有參考圖。原本想叫兩份扒類晚餐，最後只係試咗一份扒加一份意粉。是日餐湯有兩款，大蒜薯蓉湯，我都係第一次晌西餐廳飲呢款西湯，因為坊間大部份餐廳嘅白湯都係忌廉湯居多，呢款湯嘅質感較粉，味濃偏鹹。雜菜湯，湯入面有洋蔥、西芹同胡蘿蔔等等，飲落微酸，相對起嚟味道較大蒜薯蓉湯溫和。另外，伴湯嘅蒜蓉多士都幾脆口。脆煙肉卡邦尼意粉，灑上巴馬臣芝士碎同香草，同埋用咗菊苣同紫生菜襯托。意粉煮得彈牙，表面沾滿醬汁，當中嘅煙肉絲、煙肉乾同洋蔥粒令佢更惹味，仲食到少少蛋香。想試美國穀飼牛肉眼，可惜當日已經售罄，於是就改叫新西蘭自然放牧草飼牛柳，餐牌寫住牛柳有六安士重，根據平時食牛扒嘅經驗嚟目測，都幾足料。伴碟有炸薯角、黑橄欖、蒜頭、番茄、意大利青瓜黃瓜同胡蘿蔔，蔬菜經香烤過，食起嚟有焦香，同埋灑上黑椒粒、辣粉同香草等等作調味同點綴。牛柳肉質軟腍唔韌，切開後肉汁