鍋居火鍋專門店 (已結業)

屋企人前排去完深水步打邊爐返黎大讚又抵食又高質, 吸引左我相約同事去試試。餐廳整潔企理, 茶位+醬料HK$18/位立下menu價錢, 的確有平價湯底選擇, 就算較為特色少少嘅都唔會貴好多, 揀左個【喇沙鍋】HK$68湯底上檯時已散發陣陣咖哩同埋椰子香, 甜甜地又帶微辣, 惹味~ 而且有唔少菇菌食下~【手切肥牛】HK$138肥牛色澤嫩紅, 脂肪比例平均, 入口鮮嫩超級推介【脆肉鯇魚腩】HK$75口感厚實超爽, 帶有鮮魚味, 夠新鮮!! 而且份量幾多, 足料!!【手打鮮蝦丸】HK$78手打丸唔算彈牙, 但林得黎有鮮甜味, 食到蝦肉碎, 有層次口感。【大蝦雲吞】HK$52雲吞皮薄餡靚, 豬肉餡料混入左韮菜, 仲有原隻爽口蝦, 同時入口, 食到甜甜豬肉兼有清香韮菜味, 配喇沙湯底, 配搭超正~飲品方面, 價錢唔貴, 

打邊爐係香港人一年365日都會做嘅活動🤣🤣今日因為要就朋友工作地點，所以去咗深水埗呢間火鍋店打邊爐。可能今日晏晝食得少， 5:00已經覺得好肚餓，所以七點去到火鍋店，唔理三七二十一就叫咗一jar 蘋果雪梨茶先。我地揀咗一個蕃茄薯仔牛坑腩湯底，因為我覺得一個湯底又可以食到薯仔同牛坑腩，超值🤣🤣！湯底個味唔會太濃，唔會搶晒食物嘅原味度。薯仔夠粉，牛坑腩牛味濃，而且煮咁耐都唔會靭。由於我實在太肚餓啦，所以叫咗大嘅頂級手切肥牛🤣🤣。肥牛灼10秒左右口感最佳，肉質嫩，肉味濃，配上清清地嘅湯，更襯托出濃濃肉香。四寶丸最好嘅地方就係可以食到唔同味嘅丸。墨魚丸爽口彈牙，而且有墨魚粒丶鯪魚丸好滑，而且冇骨丶梅菜豬肉丸有住家菜嘅風味（諗起梅菜蒸肉餅🤣🤣）丶蝦丸蝦味濃魚皮拼響鈴，兩樣都係即炸，侍應叫我地盡快食會更好。魚皮同響鈴好薄身，而且炸得鬆脆。響鈴豆味好濃，食到腐皮味道。脆肉鯇魚腩，雖然比較多骨，不過好新鮮，而且厚身嘅魚腩好爽脆，配上蕃茄湯，讚！豬天梯，口感較Q彈，而且脆脆的，灼十秒左右已經食得，我覺得呢個係較為矜貴嘅食材，因為一隻豬只得一個上顎，而且膠質豐富，相傳有美容養顏之效果。萵筍片我冇食，睇落應

呢一間係我超級首選火鍋食店，自從佢開店冇幾耐我已經幫襯，當時不多客，店員每次懇切請你介紹朋友光顧！到現在店子擴充了，人客多了，每每即日或前一天打嚟都話無位，我也為此高興，始終是一間非常有質素的食店，能夠維持是件好事！始終如一的是，食物質素及招呼一直保持很好的水準！若你是第一次光顧，一定要選擇椰子雞湯底，食10次都一樣覺得好味，會有專人為你烹調椰子雞湯，飲完湯先打邊爐，真係超正！遺憾今日在座有人感冒，所以選了胡椒豬肚湯底！胡椒搶了其他食材的味道，而且每次夾餸時要整走胡椒粒，好煩！打完成餐之後仲有好幾舊肚，吃不完！四寶丸的確是手打、新鮮，墨魚丸有墨魚味、蝦丸有蝦味，都非常好食！通常我都係食頂級手切，因為試過再貴少少嘅同呢一款都差唔多質素，寧願選擇性價比高的！必定必定必定要食響鈴！每次落完order好快就聽到廚房有炸嘢聲，正正是整緊呢藍響鈴，自然好雀躍🙀。曾經試過唔用嚟打邊爐，就咁食，熱辣辣、超薄、超脆！一樣咁正今日係食蝦，其實每次去可以主動問下職員，介紹今日有咩海鮮靚，你可以放心信任佢哋，因為次次介紹得嘅都真係正！絕對唔係為咗速銷。我唔好魚嘅，冇食過，唔知碟魚好唔好食，但係總係覺得啲魚係脆

這星期突如其來的清涼加上溫柔的陽光，天朗氣清的舒暢，彷彿一瞬間從悶熱夏天跳進爽朗的秋天去！為食的人，無論任何事物也會聯繫到食的頭上，相信您在看這篇分享的同時，也在默默認同我所講的事實。每當漸有涼意，身體的火鍋細胞便變得特別活躍，令我記起上星期跟友人到深水埗嘗試他推介的火鍋店 — 「鍋居」。以往的深水埗籠屋或窩居多的是，不過用鍋居來形容友人也頗為吻合，因為他經常與朋友或家人到此同享火鍋之樂，現在更成為熟客，跟經理與侍應也彼此認識，以「居」來形容實有點誇張，但確十分貼切！侍應領我從正門走到後門，後門連接另外一個空間，別有洞天似的，由於過於沉醉「曲折」的路途，而忘記了拍照！兩位友人早已抵達並在討論新推出的三款火鍋湯底，在清心果窩 (蘋果雪耳塘排窩)、滋潤雪蓮窩 (海底椰雪蓮果塘排窩) 和玄米昆布窩 (日本昆布冬瓜玄米茶窩)，三款口味都以清潤為主，最後敲定玄米昆布窩！選好火鍋湯底後，順應也挑好第一輪的火鍋食料，終於可靜心等待吃。當晚不喝啤，改改口味換來雪梨水。本來沒什麼寄望，但入口雪梨味足、甜度自然，味道純美，於是整晚就以雪梨水陪伴我們的左右！嚐火鍋，混醬是先決的指定動作！一會玄米昆布窩湯底送