616牛肉火鍋專門店 (皇后大道西)

營業中

休息中

今日同朋友想去打邊爐，所以就嚟咗呢一間616。616喺唔同嘅地方都有開分店，不過我就第一次食，睇門面好似平平無奇，但係一入到去就有大驚喜👏🏻。呢一間616主題係懷舊，見到好多好熟悉嘅懷舊用品，甚至係見都未見過嘅古董，例如有懷舊相機、唔同款式嘅電話、仲有熱水壺等等，現場仲掛左唔同嘅牌匾，真係有古舊香港嘅feel。睇完環境就坐低慢慢睇Menu。呢度嘅Menu係用電子版，篤一篤就好輕易咁叫到嘢食。我同朋友主要都係叫牛肉，因為聽講呢一間都出名唔同牛嘅部位，咁真係要慢慢試清楚唔同牛部位嘅分別！打邊爐嘅湯底好緊要，我哋叫咗沙嗲湯底，一滾就知佢係好杰，好香濃！牛方面，我哋叫咗滑尾龍、安格斯橫格肌、牛上肋、脖仁。睇名未必知係乜嘢，好彩Menu有圖片，再加上店員好有耐性解釋之餘，枱面上嘅紙都有指出唔同牛嘅部位，同埋建議淥嘅時間，所以唔會一頭霧水。另外，每一碟牛都係幾十蚊，價錢唔算貴其他食物方面，我哋仲叫咗響鈴、稻庭烏冬同埋菜。🔸滑尾龍係用生蛋撈成嘅牛肉，份量都唔少，淥熟左有一層蛋喺出面，入口果然勁滑！.🔸安格斯橫格肌佢嘅肥肉遍布唔多，有起上嚟會較滑尾龍有口感，但唔會好韌。佢嘅牛味更加突出，十分香！.🔸牛

冬天真係要瘋狂打邊爐，牛肉係我最愛既其中一樣。人人都食和牛，唔通人人都淨係食和牛咩？！中式邊爐既牛肉從來唔分和唔和，只有新鮮、刁鑽位置都食到先係永恆既真理。616就〈庖丁解牛〉，將牛既各個部位都拎晒出黎俾客人揀！聽返店員講，原來師傅每日去拎剛屠好的牛，牛肉全部都係下午十二點一點先返到，非常新鮮。順帶一提，中式火鍋都係有西式節日氣氛架！先叫個牛骨清湯清湯底感覺健康，湯料除左大大舊牛骨，更不乏粟米同白蘿蔔，清香潤燥熟板筋真係要中國人先會食。份量非常多，今次既筋由頭滾到尾都仲好有咬口，要點勁先食到。女仔想要既骨膠原係晒度，但如果想要溶溶地，膠住個口個種就唔係呢款喇。封門柳店主特别推介。由於一頭牛只有兩條封門柳，所以相當矜貴。呢一盤只係$68，重覆，係$68！好抵食！牛肉柔軟之餘有香濃肉味，啖啖都係享受！果然好推介！脖仁就係牛頸肉，係肩胛肉最近牛頭，因為成日活動，雖然脂肪含量在牛的前身肉中較高，但肥瘦相間，油花佈遍肉片，滾8秒左右就食到鮮、甜、爽、嫩。匙皮緊接脖仁下的肉，屬於肩胛里脊肉外層，日式烤肉中為上佳的肩肉。看上去更似匙柄，因只有中間有一大筋而瘦肉較多，口感結實。牛腩心腩頭既位置，可以見

天氣轉涼，當然係打邊爐啦，剛好同友人係上環完了event，佢又是食肉獸。就搵到間專食牛肉嘅火鍋，仲要係不同部位，有啲聽都未聽過，有啲仲限量提供添，幸好我們6點多到了。家人之前去了大圍店食過評價不錯，今次就試西環分店，一入到去好似經過時光隧道返到30年代，裝修佈置懷舊味十足，仲見到當年我婆婆用嘅水壺，嬤嬤用嘅水杯。雖然係懷舊風格，但落單就好現代化，用ipad落單😂如果唔知係牛邊到部位，只要㩒入圖片仲有詳細解釋，非常清晰👍🏻餐紙上有不同部落煮食時間，非常貼心，只要跟足一定唔會煮到過熟。聽職員推介後就叫咗胸口膀、黑百葉、牛扑肉、吊龍伴同牛心椗。湯底當然係麻辣啦，我至愛落完order就拎咗沙漏⏳話沙漏漏完沙前一定會準時上曬菜，如果唔係沙流完爭啲咩送比你🤩友人好衰話翻轉沙漏咪得囉🤣出去自助醬料區自己DIY，推介【秘製牛肉汁】甜甜地，幾得意隔一陣就上菜，上湯底時已經幾嗅到麻香味。可能我食得太辣了所以湯底對我說變得清淡。碟碟牛肉鮮紅色，非常新鮮。呢度連啲可樂都係懷舊版，埋單時發現免收加一添， 只係收醬料錢$10/位，唔要醬料只要同職員講聲就可以取消