影片
更多
2018-08-10
176 瀏覽
今日同朋友想去打邊爐，所以就嚟咗呢一間616。616喺唔同嘅地方都有開分店，不過我就第一次食，睇門面好似平平無奇，但係一入到去就有大驚喜👏🏻。呢一間616主題係懷舊，見到好多好熟悉嘅懷舊用品，甚至係見都未見過嘅古董，例如有懷舊相機、唔同款式嘅電話、仲有熱水壺等等，現場仲掛左唔同嘅牌匾，真係有古舊香港嘅feel。睇完環境就坐低慢慢睇Menu。呢度嘅Menu係用電子版，篤一篤就好輕易咁叫到嘢食。我同朋友主要都係叫牛肉，因為聽講呢一間都出名唔同牛嘅部位，咁真係要慢慢試清楚唔同牛部位嘅分別！打邊爐嘅湯底好緊要，我哋叫咗沙嗲湯底，一滾就知佢係好杰，好香濃！牛方面，我哋叫咗滑尾龍、安格斯橫格肌、牛上肋、脖仁。睇名未必知係乜嘢，好彩Menu有圖片，再加上店員好有耐性解釋之餘，枱面上嘅紙都有指出唔同牛嘅部位，同埋建議淥嘅時間，所以唔會一頭霧水。另外，每一碟牛都係幾十蚊，價錢唔算貴其他食物方面，我哋仲叫咗響鈴、稻庭烏冬同埋菜。🔸滑尾龍係用生蛋撈成嘅牛肉，份量都唔少，淥熟左有一層蛋喺出面，入口果然勁滑！.🔸安格斯橫格肌佢嘅肥肉遍布唔多，有起上嚟會較滑尾龍有口感，但唔會好韌。佢嘅牛味更加突出，十分香！.🔸牛
呢一間616主題係懷舊，見到好多好熟悉嘅懷舊用品，甚至係見都未見過嘅古董，例如有懷舊相機、唔同款式嘅電話、仲有熱水壺等等，現場仲掛左唔同嘅牌匾，真係有古舊香港嘅feel。
睇完環境就坐低慢慢睇Menu。呢度嘅Menu係用電子版，篤一篤就好輕易咁叫到嘢食。我同朋友主要都係叫牛肉，因為聽講呢一間都出名唔同牛嘅部位，咁真係要慢慢試清楚唔同牛部位嘅分別！
打邊爐嘅湯底好緊要，我哋叫咗沙嗲湯底，一滾就知佢係好杰，好香濃！
牛方面，我哋叫咗滑尾龍、安格斯橫格肌、牛上肋、脖仁。睇名未必知係乜嘢，好彩Menu有圖片，再加上店員好有耐性解釋之餘，枱面上嘅紙都有指出唔同牛嘅部位，同埋建議淥嘅時間，所以唔會一頭霧水。另外，每一碟牛都係幾十蚊，價錢唔算貴
其他食物方面，我哋仲叫咗響鈴、稻庭烏冬同埋菜。
滑尾龍
22 瀏覽
0 讚好
0 留言
17 瀏覽
0 讚好
0 留言
🔸滑尾龍
係用生蛋撈成嘅牛肉，份量都唔少，淥熟左有一層蛋喺出面，入口果然勁滑！
.
安格斯橫隔肋
9 瀏覽
0 讚好
0 留言
🔸安格斯橫格肌
佢嘅肥肉遍布唔多，有起上嚟會較滑尾龍有口感，但唔會好韌。佢嘅牛味更加突出，十分香！
.
牛上肋
21 瀏覽
0 讚好
0 留言
🔸牛上肋
牛上肋嘅肥肉比較多，本身會怕肥膩，但原來係沙嗲湯底淥完之後，一入口有即溶嘅感覺，一啲都唔覺得肥膩，牛嘅肥膏都有好重嘅牛香味，加上佢唔會切得好厚(但份量都唔少)，所以唔會覺得好滯好膩。幾款牛肉裏面，我就最鍾意呢一款
.
脖仁
11 瀏覽
0 讚好
0 留言
🔸脖仁
睇圖見到脖仁應該係牛近頸嘅位置，睇顏色已經覺得新鮮，食落口果然亦都好重牛味👍🏻
.
響鈴
17 瀏覽
0 讚好
0 留言
🔸響鈴
呢度嘅沙嗲湯底非常濃郁，所以響鈴真係絕配，浸一浸響鈴已經痴到晒沙嗲湯底嘅精華上嚟，一入口，微辣但唔會搶咗沙嗲嘅香味
.
今晚嘅火鍋晚餐，視覺、環境享受之餘，仲可以認識到、品嚐到牛唔同嘅部位，唔係度度都有架！加上店員好親切，又有耐性，我同朋友今晚都食得好滿足！
張貼
